06-07準備入讀Kentville的家長請進~~

MYoung

delet ..

alisoncheung

Poonhui,

今朝唔好意思, 同Miss So講緊Trevor D曳嘢,所以冇出嚟同你傾兩句.

今朝我簡直俾Trevor激死.
1.        佢朝早飲奶時專豋噴出嚟, 攪到件運動衫濕咗, 要換過件先可以返學.
2.        落到樓下行到泳池出邊話我知濕咗, 要返轉屋企換喎, 結果我帶咗佢去街市個厠所換咗.  好彩書包有條spare底底, 你知啦返學咁趕點可以折返呢…..
3.        以上都算小事,  哈哈呢件重精彩….. 响九龍塘火車站落車時每次都提醒佢小心月台空隙, 佢次次都好聽話大大步跨過, 哈!今朝佢玩嘢喎, 專登要叉隻腳仔落去個gap到, 好彩我一向都唔放心, 一定要拖住先落車, 我咪即刻拉番佢上去.  你話幾危險呢, 帶佢返學真係有驚冇喜.

呢件事我一定要同佢班主任講, 希望Miss So 同我再教訓吓佢.  我都由火車站同佢講到學校門口嫁.  當佢入到學校知道我會同Miss So講, 佢自己拎住個書包唔肯入課室重行番轉頭話要返屋企, 結果門口個伯伯唔俾佢出去囉.

你話我今朝係唔係好精彩呢….其實佢呢排都乖咗好多, 出街同過馬路都肯拖住, 不過今朝唔知點解條曳曳根又發作.

My Mavis,

我今朝問過Miss So佢話Trevor 同Mavis上堂冇傾計喇.  你話因為高度問題, 咁究竟Jason係太高還是太矮???我以為Trevor已經好高喎以K1小朋友來計, 乜有人高過佢咩…..

我問Trevor 小息時有冇同Mavis玩, 佢話冇, 佢話Mavis同Ashley 和茵茵玩, 梗係喇女仔點會同男仔玩呢…..都係同性別的啱玩d…..

Angellauwc,

今朝同Miss So講開, 話Ashley都試過好似Trevor咁响過馬路時話自己大個仔大個女可以自己喇.  Miss So都笑, 佢哋真係識滆滙溉通, 幾時有教過過馬路唔駛拖住唧…… 我哋當然知喇….小朋友就是這樣的…..

其實Miss So都有教佢哋出街要拖實媽咪, 所以呢排Trevor都好咗喇. 都話Miss So 一句好過我講十句喇How about Ashley?  另外我發覺Trevor好喜歡Miss So, 只要話Miss So叫, 佢大部份都會聽的.

今朝我好似見到Ashley帶Mask喎, 佢冇乜事嗎?  聽聞呢排都有好多小朋友病.  大家都要加點注意啦.

poonhui

alisoncheung,
朝早大家都趕住返工都傾唔到好多時間, 只不過同你打個招呼 say hello, 唔緊要喎!

唉, 其實今早亨亨都有曳曳!  同trevor一樣呢!
每日飲完支奶, 我地都會俾少少麵包/ 蛋糕佢食, 想有少少食物落肚.  不過, 每一日佢都唔係乖乖坐定定食, 一係食食下走入房玩, 一係又上床玩下.  今早仲渣住佢架"benz"車(豬仔車), 在屋內周圍飛車, 仲想將架車渣入洗手間.  佢都係"蝦"我, 老公見我對佢口頭警告無效, 立刻將行動升級, 收起佢架車.  佢當然喊晒口, 唯有坐低邊食麵包邊問架車的下落?  我當然同佢講放學lunch後, 工人先俾會返佢.

all KV parent,
我問過班主任, 下星期會派返assessment報告.  

Angellauwc,
我唔肯定係唔係ashely?!   不過, 如果我再次見果架褓母車, 而佢又係由對面馬路走過來學校, 出現險象環生的場面.  我一定會望清楚學生個名牌, 報告報告!   

alisoncheung

poonhui,

咁啱嘅,Trevor今朝都係玩車喎, 玩單車又玩消防車 (都係豬仔車), 玩都唔夠, 重要响曬警號tim, 我冇你咁好彩有daddy幫, Trevor daddy好鬼忍得,未夠鐘起身佢零願用枕頭蓋住耳仔照瞓.

