05-06年升讀小三的家長, 請進入(Part 2)

siulisa

MoneyWong
間間學校的方針吾同, 個人覺得最緊要係小朋友讀得開心, 而小朋友係間學校的成績都ok的話, 吾駛擔心架

wwyee

raccoon_dog
小一,二係基礎,小三,四係真正學習,小五,六係運用.
好同意！！

我想同個仔搵補習，有無好提意呀！
上次，派英文卷果時，我仔仔望到同學ｄ分，返黎同我講，話佢ｄ同學仔好成績，係補習補返黎。叫我比佢去補喎！

我個仔ｄ同學仔，好鬼孤寒，問小小功課，ｄ同學仔就串仔仔，話邊個叫你唔聽書呀！識又唔話你知，明又唔同你講，你地仔囡的同學仔係唔係咁架？

MoneyWong

James&Simon :

我亦知道每間學校不同, 不可以比較, 我只是擔心小兒到了中學和其他學校學生一起時, 就可能跟不上....... 所以現在想知道其他學校的程度, 給自己及小兒早些有心理準備, 亦 可提醒小兒要努力讀書.

fion414

wwyee,

我個仔d同學都好串, 亞仔假期漏左篇作文, 佢唔肯定作文內容係唔係慰問卡, 咁問隔離位同學, 果位同學話:邊個叫你唔聽書呀！又叫前後位同學唔好話比我個仔聽!最後放左學, 亞仔打電話問其他同學先知道!

wwyee 寫道:
我個仔ｄ同學仔，好鬼孤寒，問小小功課，ｄ同學仔就串仔仔，話邊個叫你唔聽書呀！識又唔話你知，明又唔同你講，你地仔囡的同學仔係唔係咁架？

fion414

MoneyWong,

每間學校程度不同, 不過想小朋友讀英中, 就要趁早打好英文底, 而且升中自行面試多數係英語對答.

MoneyWong 寫道:
James&Simon :

我亦知道每間學校不同, 不可以比較, 我只是擔心小兒到了中學和其他學校學生一起時, 就可能跟不上....... 所以現在想知道其他學校的程度, 給自己及小兒早些有心理準備, 亦 可提醒小兒要努力讀書.

raccoon_dog

wwyee,
我只知阿仔去年(P.1)考頭幾名嗰位同學係東平東華補.
現p.2成績好嗰幾個係香港仔唔知邊度補(只知同一間).
聽他們講個補習老師說現在要花多些心機教,因為英文係全南區最深.

我都試過聘個上門同大囡補習,補了一個月冇補,大囡唔肯補,補了又冇進步,她說返校問老師好過.她的老師很好,抽休息時間再教過佢,唔明講到明.

阿囝英文都很差,聽佢老師講識應一套新書雖要時間,快慢因人異而.但他的外藉老師,其實係唔知佢講嘜,我都係見過一次.平時默書都係叫兩個囡幫佢默(我英文白痴).

兩個阿囡D同學個個都好好,只係間中打電話問功課,麻煩D.
阿囝嗰D同學就差D,得"串"字,有時打電話嚟問功課,我話佢唔係道,第二日返學同阿仔講:「你阿媽想害你,所以講大話唔俾你聽電話!」
還有位女同學(成績好好)還成日無端端投訴(好彩老師知)和看不起他(狗眼看人低),我叫阿囝遠離佢十呎.真係嘜人都有.
其實都後悔阿囝選呢間,100%好彩當年叩門冇收囡囡.

fion414

raccoon_dog,

亞仔D同學仔都好串, 我宜家覺得個仔D口問都開始冇禮貌, 我有次問佢野, 佢立即答我:鬼知咩!   真係要好好  

wwyee

raccoon_dog
上門補我都有諗過，不過我怕佢地未有足夠準備呢！
如果一間補習社，多數係同一間學校，可能佢地的準備會好ｄ，你幫我留意下我地學校ｄ學生多數係邊度補？我仔仔話同學仔係海怡喎！
其實學校都唔係太差，我其實原意係想佢開心ｄ，程度淺ｄ無所謂，係轉左英文教科書累事。
反而個囡好似讀得，我就想佢讀間深ｄ。

我留意緊官立舊校舍比左聖士提反女子小學，咁係咪校網都轉埋１８呢？揸住１０分，好似好大想頭咁添！

raccoon_dog

fion414,
同意呀!佢咁應我,"丙"得少.
阿囝話佢同學都係咁講,我話同學講咩就跟住學,你冇主見架,你係未男人嚟架,去做女人啦!(我都唔想咁鬧佢,但鬧完之後冇再咁應我.)

