2007年8月開學宏福幻兒園既媽咪一齊入來傾下

626mama

hongmimi,

我ｐｍ左比妳，妳睇下收唔收到丫。
唔該晒

原文章由 hongmimi 於 07-7-17 17:19 發表
626mama/天藍，
唔好意思! 原來個exe檔既file唔可以就咁post上黎，如果妳地有興趣，PM我妳地個email，我forward俾妳地呀!! 咪留番第時用o羅!

唉! 因為匡匡坐唔定，影唔到靚証件相，好彩上次有pcdogxx幫手， ...

hongmimi

原文章由 626mama 於 07-7-17 16:45 發表
hongmimi,

我６２，９９．．．．．．．唉
真係唯有自己辛苦兩邊走都，我考慮緊好唔好繼續讀書，可能遲ｄ會冇咩時間，我回家都要成個鐘，真係好想有嫁私家車，起碼回家怏好多。

ＩＴ其實唔係咁好做，隨時 ...

626mama,
原來妳而家有進修，咁就真係好忙。個時我話讀書，我老公叫我咪鬼攪咁多野....專心做人阿媽算吧啦!

626mama

hongmimi,

反而我老公好讚誠我讀，因為佢都有讀。
不過，真係有時間反學，冇時間溫書。

原文章由 hongmimi 於 07-7-17 17:33 發表
626mama,
原來妳而家有進修，咁就真係好忙。個時我話讀書，我老公叫我咪鬼攪咁多野....專心做人阿媽算吧啦!

hongmimi

原文章由 626mama 於 07-7-17 17:29 發表
hongmimi,

我ｐｍ左比妳，妳睇下收唔收到丫。
唔該晒

626mama,
send左俾妳啦! 借花敬佛，唔洗唔該!

hongmimi

原文章由 626mama 於 07-7-17 17:42 發表
hongmimi,

反而我老公好讚誠我讀，因為佢都有讀。
不過，真係有時間反學，冇時間溫書。

626mama,
我老公都有讀呀! 我見佢又要返工，又要返學，又要考試溫書，又要陪個仔玩，自己又要玩.... 鬼C咁辛苦。

ElainAiolia

All mami,
青怡摟上(電梯上一層)近卓思幼稚園附近有一間叫"彩暉"影彩數碼証件相$28-HK 一打(不過我唔記得幾耐有得攞，大約三至四日左右)，質素一般。另外，我帶子聰去荃灣路德圍有一間叫"恒麗"影菲林証件相(因申請passport及回鄉証，而size又有分別)，佢聽到我影o的相用o黎辦証，本來每種size要晒一打，佢話可以比我晒打半，共$48-HK(價錢尚可)，o的質素仲幾好，而且同子聰玩到好開心先影，仲影o左好多張方便佢揀o黎晒o忝。

你o地有無人知道宏福果邊個校舍係邊呀，因我望晒外圍都唔見間學校位置係邊？

pcdogxx, hongmimi,
我都有諗住同子聰報荊冕堂士德、荃灣浸信會呢二間。另外，我仲考慮緊報唔報青衣聖多默(St. Thomas)、荃灣聖母及屋企樓下果間彭鴻樟。青衣聖多默(St. Thomas)我睇BK媽o米寫得幾好，連o的小朋友上o左小學有問題，o的老師會同o的小朋友做輔導o忝。而荃灣聖母及彭鴻樟o的人話師資好好，但我兼學校環境好似好差咁。我諗住報o的學校比子聰IN o下，等佢見識見識，唔一定去讀o既。

ElainAiolia

pcdogxx,
青衣卓思攞申請form都要比$30-HK，交form又要比四幅相，"救世軍"已經好比面你喇！

hongmimi,
子聰張相就係星期日(15/7)o係珀麗灣影架。

天藍,
子聰起初都唔肯落地踩沙 ，我o地氹佢話要整好張蓆方便佢坐，叫佢企住係o的沙度先，就係咁企企o下佢唔記得仲坐底玩沙o忝。最搞笑莫過於叫佢出去畢o的水入o黎堆沙，佢去到水邊c到唔畢水又唔踩o的水，係咁話驚，佢契媽o米氹佢畢o的水淋嗲o的，之後玩到佢契爺同嗲o的抱o左佢出去游水o忝。

