一個小分享

artroboy

Soundervolt 發表於 18-5-30 13:17
本帖最後由 Soundervolt 於 18-5-30 13:18 編輯

您所言甚是！我見到國內分公司嘅同事，無論工作態度， ...

國內都有另一個問題，對合約精神不重視、管理上虎頭蛇尾，得過且過。要肯改革才可真正立於國際。

bobbob

retriever 發表於 18-5-30 12:50
本帖最後由 retriever 於 18-5-30 12:52 編輯

關於日國唔道歉，其實講白D 就係睇唔起你，唔服你囉。印 ...

日本向韓道歉主要係政治考量，唔關睇唔睇得起你事

ok3

retriever 發表於 18-5-30 12:50
本帖最後由 retriever 於 18-5-30 12:52 編輯

關於日國唔道歉，其實講白D 就係睇唔起你，唔服你囉。印 ...

對韓國嗰個都唔係正式嘅官方道歉。亦好似只針對慰安婦呢個問題，而唔係自己嘅侵略罪行。你講得啱，就係因為睇你地唔起，所以明知有錯，但直到今日都冇對一個亞洲國家有正式嘅官方道歉。相反對住美國，就死狗一樣。見高拜見低踩，呢啲咪就係佢地嘅民族劣根性囉！對比起德國，喺同一件事上嘅處理手法，高下立見。

Soundervolt

artroboy 發表於 18-5-30 13:23
國內都有另一個問題，對合約精神不重視、管理上虎頭蛇尾，得過且過。要肯改革才可真正立於國際。 ...

我尐客戶來歐美、亞洲及大陸，美國客戶一般都唔係咁好（最好係北歐人），美國人都係建基於佢地嘅利益之下去尊重合約，而且經常用霸權思維同外地公司做生意。

福士同豐田喺美國賺大錢，所以招至挑剔罰巨款，美國車普遍質素差，但一路都冇問題，大家應該心中有數。

Soundervolt

artroboy 發表於 18-5-30 13:20
所以我話香港教育出咗問題，社會病了

呢個問題喺好多發達國家都普遍存在，父輩為生存努力工作、我地呢輩為改善生活或理想努力工作，而當社會豐裕之後嘅新一輩又有乜野誘因去努力工作？最近有個新形容詞「佛系」，依家唔少後生仔生活無欲無求，有飯開，有機打，跟父母同住便可以過生活。日本出現「一千円族」，我相信家庭嘅責任比學校教育為大，所以我投放唔少心機去避免阿仔會有呢種心態。

retriever

ok3 發表於 18-5-30 14:28
對韓國嗰個都唔係正式嘅官方道歉。亦好似只針對慰安婦呢個問題，而唔係自己嘅侵略罪行。你講得啱，就係因 ...

相對於三，五百年歷史，一二次戰爭後既處理，個人可以有喜惡，但代表意義唔明顯。日國文化既包容，簡單講係崇優。你揼低我，可修埋路迎接你。對中國甚至亞洲其他國睇唔起，簡單講，“手下敗將，可足言勇”，佢心果句係，二戰佢只輸比老美。

實話實說，日國二戰是已有大型航母（模型愛好者應知），強國近年高調發展航母，仲係俄國舊品炒冷飯。

以日國科技實力，如非米國壓仰多年，現已是亞洲霸主，眼內又怎放得下亞洲任何一國。


德意志係耶教文明，侮罪與寬恕呢D，跨度比對亞洲各國少。

retriever

bobbob 發表於 18-5-30 13:58
日本向韓道歉主要係政治考量，唔關睇唔睇得起你事

或者咁講，無記錯中國兩黨領袖不年代都對日國戰爭罪行不追究，當然係政治考量加利益。

後來中日多項合作項目，日國給予極優厚條件扶持中國。就算當年局中人亦不能否認，優待超乎想像。

artroboy

Soundervolt 發表於 18-5-30 17:17
呢個問題喺好多發達國家都普遍存在，父輩為生存努力工作、我地呢輩為改善生活或理想努力工作，而當社會 ...

