請問有冇N1D1(PM)同學仔

loloyen

HI!媽珠
今日好彩冇落雨,大家都睇得好 ,你今日同MISS LAM傾計有冇收到風個MISS NG係點解,之前未去觀課前都知道阿仔係學校係好開心咁返學,今日比我睇到更多,阿仔都有小小群體,不過有時發緊夢咁,已經好過以前返PLAYGROUP,以前阿仔唔比人掂又唔肯HOLD HAND又唔跟老師做,現在我已經覺得佢好好啦 !
你女女今日有冇叫你去冒險樂園?我見你好耐都未出學校門口,你同MISS LAM傾咗好鬼耐呀!

媽珠

Hi! loloyen,

尋日我自己都睇得好開心 , 小朋友又玩得好開心. 阿女話大部份嘢之前都做過(排過), 但佢都係嗰刻先知自己做 golden girl.
阿女尋日冇頭岳岳係因為我warning 過佢, 如果唔專心唔聽老師指令我就即刻走, 所以佢先噉乘咋!

走時我有問 Miss Lam Miss Ng 嘅問題, 佢話因為有老師走 . 但唔係佢.  其實唔係傾咗好耐 , 而係阿女又周圍走, 又要叫返佢先走得....

原帖由 loloyen 於 11-3-17 01:46 發表
HI!媽珠
今日好彩冇落雨,大家都睇得好 ,你今日同MISS LAM傾計有冇收到風個MISS NG係點解,之前未去觀課前都知道阿仔係學校係好開心咁返學,今日比我睇到更多,阿仔都有小小群體,不過有時發緊夢咁,已經好過以前 ...

loloyen

HI!媽珠
如果唔係MISS LAM要走都安心啲,阿仔話今日MISS LAM冇返病咗,希望MISS LAM快啲好番 !今日啲人去搶鹽,你有冇去搶 ,其實真係唔使去搶,我就唔怕啲鹽有事,不過就唔去日本同食日本嘢住,本來諗住8月放暑假同埋阿仔去北海道,現在 ,有排都唔去得,真係好可惜!要諗過去第2度!

媽珠

Hi! loloyen,

幾日都唔得閑上嚟! sorry!
今日學校睇返小朋友自拍嘅 VCD, 有你仔仔份呀! 不過我哋冇交, 因為部電腦有啲問題, 啲 VIDEO 燒唔到出嚟!
阿女呢幾日成日唱啲 去旅行 嘅歌, 佢話 Miss Lam 教嘅. 可能想佢哋印象深啲去旅行都開心啲啦!

原帖由 loloyen 於 11-3-17 23:52 發表
HI!媽珠
如果唔係MISS LAM要走都安心啲,阿仔話今日MISS LAM冇返病咗,希望MISS LAM快啲好番 !今日啲人去搶鹽,你有冇去搶 ,其實真係唔使去搶,我就唔怕啲鹽有事,不過就唔去日本同食日本嘢住,本來諗住8月 ...

媽珠

Hi! loloyen,

今日 Miss Lam 教咗佢哋用環保回收筒, 啡膠樽, 黃鋁罐, 藍廢紙. 阿女成晚背住, 但佢識背唔識用 , 下次我落街掉入回收筒時要佢親自試下先!

阿女而家日日問明日係咪去嘉道理農場 , 你仔仔有冇問你呀?

原帖由 媽珠 於 11-3-23 22:36 發表
Hi! loloyen,

幾日都唔得閑上嚟! sorry!
今日學校睇返小朋友自拍嘅 VCD, 有你仔仔份呀! 不過我哋冇交, 因為部電腦有啲問題, 啲 VIDEO 燒唔到出嚟!
阿女呢幾日成日唱啲 去旅行 嘅歌, 佢話 Miss La ...

loloyen

HI!媽珠
阿仔今日都有講MISS LAM教唱旅行歌,不過佢唱完晒我剩係聽到最清楚"嘉道理,風景美"其他唔知佢唱乜,都唔知幾時阿仔先講得流利 ,明天既迪迪尼之旅改咗日子,要去到5月先去,因呢幾日天氣不太好 ,好彩阿仔冇介意!你女女學琴學成點,我下一期興趣班既時間照現在3點,可以繼續返,之前老師講話可能要11點,我話太早,現在可以照原先時間真係GOOD !