626mama,
據我所知所有"救世軍"幼稚園(包括我屋企附近果間)好多媽o米個B一出世攞o左出世紙就會去報名，排隊讀K1，都唔知真係咁好定o的人貪佢平？我點解會知，因為我2005年7月尾搬到而家果度，你知啦有時你未緊張o的人仲緊過你，o的人當時問我揀學校未，我仲話使乜急到時揾唔到學校o米讀"救世軍"幼稚園o羅，o的人就將上面番說話講我知。

其實我都好仲意宏福，但我怕佢o地活動教學令到o的小朋友上小學函接唔到，我會幫子聰揾定後路，若果返N1唔對路都唔使到頭唔到岸呀o麻。若果返得好，我老公話比佢繼續讀埋佢o咼。

你都有進修，一星期返幾多晚？我都有呀，每逢星期二，而我老公就逢星期三，所以呢二晚我o地無得一齊食飯外，有時仲見唔到o忝。(因我平時陪個仔訓o既時候唔覺意都會訓著o左，而我老公返工需要輪班。)每次考試我都想c。

626mama

hongmimi,ElainAiolia,

收到喇，唔該晒。
我都係逢星期二反學，剛剛反完，
22上午考試完晒。便完晒。
到而家都未溫書。
我老公辛苦d，佢星期反四五日。

ElainAiolia,
妳好勤力，我地留言妳都回應晒!
都成1:00，其實都幾花時間。
妳都報左好多學校喎。勁呀。

救世軍同宏福我都鍾意，兩間都係動教學，
其實救世軍平之外，係佢教學以啟發
小朋友自已思考為住。救世軍開放日我都去過，
我確得真係OK。
我都確得，如果N1 OK的話，盡量唔想轉校，

天藍

Dear all,

係青衣長發村亮發樓地下101室
潘XX議員辦事處, 有十元一打數碼相影:
日期: 7月19日 (星期四)
時間: 晚上7:00 -- 10:00
地點: 青衣長發村亮發樓地下101室
查詢電話: 24332645

詳情我都未打去問, 因我問樓下security辦事
處開中午12:00 --- 17:00, 晚上開7:00 --
10:00, 如有興趣可打去問下~~

天藍

ElainAiolia,

你仔仔都好同佢玩玩下唔覺意就唔怕落沙地行!!!
原來你都報左好多間幼稚園, 我心目中都有幾間
有一間同你一樣士德荊冕堂, 仲有就係祟真因貪
佢有小學, 唔使煩, 仲有約克同卓思都會報, 但
尼幾間都係9月同10月收表報名!!!
其實我都好鍾意宏福, 但我都想睇下小朋友返
N1返成點再考慮, 如ok都有可能留番係到讀,
都同樣同你諗法一樣, 唔知上到小學函唔函接
到, 好多野諗真係好煩!!!
我選學校會選有外籍老師, 同有著重兩文三語,
因我都想仔仔上英小小學, 想佢見多D外國人,
都升小學去In唔會太怯場, 同英文會好D~~

hongmimi,

我已send左我個e-mail 給你, Thx~~

[ 本文章最後由 天藍 於 07-7-18 10:11 編輯 ]

pcdogxx

Hongmimi / ElainAiolia,
我老公又係, 岩岩先讀完咋..  跟住有時又做義工,  不過佢話如果要升就要做戲俾人睇, 唔讀唔做唔得..  我有時都埋怨,  我同鈞渝似單親家庭, 去親街得我自己同佢去..  

睇見你地個個都有去沙灘, 真係好想快d帶下鈞渝去玩..  最衰呢個星期爸爸要返夜都去唔到咯...  唯有睇下下星期得唔得啦..

救世軍我係報幼兒園咋..   其他我報左五間八間都冇收過錢, 不過幼稚園我知就要收囉..

各位,
乜學校要相咩?  如果你地唔講我真係唔知喎,  點解學校冇official話我地知既?  唉..  仲烚烚下咁..    我見上次家長會你地8月份開學既張notice 係A4既, 我地插班得A5紙資料咁大把..  係咪果陣時講架?   我諗住叫舅父幫佢影, 影住叫佢用photoshop 整算喇.. 又可以揀張靚d, 同平d嘛..  嘻嘻..

我都諗住同佢大包圍咁報呀..  萬一一間唔收都仲有好多後備, 彭鴻樟我都會報(我阿媽最鍾意啦, 夠近),  聖母聽過, 不過唔知好唔好, 所以都搵梗意見, 都應該會報埋..   尋日打去富強樓果間救世軍幼稚園, 佢話9月1號先派表既?  

