Zenith英藝點解唔受歡迎？

fsinyu

我唔係係度講風涼話, 但校長的而且確係同我講件事校方係有負任, 承認左佢地有疏忽, 亦即時作出改善, 同埋both parties都已經報左警, 教育局都知道呢件事...我只係唔想件事越描越黑, 但而家變左大家以我黎做攻擊目標....

adios

回復 fsinyu 的帖子

請問我點吾自重呢？？
重點係你吾想學校見報、吾想有記者到學校、怕影響你的貝寶兒子！
咁你有無諗過受害小朋友的心情？？？咁係咪自私？如你還不覺自己有問題。
真的恭喜你！

yk2

其實學校去洗手間方法係咪有d問題？正常幼稚園，無論高中底、兩歲班都會安排好足夠及指定時間，每次分別由老師帶領住排隊，然後由老師在場下及姐姐或及助教協助下進入洗手間，但若得一個同性洗手間，不會同時進內的，男先或女先，完了才另一性別進去，但若果有小朋友上堂時間內自己舉手去洗手間，才會老師不在場，但通常每次唔會咁多人一齊去，最多一兩個兼有姐姐睇住，正常情況都少，老師唔會放心小朋友獨自去除非有助教幫手或姐姐會看住，至於四個少朋友兼唔同性別一齊去而老師又不在場，正常幼稚園基本上唔會發生，所以幼稚園管理及安排上本身好可能已出現問題。

LL222

fsinyu 發表於 13-5-10 10:37
頭先同亞仔返學, 校長好主動咁行埋黎同我講呢件事, 佢話佢地已經同九龍城警處既警長report左呢件事, 亦都同教育局講左,其實教育局唔贊成叫個小朋友退學, 但個男仔既媽媽都選擇左退學亦願意同Simb道歉..雖然simb同學校講既係2個版本, 但我個人覺得既然個男仔都退左學, 不如就算啦, 講真, 我都唔想件事被堆上報, 我唔想到時日日都有記者係學校門口, 咁樣唔止對個女仔有傷害, 對我地其他家長&小朋友都好有影響, 亞仔一路以黎都好鐘意間學校, 讀得好開心. 講真, 樹大有枯枝, 間間學校都會有壞份子,既然生事者都退學,不如大事化小啦...我唔係話幫學校講好說話(因為我於上年年尾已經同學校講左亞仔讀完n班會轉校),只係我覺得學校都有去處理左件事,可能大家既expectation唔同先會有咁多問題發生左..希望大家冷靜d, 呢間學校都有佢既可取之處,至少亞仔而家認得既中文字比其他nursery既小朋友多, 英文而家佢都學埋dry, wet..佢既程式真係ok既.. 大家唔好一竹篙打一船人...無謂因為一件事而抺殺老師一直以黎既努力同付出!!!

歪理!  又既然乜乜乜, 又至少物物物, 咁就不如就算啦!
跟學校一樣, 歪理, 本末倒置!

joyceyyk

我非常擔心，現在得兩個選擇，九龍塘英藝係其一，可以pm 我件事嘛？我好怕送羊入虎口

jnellen

原帖由 fsinyu 於 13-05-10 發表
我唔係係度講風涼話, 但校長的而且確係同我講件事校方係有負任, 承認左佢地有疏忽, 亦即時作出改善, 同埋bo ...

好明顯吧，完全係事不關己既態度，受害既係人地既囡係人地陀人地生既唔关自己事，最緊要保住自己個仔不被傳媒打擾。 你走運，件事唔係發生係你個宝貝仔身上，你每晚替仔換褲洗澡時並無發現個仔出過事，你有無站在人地受害家庭既角度思考過呀？仲叫人算數？！涼薄

secretrose

回復 fsinyu 的帖子

學校呢個疏忽根本係不可接受。
我交個小朋友俾你, 你搞到佢咁。我想問下, 你家工人姐姐係屋企睇你個小朋友, 搞到佢有事, 你會唔會告個姐姐, 定大事化小同繼續用佢呀!!!咩越描越黑!

jnellen

原帖由 secretrose 於 13-05-10 發表
回復 fsinyu 的帖子

學校呢個疏忽根本係不可接受。

如果係隔離屋個姐姐攪個少主，佢咪叫人地媽咪算囉

晞晞爸b

(不喜勿插)

大家唔好咁激動....

