旺角基督教服務處雋匯幼兒學校

waiwaichu2003

fionkwok,

你終於現身喇!
我今朝可以咁早上黎,係因為上星期六返工已prepare定今早d工作,post完之後我都忙左一輪ga!
上星期六,終於同Twins個囡囡"相睇"完,佢好靚女ga,大眼滴dog好似阿Twins個樣ga,我個囝囝就曳曳la,成場扭眼瞓,有幾次仲自己出左課室門口想走tim,好在佢未夠胆自己一個落樓梯咋,如果唔係又多一名失蹤小b!
我琴日去左海港城,我見到有間"magicxxx"d波鞋款幾靚喎,價錢又ok,可惜男仔款唔係好多,你買左未呀?可以一睇!
唉!仲有唔夠一個月,阿囝就要返學la,但佢到而家每日都要瞓上下晝覺,如果唔夠瞓,佢就會發脾氣,怎麼辦呀?

fionkwok

waiwaichu2003,

係呀! 我好多時都要下晏至得閒架!
你地咁樣就相睇完啦! 冇阿女份! 有冇諗住要咗佢做新抱仔呀? 睇埋我女先啦! 雖然唔係好"正",但都ok架,  睇吓先再決定要邊個啦!    
我星期六都去咗海港城既shoebox, 都ok啦d鞋, 果間"magicxxx"係邊層架, 係咪玩具反斗城果層呢 ? 仲未買呀, 我 friend都叫我月尾至好買喎!
其實佢地仲有一個月就返學, 我就覺得我地仲緊張! 驚佢地有好多野都唔適應, 又驚佢地喊, 所以做人父母一d都唔容易呀!
我地細個返學都好似冇咁緊張!

tulipgdn

各位媽媽, 你地好,
想請教大家, 基督教服務處雋匯幼兒園係咪有埋k1-k3讀?

waiwaichu2003

tulipgdn,

你好呀!
係呀!雋匯有n1-n4讀,n2=k1,n3=k2,n4=k3

fionkwok

Hi tulipgdn,

好耐冇見啦! 又會係呢度見到你既? 記唔記得我呢? 咁快就要幫小朋友找學校啦! 而家有幾大呀? 你既問題waiwaichu已經答咗你啦! 有問題可以多d上嚟大家傾吓啦!

fionkwok

waiwaichu2003,

我又出現啦! 見到我開唔開心呢?
你個仔係咪好早起身架? 朝早都要小睡架? 而家早d訓未呀? 我女而家仲衰, 9點幾入房要我講故事,又要我陪訓, 如果唔係起碼要10:30至訓得著, 但佢就好d, 朝早8-9就起身, 所以只係需要訓晏覺, 見到我既時候, 即係佢訓咗啦! 我都要交早d佢訓晏覺至得, 係咪好似12:30學校已經訓晏覺呢? 我女訓唔夠都會發脾氣架, 如果係咁我多數會開電視佢睇, 有電視佢就唔會發脾氣架啦!

YENCHAN

Hi!! 各位靚媽咪!!

你地好嗎?我好掛住你地呀!!其實我一有時間就入黎睇下你地架喇...不過就冇發言...因為心情好沉重...好煩...好多野搞緊...
但係見到大家咁支持我,我好感動呀 忍唔住都要出黎見下大家,多謝大家既支持先~
我公司真係好衰,等我數下佢既惡行你地知啦...

