07-08年宏福幼兒園媽咪繼續入o黎傾~(PART 4)~歡迎新朋友加入

626mama

天藍,

原來昊藍去美景睇醫生(皮膚科)，我都知係教會，我老公有個同事係果度的教友同主，所以冇問佢，唔問都知佢個答案。

近排都唔見佢上來，可能近排佢好忙啦。

原帖由 天藍 於 08-10-9 04:22 PM 發表
626mama,

我唔係好知"阡陌"好唔好, 我無報過,
不過, 之前係葵青個邊個topic軒軒個
媽咪就話幾好, 你可問下佢, 我之前帶
仔仔落去美景睇醫生(皮膚科), 就有經
過個間阡陌, 我見好似係教會離o架! 但
我見門口貼住好多 ...

hongmimi

各位, 有關生日會交通問題:-

天藍/ElainAiolia，
妳地上完堂由荃灣廣場出發，我問過阿妹最快捷係：
(1) 搭西鐵去美孚；
(2) 係美孚西鐵站"荔枝角公園"出口；
(3) 出到地面，左邊係荔枝角公園，右邊大馬路可見免費綠色小巴"81K"係去海麗村既，係泓景臺門口有得落，落車後上扶手電梯就係7-11。

天藍，
請留意，如妳約昊爸係地鐵等，應該係"荔枝角"地鐵出先岩，唔係"長沙灣"地鐵站。

如妳地有任何問題，隨時打俾我呀~

hongmimi

626mama，
佢地唔會有張list寫現有咩B貨咁，除非偶爾有大批倉底貨要清。如妳要咩電器，抄低型號再電腦禁機check有咩貨同幾多錢，如咁岩阿妹見差唔多既型號有B貨都會出聲，等妳多個選擇。

冷氣方面，如妳無咩特別要求，可叫我阿妹直接睇有無平貨，因佢係冷氣/雪櫃既維修部，攞冷氣/雪櫃比較方便，亦因佢識d技工知道邊架B貨機係正d好貨。

咁我要知妳想要幾多部、幾多匹既既冷氣機，要唔要有remote呢? 或者有特別功能，咁我可以叫阿妹check下現有咩平貨岩妳既要求，報左價俾妳先。

不過想妳知道佢地既冷氣係唔包安裝，妳可另叫佢地既技工做但費用照我所知唔會平d，同妳出面搵人安既差唔多但可能專業d。

hongmimi

pcdogxx，
恭喜鈞渝可一齊學畫畫喇~ 記著帶相機，好正~

妳個cake味道都ok，我都係覺得個底厚左d，唔知係咪我雪得耐有d硬，不過都唔錯，thanks! 咁妳生日會係咪會做番呢個? 我一家三口同會帶d玩具一齊黎交換玩，希望到時匡匡捨得分享啦~

妳地今日學野學成點呀?

ElainAiolia

Dear all mami,
今日子聰check完眼，証實 ………………. 要做四眼雞丁 / 哈里波特。今日驗眼問子聰D o野詳細o左，連我同聰爸有無近視都問埋，驗眼情况同盲人輔導會差不多，但好有耐性，無「摧」佢亦比好多時間佢諗，個女醫生仲成日讚佢o力仔，所以子聰都好合作，check完之後就同我講話子聰散光左眼200度、右眼75度，差距好大，仲話check過佢個眼球呢D散光係屬於天生。之後同佢滴眼藥水放大瞳孔再檢查，檢查後發現度數一樣，但個醫生話都唔知子聰好彩定唔好彩，只係得散光而無近視 / 遠視，所以要佢一定要戴眼鏡，keep住唔好比佢加深，同避免佢靠右眼睇o野，而令左眼加深，形成惰眼 / 捨厘眼。醫生仲強調因子聰有鼻敏感，好容易令到對眼痕，盡量唔好比佢成日捽眼，因成日捽眼會令眼球變長形成近視，醫生話唔想佢下次檢查時會有近視o咼，所以比o左D眼藥水佢滴。今次醫生費 $760-，好貴，仲係佢o地果度配埋眼鏡，真係窮C人。

