2010~2011 小一家長請進!

小鄧

各位媽媽,

關於notebook一事, 事發當晚, 仔仔有不停話要找notebook, 找到之後就話我收埋左佢, 等佢冇帶, 打開左本簿, 寫左日期, 寫左unit 3之後, 又不了了之, 我都有幫佢check eclass, 都係冇, 所以我又不了了之。翌晚仔仔告訴我, 老師話佢地欠交功課, (我估班內應該有d聲音...)仔仔再話老師話今次算數, 願諒佢地一次。咁我就話老師好大方, 小朋友做漏野會俾機會佢地改過..., 我又話好彩老師願諒我地咋, 快d補做返, 仔仔打返開見到自己已經寫左昨天日期, 我就成機讚讚佢都幾好, 其實都知道要做, 但係就唔知要做咩, 媽媽又幫唔到你, 都係要全靠你上堂留心聽老師講, 先知要做咩。今次可能老師專登唔寫手冊, 只在堂上講, 睇下邊個交到功課, 希望佢下次再留心d, 仔仔話都有10個8個交到呀。

小鄧

d功課簿, 如果寫左要改的, 就會帶, 如果咩都冇寫, 我就放家中, 咩都帶會c的。

測試一問, PLE即係書啦, WB即係Workbook 啦, GE即係d黃色工作紙, 咁 useful language, 即係咩呀?

11月先測驗, 好似好多時間, 但我覺得平日晚上冇咩時間溫習, 星期六日想溫,但又發覺d野唔齊, 溫d唔溫d。

大家加油呀!

aquarius828

小鄧:

唔使改果D, 其實使唔使再帶返嘅呢? 因我仔仔同我講話: 要帶架, 要帶架.. 我就由佢放返係功課套到, 放學之後又真係唔見咗架喎, 係咪老師會KEEP返嘅呢? (不過可能班班唔同, 每個老師做法唔一樣都唔出奇)

其實話就話11月測驗, 不過係11月頭, 所以其實得返兩個星期到溫習架咋, 唔係好多時間

係呢, 想問問你地, 咪有份咩低碳節能比賽要做嘅, 你地叫小朋友親筆寫定係大人自己寫架?

bb200

想問有無上一A的家長可交換電話呢?

小鄧

低碳節能我唔知放左去邊了, 一定要做? 我唔打算做呀。

返而我好似記得有份野要25/10交, 要一齊畫畫的(仲要係用畫紙做的), 之前仔仔交左寫字的部份(都已經唔記得寫左咩), 這份就好似就一定要交, 但現在冇咩頭緒,連邊科要做都唔記得, 我仲諗住老師會派回來才做, 但到依家都未派, c火, 失憶呀。

功課簿, 我剛剛問仔仔, 佢話冇帶唔緊要, 有需要先帶,我反問我唔知幾時有需要, 佢就話佢會知囉, 哈哈。班班唔同呀, 按需要啦!

aquarius828

果份係宗教科應該, 因為係要寫感恩禱文, 我都記得話咩要咩畫埋畫, 但唔係要等老師派返果張禱文回來才做的嗎? 如果唔係, 點做呢? 可唔可以講講呢? C哂伙, 我都亂哂龍, 唔係你提一提, 都唔記得E樣嘢了

原帖由 小鄧 於 10-10-18 11:50 發表
低碳節能我唔知放左去邊了, 一定要做? 我唔打算做呀。

返而我好似記得有份野要25/10交, 要一齊畫畫的(仲要係用畫紙做的), 之前仔仔交左寫字的部份(都已經唔記得寫左咩), 這份就好似就一定要交, 但現在冇咩頭緒,連邊 ...

小鄧

aquarius828,

宗教科, 咁就好似有d印象, 但我唔記得左個format, 點交? 我記得第一頁有一欄是俾我地寫資料貼在畫紙後面, 老師唔派我地點貼呢?畫畫唔係要跟寫左的禱文畫咩? 應該會派啦, 今日有宗教科, 睇下有冇派先。

loveAM

宗教禱文已經交左，係比賽來架，我有幫手作，但又唔想好似依賴我做晒咁，卒之叫仔仔先嗡，等佢一齊參與，最後整理返通順句子。好似等老師改完再畫畫，每班有冠亞季軍；
另有油尖旺交通海報設計比賽，好似下星期交；
仲有中電低碳比賽，好似下星期一交；
好多親子要做啊！盡量交lo，自在參與！

其實阿仔so far都抄齊功課，好整齊，希望佢繼續la！
加油啊！各位！

aquarius828

loveAM,

咁果個咩低碳內容, 你會叫小朋友親手寫, 定係你自己寫丫, 果d行距咁窄, 叫小朋友都唔知點寫, 皆因我仔仔寫字仲係幾大隻

原帖由 loveAM 於 10-10-18 14:26 發表
宗教禱文已經交左，係比賽來架，我有幫手作，但又唔想好似依賴我做晒咁，卒之叫仔仔先嗡，等佢一齊參與，最後整理返通順句子。好似等老師改完再畫畫，每班有冠亞季軍；
另有油尖旺交通海報設計比賽，好似下星期交；
仲有中電低碳比賽，好似 ...

