2005年出世或~宏福幼兒園媽咪~(PART II)歡迎新朋友加入

hongmimi

天藍/626mama，

乜"康師傅"d杯麵好好食既咩? 我飲過檸檬茶都唔夠膽試其他lu~

不過如果妳地叫"康師傅"，匡匡都會知妳地叫佢，因為我返去同佢講左各位小朋友個花名，問佢鍾意叫"雞翼匡"定"康師傅"，睇黎佢都鍾意叫"康師傅"多d，我一講"康師傅"佢係咁笑，因為佢聽過我地叫揸車既"司機"做"師傅"，係屋企佢揸住架豬仔警車橫衝直撞，我地要叫：師傅! 停車!! 佢先停。

所以"康師傅"個名都好貼切~

hongmimi

pcdogxx,
嘩! 嚇死人咩? 鈞渝燒到104~

但係而家又鬼咁精神~   anyway快d好番去旅行呀!

626mama

hongmimi,

有機會可以試下，"康師傅"係買杯麵起家嫁。係台灣人在大陸攪出個名堂來，都食得過嫁。以前(好內以前)去大陸旅行都買來食下。

匡匡都鐘意做"師傅"

都係食埋飯先走，等緊外買仲未到。:evil:

原文章由 hongmimi 於 08-1-18 12:24 PM 發表
天藍/626mama，

乜"康師傅"d杯麵好好食既咩? 我飲過檸檬茶都唔夠膽試其他lu~

不過如果妳地叫"康師傅"，匡匡都會知妳地叫佢，因為我返去同佢講左各位小朋友個花名，問佢鍾意叫"雞翼匡"定"康師傅"，睇黎佢都鍾意叫"康師傅"多d ...

[ 本文章最後由 626mama 於 08-1-18 12:42 編輯 ]

ElainAiolia

626mama,
我贊成hongmimi個方法對付你果位同事 ，不過我唔會問佢，而係自言自語咁話  (要大聲到果位同事聽到)：“呀，唔知邊鬼個成日開大呢二隻窗，其他窗又唔開，D風又正正吹住我個位，如果因為咁，我冷病o左事少 ，最多洗D錢睇醫生o者，但返唔到工事大 ，要D同事做埋我D o野就唔係幾好意思la。 ”睇o下佢點o羅:evil: ！

軒爸如果真係去唔到:( ，你o米叫婆婆or EE去o羅！放心la，我o地實唔會唔理你o既 。

子聰就著一件長袖底衫、長袖衫、厚棉長衭及厚褸(係屋企) ；一件長袖底衫、禮儀服or運動衫、紅色棉背心及紅色校褸(返學時)。

我都幻想到你好凍 ，因我寫字樓D男人怕焗，所以會開小小冷氣(唔開窗係因為開o左會做o野做到C ……. 風水o野 )，但我就成日嗌好凍，仲有時會熄o左個冷氣就o下我(因為佢o地驚我病o左無人做o野o麻)。

你食埋飯先走，o米比你扼多一個鐘，你o米好爽 ！

ElainAiolia

天藍,
我o地唔係唔記得pcdogxx尖沙咀事件 ，不過諗住呢排你o地有o野交收，你又不停remind佢，o米以為佢又大頭蝦o羅 。

candyhui77,
好耐無見你出現la ，係o米有少少時間上o黎抖o下氣呢 ？

腸仔比心機D呀，就o黎可以全情投入(唔喊o架la):loveliness: 。

嘩，佢掉對襪落厠所冲o左咁刺激 ，比著我都驚厠所塞la 。

hongmimi,
你都好，匡匡肯坐低等你o地幫佢除鞋:D ，子聰有時就衝入屋，門口走廊一隻鞋，轉彎又另一隻，去到sofa又見到一隻襪，到厠所門口又見到另一隻，真係執都執C你 ，有時都會肯放去鞋架度o既:) 。

pcdogxx,
嘩，鈞渝無端端又會燒得咁犀利 ，有無流鼻水或者咳呀？真係擔心C你 ，咁你有無返工呀？呢幾日留係屋企休息o下la ，祝佢早日康復，唔好又傳染你o地二個呀，唔係又有排好o架la 。

