各位特殊障礙小朋友既媽咪,開學順利嘛?

apple~y

原帖由 pipi331 於 10-1-10 00:32 發表
今日行程緊湊.
上午帶細仔(4個月) 去健康院例行檢查. 我同個姑娘講講吓又呻大仔 (2歲幾) 唔對路... 個姑娘系度講一大堆行貨安慰我, 又話唔好同人地比啦, 比心機d教 長遠睇到佢有進步就得, 急唔嚟之類. 救命! 同齡大 ...

原來你有兩個小朋友照顧,0甘你壓力一定好大
你都要保重身體,放鬆心情

我仔仔27個月大,呢排都係開始講好多單字,疊字
我覺得0k,因為見到他真係有進步
所以我0地都要努力呀

~仔仔媽咪~

原帖由 pipi331 於 10-1-10 00:46 發表
btw
我識有d人遲講嘢, 少望人, 好cool.  大個咗都系講嘢, 溝通弱, 怎至講嘢唔肯望人, 見到人唔打招呼, 極度自我 脾氣臭. 咁ge態度, 同人相處真系會有好大問題. ...

都係架!實情最擔心都係佢地大個咗識唔識社交同待人處事,咁我都識好多A仔A女大個咗都可以好OK架!都會望人同人交談跟常人無異,好似我仔以前個鋼琴老師咁,佢唔講俾我知佢細個評估咗係自閉傾向,我都唔覺得佢係,佢都話好彩當年佢媽有帶佢去做評估,又好好心機去教佢湊佢,佢大個咗已經係大學既研究生,又教書又教人鋼琴,佢老公都係自閉傾向,但依家又係做研究員,响日本度幫日本人做研究,仲上過電視嗰隻,完全一D問題都無.

就算好似我細佬呢D無正式做評估既A仔,雖則佢依家社交都係麻麻地又怪怪地(識親都係巴士迷相機迷,仲識埋好幾個都係三四十歲既鬼佬...=="),但至少佢依家都有番eye contact,同人講野好有自信,唔再係口震震又緊張連家姐都唔望住咁講野囉.讀書又唔差,只係個性比較自我中心,我媽成日話我細佬份人自私囉,當然我知我細佬唔係,只係嗰D係自閉特徵黎.

所以大家都加油啦!好好把握小朋友既童年同學習機會,我地幫到就幫啦~~~加油加油!!

~仔仔媽咪~

原帖由 pipi331 於 10-1-10 00:32 發表
今日行程緊湊.
上午帶細仔(4個月) 去健康院例行檢查. 我同個姑娘講講吓又呻大仔 (2歲幾) 唔對路... 個姑娘系度講一大堆行貨安慰我, 又話唔好同人地比啦, 比心機d教 長遠睇到佢有進步就得, 急唔嚟之類. 救命! 同齡大 ...

政府要慳資源,健康院嗰D姑娘醫生個個都係咁同人講野架喇...當年我仔三歲半只係間中識叫媽媽,其他連單字乜都唔講,淨係識得發脾氣打人瞓地同講太空話,仲要連環俾兩間幼稚園伸咗出校,佢地都夠膽C話我仔無問題仲話我仔三歲半識得講'媽媽'已經好叻仔...:;pppp: 跟住都係我堅持要佢地幫我仔做轉介做評估,佢地至死死地氣幫我仔排,跟住咪又係講到好似我唔教仔/唔識教仔咁款,咪又係講番你今日聽嗰幾句行貨囉!之後我都好乖係咪都報哂佢健康院有嗰D教仔課程講座,乜都上哂,結果咪又係咁...

所以政府嗰D唔係唔要,但真係唔好淨靠政府嗰邊嗰D所謂支援囉,响善用政府嗰D支援既同時,真係要周圍去搵資源黎教囝囝,自己教又搵下出面私人機構教,總之有幾多就做幾多,真係要好好把握佢地既童年,始終到佢地大個咗,D訓練同支援會'買少見少',幾乎零.就好似我仔咁,牛高馬大,出面嗰D感統訓練地方又唔夠我仔玩,連治療師都咁講,叫我帶個仔多D去海洋公園玩機動遊戲黎當感統做...依家全程我都係DIY自己教仔咋.

