剛１歲證實發展遲緩（6歲放棄主流，入讀體障）

chloe_karina

原帖由 methy 於 13-01-21 發表
阿仔3歲,返E位返得好開心，上兩星期物理治療師既阿HEAD黎左中心睇cases，問阿仔有無照腦(MRI),因為佢既診斷 ...

做乜好地地又話係CP 架

borischiu

hi methy
請問你自制訓練1.麵粉&2.紙箱是怎樣整的, 謝謝

snoopy333

回復 methy 的帖子

methy, 你好呀. 之前已經有睇你呢個 post (雖然未睇哂), 覺得你好有心機教小朋友, 好佩服你.

我有一對孖b, 17個月. 囡囡發展ok, 但囝囝就明顯慢好多令我有d擔心.

- 不會用手指去指想要的東西.

- 不斷教佢指五官, 飛吻, 請請, 點頭. 囝囝而家都只係識只識 byebye, 拍手呢兩樣指令 (都唔係次次做).

- 佢心情好時叫佢拎野佢都會拎俾你 (只懂波波, bb鞋), 但教佢形狀, 顏色之類既野佢多數唔聽.

- 玩玩具時多數會咬, 不懂正確地玩.

- 經常發脾氣.

我唔知囝囝發展係米慢, 想請你俾d意見. thx!

methy

borischiu 發表於 13-1-24 11:33
hi methy
請問你自制訓練1.麵粉&2.紙箱是怎樣整的, 謝謝

麵粉團:

材料: 1杯麵粉
         1/2杯鹽
         15ml 油(我用花生油)
         1/3杯水
          數滴食物顏料(超級市場有賣)

方法: 1.將麵粉 & 鹽撈埋
         2.慢慢加入油 及食物顏料(用小量水溝稀)
         3.搓起麵團,如果太"痴手"，可加麵粉

麵團可雪入雪櫃數星期.拎出黎如果比較硬,可加小小水令佢軟身返。

紙箱:

搵個大紙盒,用"較剪"整洞,指示小朋友用飲管或筷子插入d 洞到,可訓練專注.小手肌&協調。

methy

snoopy333 發表於 13-1-24 16:00
回復 methy 的帖子

methy, 你好呀. 之前已經有睇你呢個 post (雖然未睇哂), 覺得你好有心機教小朋友, 好佩 ...

1-2歲既發展里程:
智能發展

• 一頁頁翻看圖畫書
• 用手探索有趣的物件（如：摸、拍、扭）
• 用一些較複雜的動作達到目的，例如：一手揭起小手巾，一手拿起毛巾底下的食物
• 明白一些物件的名稱，例如：問兒童「鞋鞋呢？」，兒童可以指出來
• 至少能指出身體的三個重要部份
• 將兩塊形狀放入形狀板孔內(圓形及正方形)
• 會嘗試用不同的方法解決問題，例如：拿出放在小盒內的食物
  

社交與情緒發展

• 會學別人曾經做過的動作或行為，例如：用毛巾抹桌子
• 會望向成人指著的地方
• 在成人提示下會向別人打招呼或分享食物
• 依從簡單指令，如：‘俾我’‘坐低’‘攞玩具俾我
• 與別人一來一往地玩，例如：玩推波
  

語言發展

• 說出以物件、人物及動作名稱為主的單詞，例如：包、媽、抱
• 明白物件的名稱，例如：包、狗、鞋
• 明白環境性指令，例如：將紙巾掉入垃圾筒內
• 明白與物件功能相關的動作的名稱，例如：「邊樣要黎飲水？」
  

大肌肉發展

• 自行爬上、落樓梯
• 站立時能彎身拾起地上的物件
• 保持蹲的位置30秒
• 穩定地向前步行
  

小肌肉發展

• 用拇指及食指頭相向地拾取小物件放入小瓶中（如：提子乾干）
• 把2塊積木疊高
• 用蠟筆在紙上隨意塗畫（任何一種握筆法）
• 雙手拉開物件如：膠泥、較鬆的插拼玩具
• 把2個圓形杯套起來
  

生活技能發展

• 用手指把食物放進口中
• 用吸管啜飲
• 咀嚼固體食物
• 用手勢或聲音表示如廁需要
• 雙手把褲子拉下脫褲
  

你小朋友情況我唔太ｓｕｒｅ．不過”手指指”係幾重要既指標，１歲就應該做到，如果有懷疑.call健康院，返去見見姑娘，最好要求埋轉介兒科，ｃｈｅｃｋ清楚，早介入，早治療．做多好過做小。

AHGU

你BB是否工人湊，佢有冇偷懶唔放佢落地，成日困在床。懶人國的國民十居其九都常吞pop，連帶我個兩歲女打秋千都講大話，打左一分鐘就唔打，坐著等!

