富安威寶的家長, 入黎交流吓啦

giann728

ktmama,
   佢地好嘈呀，有無嘈親你地呀??  不過，我都好開心呀，佢有一個咁要好既朋友﹗

我有晒寄信相呀，不過得5張咋﹗  上年工人姐姐都有搵本相薄幫我入住d相，遲少少得閒，我要買本靚少少既執執佢先得啦，我太懶啦﹗      我問過ms. wong，原來佢平時成日幫我地d小朋友影相架，其實生日會都有影架，不過學校無攞出出面比我地簡咋，佢話遲少少得閒會group埋晒幫我曬呀﹗

好呀，我聽日send你仔仔d相比你丫，你仔仔好高呀，高我女女成個頭﹗ 如果你得閒，可以去我女女個blog度睇吓架，仲有佢既私人相簿，我PM比你丫﹗

係呀，去完旅行，我都好放心女女響度讀，無論小朋友、老師，甚至家長都好nice呀﹗  我真係好想快d有第二次﹗   

係喎，好在有你，我真係又唔記得要還書呀﹗

ktmama

Giann728
唔喺, 佢哋都唔喺好嘈, 我返而覺得佢哋好得意呀.

喺呀, 原來 ms wong 有幫佢哋影相 gar, 咁就好啦. 其實我覺得佢都好錫班小朋友. 不過佢應該會比較嚴. 但都幾好, 起碼小朋友唔會太依賴佢, 會變得獨立 d.  聽 ms chow 講, ms wong 之前都教過nursrey gar.

我仔仔喺大仔, 一月出世, 大你個月成半年 gar, 所以高 d 囉

我收到你既 pm 啦, 其實你都好有心機幫女女整理 d 相, 又幫佢寫 blog, 比起我, 真喺勤力好多啦.  

giann728

ktmama,
嘩，你尋晚成點都未訓呀??

我今朝send唔到d相比你呀，個file size太大啦，我不如燒隻碟比你丫，睇吓我女女識唔識比你仔仔先，我睇吓聽日叫女女攞翻學校丫﹗

係呀，如果你想要翻平時學校 d 相，你要問ms wong架，佢唔會個個都比﹗  我果日見到課室有我女女既上堂相，多口問吓可唔可以幫我地曬架咋﹗

其實個album係老我公整，個blog我都係最近先寫，我覺得比佢第時大個睇翻，都幾得意﹗  我寫完都會back up一次架，我驚第時個blog比人刪左無晒d野﹗ 如果你抽到時間，都整翻個丫，我有時睇翻都好回味架﹗

我尋晚去左上yoga，翻到屋企，女女已經訓左，問唔到佢今日駛唔駛帶野翻學校添﹗  其實今日有無野要帶呀??

ktmama

Giann728
喺呀, 我呢排都好夜瞓, 因為中咗電視毒, 呢幾晚都追緊 " 黃金歲月 " , 所以等佢做完先瞓囉.

好呀, 睇吓你女女識唔識俾我仔仔, 又睇吓個傻豬識唔識收到好喎

好呀, 等我都幫仔仔寫返個先, 遲 d 完成咗 俾你睇吓啦.

原來你有做 yoga gar, 聽講真喺幾好 gar, 不過我去唔到呀, 因為要湊仔仔所以都好少私人時間.

我問過仔仔, 佢話無嘢要帶喎.

giann728

ktmama,
我最近都追緊9:30果出電視劇呀，不過我女女有時唔比我睇架﹗

好呀，你寫左又pm個網址比我丫﹗

我尋日第一日學咋﹗      不過，我幾鐘意喎，好relax呀，又唔辛苦，當一個星期做一次運動啦，平時真係無機會無時間去做﹗

ktmama

Giann728
我個仔仔經常都唔俾我睇 gar, 通常我陪佢睇佢想睇 d vcd 多 d lor

我問仔仔聽日有無嘢帶, 佢話有呀, 要帶真o既菠蘿呀   , 心諗唔喺啩, 真既菠蘿老師要自己切開都幾麻煩喎, 又 "吉"手   , 不過我都同佢去超市買咗, 不過聽日就俾罐罐頭菠蘿佢帶返去.  佢話聽日老師會同佢哋整沙律喎. 不過真喺唔知真定假. 個傻豬有時都會亂咁講.