aquarius828

果個油尖旺交通海報設計比賽真係無乜印象, 唔知塞咗去邊添丫

原帖由 loveAM 於 10-10-18 14:26 發表
宗教禱文已經交左，係比賽來架，我有幫手作，但又唔想好似依賴我做晒咁，卒之叫仔仔先嗡，等佢一齊參與，最後整理返通順句子。好似等老師改完再畫畫，每班有冠亞季軍；
另有油尖旺交通海報設計比賽，好似下星期交；
仲有中電低碳比賽，好似 ...

小鄧

loveAM

好勁呀, 原來之前派左咁多野, 我收到之後會睇睇係唔係一定要交, 唔係的, 我就放起左, 冇埋佢, 已經周身唔得閒, 仲要交咁多野, 我就攪唔掂囉, 佩服!

你地有幾多個小朋友? 我仲有個細女得1歲, 所以我覺得好忙, 定係我唔識分配時間, 所以好忙, 好亂, 有時成日想, 得一個就好, 我會容易d handle, 依家幫得個大做功課, 就已經冇晒時間, 個細開始識呷唶, 有冇過來人可以幫幫忙?

loveAM

我都有個細仔，but完全交左俾工人，我要返工，淨係返去抱下佢就算，都好慚愧，好彩mama及popo幫忙。我淨係跟大仔d功課及溫習，daddy就美勞及體育，我地分工合作，好似今日交個個皇冠，我完全唔參與，daddy & 仔仔搞點！

but我仔仔暫時都幾合作，ok la！我一放工就將d時間俾晒佢，連電視劇都冇睇，跟住搞點就俾daddy同佢講故事！

日日都好busy，但都enjoy！分工合作好d架！

loveAM

dear小鄧：的細仔都係13個月，咁岩嘅！

loveAM

Dear aquarius828
我會同仔仔一齊諗(but都係我諗多)，寫左係草稿再要佢寫係正式個張紙度，我唔會寫200字，可能50-80，point form lo，參與下，等佢識多d常識，因為佢依方面比較差。

aquarius828

要佢寫咁多字, 真係攞我命好過了, 我真係睇情形, 我都DRAFT好咗, 都係寫D COMMON嘢... 但我見D LINE好窄, 所以我想自己寫咗佢算; 但諗諗下, 又好似大人寫唔多好, 都唔知點攪...

我就得阿仔一粒, 但都覺好忙了, 所以佩服你地 , 你地D細路妹幾年後仲可直入循小喎, 唔使煩

原帖由 loveAM 於 10-10-18 16:11 發表
Dear aquarius828
我會同仔仔一齊諗(but都係我諗多)，寫左係草稿再要佢寫係正式個張紙度，我唔會寫200字，可能50-80，point form lo，參與下，等佢識多d常識，因為佢依方面比較差。 ...

loveAM

係呀！唔洗煩多次！

但一諗起兩個一個六年級，一個一年級時，兩個都要煩，就

所以依家放多d時間係大仔度，train佢自理能力，希望到時可以抽身理細仔

可佢寫多d字，一來可以識多d字，二來第時作文時可以唔洗煩，都係要寫咁多,

仲有，其實d小朋友好醒架，如果你一路唔俾多d野佢做，突然間俾，佢就會覺得好多，如果俾開咁多，就算加多d，佢都ok，我個仔就係咁，唔知你地d小朋友係埋一樣呢!

小鄧

love AM,

真係啱, 下次見到你可以討論下細個個讀nusery班呢, 我都開始想想她讀咩幼稚園, 你係唔係俾返細仔讀大仔那間? 我一心諗仔仔小六上循中(希望唔好係bottom 30%), 冇咩好煩, 妹妹應該學習上好過仔仔, 應該都唔需要煩, 因為哥哥已經做左好榜樣。

aquarius828,
我都係因為計到細女可以直入, 仔仔又唔係讀書好叻的人, 所以一心報循小, so far so good 上循中呢, 這樣可以冇咁大壓力, keep住親子關係最重要。

hellokitty2002

點解我冇你地所講既 "低碳節能" 個份工作紙.  係唔係班班唔同???  有冇人可以幫忙解答?

loveAM

Dear 小鄧：
我都希望細佬可以入度哥哥個間幼稚園，因為真係好好！
你仔仔都幾叻呀！我個仔都有提佢架！睇佢個樣好醒目，應該係叻仔，反而我個仔要跟，唔可以太放鬆。

dear hellokitty2002
好早之前派架，A4 SIZE影印版來架！

magiccandy

請問大家知否明天帶科技活動用具是什麼?