我o地今日返學，個導師係個72歲男人，淨係識吹水講以前D o野，D學生搭咀問o野又唔答，全堂齋吹同埋填購物清單，就咁完o左，仲早o左成45-50分鐘放學o忝。

ElainAiolia

626mama,
日子 (搬屋日) 一日一日逼近係o米訓著都會笑醒呢？o米笑咁大聲，係o米想C。

盲人輔導會個驗光師就無話到子聰D散光深定淺，但今日眼科醫生就話佢雙眼度數差別太大，所以一定要戴眼鏡。

軒爸可能估到協康會平過生活XX，所以至話你o者，你o米再諗o下先o羅，還掂，而家有位但又同協康撞時間，等遲o下先。

我唔知直銷果D係o米蔗渣板，所以比唔到意見你。有關櫈o既問題，可能我99果邊多人，如果全部o黎晒食飯有成12 / 13人，所以我係買圓櫈o既，因叠上去，收藏時只是向高空發展，但若買褶櫈，會浪費好多空間，你可以參考埋佢o地個意見先作決定。



天藍,
經hongmimi講得咁清楚，我o地可以搭西鐵係美孚度搭免費綠Van去，咁不如約昊爸係美孚等o米得o羅，再唔係星期六再傾。

星期六你要同我o地分享o下音樂班及數學班D o野la。

hongmimi,
唔該晒你話我o地知點搭車去係最方便o既。

ElainAiolia

pcdogxx,
多謝你今晚份禮物，子聰開心到語無倫次同我講多謝，我話唔係我送比佢，係鈞渝mami送比佢，佢就不停咁問點解，仲話唔訓覺要開o黎玩o忝，後尾鬧完佢再捉佢入房先訓o乍。

你大伯又會咁神奇，裝修間屋賣貴D就會o者，但又買埋D唔match新屋用o既傢俬都有o既。

喂，你同626mama去睇立雜o野，如時間許可，而我又唔使讀書o既，預埋我，因我又想八o麻。

畫班果度唔使客氣，其實我係想鈞渝同我o地一齊上，所以跟得咁足，哈哈！星期六果日我o地上完協康一齊搭車、一齊行o米得o羅。

Pooh個搾汁機下星期六，我攞埋上o黎你屋企比你試o下用幾日，o岩o既o米留低，唔o岩o既o米攞番走o羅，但我好耐無用過，要check o下work唔work先，希望無問題，唔好一場歡喜、一場空la。

我做白老鼠有乜所謂呀，最緊要你唔好唔餵我就得la，你唔講，我都無留意個底做得厚o左，你睇o下叫我試食比意見就C得。

pcdogxx

天藍,
我何止會影相呀..  仲會帶埋dv去影添呀..
哈哈..

你可以星期六一次過話俾我地聽唔使打得咁辛苦啦…

626mama,
我都覺得圓櫈好d, 買得多可以向高發展…
多極都係一個”街”磚位…  搵條”la”都攝左佢..
摺櫈都唔知點放好…

11月上午鈞渝冇報到呀..  由11月22開始佢先有堂上.. 上到11:00, 跟住要9秒9趕去畫班果度囉..    死喇.. 應承左你要陪你架喎.. 到時送完鈞渝上堂我地再去行下都得架..

麥當勞杯我唔係特登去換架.. 係上次入左媽咪會母親節佢話送禮品一份, 點知係杯, 我仲用左幾個名入左會. 所以送左成4隻咁多..   屋企已經好多杯,  掉又浪費, 但係又用唔著.. 所以都係攝埋一邊囉..

原來你鍾意淺色既傢俬..   我就比較深色既..  學阿媽話齋”come” 污糟嘛…   哈哈..  張message chair 我唔記得大伯有冇拎返去新屋用, 你問左有冇興趣先, 到時我再問下大伯..

我見荃灣街市果邊有間$2檔..    好多野都係2蚊雞..
如果要買筲簊果d抵呀..    我都係行過一次唔記得仲有咩..    遲d可以一齊去行下..   睇下執唔執到d好野..

好呀, 1號果日到時約埋一齊入去..   我都叫埋上次黎果班朋友去..   不過佢未confirm我, 到時可以group埋一齊玩…   大家小朋友都差唔多大..

今日再聽多d你62 99 既變態野, 我真係好佩服你可以忍到咁多年….    仲有個半月到架咋..   你呢個半月係咁出去睇定新屋既野就好快過架喇..   你幾時想行就話我聽啦..   我星期六日下午都好得閒架..