whatever,
你仔仔而家返宏福下午班 ，我個人贊成626mama講放學番屋企冲o左涼先，較穩陣，因為仔仔一個唔生性，容乜易訓到半夜先起身 ，到時同佢冲涼，你又凍時 ，佢又容易冷親 ，o米敝家伙！最多冲完涼拿拿聲食飯o米得o羅。不過以上純屬個人意見，最緊要係你自己點諗o者 。

whatever

嘩，依度真系好熱閙喎。一日寫幾版，好heat呀。
冇睇幾日真系唔知去邊度揾返個message.
我個女以前都是返宏福上午班，時間好安排好多。依家阿仔系細仔，上午班full晒，冇辨法要讀下午班。今日阿仔感帽發燒冇返學,希望快D好返去field trip 啦。
606mama,
我住灦景灣呀，我要返工,所以日日都系姐姐(helper)帶阿仔返學,要行成廿分鐘架。

ElainAiolia

whatever,
係呀，我o地呢度好熱鬧o架 ，不過有時忙起上o黎就會好靜。

你仔仔都病o左 ，呢D咁凍o既天氣 ，好容易病o架，你2個小朋友都要小心身體，祝To To快D好番 ，聽Mami話 。

等我爆D o野比你聽呀，就係 …………………

係o米好想知呢 ，就係我o地呢度，除o左你有2個小朋友之外，我o地個個只有1個小朋友 ，同埋就係天藍同你一樣住青衣，626mama住沙田，而我就同pcdogxx及hongmimi住同一屋苑，不過hongmimi可能遲D搬(佢好想o架)。

係呢，唔知你26/1有無參加學校o既旅行呢 ？希望到時見到你la ！

candyhui77

ElainAiolia,
你好似留左我喎, 我都係住係青衣, 同天藍好近家, 我就住係青泰個邊家.

我都係親返工前同臨放工前上黎留言咋, 因為老舊唔係度囉….承你貴言啦, 希望翔仔快快趣開開心心返學, 如果唔係真係好嘔血….
係囉, 我成晚都係度沖廁所水, 驚個廁所塞, 好彩冇事家, 如果唔係真係大獲, 我地都係度諗怪唔知佢d襪成日好似唔見啦, 依家越諗越驚….

Whatever
我送翔仔返學搭巴士或者小巴定, 不過爺爺接佢就慢慢行返黎, 因為可以順便去公園仔玩.

Pcdogxx,
鈞渝冇事嗎?? 不過佢咁精神, 應該好返家啦, 祝: 鈞渝快d好返, 開開心心返學玩….

hongmimi

626mama，
我地唔會唔理妳同軒軒既~

不過真係好想軒爸可以一齊去旅行呀! 妳同佢講匡爸本應要返學都逃學啦  

原文章由 626mama 於 08-1-18 11:55 發表
希望旅行軒爸同我一齊去啦，唔知到時可唔可以叫其他/她人去呢?又唔知會唔會有人得閒同我去呢，話晒都係返工日丫嗎，嗚嗚...妳地記得唔好唔理我呀。

...

hongmimi

whatever，
哦! 原來妳有個大女，仲以前都讀宏福添，唔知而家幾大呢(K幾)?
我地呢到真係好熱鬧架! 基本上無冷場~ 不過有樣野，就係如果幾日無上黎就會俾其他人:evil: 通緝~ (講笑~)

唔洗驚~ 得閒多d上黎坐呀!

天藍

all mama,

撞鬼無上來幾日我地個topic 跌到第3頁,
都係唔得我要加把勁推番上去先.....

hongmimi,

我無食個"康師傅" d杯麵, 我都唔知有出杯麵,
都係626mama講我先知!
我都鍾意"康師傅"個名多d, 因係師傅級, 你唔
好諗佢係大6牌子, 其實都唔錯
反正我地o黎到有肉有菜, 仲欠飲品, 加埋"康師傅"
就十全十美。

原文章由 hongmimi 於 08-1-18 12:24 發表
天藍/626mama，

乜"康師傅"d杯麵好好食既咩? 我飲過檸檬茶都唔夠膽試其他lu~

不過如果妳地叫"康師傅"，匡匡都會知妳地叫佢，因為我返去同佢講左各位小朋友個花名，問佢鍾意叫"雞翼匡"定"康師傅"，睇黎佢都鍾意叫"康師傅"多d ...

