鑽石山靈糧堂幼稚園家長分享

wingtsang

哈哈! 好耐無上來啦! 大家好嗎?

喧嘩,

乜你咁老定呀? 我都聽左4間簡介會囉! 你都要勤力d至得耶!

原文章由 喧嘩 於 08-6-13 21:45 發表
我一間小學都未參觀過, 咁果日咪冇乜人去賣旗囉? 係ar, 我琴日都聽到話好多小朋友有手足口病, 咪話唔驚, 不過我未諗住唔俾佢返學, 睇定d先

喧嘩

咪係, 冇晒人氣
其實我唔係老定, 而係懶, 而且咁啱學校提供果d學校又唔係好啱我, 所以咪俾埋藉口自己囉

原文章由 wingtsang 於 08-6-26 17:09 發表
哈哈! 好耐無上來啦! 大家好嗎?

喧嘩,

乜你咁老定呀? 我都聽左4間簡介會囉! 你都要勤力d至得耶!

wingtsang

媽咪, 唔懶得架啦! 你都無乜太多時間囉喎! 你會唔會考慮直資私校呀? 有好多開始報名添架啦, 一或你諗住淨係大抽獎呀? 都要乖乖做下功課播, 阿女十二年重要成長期就靠你幫佢決定, 辛苦呢幾個月唧, 努力呀!

原文章由 喧嘩 於 08-6-26 20:04 發表
咪係, 冇晒人氣
其實我唔係老定, 而係懶, 而且咁啱學校提供果d學校又唔係好啱我, 所以咪俾埋藉口自己囉

YYL

想請問一吓各位媽咪係邊度買校服入面件白色衫? 係Polo衫定咩衫黎嫁?

wingtsang

係白色就ok架啦, 學校都唔係太嚴, 可以長袖或短袖, polo, 恤衫或者底衫都得架! 我都係買靚d嘅底衫同埋有少少公仔嘅白t-shirt。

原文章由 YYL 於 08-6-27 09:22 發表
想請問一吓各位媽咪係邊度買校服入面件白色衫? 係Polo衫定咩衫黎嫁?

fostermak

YYL:
其實唔駛成件白色,白色衫袖,衫身有顏色或公仔都得...

喧嘩:
你囡囡好似係k2升k3,如果你打算幫囡囡攞小一面試經驗或搵定私校做後備,再等大抽獎,好多直資同私小都開簡介會同派表,你快d做先頭部隊睇下先,然後再決定報唔報名:

浸大附屬學校王錦輝中小學 -  2009-2010小一入學簡介會
1. 6月27日   下午 6.30-8.30; 及
2. 6月28日   下午2:00-4:00.

Wing:
你之前有冇參觀嘉勒撒同九龍塘官小?係乜野類形學校黎架?係傳統多功課定活動教學?

原文章由 YYL 於 08-6-27 09:22 發表
想請問一吓各位媽咪係邊度買校服入面件白色衫? 係Polo衫定咩衫黎嫁?

YYL

唔該晒, 今日去買先~

喧嘩

兩位k1媽咪, 你地真係好努力. 最衰你地唔係k2, 如果唔係收你地d消息就攪掂晒, 我一定會考私校同直資, 其實早兩個星期我己經打過晒去問, 冇一間有得攞表住, 好多都要八月份, 除左音小同優才已截止外, 不過lee兩間我都唔會考, 你地收到邊間有得攞表ar?記得通知我ar, 我打算考DGS, SFA, KTS, 陳守仁, 同德望, 你地仲有冇好介紹? 我都想考多幾間, 買個保險, 其他學校我比較唔熟, 可唔可以俾D意見我?
而選學校我諗住有兩個方案,
1. 如果考到陳守仁, 就唔玩大抽獎
2. 如果考唔到陳守仁, 會玩大抽獎, 我係34, 會選協恩, 如果抽唔中, 會讀私校(如果考到其中一間的話)
覺得點AR?

miclau

fostermak & wingtsang,

好耐無上嚟喇!! 呢度真係靠晒2位勤力媽咪!! 分享咁多有用資料俾大家, 我今年9月一定一定第一時間幫囡囡報靈糧堂, 實在愈睇愈鍾意...... 但係又唔敢期望咁高, 費時希望愈大, 失望愈大!!