你今日收唔收到張藍色借書証呀? 我收唔到呀, 我問仔仔如果聽日個個同學仔有得借書, 喺佢無書借佢會點, 佢話佢會喊喎. 唉, 或者聽日都要同佢返學問老師先得 lu. 不過都好, 聽日有生日會 d 相睇.

ktmama

Giann728
我今朝打電話到學校搵 ms wong 問吓佢今日有無得借書, 佢話有, 因為未派借書証, 所以會俾我哋補簽番.

我順便問吓佢亞仔喺咪要帶菠蘿, 佢話琴日有張白色紙, 叫佢哋畫咗佢哋要帶既生果出黎, 咁諗番, 亞仔琴日張圖又真喺好似畫咗個菠蘿喎.  因為我只喺俾咗罐罐頭菠蘿, 所以結果校車走咗後即刻返屋企攞番個新鮮菠蘿返學校俾仔仔, 因為想 d 同學仔可以見吓同模吓感受吓.  好彩剛剛可以喺學校門口等到仔仔架校車到, 不過好重呀, 喺門口個住任幫我仔仔攞咗入去.

喺呢, 你女女帶嘜生果呀? 我今朝好似喺門口見到你呀, 你喺咪自己湊女女返學呀?

giann728

ktmama,
我女女要帶士多啤梨，我地買左兩盒，點知佢唔記得攞，所以你今朝見到我，我同我老公專登攞翻學校比佢。 黃主任話係我女女自動舉手話要帶士多啤梨架﹗  好在依家仲有呢類生果買，如果佢要d季節性生果，都唔知響邊度搵比佢﹗

我地又係搵唔到張借書證，所以今朝順便返學校問吓，原來無派，不過我地最後都響學校簽左名﹗

我女女話比左隻碟你仔仔啦，收唔收到呀??

ktmama

Giann728
你女女好叻呀, 識得自己舉手話要帶 d 嘜嘢

喺呀, 你女女俾咗我仔仔啦, 真喺唔該喎你呀.

喺呢, 你報唔報到個英文興趣班呀?

亞仔話今日 d 沙律好甜喎, 有好多粒粒喎, 佢仲話食咗二碟添呀. 你女女有無話食咗幾多碟呀

giann728

ktmama,
我有報英文班，收左錢，應該報到名，唔知會唔會同你仔仔同班呢??

係呢，本phonic書係唔係收左呀??  尋晚又唔見左，點解次次都唔見呢本架??   

我女女只係話食左好多粒士多啤梨咋，佢無話d沙律好唔好味，佢實在太愛士多啤梨啦﹗

尋晚我同女女一齊整棉花糖，今日攞左d翻學校，我叫佢請小朋友食，唔知佢會唔會自己靜靜食晒呢??

ktmama

Giann728
我諗應該會同班啩, 因為好似得一班咋.

我都搵唔到本 phonics 書呀, 可能留咗喺學校.

我仔仔都好鐘意食士多啤梨 gar.

嘩, 你好勁呀, 棉花糖都識整. 希希真喺有口福呀.   

giann728

ktmama,
原來得一班，咦，我咁遲先報名都仲有位，真係好好彩喎﹗

嚇死我，原來你仔仔都無左本書，咁我估係學校收左﹗

我第一次整棉花糖架咋，響網上學既，你又去我個blog睇吓啦，我copy左個食譜出黎，得閒同仔仔玩吓丫，我女女好鐘意整野食架﹗

ktmama

GIANN728
喺呀, 得一班咋, 唔知到時仔仔會點反應呢? 真喺好緊張.

我已經應承咗仔仔聽日同佢一齊整黎食啦. 不過要晨早買定 d 嘢, 準備定.

我仔仔今日又好似無咗本 MATHS 書, 等我再同佢搵真 D 先.