[ 本帖最後由 pcdogxx 於 08-10-10 02:56 編輯 ]

pcdogxx

Hongmimi,
你終於又蒲頭喇..   哈哈.. 好多日冇見你喇..
今日去上堂真係有d想死.. 果個咁既導師阿伯係咁喺到想當年….   想左成半個鐘.. 跟住揀埋要訂咩用具咁就話上完喇..   的屎技巧都冇講過…. 希望下堂真係正正經經咁上堂啦..  果度上堂既都係d阿嬸多… 攪到好似怪怪地咁.   同埋基本上佢開呢班係要求你學完要出去做義工同d公公婆婆剪做實習..  我驚到時剪得核突..  俾人嘭我出門口咋..  哈哈…   仲有佢原先要求要自備電剪,  但係我諗淨係要黎上堂好嘥, 到時又未知有冇本事同渝爸剪, Elaine又話你有電剪, 所以我諗住問你借唔買喇..
你係咪真係有電剪呀?


我地好期待匡匡既生日會呀….  多謝你話俾我地聽點去.. 到時我地一定準時到既!!   你地個個都講到個畫班咁好..  

我都好想鈞渝快d上呀..   我會記得帶相機同埋DV去幫佢影低架喇.. .

我都仲未諗到生日會整邊款蛋糕…  果日整果個其實我試整架咋..

我果日整完即刻食晒喇.. 所以唔硬喎.. 你雪左幾耐呀?


ElainAiolia,
聽你講完子聰咁, 我都好擔心鈞渝會唔會有事…  不過都要等佢大少少先可以去驗喇..   我終於明白點解有時係街見d小朋友咁細個就載眼鏡喇.... 原來都有咁既原因…
不過我4歲左右隻眼都做過手術, 因為我隻右眼嚴重斜視. 俗稱豆雞眼….  隻眼珠差唔多入左去, 睇唔到… 所以一定要做手術移返正…  我仲記得小學果陣我要載副眼鏡一面要用黑紙遮住, 另一面鏡就平鏡, 唔知係咪要矯正返用右眼, 不過好異相…  果陣d同學成日望望下, 攪到我都有時載下唔載咁…  而家有時對得電腦多, 都會有少少豆豆地架...

哈哈.. 子聰又會咁攪笑開心到語無倫詞既,   希望佢鍾意玩啦..   鈞渝都好鍾意玩…  穿下穿下咁, 一穿到成條佢就好開心..

我大伯好騎呢架..  好鍾意搬親屋就剩返一大堆野唔要… 跟住我奶奶又唔想嘥就將佢地搬晒返屋企.. 但係今次d傢俬咁大件又唔岩佢屋企用,  我都接收左個鞋櫃櫈架喇.. 攪到間屋而家無晒位…  所以大伯無可耐何要租倉放住先.. 都唔知放到幾時..

好呀, 你借俾我用下先…  可能我都係新屎坑三日香….
榨完一次就俾返你喇..  哈哈..  都總好過買左返黎用完一次又放埋一邊既..

頭先上完堂返黎咁早.. 鈞渝又瞓左, 我見無所事事又走左去整野食呀..  今晚整左KFC蜜糖鬆餅..  哈哈..  不過我屋企冇楓糖漿, 用左普通蜜糖我覺得d味唔係好出.. 所以下次改用返楓糖漿再試過..  OK既下次又拎黎俾你試下呀.
http://hk.myblog.yahoo.com/pcdogxx/article?mid=280


[ 本帖最後由 pcdogxx 於 08-10-10 03:04 編輯 ]

hongmimi

ElainAiolia,
既然check到子聰眼睛有問題就真係要正視喇~ 乜原來成日捽眼會令眼球變長形成近視 ，咁我都要多多留意匡匡，佢鼻敏感都成日捽眼，Thanks~


pcdogxx，
係呀! 呢幾日都幾忙，擒日代表公司係會展做conference既活動，而家對腳都唔係自己既… 不過都幾好玩! 妳地幾日間連環機關槍咁，咁多message我都睇唔切。

我都知因為我雪得耐所以硬，果晚即晚我無拎到，因返到屋企都幾夜，匡匡係巴士瞓著左，落車抱到返嚟都拿拿聲入屋。第二朝又趕住去學畫畫無拎，到夜晚返嚟先拎，可能因為咁雪耐左囉!