惡行1:每個月遲到超過60分鐘後,每分鐘扣$12(02年我試過有一個月請左幾個鐘事假,佢唔承認,比佢扣左成$3000)
惡行2:04年3月-11月,公司業績唔好...單方面扣人工5-10%,04年12月取消左唔扣,點知05年4月開始又扣...
惡行3:我99年8月入職,02年5月冇人湊仔,我要辭職,但係公司挽留我,要求我停薪留職,等我仔仔有人湊就返黎,我03年10月搵到姐姐湊,咪復職law,復職前一日我仲問公司係咪一齊照舊,包括工資,年資,福利等,佢話係...點知返左工一個月,出糧先同我講扣我$1000人工....激死我,我本來想即刻去告佢,但係我老公同我同一公司,我地驚告佢既後果可能兩公婆都失業,所以忍左公司兩年...
惡行4:我老公上個月6月中交通意外受傷,有薪病假中公司裁我老公...但係唔肯賠償
惡行5:6月份糧都仲未出...公司諗住14號黎同我地講數,威脅我地....
惡行6:我公司有7個香港人,1個台灣派黎既主管,全部裁晒,其中3人有糧出,因為佢地聽公司話,迫佢地放晒d大假,其餘4人(我,我老公,仲有另外兩位同事)都冇糧出,因為我地唔聽公司話,所以唔出糧比我地,威脅我地呀 公司唔想我地追究賠償既費用
惡行7:唔承認我呢幾年既年資,話我冇遣散費   

恐行實在太多...不過比我係到發洩下都好...如果唔係我真係會癲都似... 唉~~兩公婆係呢間公司6年...仲係開方牛tim...而家只係要番我地應得既都咁難...對公司真係好失望...

講左好多題外話...希望各位見諒啦~~我已經上左勞工處告佢,呢家都仲要返工...好慘呀

係呀~本兒童發展檔案好靚呀~我唔得閒整上黎住~遲d見到面比你地睇下丫~~

YENCHAN

係呀~12:00 - 14:00 係午睡時間呀!!

waiwaichu2003

YENCHAN,

雖然我唔係"靚"媽咪,但見到你肯上黎傾下計,起碼個心情都冇咁"拿住拿住",冇咁"down"先喇,希望d氣快d隨風/雨而走!
我間公司都係哀哀地ga!97到而家起碼減左4-5次薪,每次最少10% ,好在老細曾經有加番d比我,如果唔係我寧願唔做好過!
咦!你咁快就搵到新工la,有工返唔好咩,點解慘呀?
你老公車傷點呀,冇mud大礙嘛?
"本兒童發展檔案"睇原裝個本仲好la!
希望你一切順順利利,好快回復返成隻"雀"咁既YENCHAN!!

fionkwok

yenchan,
呢幾年經濟唔好, 好多公司都衰到冇輪, 最緊要問清楚勞工處有冇得賠, 以我所知放有薪病假係真係唔可以裁架, 但你之前曾停薪留職有冇得計返年資就唔清楚啦! 你之前同公司傾停薪留職, 有冇black & write, 有既都要帶埋去勞工處呀! 所以任何野問咗都要寫底, 就算問勞公處邊個答你都要記清楚,好多時呢個答一樣果個又答一樣, 都唔知邊個真! 咁你而家係咁做到7月尾呀? 唔好理公司咁多, 試吓係呢個月找工作, 睇吓有冇啦! 聽朋友講如果要求唔高而家都唔難既! 俾心機啦! 支持你架!

YENCHAN

waiwaichu2003,

成隻雀咁 哈哈~~形容得好搞笑喎~~

我公司6月30號通知裁我地,要我地返到7月31....連1個月代通知金都慳番呀!! 所以咪慘law!!我老公整親條頸同條腰,仲睇緊醫生,佢做IT,唔多唔少都影響未來工作...諗起都有驚冇險...40尺貨櫃車撞埋黎...半邊車身爛晒...呢到又要去告個司機....有排搞!!

等遲d開學約埋一齊見下面,順便一齊睇本file啦!!

waiwaichu2003

fionkwok,

見到你出現,ok喇!   (唔好打我呀!)
我個仔通常係早上8點幾起身,夜晚10點幾11點到瞓囉!同我地差唔多啦!當然啦我會早過佢起身既,要返工嘛!
我諗住比佢"嘆"埋七月,八月先開始train佢瞓覺時間,唔知會唔會好遲呢?

fionkwok

yenchan,

原來係老公單交通意外咁嚴重架!!! 我以為係d小意外, 咁都算不幸中既大幸囖! 而家唔使住醫院啦! 係度祝你老公早日康服! 一家人平平安安, 齊齊整整! 叫佢放心休息, 工作既野, 好返再諗啦!