AHGU

邊間綜合中心咁可惡，我轉介家福會排左20個月，仲未排到，唔知點解?

mornstars

回復 methy 的帖子

Hi, Methy

My son is delay too, now 5 years old la, 看見你說要做推拿針灸，又見到有說做顱底骨治療是否成效很好？又可以在哪裡找到這些治療呢？

Ks

BBQUEENBB

原帖由 methy 於 13-01-21 發表
阿仔3歲,返E位返得好開心，上兩星期物理治療師既阿HEAD黎左中心睇cases，問阿仔有無照腦(MRI),因為佢既診斷 ...

CP主要係影響運動神經，照MRI可以知道腦區邊度受損，methy你仔仔未照過MRI??

照下都好既，不過我覺得你仔仔好叻吖！我個CP仔好懶吖，23個月仲唔肯坐，又唔肯企！如果我個仔好似你個仔咁叻就好啦

ptu

methy,

我囡剛2歲，上個月照埋MRI,昨日返去睇report 話無發現， 醫生又係叫我囡行俾佢睇，話佢行得怪，一口咬實佢有問題，但又無檢查證明到佢係咩問題，之後就自言自語地說： 你囡囡都唔似你兩夫婦既，皮膚又黑， 耳仔又大 , 就懷疑係遺傳基因或者神經又或者肌肉有問題， 總知唔似發展遲緩咁簡單， 之後就叫我6月返去覆診， 我真係唔知政府醫生想點

GentooMama

Methy,

我花咗兩日先睇哂啲post. 好多謝你地既分享，我囡囡十四個月仲係企唔穩，唔好講行，其他認知上亦差啲，好想佢可以學快啲，你可唔可以pm啲私人治療師資料？謝謝

methy

BBQUEENBB 發表於 13-1-29 01:10
CP主要係影響運動神經，照MRI可以知道腦區邊度受損，methy你仔仔未照過MRI??

照下都好既，不過我覺得你仔 ...

等緊政府比期照呀，都3歲了,本來唔打算照架，近來大小肌既進步慢左落黎，可能照照睇睇都好。

個個b 發展情況都唔一樣,只要比之前有進步,無論大與小，都值得開心。

methy

ptu 發表於 13-2-27 18:09
methy,

我囡剛2歲，上個月照埋MRI,昨日返去睇report 話無發現， 醫生又係叫我囡行俾佢睇，話佢行得怪，一 ...

我都好怕覆診時醫生懷疑呢樣,懷疑嗰樣，不過無計，發展慢原因太多,可能最終結果係"原因不明"，我都開始唔care 係咩原因了，有時係d醫生要搵出原因，不停叫你抽血，驗呢d嗰d,,我阿仔開始大，會記得"痛苦"既檢查，有時d醫生太過進取，想做ｄ太激進既檢查（例如抽肌肉組織）．我唔會應承的。只要阿仔ｋｅｅｐ住進步．保持住訓練就夠喇。

methy

唔覺唔覺返左N班半年，阿仔係開心既,不過姑終大肌都係差，細過佢既已經叻過佢，上學期老師叫每位同學去某張桌子上玩一樣野，下學期就改為: 每個同學自己去拎一份玩具,之後返回桌子到玩,阿仔平衡未得，唔能夠雙手拎野,走返埋位，所以仲係停留係自己去一張桌子到玩一樣玩具既能力，佢亦知道自己既不足，唔開心。

語言能力係好左，講到句子，但表達能力明顯同同學有好大距離,同學仔已經係講得出自己既諗法，表達複雜既意見，阿仔都係停留係: 我想食飯呀..我唔要大便...呢d比較簡單既日常生活句子,,問佢學校做過咩,佢講唔出，但會無啦啦扮老師講野，唱教過既歌。

E位，大部份治療師都好好，係OT令我失望d..過去半年因為陀b 及照顧初生,無法跟去，一直由湊開既 ee跟，原來OT一直都無訓練佢小手肌,每次都係要佢爬，好似做PT 咁，係屋企同阿仔渣筆,又無進步到，決定問問OT阿仔既情形,順便比佢知,我想阿仔小手肌可以訓練多d,跟住我再去上堂,果然治療師立即比返d小手肌訓練比佢,,用圖提示方式渣筆畫線，又立即畫到，用顏色筆"點"紙既兩邊，提示摺紙等等....