不過又有少少野想請教下, 我個囡耐性麻麻, 屬於坐唔定果隻, 以佢咁的性格, 憑你地的經驗, 會唔會覺得活動教學會令佢更加坐唔定??  不過我其實都係偏愛活動教學, 而且真係好鍾意LLC的教學理念, 希望囡囡可以考到~~

唯有多d祈禱, 求主保守!!

wingtsang

miclau, 喧嘩,

我查實都想偷下懶架, 不過, 有個媽咪同我講, 話k1要開始聽簡介會, 如果唔係, k2聽唔切同會好亂喎! 所以, 得閒就去聽下囉!

我而家暫時心水有播道, 真道, 音小, 英華, 其他就仲未研究呀! 陳守仁好好架咩? 皆因我只選基督教學校, 所以煩少好多呀! hehe!

miclau,

我細仔都係今年報喎, 不過, 入到機會有9成9, 所以好放心! 希望大家有機會同班啦!

活動教學係而家嘅教學趨勢, 我去完幾個簡介會之後就更加對靈糧小朋友有信心, 因為間間學校都鐘意d主動, 同喜歡閱讀嘅小朋友, 而靈糧一早就開始訓練小朋友閱讀同自信架啦!

另外, 我收到料,  有個優先入靈糧k1嘅辦法, 就係報讀藍田嘅幼幼班 (for 2yrs, 一星期兩堂), 你可以打去藍田靈糧問下詳情!

foster,

兩間我都無研究喎! 我暫時最希望佢入到播道同音小咋!

fostermak

喧嘩:
你響34校網,都好過我響46校網,有協恩,好O既學校多好多,我想盡量揀基督教學校,但好O既基督教學...

ALL:
呢派只要用星島日報2日唔同O既報頭,再加$58去指定7-11便利店,就可以換小學指南一本,內有各校簡介,最重要係派BAND 1同派英中比率,整番一本刨下...

另外,我想問係咪到每年學期尾每個小朋友都會有唔同名目O既獎狀架?其實對第日報小學有冇幫助架?

wingtsang:
你就好啦,咁快可以鎖定心儀邊幾間學校,我仲響茫茫大海中研究緊,我都想第一輪搞掂,唔想等到六月大抽獎,好驚到時派到唔知乜野學校,我唔想日日等校長或去扣門,寧願早D做多D功夫,部署好D...

miclau:
我細囡今年都同你+wingtsang 一樣,九月會報靈糧,副校都話好大機會會收,希望有機會同你地小朋友做同班同學

我都唔敢講小朋友坐唔定,冇耐性,活動教學會令佢更加坐唔定,但至少佢會返學好開心,因為我囡囡同你果個係相反,佢可以坐定定,好專心,但比較被動同慢熱...

返左一年,我覺得學校對佢各方面的影響同薰陶係好的,雖然老師最近的評估話佢少同同學+老師溝通,我相信係同其他同學相比,佢冇咁主動,同埋小朋友響學校同屋企的表現又唔同,至少佢而家講野唔再係蚊滋咁細聲,而係有信心大聲說話,比以前主動開心左好多...

原文章由 wingtsang 於 08-6-30 14:57 發表
miclau, 喧嘩,

我查實都想偷下懶架, 不過, 有個媽咪同我講, 話k1要開始聽簡介會, 如果唔係, k2聽唔切同會好亂喎! 所以, 得閒就去聽下囉!

我而家暫時心水有播道, 真道, 音小, 英華, 其他就仲未研究呀! 陳守仁好好 ...