不過呢尋日睇幼稚園士德個topic, 聽d人講士德係用project approach, 冇書本授課,  係就係個小朋友常識會好叻, 但係d 語文, 識字方面會落後, 同埋好多project 做, 家長都要幫手囉..  果d父母就話最驚上到小一驚跟唔上, 會好辛苦!!  所以可能父母自己返去要同佢多d補習先得..  聽到咁又有d驚...  
但係又好大機會上到仁立同埋仁紀囉..

626mama

pcdogxx,

妳老公做分工咁特別， 做戲俾人睇。好以好有趣。
我老公分工同反學都係好忙，都冇辨法啦，佢都唔係去左玩。

救世軍個網址度有報名表可以DOWN落黎，自已鎮好寄可便可。
妳地都好強，報左咁多學校。

hongmimi

各位，
係囉! 我又係咁諗，報多幾間當見識又好，做後備都好。但到而家都係得個諗字，未有行動。 荃灣聖母我都唔清楚呀，樓下彭鴻樟環境真係幾差，但勝在好近好近，我唔係咁鍾意，應該唔會報。青衣聖多默都好多人話好，學費唔高程度適中咁o咼! 佢校舍環境都好似好好。

其實如果選青衣，我最鍾意都係宏福，雖然佢係活動教學，但諗諗下又幾o岩匡匡呢個百厭星，叫佢坐定定聽書迫佢寫字可能仲C。我見我姑奶都會跟番進度買習作俾表姐仔每晚做少少，唔知係因為日子有功，定係真係可以從學校遊戲中學到，表姐仔K1都識好多英文字都ok啦………

ElainAiolia / 天藍，
個file我email左俾妳地喇! Check下啦!

pcdogxx

626mama,
因為佢話所有差館d人都係咁,  讀書 + 做義工係升職既基本要求,
佢仲話有d人為左搏升, 成日去做義工, 唔理老婆仔女, 結果攪到離婚呀..   都唔知為乜...

果日打去樓下間救世軍又話9月先派.. 搵我笨添..  等我拿拿聲攪左佢先..

pcdogxx

Hongmimi,
但係青衣聖多默上到咩小學呢?  呢間學費真係算平喇..  
都可以考慮下喎..

hongmimi

pcdogxx,
唉呀! 我老公同妳老公一模一樣，我試過陪佢去賣旗，差兩件男女校服就好似番返去中學時代咁 。佢仲有兩科先讀完呀! 希望之後多d時間陪下我同個仔啦!  單親家庭 ，妳好攪笑，我無咁諗過，哈哈!!

讀其他就唔知，如果讀士德然後升到仁立或仁紀，都唔怕跟唔上，佢地學校之間始終有d關係，可以函接到既。做project我又唔驚，咪繼續用公司資源囉!


妳做咩出賣鈞渝，整佢張出浴照任人睇!!

626mama

hongmimi,pcdogxx,

妳地兩個老公都係同一樣工作!又幾夾喎。
單親家庭!!!唔怕啦，睇下幾時一齊約埋出來一齊去玩，
咁咪熱鬧d，唔會得兩個人去街囉。

鈞渝手隻，個位置剛剛放得好，唔會走光。

原文章由 hongmimi 於 07-7-18 11:28 發表
妳做咩出賣鈞渝，整佢張出浴照任人睇!!

626mama

各位,

特然想問下各位，
妳地小朋友個名係點樣改嫁。
(有冇背後故事)
定比人改。
同埋大家改左英文名未呀。會唔會改。

天藍

hongmimi,

我收到你send俾我既e-mail,
但唔知點解封鎖左打唔開,
麻煩你可否再send給我,
Send另外一個e-mail add.,
我pm俾你~~Thx!!!

626mama,

我仔仔英文名叫Vanness, 都係自己改,
我同我老公都鍾意, 同少人叫尼個名,
中文名: 昊藍, 都係自己改, 因我喜歡
昊字, 特別D唔係太多人用~~
就係咁簡單!!!
咁你呢???

[ 本文章最後由 天藍 於 07-7-18 12:11 編輯 ]

hongmimi

原文章由 天藍 於 07-7-18 12:01 發表
hongmimi,

我收到你send俾我既e-mail,
但唔知點解封鎖左打唔開,
麻煩你可否再send給我,
Send另外一個e-mail add.,
我pm俾你~~Thx!!!

天藍,
無問題，已經再send過俾妳啦!

我第一次係公司都開唔到，返屋企又得，之後係公司又開得番，都唔知點解。