DSE 成績勁既地區名校 VS 傳統名校， 你會點揀?

PTL_L

poonseelai 發表於 23-2-9 13:49
唉！我都無講那個難定易, 你話dse唔係一試定生死咪唔係囉

只係想表達，dse競爭係好大，但如果呢轉入唔到心儀u 或科，係有其他路可行啫。起小學果邊有網友都講得有啲誇張，話「但換位去看，反而係DSE本身有缺陷，太著重操練，忽略其他方面」

我哋英制考會考、alevel時，一樣著重操練，但有冇忽略其他呢？要記得，香港創意起飛時，就係80/90年代呀，果時無其他學制可選擇既。

poonseelai

hkpapa852 發表於 23-2-9 13:56
如果無法重考, 或好困難先可以重考, 咁反而 IBDP 先係一試定生死

咁大家定義唔同, 我講一試定生死係指考試分數基本上只根據考試當日成績, 考試當日發揮唔到就可惜啦

poonseelai

PTL_L 發表於 23-2-9 13:56
只係想表達，dse競爭係好大，但如果呢轉入唔到心儀u 或科，係有其他路可行啫。起小學果邊有網友都講得有啲 ...

你指80/90年代那方面的創意？

我個人唔會話有學制會教創意, 比到空間孩子去發揮可以有無限可能, 引用魯庭輝說法, 創意來自大量閱讀和觀察, 自己思考再嘗試

PTL_L

poonseelai 發表於 23-2-9 14:11
你指80/90年代那方面的創意？

創意行業囉，如音樂、電影、設計等等

poonseelai

PTL_L 發表於 23-2-9 14:13
創意行業囉，如音樂、電影、設計等等

80年代香港樂壇最流行係改編日本歌呀

如果你問我, 我小時候小學生活似而家IS, 放學少少功課, 做完去玩,無錢買玩具自己一班朋友仔想辦法去玩

200904

回覆 hkpapa852 的帖子

原來IB 好難重考啊，不可以自修重考呀？那這樣壓力好大喔。IB學費已經係貴，還要一試定生死。睇怕我要好好周詳度下，計下。

PTL_L

poonseelai 發表於 23-2-9 14:17
本帖最後由 poonseelai 於 23-2-9 14:21 編輯

80年代香港樂壇最流行係改編日本歌呀

當時香港電影幾蓬勃，日本、韓國都為之著迷！當時邊有咩韓流？
而家都可以㗎，玩咗先算，只不過咪睇下之後條路可以點行？如果父母唔係有後著的話。

02413124

回覆 小鹿揀學校 的帖子

同意,佢地只係夠多PAST PAPER不過我咁打只係想講唔係
傳統名校先有呢D專校補習社

02413124

回覆 200904 的帖子

我覺得傳統名校同地區名校既分別係1)PEERS 唔同
2)地區名校老師較貼身
3)試卷深度
4)傳統名校活動多學生主導,地區名校老師主導

acgy

poonseelai 發表於 23-2-9 14:03
咁大家定義唔同, 我講一試定生死係指考試分數基本上只根據考試當日成績, 考試當日發揮唔到就可惜啦
...

我其實係贊同一試定生死，發揮到唔到本身就係實力既一種，通常D人一考唔好就話發揮唔好，有時冇好好諗下點解，真係準備足既其實好少會有果D所謂發揮唔好。呈分試就係唔想比人話一試定生死考3次，但又有人走出來話考3次好累，點解唔考一次，香港人都幾難服侍下。

天外之人

poonseelai 發表於 23-2-9 13:26
當年新高中課程改革, 引入校本評核, 就是不想一試定生死, 可惜如今原地踏步
...

DSE應該同初中高中學校內多年的考試分數係分開,冇咩話一試定生死,去考DSE又好,考IB又好,考XXXX都好,都係自己十二年學習知識深入理解多少,你係有心讀書,加上係自己喜歡學科,邊一種考試制度都應可以考到好好.

小朋友有冇心讀好書,有時候真係父母自己稔下係唔係自己一手做成.簡單試問自己,若比人強逼自己做唔鐘意做既野,自己會有咩心態及反應就知.

天外之人

poonseelai 發表於 23-2-9 14:03
咁大家定義唔同, 我講一試定生死係指考試分數基本上只根據考試當日成績, 考試當日發揮唔到就可惜啦
...

若多年學習心態正確及開心,你的這種稔法基本上係唔存在.唔關一試定生死,係賭博定生死.
PS:當然有特別原因出席唔到考試冇得講.

poonseelai

天外之人 發表於 23-2-9 15:59
若多年學習心態正確及開心,你的這種稔法基本上係唔存在.唔關一試定生死,係賭博定生死.
PS:當然有特別原因出 ...

死火，一定係我中文有問題，唔係好明你的回應添

poonseelai

天外之人 發表於 23-2-9 15:55
DSE應該同初中高中學校內多年的考試分數係分開,冇咩話一試定生死,去考DSE又好,考IB又好,考XXXX都好,都係自 ...

明明我只係講個考試制度，又引申到父母迫仔女嘅

天外之人

poonseelai 發表於 23-2-9 16:14
死火，一定係我中文有問題，唔係好明你的回應添

唔關事,我的中文也不是很好,若能明白我所講既野,咁肯定中文都唔會太差,起碼不同類型中文文法都可以了解及吸收到,可能因此我小朋友中文能力唔差有莫大關係.

天外之人

poonseelai 發表於 23-2-9 16:20
明明我只係講個考試制度，又引申到父母迫仔女嘅

正常係有連帶關係,理解就好.

7-seven

hkpapa852 發表於 23-2-9 13:56
如果無法重考, 或好困難先可以重考, 咁反而 IBDP 先係一試定生死

據我所知係有重考，不過大學對於重考生成績未必與應屆考生一視同仁。

天外之人

poonseelai 發表於 23-2-9 16:20
明明我只係講個考試制度，又引申到父母迫仔女嘅

你簡單啲稔,若你對小朋友冇咩要求,衹係令佢健康成長冇病冇痛,自然就更冇需要理會什麼考試制度.就更唔會話咩一試定生死.

medicine

天外之人 發表於 23-2-9 16:24
唔關事,我的中文也不是很好,若能明白我所講既野,咁肯定中文都唔會太差,起碼不同類型中文文法都可以了解及吸 ...

神邏輯

天外之人

回覆 medicine 的帖子

唔係點會被人叫天外之人. 更何況世上事好多都稔唔到,鬼知會有三年咁奇怪疫情,點會有戰爭,咁文明咁自由地方居然XX無國界丟晒去垃圾桶,更想唔到某些地方地震會有咁恐怖結果..................
有點離題唔好意思