我的確覺得畫班好正，老師有心機，教既方法又好。匡匡另外三個同學都大個d、坐得好定、又好乖，人地畫畫就畫畫，唔會好似佢咁周圍搞、呱呱嘈，謝老師專登用左好多方法「治」佢，等佢增加興趣同投入感。我覺得謝老師唔單止教畫畫，係同我「教」仔，哈哈!

其實我唔望匡匡畫得好好，因佢做咩都無耐性，只希望佢學習到做事要有耐性同專心，佢乖乖完成一堂，無搗蛋或叫好悶想走之類我當成功。當然而家見佢d畫畫得好左，老師又讚無論畫畫同耐力都有進步，就更加好啦~ 唉! 而家叫佢做功課我真係想C ，寫一版連線要半個鐘，佢超級無耐性、又懶皮、多多藉口….妳話第時再多d功課點算!!

嘩~ 唔係嘛~ 搵個阿伯教唔緊要，人地參加都係想學識剪髮幫d公公婆婆剪啫…想聽佢吹水咩?! 希望下堂妳地有得真真正正上堂啦~

借電剪俾妳絕對無問題，但我果個都幾大個同都幾重下，要插濕電既，希望妳唔介意兼啱用，我夜晚call妳攞俾妳。

hongmimi

各位，


好期待聽日同大家見面呀!



希望大家都玩得開開心心啦!

天藍

hongmimi,

好彩你提一提我, 我心知係"荔枝角"站,
但因個到地鐵出口個廣場係叫"長沙灣廣場",
有少少心手不協調打"長沙灣"站, 比大家
又捉多次我大頭蝦証又發作, 如你所講我地
又帶住小朋友係美孚站轉小巴直接係門口
落好過, 我見我同事入伙去佢屋企係荔枝角
站行去都要行一段路, 有小巴坐方便得多門
口落~
好彩有你明燈指路, 唔係我唔知遊去邊

ElainAiolai,

如匡媽所講我地到美孚轉小巴好過, 直接
係弘xx樓下落車, 我約昊爸係美孚地鐵站
等, 如有改變我地星期六見面再傾~

pcdogxx,

好呀! 好呀! 你記得同佢地三個(昊藍, 鈞渝, 子聰)
影d相send番比我呀! 真唔該晒你~~

all mama,

因近來昊藍開學多通告要跟, 同10開始每星期
都有一樣家課, 11月開始/後每星期有三日會有家
課到時真係有排跟, 加上轉天氣我d鼻敏感發作, 好
辛苦, 食d敏感藥有少少失失魂, 請各位見諒!
至於昊藍學興趣班既分享, 星期六見面再同大家
分享, 不便之處敬請原諒!

原帖由 hongmimi 於 08-10-9 22:04 發表
各位, 有關生日會交通問題:-

天藍/ElainAiolia，
妳地上完堂由荃灣廣場出發，我問過阿妹最快捷係：
(1) 搭西鐵去美孚；
(2) 係美孚西鐵站"荔枝角公園"出口；
(3) 出到地面，左邊係荔枝角公園，右邊大馬路可見免費綠色小巴"81K"係 ...

天藍

hongmimi,

我地一家好期待匡匡明天既生日會,
以家諗下都開心~

原帖由 hongmimi 於 08-10-10 11:20 發表
各位，


好期待聽日同大家見面呀!



希望大家都玩得開開心心啦!   

hongmimi

天藍，
妳唔好介意，我唔係笑妳打錯"長沙灣"，而係我次次搭地鐵去阿妹屋企都要諗一輪究竟係"長沙灣"定"荔枝角"，因學妳咁講成日記著係"長沙灣廣場"出口真係好易搞錯~ 我個人又成日懞懞地所以唯有記顏色，認著係"橙色"(月台牆身)就無C~ 匡匡亦用呢個方法記站名，成日搭果條線既站而家都背得出顏色~

昊藍學校好多通告要跟，匡匡都係呀~ d通告好似水蛇春咁長，前中後英，好似個學習進度表我一直以為後頁同通告一樣都係英文譯平無睇到，點知已經兩次唔記得帶英文書返學喇~ 真係睇到我頭暈暈~