好快又就黎到聖誕節 LU, 又喺要破財既時候啦, 不過都破得好開心, 因為最大得益者喺仔仔o麻.

giann728

ktmama,
我估你仔仔會好開心，因為我知同班都有幾個同學仔一齊讀架﹗  你仔仔會當翻學咁囉﹗  

我問女女有無響學校食d棉花糖，佢話無喎，但係連個盒都唔知去左邊，究竟佢點處置盒糖呢??!!     

係呀，我女女都唔見左本書呀﹗  咁奇怪既呢排，成日會收起左本書既??!!   

係呀，聖誕好開心﹗  你會唔會join學校個聖誕party呀??  我打算去買過棵聖誕樹比女女自己去佈置呀，仲有買d吊飾﹗  另外，想同女女去照吓燈飾相﹗  

我同女女玩緊個貼紙獎勵計畫，如無意外，佢儲埋下星期就有獎架啦﹗  所以我地打算15號同佢請一日假去狄士尼，佢係瘋狂fans黎架﹗

KimmyUmy

I have received a memo which mentioned that my son is going to have a X'mas party in this month, and I have to pay $95 for  the party. I think it cost so much!  

Did the child have to pay so much in the past? And is it worth to pay that much for the party?

Maybe I have asked too much.

Anyway, I think I still will pay the fee for my son.  

giann728

kimmyUmy,
同上年一樣價錢呀，我上年都覺得貴，不過都有join，只要女女開心，我覺得係無價寶﹗  上年女女玩得好開心，所以今年我完全無考慮，第二日就交左票啦，佢都攞左好多禮物翻黎，不過係咩我就唔記得lu﹗

ktmama

HI, KimmyUmy
個價錢應該喺 $98 呀   , 講真都幾抵 gar, 我記得上年個禮物包有印仔, 有泥膠, 有筆, 有記事簿, 有個膠的手挽袋, 好似仲有 d 食物添, 所以都覺得物有所值啦.   ,  正如 giann728 所講, 最緊要喺小朋友玩得開心先喺最重要嘛.

我記得上年只喺 親子旅行同呢個聖誕節 party 要家長俾錢外, 都無數過其他費用 lu.

ktmama

Giann728
我仔仔組別喺 "1" 呀, 你女女呢? 張咭上堂時要唔要帶返學校 gar.

我今朝見過 ms wong, 佢哋收起咗呀, 可能想佢哋個書包輕 d 啩.

聖誕節個 party 梗喺會 join 啦, 等 d 小朋友玩得開心 d 嘛. 我上年已經同仔仔買咗聖誕樹啦, 佢仲自己佈置咗, 連婆婆都鑽佢佈置得靚靚呀.

我琴日問過仔仔希希有無請佢食棉花糖, 佢一時話有, 一時又話無, 都唔知佢邊句真.

喺喎, 嘜今年學校唔駛整聖誕節裝飾品咩? 點解仲未有消息既?

去廸士尼玩呀, 相信你女女一定玩得好開心.  我要等仔仔再大些先可以帶佢去, 雖然佢曾經同我講過話好想去.  但個傻豬唔鐘意喺出面過夜, 到咁上吓時間就嘈住話要返屋企, 但聽人講廸士尼要二日先可以玩晒, 所以等佢大 d, 或者出年復活節先同佢 lu.  到時你記得同女女影多 d 相呀, 等我哋欣賞吓, 望梅止渴都好嘛

KimmyUmy

I will let my son to join his 1st X'mas party     Hope that he will enjoin

Besides, my son is going to have hot pot in the class on 8/12.    

giann728

ktmama,
原來果個係個1字，我以為係"/"呀，咁我女女應該同你仔仔同組﹗      張卡唔駛帶，姐姐帶過第一日就無帶過啦﹗   

我地星期六都買左聖誕樹，不過仲未去買d飾物，今日去買，今晚比女女佈置﹗

d棉花糖我女女攞左翻黎啦，佢話只係請左ms wong一個食，無請其他小朋友食呀﹗ :cry:

係囉，今年係唔係唔駛整飾物呢??  我上年無幫女女整呀﹗   

我地尋晚去左尖東睇燈飾，襯仲未好凍去吓室外，好凍的話就唔願去架啦﹗  我女女好興奮呀，不過我覺得d燈飾真係無以前d咁靚﹗