天藍

whatever,

係呀! 我地黎到好熱鬧架! 你有時間多d上來,
原來你大女係宏福讀緊上午班, 讀緊k幾?
同你大女讀得如何? 我想應該唔錯因你都比
細仔讀, 係咪?
近來天氣凍左我好多朋友d仔女都病左, 你
仔仔今日好d未, 希望早日康復!
祝身體健康!!!


pcdogxx,

鈞渝今日如何好番晒未呀???
祝身體健康!!!

原文章由 whatever 於 08-1-18 14:50 發表
嘩，依度真系好熱閙喎。一日寫幾版，好heat呀。
冇睇幾日真系唔知去邊度揾返個message.
我個女以前都是返宏福上午班，時間好安排好多。依家阿仔系細仔，上午班full晒，冇辨法要讀下午班。今日阿仔感帽發燒冇返學,希望快D好返去 ...

天藍

626mama,

有時工作上既野真係好難預計, 但軒爸都唔係唔想
去, 只係公司方面有問題, 我都想你地一家人去到,
穩陣起見你問下學校到時軒爸去唔到可否改第二個
去, 你屋企人是但一個頂上, 甘唔使你一個帶軒軒甘
踢腳。
家長日個日我見到軒軒份中國服作品貼左出黎, Candy
班得軒軒一個貼左出來, 可能其他人未做起, 我都係琴
晚先做起, 明天交。

原文章由 626mama 於 08-1-18 11:55 發表
自已回應自已先，
希望旅行軒爸同我一齊去啦，唔知到時可唔可以叫其他/她人去呢?又唔知會唔會有人得閒同我去呢，話晒都係返工日丫嗎，嗚嗚...妳地記得唔好唔理我呀。

...

天藍

all mama,

唔知你地家長日個日見完老師點樣?
昊藍就各方面老師對佢既評語都好好,
今個學年有好大進步, 今次個學習同個
人評好多個"1"(優良), 我都好開心。
仔仔仲攞左個上學期"好助手獎", 但唔
知係咪個個小朋友都有, 我無問老師,
我覺得有個獎狀以示鼓勵已好開心。
但中/英老師對我仔仔評語令我最開心,
就係話佢性格開朗, 好喜歡仔仔漂亮既
笑容, 因人生在世苦又要過開心又要過,
能夠開朗樂觀面對會係好事, 所以比起
佢其他學習方面更令我高興, 希望日後
仔仔係成長路上遇到困難都能樂觀去面
對。
今日我同屋企人同埋昊藍去左成門水塘
BBQ, 好好玩, 好大自然, 加上今日天氣
唔太凍又唔太熱, 同上到去又有大空地比
仔仔走來走去仔仔好開心, 同見到好多
monkey, 仔仔好開心, 但d monkey會
偷人d野食, 但又唔係好惡, 有時人行近
佢地就走, 但昊藍見到monkey好興奮,
成日要走近, 我地8個大人睇住佢一個,
就好安全, 同今日去到好多都係一家人
去燒野食, 有好多小朋友同仔仔玩, 仲有
大哥哥同仔仔一齊踢波, 都玩得好開心,
唯一唔方便就係要自己帶食物同用品上去,
無小欖同龍古灘個d自助式方便, 但場地同
活動空間, 接觸大自然就城門水塘very good.
以上的內容是我同大家分享!

原文章由 ElainAiolia 於 08-1-18 13:58 發表
天藍,
我o地唔係唔記得pcdogxx尖沙咀事件 ，不過諗住呢排你o地有o野交收，你又不停remind佢，o米以為佢又大頭蝦o羅 。

candyhui77,
好耐無見你出現la ，係o米有少少時間上o黎抖o下氣呢 ？

腸仔比心機D呀， ...

626mama

pcdogxx,

星期六聽妳講鉗渝仲有燒，
而家點呀，好d未呀

pcdogxx

各位早,

今日都會好忙, 所以簡單留言先..

鈞渝星期六朝仲有發燒, 話佢細箘感炎, 所以要食抗生素.. 真係一食就冇再燒喇..  不過佢口仔痛食唔到野...   同埋d咳好犀利囉...
今日終於好返好多... 所以俾佢返學喇..   