當務之急係:
1. 要保護當事人(simb既女女及其它同班女女) 不再受到騷擾及2次傷害(我估simb唔想報紙見光係唔想再度讓她女女再次受到傷害??)
2. 慰問及鼓勵 simb 既家人

至於學校方面及simb 之間如何去處理此事
我們應該尊重simb就讓simb 自己去決定..

taktakchichi

secretrose 發表於 13-5-10 13:45
回復 fsinyu 的帖子

學校呢個疏忽根本係不可接受。

呢個比喻用得好

我覺得呢件事唔只係學校疏忽!

出事前都仲可以話係學校疏忽, 但出事後學校o既熊度, 絶對唔係疏忽囉!

jnellen

跟本件事係無稽到不能接受！有乜可能單獨譲幼兒上厠所？莫講話而家發生風化事件，簡單如跌親都应該避免啦，例如有姐姐校嬸等人睇住啦！
辦學唔係話死谷個細路，教深一年就叫對家長有交代！最基本係要保障學生既人身安全。好明顕，英X九龍塘校做唔到。

minirat

fsinyu 發表於 13-5-10 12:29
我唔係係度講風涼話, 但校長的而且確係同我講件事校方係有負任, 承認左佢地有疏忽, 亦即時作出改善, 同埋bo ...

甘校方威脅受害人的家長點計？
得罪講句，又唔見其他家長俾其他人攻擊
憑自己良心，你有無認真唸過受害人同其家長的感受？
假如受傷害的是你的小朋友，之後校方又威脅你大事化小，你會不會甘"客觀"?

tam_bb

點解洗手間冇ee或助教或老師照顧住D小朋友？真奇怪！人手不足？學校師生比例幾多？

Chirley

我都希望自己小朋友學識好,但明辦是非一定要有,
如果間學校教得好就其他野算啦~俾d甜頭你啦, 大事化小就算, 咁點教小朋友?!
而且我覺得咁細個就見到呢d事, 大人唔出黎幫佢地,咁小朋友仲可以信邊個? 唔俾返佢地知問題係邊度, 點去改? 唔安撫家長, 定長最多對呢間學校無信心去幫小朋友報讀第二間, 咁小朋友呢?!  點知件事陰影跟佢幾耐?!
呢件事同rhs 單野一樣, 唔係所謂教到小朋友就做乜都得, 學校點都要為小朋友係學校發生既事負上一部份責任, 問題係當學校面對件事既處理手法...

minirat

jnellen 發表於 13-5-10 13:57
跟本件事係無稽到不能接受！有乜可能單獨譲幼兒上厠所？莫講話而家發生風化事件，簡單如跌親都应該避免啦， ...

同意！ 俾甘多錢學費，連基本安全照顧都做唔到。 廁所都是危機重重的地方，3歲人仔自己去廁所，完全無大人睇住，不能接受！

ddddssss

hello. I Am considering Zenith. Then U saw SimB's posts. Would u pls kindly tell me what happened? I dont wanna ask SimB to tricker her sadness....

ryuurakai_ghost

好驚個大陸男仔唔知會轉去邊間學校! 而其他學校校長又唔知道呢件事情, 之後就俾佢插班~~~跟住佢又會在其他學校做同樣既事情!!!
要保護自己的小朋友, 當然唔需要講個受害人名字出來的. 衰d咁講, 應該教育處要知道這件事, 而將這個大陸男仔 black list, 如果真係有其他學校收佢, 都可以俾受佢的學校/校長知道這個小朋友的行為, 而要對佢多加注意囉). 唔希望佢將來去到另一間學校(無論KG / 小學 / 中學), 都會再重蹈覆轍!!!!

呢個男仔同佢屋企人都有錯! 我覺得佢做出呢d行為, 重要唔係第一次和之前重有其他女仔都有受害過, 唔明點解其他受害的家長唔一齊同學校校長對質呢?? 係唔係要發生一d 再重要既事情先去自動去處理呢?? (其實呢件事都已經係好嚴重).

另外呢個校長處理手法極之有問題, 為了自己的學校乜都做得出 & 講得出. 佢係咪一d慚愧都無呢?? 可悲!!!!