只問一句： 政府係教育方面係咪責無旁貸？

artroboy

Soundervolt 發表於 18-5-30 16:26
本帖最後由 Soundervolt 於 18-5-30 17:03 編輯

我尐客戶來歐美、亞洲及大陸，美國客戶一般都唔係咁好 ...

我有同美國佬打交道，亦做過美國公司，亦做過華人公司。歐洲唔熟。觀點與角度，我覺得最求其執行係大陸。訂合約時美國佬的確最難侍候，但合約傾得成之後，覆行方面好少會再更改細節。

kirstyau

Soundervolt 發表於 18-5-30 17:17
呢個問題喺好多發達國家都普遍存在，父輩為生存努力工作、我地呢輩為改善生活或理想努力工作，而當社會 ...

因為父母富裕左，家有工人，4大長老，呵護備至，好難唔養成小朋友公主王子。

其實自己都有責任，就算我地冇工人， 佢地功課忙，心態係我摩打手那那聲做哂d家務好過叫佢地做。高分低X咪咁練成。

加上科技幫左家務，以前屋企大先有洗碗機，依家出埋細細部，依家自己都唔洗洗。再整部吸塵機械人，地都唔洗掃。

ok3

retriever 發表於 18-5-30 18:27
相對於三，五百年歷史，一二次戰爭後既處理，個人可以有喜惡，但代表意義唔明顯。日國文化既包容，簡單講 ...

而家唔係要同你討論日本嘅科技有幾先進。而係想話你知每個民族都有其優缺點。唔同意你所講嘅一二次戰爭代表意義不大! 日本人對外侵略嘅歷史亦不止於一二次戰爭。缺乏天然資源同天災多嘅島國心態, 註定呢個民族侵略成性。理得理乜嘢耶教文明, 錯就要認, 打就要企定。呢樣係我個無神論嘅伯爺教嘅！

Soundervolt

artroboy 發表於 18-5-30 20:45
只問一句： 政府係教育方面係咪責無旁貸？

我認為教育係其中一個因素，不過唔係問題嘅全部。

Soundervolt

retriever 發表於 18-5-30 18:27
相對於三，五百年歷史，一二次戰爭後既處理，個人可以有喜惡，但代表意義唔明顯。日國文化既包容，簡單講 ...

日本官方電視台NHK曾經製作過一個有關於用日本人角度去硏究日本喺二戰為何戰敗嘅特輯，名為”ドキュメント太平洋戦争”，入面講到就算美國唔參戰，日本一樣會戰敗，不過美國嘅參與只係加快佢地戰敗嘅時間（呢套紀錄片幾值得睇）。而歐戰方面，蘇聯喺Stalingrad同Kursk兩次慘勝戰役已注定德國嘅敗亡，當時嘅蘇聯先至係直接打敗納粹德國嘅國家，美國喺歐戰好後期先至漁人得利地參戰。實在太多人睇美國紀錄片及商業電影長大，會覺得佢地先至係拯救世界嘅最大英雄。

所以話歷史永遠都係勝方去編寫.....

Soundervolt

kirstyau 發表於 18-5-30 21:13
因為父母富裕左，家有工人，4大長老，呵護備至，好難唔養成小朋友公主王子。

其實自己都有責任，就算我地 ...

所以我地會營造一個生活環境，盡量俾阿仔學曉任何事物都需要付出辛勤努力先至可以得到，而且我地差不多每星期都會帶埋阿仔去做義工，俾佢知道幸福並非必然。由佢讀K開始我會盡量帶埋佢去見客開會，令佢親身感受一下大人及佢自己將來所面對嘅世界。

retriever

Soundervolt 發表於 18-5-30 23:49
本帖最後由 Soundervolt 於 18-5-31 00:03 編輯

日本官方電視台NHK曾經製作過一個有關於用日本人角度去 ...