~仔仔媽咪~

原帖由 apple~y 於 10-1-10 14:04 發表


原來你有兩個小朋友照顧,0甘你壓力一定好大
你都要保重身體,放鬆心情

我仔仔27個月大,呢排都係開始講好多單字,疊字
我覺得0k,因為見到他真係有進步
所以我0地都要努力呀 ...

加油呀!您囝囝仲咁細仲有幾年大進步架!出盡力俾心機訓練佢,等佢大個D讀小學時都無咁辛苦,我見有好幾個自閉症小朋友,依家都能夠讀到名校,成績仲唔差,仲要一路行為同言語發展等都有進步架.

MIHO.WAH

原帖由 ~仔仔媽咪~ 於 10-1-9 21:32 發表


或者您試下照搵個人幫你囝囝補習睇下功課會好D!始終佢又唔信你既學識,就算你好有心機教,但佢唔領情,只會令大家困獸鬥...咁講真補習無小朋友鐘意去補,雖則我地知佢地D脾氣唔好亦關佢地ADHD問題事,但我始終覺得,我地 ...

妳的建議我都有再想過最近...但太遲了. 因我決定不工作便沒有太多錢了, 我家的工人都在1月份不要了.大仔已小三一直有學公文數, 補英文, swimming,學圍棋的...真的沒有太多錢給他補習..分配方面我仍希望以上的...我都有個小囡囡現在k3的. 我將很多資源都給了哥哥希望他能好D.
學校方面真的好好彩給抽籤派到活動及語境教學, 故當初學校比較淺 (不過以我所知從我仔仔升小二開始已提高了, 現在小一重電子英文) 學校老師有愛心及配合到. 仔仔在學校很快樂而且學校給予仔仔很多機會講英語, 例如 英語日負責灘位, 有時小息英語買賣, 有一次重給他拿到去M記免費任食午餐(但有要求是說英語叫食物) 此次有機會真的好好彩.(可能學校同仔仔有緣份LA ).....但一要寫字就頭痛了......真是以為他作曲呀 , 他將英文字母寫到上上落落.

他就是容易發脾氣,把口多,鐘意駁咀, 引人注意, 不過有時都好乘 ,我會再努力試的. 希望能找到好配合方式的一天.

[ 本帖最後由 MIHO.WAH 於 10-1-10 23:49 編輯 ]

~仔仔媽咪~

原帖由 MIHO.WAH 於 10-1-10 23:17 發表


妳的建議我都有再想過最近...但太遲了. 因我決定不工作便沒有太多錢了, 我家的工人都在1月份不要了.大仔已小三一直有學公文數, 補英文, swimming,學圍棋的...真的沒有太多錢給他補習..分配方面我仍希望以上的...我 ...

或者睇下有無D係一星期一兩堂嗰D補習囉,星期五六時間上一兩堂,主要幫佢惡補全科或集中一科,應該唔係日日上同時間唔長,應該收費會平好多,至少唔會過千蚊一個月吧.或者我又幫您留意下啦.

都明白既,好似我咁,我都係無番工,都係freelance教出面小朋友,所以我仔係乜興趣班都無參加,一黎無錢,二黎我仔D脾氣行為真係除咗我呢個亞媽外就無人搞得佢掂,所以我都係全程自己一人教仔,,,所以做人媽咪都唔易,您都要加油呀!

nokia6300

.........

其實...湊得好辛苦呀!

見你2:41先回post,真係累累累......

阿仔又sick左whole week,咩鬼playgroup都返唔到,夜晚又冇覺好訓....daytime又x計到爆,只好由佢放4地睇tv...

家人好奇問,why你仔去heep hong返playgroup既?.....

心中又想起這問題....

點解要係我個仔......???????

正能量不夠用了........

kikiboy

原帖由 nokia6300 於 10-1-11 17:22 發表
.........

其實...湊得好辛苦呀!

見你2:41先回post,真係累累累......

