番禺會所華仁小學

easiness

麟媽媽 & 睡公主,

我又係無俾HK$20阿仔交牙齒保健, 乜唔係9月4日先交咩! 阿仔都有俾老師寫手冊, 不過係用黑色筆寫!

easiness

睡公主,

尋日我地終於去左Ocean Park啦! 好彩唔算多人! 我地搭覽車都係排左一陣間, 睇水母都係等左大約20-30分鐘到! 不過就無去兒童王國(細仔好就失望)! 個衰豬成日要我抱, 返到屋企成個人散晒!


P.S. 原來用中銀信用咭有九折, 如果身份証有0字或3字都有
         九折, 若果同時有晒呢兩個字就有八折, 但就唔可以同
         時享用呢兩個優惠o

麟媽媽

我會係9月30號去Ocean Park 喎！
我有朋友係Swire 做架，嗰日佢公司包場，
好似係Halloween Night，4pm 開始到夜晚。
我好大鄉里，「哈佬喂」攪左十幾年都未去過架，
佢地員工百零蚊個大人，小朋友$50 咋！
佢可以帶三個朋友，所以會痴佢地去囉。

琴日先有個家長同我講，佢話有張訂報紙既通告，
寫明4/9/06 或之前交，咁佢星期六無帶諗住今日交，
但都比老師寫左紅字喎！佢話叫亞仔同老師講，
叫佢改番唔好當佢欠，因為唔想Day 1 已紅筆囉！

felix喵喵

早晨....喵喵

呀仔第一日上學總算順順利利, 冇驚冇險,
但我看擺家課手冊後, 發覺2年級的家課冊設計非常有問題,
相信全班40人會有39人寫錯, 包括呀仔在內,
那個家課冊的功課表與日期/簽名位置是分開的,
還要是次序倒轉, 即功課表在上, 日期/簽名位置在下,
唉....這樣的設計安排真是....   
都唔知邊個諗出來, 完全冇從用家方面著想...
各位在簽家課冊時請留意一下, 唔好簽錯地方.

睡公主

我地冇訂報紙通告喎！
係唔係三年級以上至有呢個服務？

easiness

麟媽媽,

每年Ocean Park都會攪「哈佬喂」, 我睇佢地啲宣傳片, 好似都幾好玩, 又夠氣氛! 不過如果係無心理準備之下, 無端端有個人行出o黎嚇你, 都咪話唔驚!

其實第一日已經俾老師寫手冊, 如果係我都唔開心啦!


睡公主,

開學日有張"開學通告及有關資料核對表", 有某啲通告係高年班先有, 原來三年班開始要訂閱公教報, 但是我想知公教報係講啲咩? 係咪講公民教育? 還是講其他野?   

另外睡駙馬已經攞左野走啦! 幫我同佢講聲"唔該"!


felix喵喵,

好耐無見呀! ms99好嗎? 好耐唔見佢! 幫我話佢知好掛住佢呀!

麟媽媽

easiness,

公教報係天主教區出既，
報導都係有關宗教上既野，
上次我放上黎連神父嗰篇剪報咪取公教報，
我諗都係教友訂閱多D。

麟媽媽

你地舊年本家課冊唔係咁架咩？
我地一年班到而家三年班都係呢個格式架喎....

felix喵喵 寫道:

但我看擺家課手冊後, 發覺2年級的家課冊設計非常有問題,
相信全班40人會有39人寫錯, 包括呀仔在內,
那個家課冊的功課表與日期/簽名位置是分開的,
還要是次序倒轉, 即功課表在上, 日期/簽名位置在下,
唉....這樣的設計安排真是....   
都唔知邊個諗出來, 完全冇從用家方面著想...
各位在簽家課冊時請留意一下, 唔好簽錯地方.

easiness

麟媽媽,

咁係咪一定要訂架? 如果我唔係教友係咪可以唔訂?

上年小一個本家課冊有晒各科名稱, 日期係各科之上, 所以啲仔一定會知o個日是星期幾同埋幾號! 而且每行都分得開啲,
一頁分兩日! 但是今年o個本不但無晒各科名稱, 而且行數唔多, 又分得窄, 我擔心佢地會唔會唔夠位寫! 日期同家長簽名係下面(個日期都唔知俾學生睇定係俾家長睇)! 一頁分為開三日! 總之今年o個本家課冊唔好啦!

ms99

Hello! Hello! Hello 各位媽咪!

我回來了!!
上星期開學前全家玩到盡，到今日返工先實實在在回魂了。
今年亞仔個班主任係男生嚟嫁，我想會同女老師有唔同，
可能對班仔寬鬆D，更有可能寫少D手冊喎 (我估吓咋)
今日亞仔先抱咗一大包簿返屋企，但就冇話要攞幾多本返去，所以我係咁意叫佢每科帶兩本，唔知夠唔夠，都係靜靜雞放多幾本先。
另外本暑期作業帶咗兩日都冇話收，仲要帶多幾多日呢?

