比華利幼兒園.

hktt

IRON,

地點係翠林村，地方就細d，人數我諗加埋小朋友都有成三十幾人嫁。我覺得學校的安掛都幾好，因如果我地家長聽講座時，小朋友就可到另一間房同老師一齊玩，囡囡都見倒好幾位同學仔。

囝囝今天返學啦，希望 "Hugo" 放學唔會扭計啦。

hktt

littleeva,

終於係通告度見倒，"如果無必要就唔好帶小朋友"個段文字啦。

琴日唔見子軒返主日學?

littleeva

HI HKTT

昨天我地去掃墓. 所以沒有返主日學.

我會問下何主任可否帶小朋友, 到時由工人睇住.應該唔會騷擾到老師.

IRON 好開心呀您仔仔可 以返學.  我諗您仔仔返學日子短, 可能今次家長日沒有份, 應該下次.

HKTT 我而家開始寫定D問題問老師. 費事到時唔記得問.
MISS LAU 話我仔開始坐唔定, LIU 同學傾計 ,比佢激死.
您老公家長日會去嗎 ? 我老公多數去完才返工.

hktt

littleeva,

我重未諗問咩問題呀!咁你會問d咩呢?

好正常姐，開學已接近三個月啦，同同學仔熟左，咁有時問吓野，都無所為啦。

不過我覺得 "比" 真係一間值得一讚的學校，無論大小事佢都會同你傾 or 問左你先，唔知係唔係低班呢?

我老公可能會做司機，不過就唔同我一齊見老師，佢係一個很怕羞的人，見倒人好似見鬼咁 law，有時都比佢激死嫁。

IRON

hi littleeva & hktt,

仔仔返學啦! 見到學校門口已經喊晒口, 何主任抱佢入去都仲聽到喊聲, 但係又叫我唔好跟入去; 過左幾個字佢call我話仔仔出乎意料地好, 入去就唔喊, 之後玩滑梯都不知幾開心, 但先前一聽到電話響我幾鬼驚呀, 因唔知仔仔係咪唔掂要即時去湊返, 呵呵.

今日收到好多通告: 11月1日家長日我地係10:30-11:00, 唔知見唔見到妳地呢?? 我老公果日收朝早, 佢都話要扑出黎聽學校講仔仔咩喎(仲緊張過我); 12月13日健腦操派入場卷, 妳地會唔會去架?? 又有閱讀計劃; 買鞋.

我仲想問妳地平時俾d咩仔仔女女飲架?? 一日飲奶份量如何?? 係咪日日都有臭臭?? 我仔仔有時兩日先有一次臭臭, 而且見佢有d辛苦, 令我好擔心. >.<

littleeva, 我都想知妳寫定d咩問題, 我無乜頭緒.

littleeva

HI IRON

星期一至五 (六日 出了街亂晒大龍 )

早上 食 4 oz奶.  跟住食 1/3 個 面包.  

放學午餐 一碗 加多 半碗飯 ( 一定有菜,肉, 魚)

跟住飲鮮 橙汁.  (小朋友cup)

之後食半個 apple.

午睡2小時半 後飲 8oz 奶. (約5時)

6:45  食晚飯. 份量和午飯一樣.

8:30 飲盪. (和我地一起飲)

9:45飲奶  8oz


天天大便 , 多數早餐後 有少少.  下午就再來一次.
我仔仔由bb 到而家都冇便秘, 可能我大肚時候天天早上飲鮮奶, 下午飲一大柸鮮橙汁.  放工前又飲一大柸媽媽奶粉. 連我自己都冇便秘

littleeva

hi iron 您仔好叻呀. 証明佢好enjoy 學校生活.  叻仔.

我而家有時同仔仔講 您頑皮唔比您去比華利, 在家陪姐姐(工人) 我仔就話要返學要去何主任度.


hi hktt &  iron 家長日 的問題我開始諗緊 eg 我仔而家識得打表姐 是否在學校都有打小朋友, 佢而家唔鐘意就會 Q 埋對手扮唔開心. 我會問下在學校會否.  是否在家頑皮D,

會否搶小朋友的玩具, 遇到小朋友搶他玩具他會如何. (哭,找老師 OR 搶)
食茶點夠唔夠膽 問老師加添,不喜歡的食物他會如何
同小朋友如何相處, 同小朋友傾什麼計.
去洗手間時能否次次都有小便,能否自己著/除褲
食完茶點會否主動抹嘴
上堂能否跟老師指示完成工作紙
會否夠膽主動答老師問題 OR 要老師問
多唔多主動和老師傾計 OR 問 老師野.
總之好多問題問. 我要好好地計劃下先.

hktt

IRON,

12月13日健腦操我都參加左呀。

我囡囡早、晚一枝奶 (8安士)，下就比佢飲多多、維他奶 OR 橙汁。

囡囡都係有時要一 OR 二日先有臭臭，都唔係日日有嫁!我覺得佢唔食菜 (不過餐餐都唔食菜) OR 生果就去得唔好 LAW。成日有菜係佢個碗佢都會拿走，無哂佢辦法!唔知佢地係唔係開始大過呢?我地大人都未必日日有啦 (我成日咁諗，自我安慰咋)!

littleeva

hktt
健腦操好似在靈實醫院, 是嗎 ?

