31 網 - 循道學校

天仙局

我都聽講過全日制d學生, 返到屋企仍然有好多功課要做
而並非想像中o係學校搞掂晒, 返屋企只係溫書
媽咪返到屋企仲有好多手尾跟......

我個囡囡, 佢都成十一點先訓.....但佢依家番緊上午班喎!
聽其他家長講, 佢地d仔女好早就訓 (九點幾, 十點)
但我個囡到十點幾, 都仲鬼打都無咁精神
真係唔知有乜方法令佢早D訓, 依家都要訓練佢早訓喇!

stevexu

stevexu

各位,

嘩!!個topic熱鬧佐好多,歡迎大家加入循小.
舊年我的心情同大家一樣都係擔心小兒未能適應小學生活,但好彩佢都很快習慣.現在都不知幾鍾意返學,這是我最欣慰的.
真係要特別鳴謝jj1122舊年給予我很多提點..

stevexu

JJ1122,(我八卦代你答)

天仙局,
一二年級星期六不用上課..

天仙局 寫道:


循小仲係上下午班, 咁係咪星期六要返學(長短週)

sorry....實在有D緊張, 所以問題都多o左
謝謝你地回答!

天仙局

Elim2002, 你個女有無訓晏晝覺呀?
我個女每日都訓1-2個鐘....我本來想唔俾佢訓
但見到佢眼訓到晚飯都唔想食, 又覺得佢好淒涼!
唔知點算

JJ1122

天仙局,
番上晝班到夜晚實眼訓啦.  到時就會早訓架拿.

Elim2002,
根據中醫所講dd訓唔著既case係肝熱, 心火盛.  調理下啦.  

天仙局

謝謝你, stevexu!

其實真係最想見到小朋友返學係開開心心
唔想見到佢地因為太大壓力而唔想返學
所以, 我無考慮油天 (因聽聞谷得D學生好犀利)
而且聽聞油天著眼點好多時o係D家長做乜o野職業, 教學方向唔應該咁樣!

天仙局

Elim2002,
我雖然唔係住駿發花園, 但我個囡囡都好鍾意去駿發花園樓下o既小小公園玩o架!
唔知佢有無同你個女玩過呢?

Elim2002

天仙局 & JJ1122,
因為日間我要上班,而且屋企亦冇人照顧我囡囡,所以佢現在係返全日制幼稚園架,實會睡午覺,所以夜晚咪唔願睡覺囉!重有我打算囡囡小一時會請工人照顧佢,因為我冇經驗,所以我想問下妳地覺得請賓妹好呀定係請印傭好,同埋我應該點教個小朋友同工人相處呢?我怕小朋友蝦個工人,但係又怕佢蝦我個女,真係唔知道應該點做好?如果你地有D咁既經驗可否教下我呀!

TakaraTomy

各位循道小學的家長:

我的小朋友九月將升k3
我想問一問
循道小學是上午校搬定下午校搬?
是否2010年搬？
據我所知新校是在衛理道的舊政府/QE宿舍？是不是？

希望你們能解答我的問題
Thanks  

stevexu

TakaraTomy ,

循道學校係在2010年上下午校一同搬去新校,因為其實循小現在是上午校12班(1至6年級各兩班),下午校一樣都係12班.

TakaraTomy

stevexu:

多謝你的解答
Thanks~~

stevexu 寫道:
TakaraTomy ,

循道學校係在2010年上下午校一同搬去新校,因為其實循小現在是上午校12班(1至6年級各兩班),下午校一樣都係12班.

