培正家長 Chatroom

彥彥媽咪

morning 小蕎 ma:

嘩...乜你 back to office so early ar??

睇下中學會考放榜如何呀...hehe

不過話時話, 我 support 水平計分 instead of 拉 curve, 唔知今年培中學生考成點呢..

小蕎媽媽

彥媽：

係呀，我地8點前搭車，冇塞車呀ma。我老公返8點半，咪同佢早d搭車囉。

水平計分好呀，均真d。我估今年d中五生都幾緊張，咁多人合資格讀中六。

原文章由 彥彥媽咪 於 07-8-8 09:32 發表
morning 小蕎 ma:

嘩...乜你 back to office so early ar??

睇下中學會考放榜如何呀...hehe

不過話時話, 我 support 水平計分 instead of 拉 curve, 唔知今年培中學生考成點呢..

彥彥媽咪

how come 之前打d野又睇唔到架...

J'smama

英文科改制中中成績各異

會考中英文科改制，放棄以往拉曲線的做法，英文科課程甲乙合一．有九龍塘的中文中學，英文科合格率，由以往的七成三，下降至六成三，部份學生說，以往應考較淺的課程甲，有機會合格升中六，但現時英文成績不達標，唯有放棄升讀中六．
但英文合格率一直達九成以上的老牌中文中學培正，就從改制中受惠，會考班成績上升，英文科成績較預期好。校內並有一名8A加中文科五*的考生。考生認為，今年英文科試卷內容較淺易．

Lulu0820

J's mama,

多謝報料!培中d成績一向都有保證!

Ellensu,

文翠閣好呀!我之前都睇過,唔錯唔錯,一梯兩伙,不過你之前唔係話想買新d既樓,點解改變主意既?

各位,我今日同囡囡係西田買左個細碼lego粉紅色書包$238蚊,都ok啦!我叫呀囡用足兩年先好叫我再買書包! :evil: 但我始終覺得個書包大過佢!

Lulu

Ellensu

Lulu0820,

見到你真開心！ 文翠閣係正何文田街，幾好feel架！同埋翠林雅軒都係貴左d，同埋位置只係近培正吧。

咁1990年樓，都OK的。希望遲d請你到舍下坐坐吧！

Lego 書包好用嗎？幾大個咁喎！

J'smama

揀來揀去,我個女卒之買咗個Little Twin Star書包.  希望佢俾心機讀書啦!

彥彥媽咪

Lulu0820

我今日同囡囡係西田買左個細碼lego粉紅色書包$238蚊,都ok啦!我叫呀囡用足兩年先好叫我再買書包!
==> hahaha...兩年..??!! 你好貪心 bor, 一年後仲有齊番個樣係樹你都偷笑喇... 不過..又咁睇, 女應會好d既, 我家個班極速破壞王就一定唔得喇...

初開學時俾小小食物佢跟身喇..仲有, 記得叫佢要飲水唔好用個咀去個d 水亭樹飲呀, 要用個樽裝呀....:loveliness:

Lulu0820

收到收到! 我今日買個陣同佢講係三年嫁!用完仲要留比呀妹,等佢唔好用得咁粗!

不過佢實在太瘦,試過晒d書包,o個個對佢黎講都係大,見lego個個輕身d,所以就買o個個,我真係驚放埋書佢背唔起!

佢今日已經叫我比錢佢帶返學,等佢小息可以去小賣部買野食 ,我當然唔會理佢:evil: ,比塊餅佢帶係身就算!

Lulu

彥彥媽咪

Lulu:

我自己其實係唔太讚成小一就俾小朋友帶錢返學, 但有時我都好難做, 因為唔係我唔俾就得, 而係有d家長都會俾, 仲有d 小朋友會好似個"富戶" 咁日日唔係買呢樣食就買個樣食, 又會帶d 都唔平既食物番學校請同學食架 (個d 有哂公仔牌子, 一睇就知唔係幾蚊買得到個d) , 咁個仔就會問我 : "媽咪...我都想買d xx 野食請番邊個邊個" 咁架...

若我唔俾, 又好似搞到佢好"寒酸"咁...不過我就同大彥講, 我話唔係人地做乜我地就要做乜既, 你想食既我地可以今晚一齊去買, 第二日帶番學校, 你肚餓媽媽一定俾你食飽, 但唔係以人地做比較, 人食乜我地就要食乜的.  你係做野比自己睇, 唔係比人睇嘛...之類咁...

但為左令佢個心舒服d, 我黎緊都會比少少錢佢啦, 佢都大了, 只要佢識節制既我其實係冇問題的 (係怕佢成日要扮"英雄"嘛, 你知男仔係咁架喇...唔瘀得 ma...) ..so I guess around $10 都好啦.  當旁身好了.