我冇參加,怕 sars 再來. 醫院好似是高危地方.

我只是參加了讀書計劃.

hktt

littleeva,

子軒好叻仔呀，食倒咁多野。紫晴就唔叻啦，食晚飯只吃半碗 (重要係走來走去)，但姐姐話佢食 LUNCH 係唔會走來走去重食倒一碗飯 TIM，點解呢?

我都發現囡囡返左學之後，成日都話 "我嬲你"，(有次係 LIFT 度同個男人講 "哥哥，我好嬲你"，當時都唔知點好，幾監介呀!) 重要係 Q 埋 OR 叉住對手扮唔開心，但其實係無野嫁?

hktt

littleeva,

係咩，唔記得係邊度啦，返去睇清楚先，如果係同學校講唔去啦!

但個讀書計劃係點嫁?只係可以返學校度借書咋?

IRON

hi littleeva,

唔該晒妳講得咁詳細, 妳仔仔真係叻食得咁好, 睇黎妳真係落左好多心機. 我講我仔俾妳聽, 俾d意見我.

*早晨起身4安奶(維記銀蓋), 隔半個鐘一平碗粥(有碎肉&碎菜&番茄茸/薯仔茸/瓜茸)
*放學返黎4安奶, 湯粉面一碗/面包, 果汁半杯/新鮮提子
*午睡後4安奶, 小食, 果汁半杯, bb甜品半瓶
*晚餐一平碗飯(有魚&碎菜&番茄茸/薯仔茸/瓜茸/蛋)
*沖涼前15分鐘4安奶
*每星期一瓶bb food 菠菜茸&栗米茸&豆茸(隔日不同)
*每月一次開奶茶清腸胃
*每日不定時人奶, 夜晚三次以上

佢唔肯食成條既菜, 肉都係要細細粒, 生果又只係食提子多, 其他都食少少就唔食, 真係無乎; 個工人話就話係"沙地"湊過bb, 但係d送都係我諗, 就連大人食既都係我諗晒, 激死! 我駝bb時都好似妳咁食, 不過我本身有痣瘡所以都要醫生開藥先通順; 人地話食人奶既bb實無便秘, 但仔仔出世到家下呢個問題都令我好困擾. >.<

係喎妳d問題都好好, 我都抄低問下miss先, 嘻. tks.

hi hktt,

我仔仔同妳女女都一樣唔食菜, 等我都自我安慰下先. (我都係嘛, 呵呵)

IRON

健腦操係翠林村康林樓307-309室, 唔怕喎, oh......

讀書計劃都幾好.

littleeva

hktt & iron

如果有得選我仔只會要肉唔要菜.  我係在佢6個月開始 整NO D 菜落D粥度. 而家食飯都食好多菜, 因為D菜整都好細粒比佢食, NO 落飯度, 都唔到佢唔食. 不過佢最鐘意食是冬菇, 草菇, 其次就是肉

HKTT 我都覺得仔仔放學開謂D,可能返學好倦. (玩到倦)

IRON 您仔仔都食好多野.  佢幾多LBS. 我仔 31 LＢＳ　
９１ＣＭ

hktt

IRON & LITTLEEVA,

上次護眼講座都係翠林村康林樓307-309室，溫到我死咁制!

點解你地囝囝可以咁乖食倒咁多嫁?係唔係姐姐煮d野食問題呢?你地平時煮餸會落d咩 (落幾多) 調味料呢?我平時煮餸只會落很少的鹽，而不會落其他的調味料，是否這原因令囡囡唔多原食呢?

