*嘉諾撒聖心討論區

烏龍媽媽

hayleyma, stccmc:

我自己不是教友.  但很贊同stccmc所講.  想請教大家有關慕道班與主日學的資料.  其實學校開始時都有提供相關資料.  但奈何時間不夾.  我也很想比囡囡參加主日學.  當然同時間我可以返到慕道班就perfect啦.  其實我有點怕中途加入的.  因不知從何入手, 也有點"一舊雲"似的.  請問如何得知教會時間等?  多謝指教!

stccmc 寫道:
Hayleyma,

我唔係教友, 不過想返慕道班聽道, 主要因為:
(1) Edith 好可能會讀多好多年天主教學校, 正因為自己唔係教友, 對天主教一無所知, 上慕道班聽下道, 遲的唔會和呀女脫節。
(2) 我相信教會主張的德育對 Edith 有益無害。  返下主日學會相當充實。
(3) 我認為聖經有很多好的道理, 真的為自己的好奇心及求知欲。

今天修女說聖安多尼堂的時間最早要 10:00am, 同埋好似同主日學時間無堅道咁夾, 我想一清早上和夾到主日學。  堅道要4歲又不能插班?  等我搞清楚先。

Ms.ChanChan

stccmc，

我唔覺你想聽道理的理由有咩問題，起碼你唔係為左入某些名牌教會學校先迫自己返教會喇!

Sindy

stccmc,
佢地係好歡迎大家研究架,即使你唔係抱住想信既心態,想了解佢地都得,上完堂都未必要領洗架,上完唔信都得

ichiban

各網友家長 :

學校發出通告，在29/10小朋友們須要穿著萬聖節服飾，由於通告沒有提及當天小朋友是否須要帶書包及書本，有無網友提供消息??

ICHIBAN  

hope01

Hello Ichiban,
你好呀, 你所問之問題在星期六家長日時, 都有家長問過曾老師的, 她話當日不用帶書本, 只帶書包,手冊套, 杯, 乾濕毛巾便ok. 但也有家長問因為萬聖節服飾是以穿著翅膀的, 可不可以不用帶書包, 當時曾老師想一想, 也回覆可以的.
但記緊帶回以上之其他物品.

ichiban

hope01,

多謝資料!!!

你咁快已經開了家長會, 學校通知我是在11月6日才跟曾老師開家長會, 不知家長會內容討論什麼為主???

ICHIBAN

東京mewmew

各位媽媽,

我在10月23日已經開左聖心家長會(因為我細仔都係讀聖心), 老師其實想我地多D了解小朋友係學校既情況, 從而更好地在家裏教導小朋友, 首先, 老師會先介紹他們日常係學校既常規, 重會每類課堂都解釋一次課堂運作(剩係講野已經講左成個鐘)。

跟住就係各位家長既交流時間, 但由於大家都係第一次見面, 所以最初會無物好講, 佢見大家無物野講, 就自發地問下家長想唔想知小朋友在學校的情況, 咁我梗係想知亞仔點喇, 於是佢就逐一講下, 我個仔個班主任(下午班NCA係黃老師), 佢對每一個小朋友都非常熟悉, 亦好留意每一個小朋友既發展進度, 同埋, 佢會教下家長點樣幫小朋友表達自己, 向家長報告學校生活, 點樣幫小朋友做book report, 點樣去啟發小朋友, 我非常喜歡這個班主任 :wink:

不過, 成個過程用左成兩個幾鐘, 不過, 我覺得安排都唔錯

東京mewmew

hope01 寫道:
Hello Ichiban,
你好呀, 你所問之問題在星期六家長日時, 都有家長問過曾老師的, 她話當日不用帶書本, 只帶書包,手冊套, 杯, 乾濕毛巾便ok. 但也有家長問因為萬聖節服飾是以穿著翅膀的, 可不可以不用帶書包, 當時曾老師想一想, 也回覆可以的.
但記緊帶回以上之其他物品.