媽珠

Hi! loloyen,

可能去旅行嗰日小朋友會一齊唱多次, 到時你就會聽到.
不過海濱公司都幾悶o架, 阿女上年旅行去過, 好在今次去半日.
阿女學咗3堂, 我唔叫佢佢又唔會自動練. 不過除咗第一堂老師叫阿女即時彈比我睇我知點叫佢練之外, 其餘兩堂老師都係教佢兩至3小段, 我冇心機學, 問阿女點彈佢又點我...
不過下堂開始加到45分鐘一堂. 時間長啲我相信可以彈多幾次入腦啲.

loloyen

hi!媽珠
早兩日阿仔都有講下藍廢紙,啡膠樽,不過黃就唔係好識講個"鋁罐"字,阿仔都有講嘉道理,不過唔係日日講,迪迪尼就日日講 !明天要去接阿仔放學,因為明晚要去鋼琴老師到補一堂課,原因係阿仔現在既進度差2堂就可以追到第一期早3個月既同學,加上今個星期六唔使返暫停,下一期興趣班我返個時間既班全部都係第一期同學,所以老師叫我補一堂,等4月9日第一堂可同其他同學一樣進度 !希望明天唔好咁多功課,因為時間太緊迫 !其實老師話學琴最緊要要日日練,練得多就會好快上手同識睇豆豉,我阿仔現在每晚練30分鐘到,如果佢專心會快啲練完,發夢既話就要多啲時間,你女女如果真係有興趣彈琴,你都要考慮買個琴係屋企比佢日日練先得!
海濱公園好悶,唔會掛,我怕真係悶到訓著,我見其他york mama有講去完旅行好開心,可能老師會安排精彩既行程比我哋,應該唔會悶,會 !

媽珠

Hi! loloyen,

我而家有時都會同阿女去睇下回收筒教下佢, 但唔知點解新式已經變咗只有字而冇分顏色又冇公仔.

佢去完嘉道理可能會開心到日日講, 而唔得咗迪士尼呢!

而家暫時用住響反斗城買嗰個四十幾鍵阿女練下先, 到學多一排阿女有興趣 C6 話叫佢表弟婦睇下阿女有冇天份, 先決定買唔買, 因為佢已經係 8 級同時響街教緊人.

原帖由 loloyen 於 11-3-30 00:11 發表
hi!媽珠
早兩日阿仔都有講下藍廢紙,啡膠樽,不過黃就唔係好識講個"鋁罐"字,阿仔都有講嘉道理,不過唔係日日講,迪迪尼就日日講 !明天要去接阿仔放學,因為明晚要去鋼琴老師到補一堂課,原因係阿仔現在既進度差2堂 ...

媽珠

Hi! loloyen,

尋日阿女放學一落車就即刻唱咗首英文歌比我聽 : Oh xxxxxxxxxx darling, xxxxx (sorry! 歌詞唔記得咗o添)
我聽完自己覺得好 "林" , 佢話學校教o架!

原帖由 媽珠 於 11-3-30 17:05 發表
Hi! loloyen,

我而家有時都會同阿女去睇下回收筒教下佢, 但唔知點解新式已經變咗只有字而冇分顏色又冇公仔.

佢去完嘉道理可能會開心到日日講, 而唔得咗迪士尼呢!

而家暫時用住響反斗城買嗰個 ...

loloyen

HI!媽珠
有首咁冧既歌我今晚都要問下阿仔先得,昨日佢都冇心情唱,因為MISS LAM話佢唔LIKE食個奶皇飽自己走去想揼落垃圾筒,比MISS LAM話佢仲喊,我接佢放學時當面教訓,佢都想喊,轉頭又趕住去學琴,所以佢冇時間同心情唱冧歌 ,小朋友既情緒都幾難攪 ,希望星期六天氣暖多啲,大家都開心,不過都係怕阿仔早起身辛苦,我都係 !