囡囡星期一至五 (六、日出街都會亂晒)：

早上 6:30 - 8:00 (不等) 起身 8安奶

放學返黎食一碗粥 (姐姐話佢鍾意食粥)，星期四會食通心粉 (會用蕃茄、薯仔、紅蘿蔔 + 肉類 or 魚類) 煲湯後煮通心粉

佢食完粥就要訓覺嫁啦，大概 2:00 - 2:30 訓

4:00 - 4:30 起身 食面包 + 飲品

5:30 食生果 (但只吃半個蘋果，其他生果一定唔食，士多啤利除外)

7:00 - 7:30 和我一起食飯 (只吃半碗左右啦，重要走來走去)

9:30 上床飲8安奶，但到 10:30 - 11:00才訓覺

你地覺得我是否比得太少囡囡吃呢?大家比d意見呀!

littleeva

Hi HKTT

我仔食d 野基本上都係得少少鹽 咋, 姐姐cooking 都係一般. 我就覺得唔好食. 不過我諗是習慣食得多. 我仔好細個已經食好多野. 以前食奶. 食完8oz 係度哭. 我地都唔知佢仲咩. 後來先至知唔夠食, 再開多 2 oz 比佢.  而家就食少左奶lu  .  全日食 20oz.  
飯佢一直都係食 2碗, 而家大個左反而食 一碗半.  不過要成 45- 60 分鐘食完,  都食得幾耐. 冇法啦. 佢又肯食, 為有食耐d. 希望大個d 我已食快d, 佢而家食飯都係一路食一路玩, 細個坐high chair 食時 就好少少 . 而家通屋走.
要佢坐定定食. 佢就會話"子軒飽飽, 有波波肚啦".  做呀媽當然想佢食多d, 惟有容忍佢一路食一路玩,  大個d才教訓他.


我仔多數 下午4時半- 5時起身.  食完 8oz 奶. 姐姐就帶佢去公園. 踏番一個鐘單車.  回來再食飯.可能倦啦. 所以都肯食.  

您囡都唔算食得少, 佢size 都 ok.  幾好呀.

您話囡囡放學返黎食一碗粥 . 我就唔係咁鐘意仔仔食粥, 覺得唔夠飽肚, 放學回來好胃口,應該食多d飯送. 遲d冬天要食多d熱量嫁野. 飯和肉才夠營養.  

另外我仔一日食一粒魚肚油丸, (當糖食)  我發覺食左之後幾好. 好少病.

hktt

littleeva,

咁調味你會落D咩 (落幾多) 呢?

魚肚油丸係咩黎嫁?而我就會隔日比佢飲一匙司各脫魚干油 LAW。

佢係返學先知咩叫朱古力、糖果之類的小食，平時係屋企係無呢D野可以食。所以星期五我會比囡囡帶 D BB 餅乾、動物餅等食物，但糖及朱古力一定唔比佢食，驚佢食左會有咳。

littleeva

HKTT

調味都係一般. 係好少好少.
魚肚油丸 我諗 = 魚肚油 , 不過佢係糖來.
我仔一至五都冇其他雜食. 係星期六日會有一兩粒糖食. 佢會好開心.
餅而家都少食, 自從返左學. "佢都冇時間lu"  

IRON

hi littleeva,

今日同何主任通電話, 佢提到仔仔隔離第三個係子軒, 原來同妳仔仔一張台(係咪得一個子軒??) 因為尋日放學返黎發現只杯唔係仔仔名, 膠蓋就係, 所以打去問下點解. 另外我都有問仔仔返學有無打人, 有無比人蝦......因為返學之後脾氣差左好多, 成日打工人, 仲係好大力推人落地果只, 又成日鬧人, 雖然唔知佢鬧乜.

我都係將菜&肉整碎撈落飯度, 仔仔食野有時都唔咬就咁吞, 所以我媽咪叫我整大條菜比佢食, 但佢試下就唔要, 都唔知點搞. 佢92cm 30lbs, 我一定塞佢係high chair先比佢食, 一路要睇住vcd或玩玩具, 但都ok. 係呢我都想知咩牌子魚油, 佢乜野都無食過.

hi hktt,

我都係叫工人比少少(真係好少果只)鹽, 間中煮面就落少少雞粉, 有次去澳門食葡國菜佢唔岩胃口, 爹地出去買碗魚旦粉比佢唔食, 原來佢唔鍾意個湯底濃, 後黎溝水整到無乜味佢先食.
妳女女如果健康都無問題既, 食少d吸收好都ok架, 如果佢肚餓自然會食多d架啦, 我係咁諗喳, 我仔仔有時食到5566就話飽(佢竟然識講飽!)我都停, 到佢下餐時就會食多d或者講要餅餅. 我都唔比雜糧佢食架, 係返學先知咩係甘大滋, 利賓納, 朱古力......糖就更加未食過啦.

hktt

LITTLEEVA & IRON ,

我媽咪成日話我咁煮野食點得嫁?好彩你地都係同我一樣姐。

我都覺得小朋友唔雖要食得太濃味的食物同雜糧，佢地大個方無得食咩!有次我工人話我知囡囡食左一碗半飯，我覺得奇怪，原來奶奶用蒸魚的汁NO飯比我囡囡食，佢食得幾開心呀!