昊藍做功課乖唔乖呀? 匡匡激C我~ 佢而家每星期都有兩三日有家課，有兩次我無返婆婆到又咁岩有家課，婆婆加舅父都搞佢唔掂，第日舅父"警告"我有家課果日唔該我要返黎自己搞~~

轉天氣鼻敏感發作真好辛苦，匡匡近排都一樣，晚晚個鼻係全塞好辛苦瞓唔到，唔知係咪咁個人情緒都暴躁d~ 我地又點會怪妳失魂，係鄧妳辛苦就真~ 話時話唔知妳有無留意最近咪出左隻"佩夫人"鼻塞貼，我上星期問醫生匡匡用唔用得，醫生都話無問題，仲俾左一片我試，不過匡匡仲未試用。如妳鼻敏感夜晚都鼻塞得緊要，不如買黎試下，我見屈x氏買$39.9一盒五片，我諗藥房應該平d。

[ 本帖最後由 hongmimi 於 08-10-10 15:33 編輯 ]

天藍

hongmimi,

老友我點會介意你笑我呢?! 因我真係有d失魂,
只要你地開心笑下我有乜所謂, 咁大隻大頭蝦係
到唔笑我笑邊個, 你post出來我自已都覺得好笑,
自己心手不協調打錯站
我都覺得個個廣場取名有d問題, 明明係荔枝角站
出口, 又叫長沙灣廣場真係成日比佢搞到我亂晒~
匡匡好叻仔識得認顏色記mtr站名, 真係犀利!
昊藍我唔係成日同佢坐mtr, 佢都係認得幾個成
日去既站, 要聽講播先知個站名~
昊藍做家課都ok, 佢都自律, 學校d家課剛剛開始
暫時唔算太復雜都好快搞點, 希望唔好讚壞仔仔
會一直保持自律性。
我心裹好想你地快d抽到近婆婆個邊既宿舍, 雖然
到時我地既距離會遠, 同到時匡匡學野o黎我地
o黎到都會遠, 但如你近婆婆到又可見匡匡多d,
同跟到d家課, 唔會屋企其他人搞佢唔點, 不過, 可
能匡匡好似我咁鼻敏感發作, 個人周身唔舒服,
會比較燥d所以唔好怪匡匡慢慢來, 為有做父母既
辛苦d, 要兩頭走, 但我地會係到會支持你! 加油~
加油~
匡匡以家d家課多數做d乜? 有無好似以前nursery
咁多親子功課?
"佩夫人"原來有出鼻塞貼, 等我收工去屈人寺睇下
先, 多謝你比d好料我! 等我買今晚訓覺暢通無
阻。Thx!!!
你今日咁多留言, 公司風聲無咁緊啦!?
好快就收工, 好快到明天, 好期待明天匡匡既生日會!
想起都開心~ 明天見!!!

原帖由 hongmimi 於 08-10-10 15:25 發表
天藍，
妳唔好介意，我唔係笑妳打錯"長沙灣"，而係我次次搭地鐵去阿妹屋企都要諗一輪究竟係"長沙灣"定"荔枝角"，因學妳咁講成日記著係"長沙灣廣場"出口真係好易搞錯~ 我個人又成日懞懞地所以唯有記顏色，認著係"橙色"(月台牆身 ...

hongmimi

天藍，
咁係因為我同得匡匡搭得地鐵多，佢又八八掛掛，係車到問長問短，跟著下站係咩係咩，八得多所以清楚d啫~

昊藍真係乖自律做家課，妳亦唔洗勞心，真抵錫 ~ 匡匡好識蝦人，口多籍口又多 。我同老師傾過，老師叫我慢慢黎，同可以用獎勵既方法，如氹佢完成送貼紙，但我試過唔得，佢個懶皮仔話：我都唔鍾意貼紙~ 老師又話可以獎勵佢有得睇電視，唉! 又點得呢! 婆婆屋企個電視由朝開到晚(老人家習慣左無得改)當然做功課時會熄電視，但妳慌佢平時無得睇!!其實佢都係俾大家縰壞左~ 我用到最後果招就係收埋佢本家課部，叫佢唔好做等佢無得交俾老師罸，佢都會有d驚老師既，係咁：唔好,唔好...我做... 不過攞番本部後，寫一條線然後又故態復萌，托著個下巴、轉下支筆，等運到...於是要完成兩版既連線家課最快都要半個鐘，妳話C未~~