媽珠

Hi! loloyen,

sorry! 首歌唔係學校教o架! 尋日阿女放學我叫佢唱, 佢竟然話唔記得 , 我都好真! 點知尋晚佢望住電視竟然跟住電視唱返, 原來係ONLY YOU 嗰首結尾歌嚟.

佢第一次唱時我都覺得其 , 學校冇理由教呢啲歌    o架!

尋日我都有接阿女放學, 因為佢學畫畫要補堂. 但要5:00 上堂, 所以我要由太子坐的士去學校再返太子, 所以去到學校已經遲咗, 見唔到你o添.

我怕自己起唔到身就真, 阿女冇問題o架, 以前佢返上午班我都係照樣佢一路瞓 我一路同佢換衫, 換完佢就起身o架喇!

明天旅行見.

原帖由 loloyen 於 11-3-31 15:27 發表
HI!媽珠
有首咁冧既歌我今晚都要問下阿仔先得,昨日佢都冇心情唱,因為MISS LAM話佢唔LIKE食個奶皇飽自己走去想揼落垃圾筒,比MISS LAM話佢仲喊,我接佢放學時當面教訓,佢都想喊,轉頭又趕住去學琴,所以佢冇時間同心情唱 ...

loloyen

hi!媽珠
昨日旅行真係攪到我哋兩公婆散晒,不過阿仔就好開心,真係好多謝老師比啲咁精彩既行程我哋, 不過阿仔之前有啲失望因為抽獎冇佢份,佢轉頭唔記得咗lu ,我今日去大眾搵到三角鉛筆啦,唔該晒你 ,你女女昨日開心嗎?食嘢個到我覺得唔錯,呢個價錢叫好好,阿仔既性格真係怪怪地,見親佢群體活動都好怕羞,但係佢上堂又學到嘢喎 ,都唔明佢乜性格咁怪,應該唔係自閉 !thx!

媽珠

Hi! loloyen,

我哋都散晒, 我重有小小作感冒o添 , 阿女有阿媽抺汗, 阿媽就冇 人抺汗, 不過我病都好過佢病, 自己病食粒藥就ok. 佢病我重有排煩.
成個行程都安排得幾好, 唔會淨行, 都有小小堂比小朋友上下, 不過啲老師就辛苦啲要曬住 等上堂...
食嘢都ok. 其實全程收費好合理, 上年阿女PN 班旅行, 得來回各一程車, 冇得食都收$60/位啦!
我覺得你BB 有小小未習慣過群體生活, 下年會好啲o架喇! 叫你C6 唔好太緊張, 每個人嘅性格都唔同, 你 BB 比較內向. 要比多小小時間佢去適應佢先至會有反應. 我覺得最緊要都係老師教佢接收到. 如果你BB 好似我阿女噉, 有問必答佢可能會好煩, 因為太多口, 咩都講一餐, 大人講一句, 佢會答你兩三句:;pppp: , 佢爸爸成口話佢舉一反三, 簡單講即係駁咀駁舌囉!而家先得四歲人仔, 大啲唔知點算......

我都幫你買咗一支原筆, 如果你今日收到, 唔駛比返我啦! 因為阿女支筆都重有大半支. 你叫你仔仔啲功課做好啲就得o架喇!

原帖由 loloyen 於 11-4-4 00:03 發表
hi!媽珠
昨日旅行真係攪到我哋兩公婆散晒,不過阿仔就好開心,真係好多謝老師比啲咁精彩既行程我哋, 不過阿仔之前有啲失望因為抽獎冇佢份,佢轉頭唔記得咗lu ,我今日去大眾搵到三角鉛筆啦,唔該晒你:ilovei ...

loloyen

HI!媽珠
咁唔小心病咗,你要保重,因為你病咗冇人睇女女,你知我哋啲三陪工人,冇得停,要好好TAKE CARE你 !我就有啲腳酸軟,休息多兩日應該冇事!多謝你枝鉛筆,現在阿仔有2枝存貨,有排用,佢現在都好有心機做功課,當然醜怪既我會刷咗去,佢都冇怨言,冇發脾氣,現在啲功課成日都有4個印仔,可能阿仔重細,手仔未夠好有力,佢要慢慢先可以寫得靚靚,現在算好好多,都有時攪到我小小勞氣 !我都有同C6講過,你唔好咁緊張阿仔,要慢慢嚟,佢係學校學到嘢未得,又唔係一碌葛,現在已經講多好嘢啦,好過之前,只係唔係咁群體,阿仔性格係內向,唔係自閉就OK!THX!

