聖母無玷聖心學校

man-man媽咪

Wing:

你有冇印象掌門人有個爆波遊戲,估數字的.係類似咁玩法,先預備幾個汽球,在汽球入面寫一些罰則,例如:抱抱媽咪錫一啖,講吓媽咪嘅叻野等....諗定幾個數字,一個回合一個數字,看你玩幾多個回合,數字由1-50其中一個,要佢地估,估中左即係輸左,請埋輸左個位媽咪出嚟一齊罰!
細節如下:
1.主持人先拿住一個準備好嘅汽球(內有罰則)
2.請小朋友排一直線,輪流說出一個數字,例如你預定嘅數字
   係18,當第一位小朋友說出數字是25,咁主持人就要縮小範
   圍提示說1-25,等第二個小朋友估,如他說出10,咁主持人
   就說10-25,再將範圍縮小,直至有人說中18就係輸家.估唔
   中嘅小朋友到隊尾再排過.
3.當輸左嘅小朋友要請埋媽咪出嚟,咁主持人就交個汽球比
   佢,要佢地合力整爆個汽球,然後攞出汽球入面嘅罰則跟住
   做,當然做好之後,就送份小禮物比個小朋友,咁就一個回合.
4.可繼續下一個回合.

唔知講得你明唔明,如果唔明可電聯再講清楚啲   
呢個遊戲玩過幾次都幾成功,小朋友啲反應幾好,可以試吓玩  

舊年開倉好似係12月10日左右,年年差不多係呢個時間,應該趕到你個PARTY,等我再收下風,知道幾時就即刻話比你知!

man-man媽咪

WING:

佢地係可以一齊返學,但細嗰個好癡纏,個個小息都去搵大嗰個,識大嗰個啲同學重多過自己班同學,你話係唔係好事,叫佢多啲搵自己班同學玩佢又唔肯,所以同你地個個唔熟就係咁嘅原因,希望遲啲有改善啦,唔係就要等到二年級架啦 :cry:

wing1206 寫道:
man-man媽咪
5年級咪可以見到妹妹囉. :

honeybeemom

wing and man-man

嘩,這兩天你們傾了很多,我這兩個星期要做物理治療,所以都無埋心機,今日下午還要去做治療,不過現在好了很多,下星期可能不用去得kam密.不過到大

wing1206

honeybeemom
我個女話尋日同你個仔鬧交喎(玩嗰隻),因為我個女無帶戴皮帶,你個仔無戴煲呔,所以你一句笑佢,佢又一句笑你.

honeybeemom

wing

他有說也有一個女同學沒有戴皮帶,原來是你女女.今天你女女放學時給了一盒檸檬茶比我個仔,仔仔一下校車便說xxx請我飲.真是多謝!

man-man媽咪

honeybeemon:

唔好咁冇心機啦!其實做物理治療有進展係好事嚟架,我有個朋友有坐骨神經痛,做左幾次物理治療越做越痛,個治療師叫佢唔好做住,過一排先再做,但佢因工作關係,日日坐係度唔郁得,但又鬼咁痛,卒之要sick leave係屋企休息,但佢行唔安,坐唔落,見到都覺得佢辛苦呀!

如果可以嘅話,我可以陪你去做治療,有人陪吓傾吓冇咁悶嘛 不過上午先得,call我出嚟飲茶又得

不如你join亞wing個christmas party玩吓,佢個度又好多k1嘅可愛小朋友,我覺得你好鍾意小朋友(尢其是女仔),一齊去玩吓,咁你咪會開心囉 最主要你個仔同亞wing個女咁夾,造就啲機會比佢地囉        

man-man媽咪

兩小無猜   

wing1206 寫道:
honeybeemom
我個女話尋日同你個仔鬧交喎(玩嗰隻),因為我個女無帶戴皮帶,你個仔無戴煲呔,所以你一句笑佢,佢又一句笑你.

honeybeemom

man-man,

哈哈,我同呀wing都說要大家一起等

man-man媽咪

honeybeemom:

