06年9月入讀蘇淅幼稚園K1既家長, 入唻交流下啦!

十月媽咪

CANKAN,
照你地咁講, 其實如果我只係玩兩日一夜, 係咪應該淨係集中玩動物園, 唔去睇馬戲&歡樂世界呢?

joeytcy

每個人都有唔同唸法...正如之前cankan話事計睇下你個主菜係咩....如果比我plan.....我會去兩度地方...因此終一場來到痳.....我會係第一日玩歡樂世界...至於夜晚馬戲就唔去啦...因相信我個女到時會好累...早d抖足精神第2日去動物園...又可去足成日跟住返香港........(另你可以睇下戶外旅遊討論區及下)

kitty2314

JOEY 你個女都幾cute wo :

kitty2314

我想問呢你個女幾old 呀

joeytcy

多謝多謝........甘岩呢張相影得好姐......所以最大功勞係我老公.............

joeytcy

kitty2314..

重有3個月就4歲了...........

kitty2314

唔怪得咁令啦,原來你老公既.我仲諗呢張係你影tim.呵呵@@

kitty2314

哈哈!!!!!!!哇....咁大既.我個個都同你差不多呀^^

joeytcy

甘請問你個個係咪讀蘇浙呀...k幾........

kitty2314

我有相嫁....比你睇呀啦

CanKan

joeytcy,

我同亞女第一次搭機果陣都好擔心佢會耳仔痛，所以一起飛就叫佢飲水，回程果陣空姐俾左 d 玩具佢玩，見佢冇麥野；第二次諗住佢冇野，冇麥特別理佢，點知佢係禁嘈話耳仔塞左唔舒服，點講都係度嘈；到回氐程果陣咪係禁陪佢玩，分散佢注意力，禁佢就冇野啦！不過自始之後佢搭飛機我都會陪佢玩同埋俾野佢飲以免佢唔舒服。

cankan

CanKan

十月媽咪：

anson 佢點呀？有冇睇醫生？唔駛禁擔心，小朋友緊係禁架啦！佢精唔精神？係屋企願唔願玩玩具呀？

豪斯登堡的確係好靚，不過如果熱起上黎都好囇！

cankan

CanKan

十月媽咪：

我想幫 kelly 報果個音樂班係三歲果隻，內容基本上同anson 上緊果個係一樣，但係家長就唔可以陪，一班好似話有6-8個小朋友，可能因為冇家長陪既關係，再加上可以收多 d小朋友，若果我冇記錯，一個學期好似係 $980元。見 anson 上得禁好，可能我都要考慮下俾多 d 錢報可以夠果隻，等佢可以接觸下睇下自己鍾唔鍾意都好。話時話，禁駛唔駛係屋企擺個琴，或者同佢去琴行練習下架？

cankan

CanKan

十月媽咪：

所以我話若果你只係去兩日一夜，就應該諗下你今次去既主菜係邊樣，第一個目的地要去左主菜果度先，有時間先至去另一邊，玩唔哂就留番下次再去過。

cankan

joeytcy

唉!!!好大抉擇..........昨晚我同老公去左睇d旅行團...發現有間係11月29日&12月13日有一個特別團6999....而係12月6號就7999..........本身我地plan12月5-9號出發....甘見到12月13日呢個團平成千蚊(11月29日我老公請唔到假)..即兩個平2000千蚊喎...緊係想去平d啦....但發覺有個問題.....如果真係13號去....便會係21號返........我記得蘇浙好似係21號有function攪....而且聽你地之前講k1可能有表演....如果真係甘...咪睇唔到亞女第一次....我地又好想去睇喎(亞女第一次想去牚佢同埋支持佢痳)....唉..依家..下星期到就會去報名啦.....依家心大心細......
所以我都想問下你地知唔知k1係咪21號有表演呢........

joeytcy

cankan..
甘你個女第一次搭機有無驚呀...即起飛個陣呢........

十月媽咪

joeytcy,
21號係聖誕聯歡會, 之前阿女班主任講過, 佢地而家排緊果隻舞, 係for聖誕節時表演的, 但係咪響21號表演, 咁就真係唔知喇!

12月1日係生日會, 唔知呢日係咪輪到K1既同學仔表演呢? 不如你打個電話返學校問下, CONFIRM左學校, 然後再決定啦! 再唔係, 直接打畀班主任問啦, 我諗佢應該最清楚嘛!

十月媽咪

CANKAN,
我諗我地既主菜應該係動物園, 當然都想玩下機動遊戲的, 不過馬戲呢, 我本身都無乜興趣的, 而家加埋你地話我知, 個馬戲D音響會好大, 我就更加無興趣喇, 因為阿女好怕咁嘈既音樂的, 同埋諗諗下, 若然第一日去到就玩歡樂世界, 睇怕佢玩完都攰到暈低喇, 都係無謂嘥錢睇馬戲喇! 早D返酒店梳洗, 養精蓄銳, 第二朝再戰動物園好過!  

十月媽咪

CANKAN,
乜柏斯有D咁細年齡既班, 係唔駛家長陪既咩? 我又真係無留意呀, 可能因為我一開始已經諗住陪佢上啦! 事關齊齊上, 我地可以知佢學過D乜野, 返到屋企又可以同佢溫習下丫嘛, 所以一開始, 我地淨係睇中呢個班咋!

我地無響屋企放個電子鋼琴, 只係買左個有54個鍵既電子琴畀佢溫習用咋! 不過都唔係成日開唻溫習的, 因為佢好多時只係練兩練, 就走鬼左佢, 佢果D耐性同專注力, 真係搞到我呢...投晒降呀!    

十月媽咪

CANKAN,
阿女仲有幾聲咳, 不過應該都接近尾聲, 希望放完呢幾日假, 可以好番晒啦!

噚日佢地跳完舞, KELLY想同ANSON玩, 可惜嫲嫲話要返屋企食飯, 所以佢地兩個都好失望呀!

噚日我又偷聽到少少...
小蜜蜂, 嗡嗡嗡...拍拍手...捐山窿...

哎吔, 今次無搵支筆抄低, 所以唔記得晒喇, 有好多句架, 你試下問下KELLY仲記唔記得丫, 我問過ANSON, 佢話: 我唔知呀!