媽珠

Hi! loloyen,

小病借! 食咗藥冇事喇!
而家阿女做功課都唔駛陪, 但練琴就要勞氣啲囉!
星期五你去唔去呀?

原帖由 loloyen 於 11-4-5 03:46 發表
HI!媽珠
咁唔小心病咗,你要保重,因為你病咗冇人睇女女,你知我哋啲三陪工人,冇得停,要好好TAKE CARE你 !我就有啲腳酸軟,休息多兩日應該冇事!多謝你枝鉛筆,現在阿仔有2枝存貨,有排用,佢現在都好有心機做功課,當 ...

loloyen

hi!媽珠
星期五我搵c6去,因為太早啦,今次有人幫我,我可以休息下 !
今日阿仔冇返學,因為感冒,成晚咳都冇乜訓好,所以比佢休息,已睇咗醫生,不過今日要影相,阿仔冇返唔知係未冇得補影呢 ?
你女女係未係太子學琴架,我現在個老師都係太子,如果你遲啲想轉老師,我可以幫你問下我個老師,佢個人好嚴格但又好識讚小朋友,又會幫佢打好基本功,good!初初教阿仔彈琴指法我都好勞氣,現在指法正確冇乜太勞氣,只係有時彈彈下分心,不過佢係超like彈琴,講笑叫佢唔好再學啦,因為冇晒時間玩,好辛苦,阿仔話唔好,重話唔怕辛苦,真吹脹 !

媽珠

Hi! loloyen,

如果你想補影就要同Miss Lam 提下, 我見佢有幾日都係影相日, 睇下可唔可以再安排下.
而家響屋企附近學先唔係太子, 如果有需要再問你攞資料啦!
可能阿女未習慣練琴, 星期一第一次叫佢練返星期日老師教嗰幾首歌佢唔係好想, 佢一唔想嘅嘢就會同我講唔識, 問我點彈. 要我 佢先會識返, 因為每次都係落堂時老師同我講一講, 因為我唔想學, 所以之前冇留心聽, 但而家唔想比阿女點, 所以老師講完再叫阿女彈多次先落堂. 等我又要學下, 而家一個價錢兩個人學真抵. 但其實我 想學o架!

原帖由 loloyen 於 11-4-7 00:50 發表
hi!媽珠
星期五我搵c6去,因為太早啦,今次有人幫我,我可以休息下 !
今日阿仔冇返學,因為感冒,成晚咳都冇乜訓好,所以比佢休息,已睇咗醫生,不過今日要影相,阿仔冇返唔知係未冇得補影呢 ?
你女女係未係太子 ...

loloyen

hi!媽珠
咁未有著數我哋 !
星期五你冇去家長會咩?我c6話見唔到你,不過都係講下好似你上次同我講既k2時間同活動,遲啲會有通告,c6見過miss lam,miss lam話阿仔好過之前好多,群體咗啲,投入咗啲,不過阿仔唔like同男仔玩,多數同女仔玩,我 !現在係班阿仔最好朋友係yvonne,miss lam話佢哋成日一齊玩好好感情,希望大個啲唔好再咁多同女仔玩,同番多啲男仔,我有啲 !

媽珠

Hi! loloyen,

星期五我去聽 11:30 嗰埸, 所以咪見唔到囉! 原來你係早埸, 唔怪得知你話太早啦!

我嗰日都攪到2:30 先走咋! Miss Lam 就話阿女上堂有啲唔專心, 答問題答少咗.

我對嗰個暑期國語班有啲興趣, 不過都要睇下時間o岩
唔o岩......

原帖由 loloyen 於 11-4-9 23:55 發表
hi!媽珠
咁未有著數我哋 !
星期五你冇去家長會咩?我c6話見唔到你,不過都係講下好似你上次同我講既k2時間同活動,遲啲會有通告,c6見過miss lam,miss lam話阿仔好過之前好多,群體咗啲,投入咗啲,不過阿仔唔like同 ...