佢都有親子功課，不過暫時唔算多，就算有佢都唔肯落手做，頂多幫我塗漿糊貼上去，係叫阿媽功課多d:;pppp: ，而最近平日都係連線功課，一星期有三日家課。

係喎~ 今日得我同妳留言，公司風聲都算好d，今朝搞掂老闆出去開會d野，佢出左佢我都feel晒~ 再加上我驚生日會妳地有d咩update野想同我講，我咪全日check住囉~

係呀~ 明天見!!!

[ 本帖最後由 hongmimi 於 08-10-10 17:34 編輯 ]

ElainAiolia

Dear all mami,
見到你o地個個D小朋友都開始有功課做，都有D羨慕o架，好在我家姐買o左D練習比子聰，我o米當果D係功課要佢做，佢有時做做o下都會話攰，然之後就走o左去，所以我都擔心遲D有功課做o既日子會係點呢？

好開心，聽日可以同大家見面la。

pcdogxx,
尋晚返去你仲有精力整鬆餅，果然勁，其實我都仲意食KFC D鬆餅，但咁夜仲食o野，因住肥C。

hongmimi,
係呀，你都要小心D留意匡匡唔好比佢成日捽眼，以免近視。

我都覺得謝老師好好，可能初初子聰返畫班時係佢教，所以覺得佢比較好。

天藍

各位,

我地1/11(sat)仲有個約會去BBQ, 大家記得呀!

地點 : 小欖燒烤樂園
日期 : 11月1日 (星期六)
時間 : 大約5:00pm開始

參加人數:
626mama----ok
Hongmimi----2大1細
ElainAiolia ---- 3大1細
天藍 --- 3大1細
pcdogxx --- 2大1細
Rplyan ---  2大1細

天藍

hongmimi,

我都係咁話小朋友好識睇人蝦, 你無話匡匡係咁,
昊藍都一樣係咁, 昊藍知公公, 婆婆錫佢同佢也一
齊會曳d, 以家d細路仔真係好醒好識睇人既眉頭
眼額, 比起我地以前d人惡教好多。
唔好讚壞昊藍, 有時, 昊藍扭計起上o黎都好激到
彈下彈下, 以家暫時算ok。
匡匡比較活潑同好動可能會唔習慣坐定定做功課,
學老師話可用獎勵既方法都可行, 或者試下比佢
做完一部份休息一下, 行下等佢活動下, 再做埋
餘下既部份, 唔知咁會唔會好d, 到匡匡習慣,
再比佢做耐d, 先有得休息, 慢慢去加長個時間
咁樣可能會好d, 唔使一次個坐定定做, 希望得
既愚見會幫到你啦!

ElainAiolai,

昊藍都成日捽眼, 聽你咁講都有d擔心, 返到屋
企都要同姐姐講叫佢見到昊藍捽眼要話下唔好
比昊藍捽咁多眼, 多謝你告知!
子聰原來有天生散光, 咁真係要多加留意, 唔好
比佢捽眼再加深個度數, 同記得叮囑姐姐平時要
留意下子聰有無捽眼, 因我地有時返工有d時間
睇唔到就要印印留意。

原帖由 hongmimi 於 08-10-10 17:30 發表
天藍，
咁係因為我同得匡匡搭得地鐵多，佢又八八掛掛，係車到問長問短，跟著下站係咩係咩，八得多所以清楚d啫~

昊藍真係乖自律做家課，妳亦唔洗勞心，真抵錫 ~ 匡匡好識蝦人，口多籍口又多 。我同老師傾過，老 ...

[ 本帖最後由 天藍 於 08-10-11 11:45 編輯 ]

rplyan

hongmimi,

多謝你今天招待相信小朋友們都很開心(旻旻都一樣), 你和你C6要好好休息下, 我想你們都很倦了, 但真的要一讚你C6, 我從未見一位可以令小朋友O甘開心亞SIR, 旻旻見到我妹夫未講野即 (都係亞SIR).  不果你都好叻令一大班小朋友集中一點都不容易.

好啦, 休息下啦, 重有多謝你的禮物, 旻旻好鍾意呢.