Trevor同享享真係夾唧.....好彩唔同一班, 如果唔係一定教到d班主任...... .

我明天要早d返工, 最多同Trevor去到大圍火車站, 跟住由工人帶佢返學, 如果明天你見到Trevor曳曳, 麻煩講聲我知, 我一定會give him colour .

Thank you very much.

kidslover

各位好嗎？囡囡讀緊多實街 K1D，有冇同班小朋友吖？
我地正準備搬屋，但發現 KV 校車唔經太子道西 (近法國醫院)。如有媽咪認識同線的保母車煩請 PM 我，萬分感激！   

poonhui

alisoncheung,

今早我行後面條路返學校, 因亨亨話要行, 佢成日都話放學同trevor一齊行呢條路.  到學校時, Trevor巳在門口等學校開門, 因我都早了少少出門口, 佢地兩個一見又跑來跑去.

今日真係好熱, 送完亨亨入課室, 幫佢除了件外套先走, 我見好多小朋友有穿著校褸返學, 亨亨果班的班主任有幫小朋友除下.  臨走時, 再望下trevor課室, 見佢件外套都脫下了,  唔知係你工人定Miss SO幫佢除的, 因當時見Trevor 都滿頭大汗!

TwinsMother

Hello Kidslover,

我囝囝係多實街K1D架!    

alisoncheung

Hi Poonhui,

唔該曨你的報料.

今日真係好熱, 重有d潮濕tim.  Trevor一向大汗, 今日放學見到佢, 好似剛剛洗完頭一樣.   

你有冇興趣去海洋公園, 不如遲d一齊帶佢哋去玩.  我同Trevor都買咗全年入場証, 幾時去都得嫁.

bybych, My Mavis, Angellauwc, 有冇興趣一齊去?

mymavis

alisoncheung
雖然我無買全年入場証, 不過都好呀, 但要睇

alisoncheung

MyMavis,

Mavis係唔係今日放學圥發燒呀?  希望佢快d冇事啦.  去海洋公園我想過完新年3月左右去, 唔熱唔凍都唔錯嫁.  你個新工人識唔識照顧發燒的Mavis呀?  今晚快d同佢睇醫生.

mymavis

hi alisoncheung
好彩個工人醒目識得call我同幫mavis探熱, 抵讚. 爺爺係註冊中醫所以唔使睇醫生, 我公司有免費medical但都用不到

kidslover

TwinsMother,

好高興認識妳吖！不如妳叫囝囝望吓我張相，睇吓佢認唔認到我個百厭女    

TwinsMother 寫道:
Hello Kidslover,

我囝囝係多實街K1D架!    

poonhui

kidslover,

你女女熟口面!  依家係唔係搭袁姑娘/華姨車?  如果係, 應該無認錯.  因我仔仔之前有搭保母車, 有個女仔同佢同車, 係返dorset road campus, 好似你女女.

我幫你問人拎了保母車資料, 可以打去問經唔經你新居:
Concord Bus (康和)
Mrs Tang
Tel: 94831028 / 27880222
Fax: 27880778

alisoncheung,
哎, 咩咁橋架.  今日同老公,亨亨係去ocean park.  佢地兩仔爺之前都買了annual pass, 而我就仲未買, 一陣去到先買.
好呀, 我有興趣一齊去, 3月可以再預我.

gym

住太子道西 (近法國醫院)可以坐金車，在碧華花園後門上落車。

kidslover 寫道:
各位好嗎？囡囡讀緊多實街 K1D，有冇同班小朋友吖？
我地正準備搬屋，但發現 KV 校車唔經太子道西 (近法國醫院)。如有媽咪認識同線的保母車煩請 PM 我，萬分感激！   

yikyubb

Hi! Kidslover,

我個仔都係多實街K1D. 仔仔坐保母車(九龍城), 請Check PM.