圖上:明顯有黑邊提示下，可以晝到一條條既直線
圖下: 口頭提示,加指住都晝唔到直線


有時唔係唔相信d治療師，不過如果父母自己唔跟緊d,,無要求，佢地就會得過且過。

pinkdoll

methy 發表於 13-3-5 15:36
唔覺唔覺返左N班半年，阿仔係開心既,不過姑終大肌都係差，細過佢既已經叻過佢，上學期老師叫每位同學去某張 ...

你ot肯俾返啲小肌訓練個仔做, 都好好喎. 你有冇問ot, 阿仔小肌弱既原因係乜? e.g. 手指未夠靈活? 手部肌肉未控制得好? 定前三指未得? 手婉位未夠力? 其實, 用筆畫嘢係好複雜架, 照你講你仔仔平衡未得, 這個因素會對畫線/寫字好大影响, 我諗除咗叫你個仔做呢啲練習外, 大前提練好大肌小肌先.

我見到你下面幅圖, 你仔似乎除小肌弱外, 似乎手眼協調都未得, 空間感都未得. 同埋, 點與點之間距離太闊, 試下唔好咁遠先, 咁小朋友先有滿足感.

methy

原帖由 pinkdoll 於 13-03-05 發表
本帖最後由 pinkdoll 於 13-3-5 18:17 編輯

多謝你既回覆，有時有同路人傾計先知道自己既諗法係咪有偏頗。未有E位前，醫院OT集中用小手肌，所以到E位OT接手，我以為都係集中訓練手部。
其實大肌影響最大，我都明白應該練好大肌先，但學校要求點對點功課，阿仔完全做唔到，才問問OT有咩計，先知道係有方法，就好似＂上圖＂周圍黑蚊蚊，阿仔就畫到直線。
阿仔手婉無力，後尾3指無力，協調都未得，簡單講就係＂未發展到＂，都係要多練習。

pinkdoll

methy 發表於 13-3-5 18:34
多謝你既回覆，有時有同路人傾計先知道自己既諗法係咪有偏頗。未有E位前，醫院OT集中用小手肌，所以到E位OT ...

但學校要求點對點功課，阿仔完全做唔到 <---- 學校啲功課, 1. 無可奈何下幫佢手做, 然後集中練e位啲訓練 2. 同老師傾仔仔既問題, 然後睇下學校可唔可以較慢啲進度, e.g. 人哋晝咁長, 佢畫短啲. 我哋啲仔, 一定要學校肯包容肯配合肯俾空間小朋友慢慢進步, 肯欣賞我哋呢啲仔有進步, 雖然未達同齡. 唉, 我哋啲仔, 人哋學緊彈琴跳舞個陣, 我哋可能重幫個仔練緊前三指, 係好無奈, 但要接受, 要接受, 但唔好放棄, 因材施教好重要.

methy

原帖由 pinkdoll 於 13-03-05 發表
本帖最後由 pinkdoll 於 13-3-5 18:58 編輯

N班好包容，做左好多野配合阿仔，令佢可以盡量參與堂上課程&遊戲，我都睇到入學半年，進步左好多，但其他同學進步得更快更多，我自己唔比較，但阿仔自己會比較，唔開心。我想開解佢，但佢會搵其他野玩，唔穌我。

我重新考慮今年9月比阿仔讀S位，等佢日常流程會有多d專業元素幫助，可以加速佢進步。

pinkdoll

methy 發表於 13-3-6 13:54
N班好包容，做左好多野配合阿仔，令佢可以盡量參與堂上課程&遊戲，我都睇到入學半年，進步左好多，但其他同 ...

都係既, 講到尾最緊要小朋友開心有自信, 才會有進步.....

apple~y

回復 methy 的帖子

n班巳經要晝線,那時仔仔多數塗顏色
我以為k1先開始晝