95區家長大都會

MIHOLO

alkyng

哈哈 掛住講忘了問妳 , 妳都喜歡看中醫 ,請問妳在將軍澳看嗎 ? 因我看開的已不在了....
現都是試試位元堂 , 基本我一家人都看除了小囡.

alkyng

MIHOLO:

公文個度, 你唔提起我都唔醒覺我從來無接觸過教我個女個位數學老師   , 只係每次見本手冊都是由不同的老師寫評語的, 我個女係上半個鐘的, 我已打算過兩正式同公文講個女唔學了, 因最近兩個星期我地都無返, 梁主任有打過比我問我做乜, 不過我就同佢講想個女多D時間休息下, 養好個身子咁law. 而我就試過響教室入面聽蔡x師話過d媽咪, 當然唔係當面話啦, 只係同其他老師話邊個媽咪唔識教仔, 等等..., 不過我暫時未有同佢地發生過d唔開心野, 我只係擔心過兩日同佢地講唔讀時會有留難姐

alkyng

miholo:

我知叩門唔係一件易事, 但聽完你咁講真係好驚, 我真係要念多d經保佑個女可以第一志願入將天, 如果唔係就慘  

HALAHA

alkyng,

不好意思, 啲嘢未給得你住, 你趕不趕住要呀? 我唸住過完年先給你.

上次婆婆見到你個工人, 話幾好笑容, 好似幾好.

miholo & alkyng,

你地不講我都不知信義會呢間小學, 近住邊度呀?

師奶

Hi alkyng
我會將信X會放第二,我間幼稚園好多人入咗信X會,好多時傾計都話呢個XX好大鼻,你放第三志願怕....,我間幼稚園上年有二位统一派位入唔到,但叩門入返(二位媽咪都放信X會第一志願)，雖然XX好大鼻,但我都主張妹妹今年揀佢。
1.學校會彩排學生出外比賽,兒子曾經同場同此校學生比賽,信X會學生較定同出色,結果一冠一季。
2.對貴校老師印象難忘,有一次姨生女入院,隔離牀有一個男孩,當時下午五時半左右，有一位年輕老師探望呢個學生,處處關心仲同呢位學生話返學幫佢補課,叫佢好好休息唔洗擔心成績。
走左之後,我就八下男孩讀邊間,原來是"港XXX會小會",呢個男孩病了所以冇考試。
點解話XX大鼻,曾有一位媽咪想轉校到信X會,XX竟然同家長說"唔收閒雜人",結果更係唔收啦！但說話會否太刻薄呢？

HALAHA
信X會小學隔離有間保良局甲子年中學,附近富寧花園。

elaineho73

我係你地所講黃xx小學既家長~我大囡係呢間學校讀左半年, 人地口中既功課多~我又唔太覺~ 我係在職媽媽, 平日要返工, 返到屋企食完飯都夠時間教個囡做功課同溫書~而且大囡係9點半前一定可以

hayamama

yeeli,
唔該晒,只是因為同區有兩間不同宗教的小學都係有個'黃'字所以唔知你地講邊間啫!
其實在這些日子我收聽了很多很多的意見,最初我委實緊張得很:有時,A說這間好我就想A選,B說那間好我就轉B校但現在看來:其實95區的小學質素都算很平均,無咩邊間小學有別特差的評語,反正已是塵埃落定,自問為孩子選校一事已心力交瘁,所以,亦無謂再給自己添壓力了!

MIHOLO

elaineho73

   好好 ! 多謝妳給予意見,因如沒有妳的回應真不知道自己須反醒下   
其實妳都說得對, 每事都有兩面看 那可能真對此校不公平.

其實之前都問過其校學生, 他們都說讀得很開心.

MIHOLO

師奶

我想問她們是否教友 ?   唔通真有誠意(指一定要放第一位) 就okay ?
妳說他XX好大鼻 我老公說那很定他對自己及學校有信心才可做到.是好事,但當然我不認同"唔收閒雜人"這說話太令人傷心
聽完妳說覺得自己認識bk太遲了, 如早些便不會........ 簡單說希望能入到首志願就最好    最好可以同yeeli一齊啦.  

alkyng

miholo / yeeli:

有關中醫個方面, 以前我無睇開的, 由於當年生左大女, 無乜食野調理身子(坐月), 坐月後就自己一個人照料大女及一家人的起居飲食及大小的家頭細務(包括大伯及奶奶), 每晚都要成點先有得瞓, 加上餵人奶半夜經常起身, 點知身體已經很差都唔知, 後來有兩次懷孕都小產, 之後就決定搵中醫調理身子, 食左大概一半中藥, 意外有左阿妹, 好好彩今次順利生左出黎, 所以依家我都會keep住睇中醫調理 .