kidslover

poonhui, 全中啊！個女依家坐緊華姨車，佢好好人，真係有d 唔捨得

gym, 我嗰度到碧華花園要行成十幾分鐘，最怕落雨天時個女唔肯行，要抱！ anyway, 好多謝妳嘅資料

yikyubb, 收到 PM 啦，多謝晒！我留咗手提電話俾妳，第日多d 交流    

poonhui

kidslover,

原來真係你女女, 之前, 多數見你工人同亞姨/姨媽湊wai wai上車 , 應該無見過你.  我上一個月開始無搭華姨車, 因佢放學要接埋K2學生, 返到屋企要成1點鐘, 所以我叫工人自己接放學就算.

ALL KV parents,

明天party, 我今早問過班主任, 佢話開完生日會, 會帶小朋友出去花園玩拜年.  如果有賀年服, 可以穿回學校, 增加節日氣氛.
哎呀, 本來今年無諗過買, 因過往3年著完件衫都巳甩線"披口", 你知果d衫質料係點架啦, 一年穿完實報銷, 加上都唔知買咩款, 因男仔無女仔d衫咁多花款.   不過, 老師講一講, lunch 睇下買唔買到衫先.   

alalisoncheung,

報告, 報告!  上星期六, 老公同我去完ocean park, 成個人散晒.  兩個大人係唔夠1個細路玩, 亨亨係可以由早上10點幾玩到5點幾, 不眠不休 .  最衰係海洋劇場維修無開, 想睇個show休息下 (係指俾我地兩個大人) 都唔得!   點解細路d精力係無窮無盡help!!!!!!!   好得人驚.........      

alisoncheung

Poonhui,

今朝Miss So都有話俾我聽可以穿中國衫, 我已經攞咗去年嗰件出嚟,準備明天穿, 好似你咁講, 我都係連續買咗三年, 今年一於唔買, 冇乜款可以選擇了, 況且Trevor重有好幾套新衫褲未穿過, 如果唔快d穿, 怕下一年唔啱穿囉, 佢未著過的新衫全部都係我舊年買落的.

你講得冇錯, 同佢哋去d主題公園玩我哋重慘過擔泥, 好辛苦嫁, Trevor又唔肯自己行, 要抱, 所以我會帶手推車.  不過去到兒童王國, 就一支箭咁bill咗去, 幾乎連影都冇.  有樣嘢重閉, Trevor明明有免費機動遊戲唔玩, 係要入錢玩揸船仔車仔, 死未…..

明天我放半天假(上午), 可以响學校留耐小小幫佢哋影吓相囉.

講起影相, 以住每年都同Trevor出去影樓拍番輯相, 之前嗰間去過兩次, 今年想轉吓第二間, 你有冇d平靚正介紹俾我呀?

FungMm

Hi alisoncheung,

您好呀, 我明天都會去接囝囝放學睇吓到時見吾見到您呀!

Hi all,
另因家有不愉快之事發生, 所以很耐無上bk.  :-| 今日Miss Chong打電話比我話小息時有另一位同學打了Keefe一"巴".  :evil: Miss Chong話Keefe好乖即刻向佢反影. 當然Miss Chong即時處理小朋友的問題, 那位小朋友亦有向Keefe道歉, 而Keefe亦原諒了他.  :cry:

點解現在之小朋友還會打別人的臉???   是從那裡學的呢??

mymavis

poonhui 寫道:
ALL KV parents,

明天party, 我今早問過班主任, 佢話開完生日會, 會帶小朋友出去花園玩拜年.  如果有賀年服, 可以穿回學校, 增加節日氣氛.
哎呀, 本來今年無諗過買, 因過往3年著完件衫都巳甩線"披口", 你知果d衫質料係點架啦, 一年穿完實報銷, 加上都唔知買咩款, 因男仔無女仔d衫咁多花款.   不過, 老師講一講, lunch 睇下買唔買到衫先.   

poonhui
我都同你一様, 連續3年都有買賀年服, 今年本應打算唔買, 但一聽到ms so 打電話來話否以穿中國服, 即刻心思思放工去睇