Ms. Ng話鈞渝唔鍾意講野, 但係佢又明Ms. Ng講乜架喎..  所以都唔知佢係識定唔識, 有好多評分都係3同4 , 同埋Ms. Ng話佢固執係因為佢明知搶人野玩係錯既, 但係都要搶左先..  寧願之後俾返個同學, 都唔知佢諗乜架..   :tongue:   

昊藍,
我都話昊藍叻仔架啦..   我都好鍾意佢成日都好開心咁..   係咪你馱佢果陣成日笑呀?  佢又會成日都咁好笑容既?  咁犀利有優良添呀..   昊藍繼續努力..  叻仔..!!!

pcdogxx

Whatever,
你好呀, 歡迎你加入我地呢個師奶兵團....    得閒多d上黎留言啦..   

天藍

pcdogxx,

今日真係有緣, 係校門遇到你同鈞渝,
鈞渝好似好番好多, 仲同我講早晨, 乖女!
鈞媽你唔好氣餒, 昊藍頭個一次個評估都
係麻麻地, 我都唔係好開心, 但我都無放棄
老師話佢邊樣要改善, 我就自己注意去同仔
仔不斷學習, 以家大有進步, 令我好鼓舞同
開心。
我覺得小朋友既潛能係無窮無盡, 只要我地
加把勁唔好放棄一定有進步, 鈞渝都係叻女
我相信昊藍做得到鈞渝都一定得, 加油鈞渝妹妹!
聽Miss Ng講知道鈞渝既固執, 可以從o黎方面
著手, 多d同女女講下, 慢慢教道再改善。
你煲左d鱷魚肉未呀??? 我前個幾日煲左鱷魚肉
湯好甜好美味, 加豬展, 川貝, 蜜早, 准山, 好好飲,
仔仔都肯飲, 你等鈞渝食埋d西藥, 煲d比佢飲下保
健。

原文章由 pcdogxx 於 08-1-21 09:55 發表
各位早,

今日都會好忙, 所以簡單留言先..

鈞渝星期六朝仲有發燒, 話佢細箘感炎, 所以要食抗生素.. 真係一食就冇再燒喇..  不過佢口仔痛食唔到野...   同埋d咳好犀利囉...
今日終於好返好多... 所以俾佢返學喇..    ...

天藍

all mama,

迪士尼又有優惠, 大家留意下:-
香港居民買3送1門票優惠凡香港居民以正價同時購買香港迪士尼樂園門票3張，即可免費獲贈多1張樂園門票！

優惠詳情由2008年1月22日至2月6日，凡香港居民以正價同時購買香港迪士尼樂園門票3張，即可免費獲贈多1張當日門票。而這4張門票只限於購票當天一併使用。


購票詳情

由2008年1月22日至2月6日，親臨香港迪士尼樂園正門售票處同時購買3張樂園門票。

	‧	購票時，賓客須出示香港身份證。11歲以下之賓客則須出示出世紙副本及附有相片及位於香港的學校地址之學生手冊副本。
	‧	賓客將獲贈多1張免費門票，連同以正價購買的3張門票，一併於購票當天使用。該免費門票的價值，將低於或相等於3張正價門票中的最低價格。

pcdogxx

各位媽咪請留意,

學前教育學券計劃明起接受申請
【22:12】2008年01月20日  (者係今天開始喇)

【on.cc專訊】 在08/09新學年入讀合資格本地非牟利幼稚園幼兒班、低班或高班的學童，其家長可於今日起至5月底申請參加學前教育學券計劃，若獲批，新學年起每年可獲1萬1千元學費資助。本學年已提出申請者，不須再提出申請。

合資格的學童家長可於明日起到各區民政事務處、郵政局、學生資助辦事處等索取表格，如欲於新學年開始前獲發學券計劃資格證明書，則需於今年5月底前填妥申請表格，連同證明文件遞交給學生資助辦事處。計劃詳情，可瀏覽教育局網頁或致電28910088查詢；就申請學券的查詢，可致電學生資助辦事處熱線21542130。

合資格兌現學券的幼稚園必須為非牟利幼稚園、提供本地課程，以及其學費以半日制計每年不超過2萬4千元，全日制不超過4萬8千元。

http://www.sfaa.gov.hk/tc/public/index.htm#pevs0809

[ 本文章最後由 pcdogxx 於 08-1-21 12:13 編輯 ]