之前幫大女響聯合醫院book左個耳鼻喉專科, 今日終於睇左, 結果令我地好開心 , 個醫生用左20分鐘時間同我地解釋得好清楚, 大女個病程唔係之前d兒科講得咁嚴重, 佢話我個女個病已好番的 , 只不過因我個女一向有少少鼻敏感, 所以一病起上黎就有機會比其他人嚴重d, 但都不是次次會咁的, 已佢都好好叫我地四個月後再覆診

alkyng

halaha:

唔緊要啦, 我唔急的, 你攪掂先比番我啦

yeeli

elaineho73

你唔好誤會,唔好唔開心,我地都係講我地見到既觀課情況,唔係代表間小學唔好,你都講得無錯係要入去讀先至知架,
好似hayamama問我地講邊間,我都pm比佢知,叫佢最好要自己親身去睇先至公道,所以你唔好誤會,其實呢間都係我地95區家長好鐘意架,如果唔係都唔去睇佢地觀課,因為人人感覺都唔同,我地選小學有時真係無晒頭緒,都係睇佢觀課時先決定,我都好同意你講法,希望你明白,唔好唔開心,我地再一齊開心傾計,好唔好呢       

yeeli

alkyng,miholo

嘩,我昨晚早咗瞓,就追到氣咳, 你女女無晒事就好啦 咁過年都開心d,原來你生完搞到身體差,你係邊樹睇中e,我都想睇因為我成日都好似面青青,我有些少貧血,睇下中醫係咪會好d,
miholo
位元堂有得睇中e架
我都覺得有d驚驚,萬一唔得就要叩門,真係唔想去叩門好緊張希望大家都中第一志願啦     

我同我老公講聽日情人節有咩禮物送比我,佢話唔關我地事架,比佢激c我

yeeli

師奶

唔收閒雜人,咁講都有架,真係太太太傷心 :cry:

MIHOLO 寫道:
師奶

我想問她們是否教友 ?   唔通真有誠意(指一定要放第一位) 就okay ?
妳說他XX好大鼻 我老公說那很定他對自己及學校有信心才可做到.是好事,但當然我不認同"唔收閒雜人"這說話太令人傷心
聽完妳說覺得自己認識bk太遲了, 如早些便不會........ 簡單說希望能入到首志願就最好    最好可以同yeeli一齊啦.  

alkyng

YEELI:

我係去佐敦睇的, 其實我都唔知呢位中醫算唔算特別好, 我只知自己個身子之前咁差, 調理左之後細女可以出到世, 我已經好心滿意足, 而且有d病人真係住到天水圍都出黎搵佢睇 , 所以我對佢有d信心咁law, 我以前瞓覺成日發惡夢及磨牙的(曾磨爆左隻大牙), 同經常起身去夜尿, 但依家已經好少有呢d野發生, 我依家多數每月月事後找他調理. check pm

yeeli

hayamama

我地為小朋友選校真係心力交瘁,宜家都係得個等字,希望大家都好運.

hayamama 寫道:
yeeli,
唔該晒,只是因為同區有兩間不同宗教的小學都係有個'黃'字所以唔知你地講邊間啫!
其實在這些日子我收聽了很多很多的意見,最初我委實緊張得很:有時,A說這間好我就想A選,B說那間好我就轉B校但現在看來:其實95區的小學質素都算很平均,無咩邊間小學有別特差的評語,反正已是塵埃落定,自問為孩子選校一事已心力交瘁,所以,亦無謂再給自己添壓力了!

alkyng

yeeli:

你唔講我都唔醒起問個c老有乜表示: , 聽日一早要問下佢先得 , 你個c老咁底c   :evil: , 咁講都得0既, 一於聽日可下假唔好煮飯屈佢請你食大餐啦 .

我要去瞓 , 聽日再同你傾啦,    

yeeli

alkyng

唔該你,我想我要過咗年先去睇,我明白架,你講得無錯睇e生都要睇下合唔合得.
goodnight   

elaineho73

MIHOLO,

唔緊要~我都係以過來人身份同大家交流一下~同我大囡同屆都有唔少同學仔入左其他兩間同一機構既小學, 仲有一d係區內既熱門小學, 如果你真係想佑我可以幫你地打聽一下~

我舊年係度都問過好多bk媽咪, 有冇我大囡而家讀緊間小學既過來人係度回覆, 都冇人答到我~ :cry: 只有一d聽A說或聽B說的人出來說不好, 但係全部都係新國民~ :tongue: 可能因為禁我就要企出黎講下我大囡間學校, 因為好多人會真係信以為真~ :cry:

希望你地唔會覺得我多口啦~

elaineho73

yeeli,

真係唔緊要, 我只係講我自己既觀點出黎, 都係