YENCHAN

fionkwok,

我呢間台資公司,係冇black&write呢樣野架...咩都係口頭講就係,連僱傭合約都冇架...咁我都有証有據既,糧單,人証我都有...我地問勞工處既野都好詳細,我地都做晒準備,問到勞工處既人都怕左我地~~哈哈~~
不過我老細都未必敢黎hk上庭,佢裁左兩個有薪病假既人,仲唔走佬咩...
而家真係同公司鬥長命~~~
唉~~而家都唔知搵咩工好...我想搵d小生意搞下...有咩好提議呀?

fionkwok

waiwaichu2003,

我同你既想法一樣, 俾佢"嘆"埋七月啦! 因為我都想訓晏d嗎!    但係你個仔仔朝早都訓到8點幾, 日頭仲要訓多兩覺咪好多囖?

waiwaichu2003

YENCHAN,

嘩!一次過抄晒兩個,都要你地返埋lee個月呀,你老細真係好哀喎!
你老公單車禍照你咁講都好"大濟"喎,咁老公駛唔駛住院呀?
嘩!咁你未要一個人照顧一大一小,好辛苦喎,有冇人幫手呀?

fionkwok

yenchan,

同佢鬥長命我就覺得冇謂啦! 總之做到7月31日咪走囖, 唔好左住自己搵食! 佢唔賠, 勞工處賠再等勞工處告佢囖! 衰人等天收佢啦!
攪生意呀! 講笑咁講, 以前我有同老公諗過開菜檔, 好好搵架, 我係咪好cheap呢? 講真攪生意睇吓你地有冇專長啦! 一定要做d自己熟既, 如果唔係租都冇埋呀? 因為而家d租真係好貴架! 話時話有個朋友佢姐夫冇做恆生, 攞咗筆退休金約100萬又係想做d小生意, 但到而家都係唔知做邊行好? 都幾煩架!

waiwaichu2003

YENCHAN,

而家d生意好難做,地鋪租金又貴,但如果你做開trading,咁可以set自己屋企做office,,最多都係加多部電腦,電話咁囉,算係無本生意,但最緊要係要有人脈,順便仲可以照顧埋你囝囝tim!okga!

YENCHAN

waiwaichu2003,

係一次過抄晒全公司8個人呀~~

車禍個日我老公送個仔返學...我個仔都係間車入面...
(當時嚇死我...即刻飛去現場)當時有個阿婆亂過馬路,我老公架車停左係度比佢過,點知隔離架貨櫃車睇都唔睇隔離有冇車就轉彎...咁大架車,壓埋我老公架車,我老公咪同佢鬥大力,踩住個剎車制....差d比佢迫到撞落個阿婆到...好彩阿婆走得快,拖住我老公架車行左一段路,我個仔坐係後坐,好彩冇咩事,我老公就因為同佢鬥力所以先整親條頸同腰law...問題其實唔係話好嚴重,不過就手尾長law...
最慘個司機隻眼好似有d問題,因為佢落車同我老公交換身分證既時候,佢睇唔到d字... 我見佢隻眼珠唔係黑色,係好似有層白色膜咁...佢真係好危險...佢仲要成日上大陸...長途車tim...真係唔應該渣車...好彩我老公同個仔都冇咩事...如果唔係佢都幾麻煩...

黎緊7月尾放暑假,我可能送個仔去我家姐到(屯門),我就要專心搞賠償既事...希望順順利利啦!!

YENCHAN

fionkwok,

我地緊係返到7月31走人啦...不過追佢賠償....真係好煩...搞到有錢收起碼要9個月時間...頸都長...

waiwaichu2003,

我老公都係咁講...因為佢做開電腦,寫網頁唔係問題,不過而家諗緊方向,睇下邊方面發展好d...