喧嘩

小學指南我已經換左, 等我用完過俾你地啦, 我仲有埋舊年果本, 不過差唔多, 其實本書講的嘢你地都識晒, 本書俾d乜都唔知的家長就較啱用, 陳守仁係男女直資英文小學, 有三分一係外藉人, (不過有好多亞叉), 有泳池, 每個學生要修讀多一個語言, 法文或日文, 好多人考, 都算難考的學校, 喺富榮花園果邊, 小一至小三唔係好谷, 比較活動式, 入名校率都好高, 所以考到就唔玩大抽獎, 因為要左直資冇得玩, 我唔夠胆用黎搏協恩, 而且喺我心目中兩間都咁好, 乜音小好好咩? 我覺得音樂學校好始怪怪地. 而播道同真道我唔係好識, 有乜好AR? 可唔可以解釋下?等我多個選擇, 我知英華好, 不過我冇仔, 得個女

喧嘩

我都有做小小功課, 啱啱CHECK過, 原來播道同真道喺TKO, 好遠AR, 唔啱我喎

miclau

wingtsang + fostermak,

你地就好喇, 有個大既開路, 我都希望可以同你們做到同學仔!!

wingtsang,
唔該晒你報料呀, 其實之前我都有諗過報藍田的幼幼班, 不過我打算陀2nd胎同埋想俾囡囡返全日, 所以無報到.... 而家就更加唔得, 因為真係陀緊2nd胎, 9月生喇, 生左之後肯定好忙, 如果仲要帶亞囡去返幼幼班, 實頂唔住~~

喧嘩,
我好鍾意英華個校長架, 可惜我果個係囡~~ 無緣, 希望到我囡囡讀小學果陣, 佢會返返去協恩喇~~

fostermak

喧嘩:
咁你今年會點樣幫囡囡部署報小學呀?例如報乜野興趣班,做靚靚份
portfolio?

你地有冇親友讀緊九龍塘果間真光中學附屬小學?小學係男女校,同真光有聯繫,我見冇乜人講,但又想知多d係乜野類型o既小學...

原文章由 miclau 於 08-7-2 13:07 發表
wingtsang + fostermak,

你地就好喇, 有個大既開路, 我都希望可以同你們做到同學仔!!

wingtsang,
唔該晒你報料呀, 其實之前我都有諗過報藍田的幼幼班, 不過我打算陀2nd胎同埋想俾囡囡返全日, 所以無報到.... 而家 ...

喧嘩

你地等我做住先頭部隊啦, 我會考下d私校+加陳守仁lee間直資, 如果考到陳守仁就讀佢, 如果唔係會抽協恩, 如果抽唔到應該會去讀私校, 除非冇一間私校考到啦 , 我之前去過學校攪果個個人資料冊製作分享會, 聽完都係唔識整, 所以我叫佢daddy, 死都死一份俾我, 話知佢俾 $搵人做
香港果間真光就有friend讀, 但係九龍就冇, 九龍果間冇香港咁出名, 而香港果間都唔講得上好好, 所以九龍果間更加冇人提

loloyan

我有興趣要 件背心及褲仔.
幾多錢, 你的孩子不讀咩...

loloyan

我想問件風褸是不是日日著, 學校會開冷氣嗎..
要不要買多件替換.

muima

原文章由 喧嘩 於 08-7-3 19:09 發表
你地等我做住先頭部隊啦, 我會考下d私校+加陳守仁lee間直資, 如果考到陳守仁就讀佢, 如果唔係會抽協恩, 如果抽唔到應該會去讀私校, 除非冇一間私校考到啦 , 我之前去過學校攪果個個人資料冊製作分享會, 聽完都係唔識 ...

hi 你地好, 好開心係呢度見到你地, 我亞女今年升K2(pm class), 現在都搵緊primary school, 因為住tko暫時會搵95區學校先, 會報直資, 如果你地有興趣, 播道同陸慶濤8月份有簡介會, 可以去聽下

fostermak

loloyan:
風褸一件都好足夠...
學校每日都會開冷氣,著唔著就睇小朋友體質,我見多數都唔著,同埋每日有早會做運動,著左,老師都會幫小朋友除番,因為佢地周身郁做動作,好熱...

muima :
你係幼甲定幼乙呀?會唔會我地識架?我囡囡上學期係下幼乙架,不過下學期轉左上午班...

原文章由 muima 於 08-7-22 14:30 發表


hi 你地好, 好開心係呢度見到你地, 我亞女今年升K2(pm class), 現在都搵緊primary school, 因為住tko暫時會搵95區學校先, 會報直資, 如果你地有興趣, 播道同陸慶濤8月份有簡介會, 可以去聽下 ...