阿仔又sick左whole week,咩鬼playgroup都返唔到,夜晚又冇覺好訓....daytime又x計到爆,只好由佢放4地睇tv...

家人好奇問,why你仔去heep hong ...

講緊係家人喎, 點解唔直接了當解釋小朋友嘅問題比佢哋知呢?

nokia6300

我老公及自己屋企人,都唔知!

唔講,唔單係佢地唔明(因我family個個都讀唔多書的,好難explain咩叫"global delay",我只比mami知仔仔要返pt,已經比佢問到我......)

99更加認為係我既原姑,先攪到阿仔咁(如唔比阿仔食salt所以唔識行)

finally,咩人都唔講!

kikiboy

原帖由 nokia6300 於 10-1-11 17:46 發表
我老公及自己屋企人,都唔知!

唔講,唔單係佢地唔明(因我family個個都讀唔多書的,好難explain咩叫"global delay",我只比mami知仔仔要返pt,已經比佢問到我......)

99更加認為係我既原姑,先攪到阿仔咁(如唔比阿仔食sal ...

nokia6300,
喺另一個topic見你話你家族有好多小朋友個個都好叻, 你可以揾多d機會比佢哋見面一齊玩, 呢d朋輩之間嘅溝通/相互學習/社交/分享好難得架. 個個都唔講, 自己會好辛苦喎.
Anyway, 支持你, 加油!

~仔仔媽咪~

原帖由 pipi331 於 10-1-11 02:41 發表


ocean park 機動遊戲當感統? 咁您要搬去南區住至得.

我記得細個果陣d 千秋, sir滑梯, 爬爬架 都高過而家果d, 氹氹轉又勁d. 唔系度度有lift, 好多時要行樓梯. 又無咁多電視, 電玩, 上網, icq.  ...

睇黎都要搬去OC度同海豚海獅做鄰居喇~~哈哈!!!


係啦,,,細個我地無依家咁方便,咩都有得玩同做,查實無形中係幫到我地去train up自己D手手腳腳同感統方面既野架...所以依家我一有機會都盡量俾個仔做D家務,自己執拾好D物件,有得俾佢跑就要佢跑,幫到幾多就幾多啦...

~仔仔媽咪~

原帖由 nokia6300 於 10-1-11 17:22 發表
.........

其實...湊得好辛苦呀!

見你2:41先回post,真係累累累......

阿仔又sick左whole week,咩鬼playgroup都返唔到,夜晚又冇覺好訓....daytime又x計到爆,只好由佢放4地睇tv...

家人好奇問,why你仔去heep hong ...

加油呀!(俾番D正能量您先!!!)

我以前我同老公兩邊屋企人又係好唔接受亦唔相信我仔有特殊問題,我奶奶一聽到我同朋友傾關於個仔D問題,我奶奶會大力彭我度門(示意佢唔想聽到我咁話個仔);嗰時我仔只係讀I位既幼兒園,我大佬都可以响電話度同我講話我咁樣會害死自己個仔...呢下好HURT囉!但只要自己堅持只要自己清楚知道我地係幫緊個仔,理得人地講乜同點諗,至緊要係我地用既方法幫唔幫到囝囝啫....試下將個focus向哂個仔,其他人唔好理,用事實去証明番俾佢地睇,佢地自然會相信您囉!

所以千祈唔好氣餒呀!!!始終個仔係自己架!唔係屬於佢地.

nokia6300

所以阿仔未返到playgroup時,我幾乎日日都去mami度ka,阿妹個仔又係度(4yrs),等佢多d同小朋友玩lor,咪就係呢d位,聽左好多"un"耳既說話lor,試過一次喊住走.......

不過喊完就唔冇咩野啦....又同阿仔努力過!

nokia6300

tks yr reply ah.....^^

我當然200% focus 係阿仔度啦....只係,真係好多位好煩...

去到mami度,連埋我哥2個女,total 5個小朋友,走黎走去,我緊係睇實阿仔啦,未行穩嗎.....

"你洗咩咁緊張姐,趺下就快行啦!!"