J'smama

彥媽,

其實我都有諗過小朋友零用錢問題,初步意向係每星期五元, 由佢決定點用, 但用了幾多及買啲乜就要向我報告. 我個女都偏向孤寒, 希望佢會將錢儲起, 吾好做大花筒, 因佢自己都識話將錢儲起用嚟讀大學.

其實學校小食部有咩野賣呢? 自己需吾需要帶水壺返學呀?

Sugarcream

彥媽:

我地終於上左第一堂游水啦! 不過無浮板, 可能第二堂先有掛?!
我唔在場, 所以唔知情況如何, 不過阿女話好開心, 因教練俾佢係滑梯滑落水接住佢wo

彥彥媽咪

J'smama:

其實學校小食部有咩野賣呢? 自己需吾需要帶水壺返學呀?
==> 佢個小賣部有d零食餅乾個d , 冇記錯係o係 Block D 樹, 好細間的, 有乾糧呀, 雪糕呀, chocolate ar 個d...d細路好多時就係 after lunch 去買野食的.

水壺一定要帶, 因為學校只係得個d 用口哄埋去飲個d 水機, 唔帶壺飲唔衛生的, 我都叫阿仔唔好哄去飲, 寧願裝定一樽隨時飲, 不過話時話, 就唔駛一番學時就裝到個樽 full 哂喇...cos 會幾重架, 我就裝一半的, 唔夠佢地 break 可以自己去 refill.

我大彥係有d "唔衰得"個d 性格的, 所以當佢見到人地做到一樣野個時, 佢又好想做到 (e.g. 請食野) 又想學人個停, 所以依家就係要成日同佢講....做野要量力而為, 唔駛乜都同人比較的, otherwise 就算比佢做到都辛苦死了, 何必呢...?

彥彥媽咪

sugarcream:

我地終於上左第一堂游水啦! 不過無浮板, 可能第二堂先有掛?!
我唔在場, 所以唔知情況如何, 不過阿女話好開心, 因教練俾佢係滑梯滑落水接住佢wo
==> Good ar..祝你囡囡學習愉快....你過一兩堂就"提下" 教練 about 個浮板囉..hehe..

[ 本文章最後由 彥彥媽咪 於 07-8-9 09:52 編輯 ]

Hei_Ka_Mum

Hi  彥彥媽咪, I got your PM for swimming tutor, thank

you!

kyy

原文章由 Ellensu 於 07-8-8 18:32 發表
Lulu0820,

見到你真開心！ 文翠閣係正何文田街，幾好feel架！同埋翠林雅軒都係貴左d，同埋位置只係近培正吧。

咁1990年樓，都OK的。希望遲d請你到舍下坐坐吧！

Lego 書包好用嗎？幾大個咁喎！

Ellensu,
恭喜晒呀 !你真係座言起行, 買左樓, 重要係何街, perfect呀 我由呀仔考到入pc 果日開始就話要搬, 到而家都得個講字 之前都去睇過下樓, 不過唔合心水, 咁就放低左件事

fatkk

Hi! Every PCPS parent,

我個大仔將升P.4, 而個細既就 plan apply 08-09 入 培正 K1。

想請教有哥哥在 培小 , 入培幼的機會係咪 : 無分別 or 高 D or 大多數會收 or 一定收  ????

小蕎媽媽

fatkk:

有人話冇分別，但我又見好多有兄弟姐妹都入到。

kyy:

岩岩睇到，你個仔同我同一日生日喎。

原文章由 fatkk 於 07-8-10 08:19 發表
Hi! Every PCPS parent,

我個大仔將升P.4, 而個細既就 plan apply 08-09 入 培正 K1。

想請教有哥哥在 培小 , 入培幼的機會係咪 : 無分別 or 高 D or 大多數會收 or 一定收  ????

彥彥媽咪

小蕎 ma:

但我又見好多有兄弟姐妹都入到。
==> 我會咁睇: 我認為咁唔係因為朝中有人既問題, 係個小朋友本身能力 or 家庭背景 (if 學校真係考慮 this point 的話) OK 而收的, 同佢有冇阿哥家姐無關, 只不過成間學校一屆有成 240 人, 咁一定有d 係入得到而又有阿哥家姐 at PC 既.  只係當有d 小朋友個水準唔係培幼想要既時, 你就會發現 PC 會話之你有前兩個讀緊, 佢都可以唔收你第三個的.

fatkk:

我已在 06 chatroom 答左你 same question 了.

Ellensu

kyy,

多謝你呀！ 我之前都係左睇右睇，都未有岩架。後來幾個月後再睇，又同班有上BK既小學家長傾過，佢地比左唔少意見，我見幾多家長係買番培正左近的，不過佢地唔多係呢度傾計吧。

我偶然同過一位家長食午餐，因大家等小朋友放學，佢話文翠閣幾好同價錢都ok .

你有冇心水樓呀？:D