siulisa

我仔講野又係開始冇乜禮物又有少少串, 有時問佢野, 佢會答: 吾得呀

不過小朋友大個佐接觸廣, 又好難要求佢好似細細個甘聽話, 只要吾太過份都算lu
聽個仔講, 感覺上佢地大部份同學仔都吾錯, 不過我仔亦試過有個女同學仔串過佢

fion414

浩朗媽媽,
玩download game有2個方法:-
1.FlashMe(即改機)+燒錄咭SuperCard+SD card
2.一張引導咭(稱PassMe) 插係上面作引導+SuperCard插係下面+SD card.
改機大約幾十蚊.
Supercard大約二百幾蚊.
1G SD大約250大約二百幾蚊.
如果唔想張卡有凸出既情況出現, 可以買張細d 卡 Supercard mini sd估計三百幾蚊.
1G mini SD card 約三百幾蚊.

但download game 有些會變白畫面, 有時有d game會hang機.

raccoon_dog

wwyee,
囡囡唔入哥哥間校?
p.1讀上去好好,尤其英文.係p.2and3突然轉咗英文書累事.
要睇小朋友的適應能力.
係未講呢間?
聖士提反女子中學附屬小學學校重建計劃
1.新校舍柏道33號正門
2.新校舍背面(連接中學 部大樓)
暫借校舍:薄扶林道162號
好似就唔入南區!而且競爭好大,本身又有幼稚園部,就算自已
幼稚園都收唔返晒D學生,老實講１０分第一輪應該一定唔得,
好彩或者抽獎抽入去(還要係跨區).

siulisa

點解d學校甘鐘意突然轉教科書
我仔

joanneka

fion414

亞女又係成日講"鬼知咩!", 仲有叫你做野好似"老縫"甘, 唔該都無聲   , 我會扮聽唔到唔理佢架  

fion414 寫道:
raccoon_dog,

亞仔D同學仔都好串, 我宜家覺得個仔D口問都開始冇禮貌, 我有次問佢野, 佢立即答我:鬼知咩!   真係要好好  

浩朗媽媽

fion414:

唔該晒你呀...解釋得好清楚...咁我要改機 + supercard
就 ok 啦...thank you very much!   

wwyee

raccoon_dog
囡囡唔入哥哥間校?
我都心大心細，因為兩兄妹的資質唔同，個仔小一二未轉英書時真係讀得好好，小三英文轉左無晒信心，成績真係一落千杖，我都 ，自己英文又唔好，所以我都好頭痛。

個囡仲係幼稚園，中英文常識都比哥哥好，有時呀哥唔識ｄ字點讀，仲要問返個妹，因為平時我同個仔溫書，個囡就係旁邊，聽到幾多入晒腦，咩野都識諗下或轉下個腦先答你，所以我先諗好唔好比佢讀”好”ｄ，唔好浪費佢有咁的資質。:wink:

哦，原來係重建，咁唔好望又唔好諗喇！
其實我都好祈望佢地兩兄妹可以一起上小學，不過我好怕又要同一時間測驗考試。
你仔囡唔同學校，咁咪仲好！！

siulisa

wwyee
妳囡囡真係好叻叻   
其實我都好祈望佢地兩兄妹可以一起上小學>>>>>>兩兄妹同校一來可以互相照應, 二來妳都吾駛甘辛苦


不過我好怕又要同一時間測驗考試>>>>>其實間間學校的測驗考試時間都相不多

joanneka

Good morning  

raccoon_dog

早晨呀!
wwyee,
以前我細囡咪又係咁,教姊姊教極都唔識,細囡突然拿住奶樽走過來讀晒所有字,之前冇教過佢,而且佢平時連'媽"字都唔識講(唔講!?),之後返幼稚園還俾老師話可能係自閉(其實自己都覺得似,到現在都係成日一個人玩,唔出聲,一但做一樣嘢出面地震都唔知.)姊姊冇嘜尊嚴,嘜都俾妹妹叻過佢,之後冇心機讀書,近排先爬返起身,所以唔好比較咁多.

既然你囡囡叻,咁未入哥哥間,讀精英班......之後升中直入庇里羅士、金文泰等,好前途呀!好過驚足幾個月,冇抽獎運還要左滕右滕叩門.
小一讀上,程度好呀!起碼英文深過人,啱晒你囡囡!

有"米",另一選擇聖保羅小.

同一時間測驗考試,分配好時間就ok.

我都唔想唔同校!女校唔收男仔架!