唉!....個個都細,點會就到我個"軟林林"呀,特別係最細個表哥,而家會蝦人,夠膽死jump jump下全個人jump去我仔度,點唔怕呢??

我唔好氣餒ka...只係今日突然有d up up 地!!

btw,我都時時點阿仔做下家務ka....收完d 3叫佢比番d衣架爸爸呀,ready to bath 時叫佢拿定chair比我呀,換完diaper又叫佢扔呀,不知不覺地....原來佢會自動自覺做ka...所以我唔會氣餒ka,阿仔好叻既!

siukei17

我依家教阿仔認字都係整沙紙整既卡比佢,一路摸,一路睇圖...初初就要佢將字配圖,識左先剩比字佢讀~~效果比我想像中好好多~~

之前我都想自己帶阿仔凡見心理e生,睇下阿仔究竟係咩問題....個時問個社工(自己d朋友黎既)拎個兒童心理e生資料,順便睇下佢介紹過去有無平d.....點知個社工同我講話唔好咁早帶佢去做喱d評估...話小朋友6歲前發展好大...唔好咁早就定佢係咩症咩症....有時喱d症仲令我地家長無形中局限左小朋友發展......
之後我老公就話等阿仔大d先...到阿仔5歲返屯門政府評估時再決定...........

其二就真係價錢問題....我唔知究竟要預幾多錢出黎....上次我打去問過一間私人機構...佢話先要見幼兒導師做評估,再見心理e生個別見..再由心理e生決定要做邊個test..有機會唔止做一個test......如果有個確數既,我都可以同老公爭取下....依家無...老公又唔比.......始終屋企情況唔係太多多餘錢......

依家同阿仔返緊特殊學校既星期六小組班...希望佢可以學到跟下大隊......(剛剛個星期六特殊中心既老師又話佢ok,會跟做動作會跟拍手....同向學校有d分別....)

原帖由 ~仔仔媽咪~ 於 10-1-9 21:52 發表


如果教佢認知上既野,你試下買番個MR. POTATO(薯蛋頭先生)玩具番黎邊玩邊教囝囝去認~咁樣會好過叫佢淨認生字架~至少都會有趣D,會令佢易吸收D~!^^

同埋都唔好咁快一開始要佢動筆寫新既生字住,一開始試下整D字卡俾佢 ...

~仔仔媽咪~

原帖由 nokia6300 於 10-1-11 18:35 發表
tks yr reply ah.....^^

我當然200% focus 係阿仔度啦....只係,真係好多位好煩...

去到mami度,連埋我哥2個女,total 5個小朋友,走黎走去,我緊係睇實阿仔啦,未行穩嗎.....

"你洗咩咁緊張姐,趺下就快行啦!!"

唉!... ...

係啦!其實囝囝係叻仔黎架!而且一路都有進步,呢D應該值得開心至係,都係嗰句,人地始終唔會明白您囝囝既特質,佢地至會有所誤會,以為你太過緊張,這不算是佢地既錯,又唔能夠怪哂佢地既...同埋都唔苛求佢地去明白我地...以前我都遇過太多呢d唔開心既事情同評語,對於我黎講係好大傷害,但之後我有個亞嫂同我講番以上既道理,我至釋懷,確實,我地做呢班仔既亞媽,都唔係一朝一夕就適應同了解呢D病同問題,更何況係街外人...所以個心無咗嗰份埋怨,自己都心安理得咗.

所以你都要加油呀!有咩可以隨時搵我傾,又可以入黎呻一呻,大家一齊互相扶持下,至少都多一份力量啦~~~

apple~y

原帖由 ~仔仔媽咪~ 於 10-1-12 09:29 發表


係啦!其實囝囝係叻仔黎架!而且一路都有進步,呢D應該值得開心至係,都係嗰句,人地始終唔會明白您囝囝既特質,佢地至會有所誤會,以為你太過緊張,這不算是佢地既錯,又唔能夠怪哂佢地既...同埋都唔苛求佢地去明 ...

我之前都看到你好多post
覺得你真係好勁,好堅強媽媽
你仔仔真的很幸福
大家一齊加油呀!!!