麟媽媽

easiness,

公教報唔訂都得，但當然歡迎非教徒訂閱啦！
你地一年班本家課冊原來唔同架？
我仔小一第一個月係用影印紙釘成的手冊，
D行距闊D，但一個月後已用而家呢本了。

另外各位留意，返學要帶毛巾仔喎！
我仔今日又被寫了手冊，話佢無毛巾喎，
我都唔知要帶毛巾既？不過好在藍筆，hehe...
我唔知係咪新規定，袋定一條係書包無走雞！

麟媽媽

ms99,

咁耐唔見你架？！
我地D簿同作業老師叫帶先拎架咋！
亞仔小三之後，日日都有中�英�數�常架！
琴日仲有宗教�音樂同普通話，如果拎埋作業，
屋企個書架清左一大半架喇！太重，唔掂！

另外暑期作業，放暑假前亞仔都話唔使交，
我仲話唔使交派黎做咩？要佢快手D做！
睇黎亞仔唔係亂咁"up"，真係唔使交喎。

ms99 寫道:

另外本暑期作業帶咗兩日都冇話收，仲要帶多幾多日呢?

easiness

麟媽媽,

佢地小一頭一個月o個本家課冊好大本架! 我諗都成A4 Size咁大! 之後就變番正常size! 不過分晒科目,  如: 中文科再分詞語, 作業, 默書, 書法, 補充同作句, 而英文科分EW, GE, Penm, CW, Ph, Dict, Reader, Wr, Comp.....等等! 佢地衹需寫低頁數同交嘅日期就得啦! 易睇又明! 不過依家淨係睇本家課冊都要花成分鐘先睇得明阿仔寫乜, 真係.....

阿仔本o個兩本暑期作業唔係書包度, 我諗應該老師收左啦!

睡公主

麟媽媽 寫道:
easiness,

公教報唔訂都得，但當然歡迎非教徒訂閱啦！
你地一年班本家課冊原來唔同架？
我仔小一第一個月係用影印紙釘成的手冊，
D行距闊D，但一個月後已用而家呢本了。

另外各位留意，返學要帶毛巾仔喎！
我仔今日又被寫了手冊，話佢無毛巾喎，
我都唔知要帶毛巾既？不過好在藍筆，hehe...
我唔知係咪新規定，袋定一條係書包無走雞！

係唔係校有校規，班都有班規？
我都唔知要帶毛巾喎？

睡公主

麟媽媽 寫道:

另外暑期作業，放暑假前亞仔都話唔使交，
我仲話唔使交派黎做咩？要佢快手D做！
睇黎亞仔唔係亂咁"up"，真係唔使交喎。


[quote]
ms99 寫道:

另外本暑期作業帶咗兩日都冇話收，仲要帶多幾多日呢?

[/quote]


亞仔之前都話唔駛交，
但我唔扺得，
買咗返嚟又唔做，
所以喺我高壓政策下要佢一定要做，
上星期六又真係收晒佢啲暑期作業喎！
好在有做啫！

睡公主

由於今日正式上課，
所以我估亞仔應該開始有功課做，
我咪同佢約法三章，
叫佢在婆婆家食完午飯後先睡一會，
最遲四點要起身做功課，
要喺我放工前完成晒啲功課，
最好就温埋書添！
佢緊係好爽快咁應承我。

但事實當然完全係兩回事，
佢下晝成四點半先肯起身，
跟住樣樣都慢條斯理咁！（可能未係好多功課）
我放工（八點幾）打俾佢都未做晒啲功課，
但喺我去接佢返屋企時，
佢又真係做哂啲功課，真俾佢激死！

我諗都係要同佢用時間嚟定規則，
要佢六點前做晒啲功課，
食晚飯前要温埋書，（嘩！好理想呀！）
希望佢可以快啲上軌道，
唔駛我咁勞氣啦！   

麟媽媽

亞仔今日既功課係寫毛筆字，
我問佢學校有無教過點揸筆？
佢話︰「我識！之前係出面學過你唔記得咩？」
其實學校有無毛筆堂架呢？

felix喵喵

麟媽媽 寫道:
另外各位留意，返學要帶毛巾仔喎！
我仔今日又被寫了手冊，話佢無毛巾喎，
我都唔知要帶毛巾既？不過好在藍筆，hehe...
我唔知係咪新規定，袋定一條係書包無走雞！

ee...ee...ee...
好在呀仔的口袋裡永遠都有條手拍啊....喵喵

easiness

睡公主,

最後睡皇子有無走去瞓覺? 阿仔瞓返到去屋企都無瞓過覺, 不過夜晚就好快瞓著!

佢返到屋企都係慢慢咁做每樣野! 數學都係做左佢識做o個啲(我同佢講唔識都要試吓點做), 好彩視藝功課做左!

今日有電腦堂, 但是又無電腦書, 唔知會唔會用notes代替呢?

SINDY-MOTHER

ms99,
真的很久沒有見,今年班主任係羅sir, 昨天亞仔帶了一堆簿及新書返屋企,個書包真的重過石頭。
亞仔話 D簿要用的羅sir已經收左,其他的需要時先叫帶返去,另外暑期作業不用帶等羅sir 話帶先帶。
羅sir 比 Ms. Ho 還要惡, 樣樣事都要很認真。