重有, 老師話要帶體溫紙

hope01

Hi Ichiban,
不用客氣啦! 當日我都有帶同囡囡一起出席, 不過佢會另外安排老師照顧其他小朋友的(帶她們去看VCD), 而我們家長便一同回課室坐, 開始時由曾老師講及有關平時小朋友, 每日上堂課程內容程序等各方面, 讓家長多些了解每星期一至五, 所教之科目. 其後大家家長分享小朋友返o左學後, 有什麼改變.
或到時有什麼問題都可以詢問一下的. 我就問過有關我們11號車平時能否在星期一及三做早操方面, 曾老師就告知通常都能夠做到的, 如遲到的話, 也會在大家到齊時, 再做一次的.不知是真是假啦! (因估計返到學時, 應該都8:15分啦) 你有冇聽囡囡講過有否做早操呀?
你或者可準備, 有什麼問題到時面對面問下啦. 睇o下在你家長日時, 有否其他資料, 到時又通知一下大家啦.  

烏龍媽媽

stccmc,

唔好咁講自己!  有心踏出第一步很重要.  多謝你意見.  不過由於我自己時間上的限制,  怕問完修女後(因知道修女一定很有心詳細講解的)就因時間的唔容許而告吹.  所以希望請教一下大家囉!

stccmc 寫道:
烏龍媽媽,

"請問如何得知教會時間等?"

係學校梁修女搵我架。  我之前填過一些學校回條說想聽下道。  你問下學校修女或直接打比聖堂咪得囉。

我聽道的理由咁實際及理智, 依架睇翻好似唔係咁好

烏龍媽媽

stccmc,

知道la.  謝謝!

烏龍媽媽

nc班媽媽,

今早帶囡囡返學,  隱約聽到老師們對小朋友提及明天的萬聖節party.  好像要帶少量糖果回校的.  唔知小朋友今天回家時會唔會講番比你地聽呢?  以往學校有冇類似的活動呢?   我個囡知道後興奮了好幾天,  朝朝都話今日係萬聖節, 要返學開party.  攪到我都好期待明天的來臨!  你地會怎樣為小皇子, 小公主打扮呢!

東京mewmew

stccmc 寫道:
東京mewmew ,

"佢會教下家長點樣幫小朋友表達自己, 向家長報告學校生活, 點樣幫小朋友做book report, 點樣去啟發小朋友,"

這些都是很有用的, NCC 的班主任黃老師沒有講得那麼詳細, 可否分享?  謝謝。

我又番黎啦, sorry stccmc 咁遲先覆你 :-|

1. 如要啟發小朋友去報告學校生活, 首先, 家長唔好用D咁空泛既野去問佢地, 例如:唔好剩係問你今日係學校返學開唔開心呀, 食物野茶點等咁空泛既野。而係問佢地, 你返學有無玩單車呀, 有無老師同你講普通話呀, 茶點係唔係飲橙汁呀, 食火腿包之類, 所以黃老師一開始就同我地講下學校常規先, 就連茶點食物野都講得好清楚(所以佢剩係講野都講左成個鐘), 佢話如果我地知道小朋友係學校做物野, 就好容易用"實質"既形容問小朋友學校生活, 咁小朋友會覺得家長都關心自己係學校既情況, 而黃老師亦會將家長寫係小朋友手冊既評語(即係x, o, _/等), 同小朋友講, 等小朋友都知道老師係有留意佢係屋企既情況。

另外, 講到同小朋友做讀書報告, 黃老師話以佢同小朋友講故事既方法黎做例子, 佢首先會讓小朋友講下封面內容, 然後教下小朋友讀書名, 就連出版社個名都會講下, 又解釋下物野叫作者同埋出版社。然後先至講內容, 如果係英文書, 就先用中文解釋先, 跟住先至講英文D terms, 但係家長就要同小朋友一齊做個book report. 小朋友要畫畫同填顏色, 家長就寫書名、幫小朋友張畫寫小小解釋等(即係小朋友除左填顏色同畫畫之外, 就物都係家長做咁滯)

希望以上小小既資料可以幫到你啦

ichiban

Hi,

我囡囡昨天穿萬聖節服裝返學校上課，她很開心，佢話老師幫佢化妝，最衰無得影低佢張趣怪相，各位家長們，你們D小朋友又有什麼反應???

ICHIBAN

烏龍媽媽

我想囡囡在學校應該玩得很開心, 特別係畫面同自製糖果袋, 還特意話比我知有些糖果係假的呢.  不過佢話原來同班有三個同學仔同佢的裝扮係一模一樣的呢.

另, 想問下大家有沒有參加過家教會的x’mas party, 同學校的有乜分別呢?  會唔會係學校的只係可以學生參與的呢?  現在天氣轉涼, 可唔可以穿長的運動褲的呢?