天仙局

Elim2002,
請家傭真係一門好艱難o既課題
我依家請o既係菲傭....佢由我個女出世湊到依家
我地已經當佢係屋企o既一份子

我個人認為如果只係照顧小朋友, 就請菲傭好D(已婚有仔女)
除非同一時間又要照顧老人家( 印傭識講中文就好D)

我睇到菲傭o既好處係:
1) 小朋友容易開放自己講英文, 雖然菲傭講英文時會夾雜住鄉音, grammer又錯....家長要從旁指導, 但小朋友會少o左心理障礙, 唔怕同外國人講o野, 學語言已經成功一大步喇!
2) 以我所有家中有外傭o既朋友作比較, 菲傭比印傭醒好多, 又識執生D, 對果D父母都要返工o既家庭, 小朋友會安全D, 因為萬一有乜突發事, 個菲傭都可以make sense處理住先

但當然菲傭都有佢o既唔好處....
有可能太醒, 會練精學懶 (所以開頭o既時候, 要得閒突擊檢查, o係 office hour 或lunch time返一返屋企, 等佢有個意識你會隨時返屋企, 唔好諗住無王管亂o黎)
而因為唔知個菲傭會群D乜o野姊妹(菲傭集團實在太大), 所以就算佢開頭幾純品都好, 關於錢銀都要謹慎D (買乜都要列明清單), 而一開始就要立明守則---無論如何, 就算連放幾日假都一定唔可以o係出面過夜(因為如果你外傭大o左肚, 當然佢亦好難幫你做家頭細務, 但你都唔炒得佢)

你個女咁大個, 已經可以滙報家中情況俾你知
唔駛擔心個女俾人蝦....依家D小朋友好醒!
我當初, 個女仲係BB仔時, 就真係好驚.....
晚晚放工後, 都返屋企檢查o下個女係咪食飽, 身上有無瘀痕

不過, 你要教你個女尊重工人, 唔可以當佢下人咁駛
我都會權力下放俾個菲傭,叫佢要督責我個女(但一定唔可以打)
一開始我亦同菲傭傾好, 我地係合作教好呢個小朋友
當你當個工人係屋企人時, 佢會感受得到
自自然然對你地一家好.....人心肉做嘛!

講外傭o既o野真係有排講.....
傾住咁多先啦~

mayc

君媽:
唔該晒!"甘"如果自行返學是否要行上大斜路?
又如果自己揸車是否可以上到學校門口放小朋友?

我本來都擔心星期六長短週的問題,因為阿哥返全日,唔洗返星期六,而我兩公婆都是返五日工(名義上),我驚阿女星期六見我地個個都放假,唔肯返學,又怕自己(大頭蝦)唔記得是長週定短週,註冊完見到通告話一,二年級唔洗返星期六,真是開心都"飛起",我都係一個懶的媽咪來的,哈哈!

請問星期六,小一學生會否有課外活動?

Elim2002

天仙局,
多謝妳意見,我想問下妳,妳用邊間僱傭公司架?話我知呀,我想打電話去問下資料,同埋妳工人本身黎返工之前係咪已經識得做家務架啦,駛唔駛再教佢架?

天仙局

我請工人o既故事真係一疋布咁長
簡單o黎講:
我through agent搵--->個工人臨尾(來港前1個月甩底)--->徬徨之際(因重新請新工人要預3個月申請),但我BB有就黎出世, 咁o岩有朋友o既朋同事, 因經濟問題而辭退工人--->我就接手o左呢個工人(直到現在)

所以佢之前已經o係香港做o左8年, 乜都識喇~
而且佢自己都有仔女, 所以有湊BB經驗

ElizabethLAI

mayc 寫道:
請問星期六,小一學生會否有課外活動?

有,不過自由選擇(如學敲撃樂則需參加星期六的敲撃樂團),開學後會有更詳細資料.

Elim2002

各位媽咪,
我想問我只係得基本15分,如果我選擇下午班,係咪一樣都是冇咩機會第一輪選擇到我呀!

JJ1122

Elim2002,
天仙局個個答案非常詳細. 勁!   我呢就只係用過印, 仲要係一用就差不過就黎8年.  
15分第一round入唔到架拿.  好鬼多兄弟姊妹架.  仲有教友呢.  

星期六呢只係返去課外活動, 唔係上堂.  應該唔會唔想番學掛.  我女就好期待小三比佢揀上d樣上個樣.  

天仙局

請問有D乜o野課外活動揀呀?
係咪通常課外活動都集中o係星期六, 平日放學後唔會有?

我之前睇過你地o既對話, 好似話有cello學喎!
係咪年年都有搞cello班? 因為我個女好想學呀!