對，歷史係勝方寫大部份成立。

一場戰爭勝敗有多種原因。日國二戰敗，史家有不同觀點。有說無謂招惹老米，致怪彈壓下最後一根草。亦有說老蔣策略成功，引敵深入中國內陸，最後拖跨日國。

所以有謂需有歷史長河之縱深，才可看清歷史。一二次戰爭勝敗及處理，相對三五百年中西交流歷史，更顯微薄。

retriever

kirstyau 發表於 18-5-30 21:13
因為父母富裕左，家有工人，4大長老，呵護備至，好難唔養成小朋友公主王子。

其實自己都有責任，就算我地 ...

其實睇你有無心，你認為細路多負責任重要，少少都要開始左先。

唔係話我做得好，只係分享下。

如洗衣，我叫佢洗自己條底褲仔，唔會有幾難(縷水), 唔會花幾多時間。
如外出，要佢帶背包帶自己要帶既野。好多父母怕背包太重壞身體，一件兩件幫佢哋揹。細路叫重，我從佢背包攞起幾本書部，到上校車我俾返佢，自己背包佢自己揹。即係任何時候，佢都要有負擔和責任。

以上程序唔係可完全複製。重點係佢能力內可負擔幾多，儘早開始，不要替佢怕吃虧怕辛苦。

kirstyau

retriever 發表於 18-5-31 07:51
其實睇你有無心，你認為細路多負責任重要，少少都要開始左先。

唔係話我做得好，只係分享下。

明白。 簡單講由家長照顧方面“懶DD”開始做起。

Soundervolt

retriever 發表於 18-5-31 07:51
其實睇你有無心，你認為細路多負責任重要，少少都要開始左先。

唔係話我做得好，只係分享下。

我地（包括外傭）從來都唔會幫阿仔喺任何時間攞書包，如果佢覺得書包太重，佢需要自己執拾書包去控制重量，有尐書太厚我會攞去從新釘裝，例如一開二或甚至開三去幫佢減磅，不過大前題係一定唔會幫佢攞書包。

18-5-31 09:40 上傳

下載附件 (962.08 KB)

artroboy

Soundervolt 發表於 18-5-31 09:40
我地（包括外傭）從來都唔會幫阿仔喺任何時間攞書包，如果佢覺得書包太重，佢需要自己執拾書包去控制重量 ...

,食完飯收自己碗碟、入門口收鞋、自己manage 自己衣櫃，全部自己做。姐姐放假要一齊幫手洗碗、拖地。自己孩子一定要自己訓練。

我講到明，姐姐係黎幫我手，唔係佢可支配的。

retriever

kirstyau 發表於 18-5-30 21:13
因為父母富裕左，家有工人，4大長老，呵護備至，好難唔養成小朋友公主王子。

其實自己都有責任，就算我地 ...

呢方面我好鍾意講, 亦成日講: 現代細路低能哂, 係家長做成!

譬如學野, 而家學任何野, 家長都要上COURSE. 我地細路仔時打兵兵波, 人地哥哥開波絕招接唔到, 我地企旁邊睇好耐偷師(要耐性, 要觀察). 有哥哥用紙橡皮筋整左支可彈碼子既手槍. 好羨慕想人幫你整支, 甚至學識點整, 你要同人FRIEND, 請人幫忙甚至交換 (社交溝通)

而家用八達通, 俾錢叫 "嘟嘟", 細路唔知買野要俾錢.

考小討論, 有媽媽話某校好深, 要兩位減法借位, 程度離哂譜, 係咪要上ENOPI/公文數或面試班!

我細個時幫手睇檔, 俾錢找錢根本無"借位進位" 概念, 只有唱錢概念, 呢D 好生活化! 難道人地俾張一百蚊紙, 你話未學借位唔識找錢俾客?!

家長安排課外活動, 愈來愈走偏鋒. 器材大大件, 只能有成年人跟出跟入, 抬出抬入.

所以我地家長要多反思下, 點樣先係對細路有長遠裨益!!!