咁你地有冇plan去邊度玩呀,我地就plan緊去韓國搵大長今一齊滑雪,但大嗰個要去參加童軍大露營26-28號,爹地又要25號之後先有假,攪到而家都唔知去唔去得成 :cry:

wing1206

honeybeemom & man-man
你地今次唔得閒唔緊要,下次有機會先啦,你地就好啦,有得去旅行,我有排先有得去呀 ,我個女呢2次默書都退步咗呀,比佢激c我呀,明明識的,但係返到學校又默錯曬.

honeybeemom
唔洗客氣,但係我都唔知點解我個女會選中你個仔的,我諗住佢都會請女同學飲的 ,你做完物理治療要小心d呀,免得過又再痛呀,我想問係咪條腰有事呀.

wing1206

我想問,我個女話老師同佢講星期三係最後一堂運動堂,佢唔知有無聽錯咗老師講,係咪唔洗再著運動衫呢?可唔可以問下你地的小朋友老師有無講過呀.thx~~

man-man媽咪

傻豬!點會以後無運動堂呀 我嗰個無聽到喎?係唔係星期三講架,如果係,我嗰個就唔知,因為佢個日病左冇返學 :cry:

可能呢排係沙田運動會,曾sir要帶隊比賽,出出入入咁運動堂可能無得上或者調堂上,我估係咁啦!但就肯定唔會無得再上運動堂

wing1206 寫道:
我想問,我個女話老師同佢講星期三係最後一堂運動堂,佢唔知有無聽錯咗老師講,係咪唔洗再著運動衫呢?可唔可以問下你地的小朋友老師有無講過呀.thx~~

honeybeemom

man-man & wing

我重未decide,因為想去日本也想去韓國,但是老公最近很忙,可能都未必有假,可能最後無得去.我大

man-man媽咪

honeybeemom & wing:

我嗰個連默書薄都冇呀! 搵晒成個書包都搵唔到,佢話明明擺左落書包,但又唔見左,你話係唔係大頭蝦

你地或者可以試吓我個溫習默書方法,由大嗰個開始都係咁溫,效果唔錯.就是要佢地錄低要默書嘅範圍,慢慢讀,一來可以聽番佢地讀音是否正確,又可以開番比佢地自己聽番嚟默書,唔使我讀比佢地聽,一舉兩得.最後,要佢背晒啲句子(英文,中文都背)因為佢地範圍小,如果背晒咁就算聽唔清楚老師讀乜自己都可以背返出嚟,咁咪無噤容易錯囉!希望可以幫到佢地喇

wing1206

man-man媽咪
其實我個女係屋企默咗幾時,次次都識的,佢都知嗰句係默咩呀,但係唔知點解返到學校就唔小心默錯咗.

man-man媽咪

wing:

你會同佢默幾多次架?係唔係每次都係坐定定默呢

wing1206 寫道:
man-man媽咪
其實我個女係屋企默咗幾時,次次都識的,佢都知嗰句係默咩呀,但係唔知點解返到學校就唔小心默錯咗.

man-man媽咪

wing:

火炭個玩具倉會於下列時間開倉:

日期 : 12月2,3,16,17號
時間 : 上午11:30~下午6:30

你有冇興趣去,可約埋一齊去搜購

honeybeemom

man-man媽咪

我個仔係屋企都是默

man-man媽咪

honeybeemom:

手冊有印未,無留意呀,等佢返嚟睇吓先

琴日去左旅行社報名嘞,點知返嚟check証件,原來大嗰個嘅bno得返5個月期,要帶佢去攞返個sar,好彩夠時間,原來唔係剩係小朋友大頭蝦,我自己都係   

wing1206

honeybeemom
我個女之前本手冊又係無印呀,之後我問D同學仔,佢地話要自己入校務處蓋印呀,如果你個仔唔洗楚叫佢問我個女啦,佢都係上2個星期蓋翻咋.