馬頭涌官立小學家長請入來傾吓

ngyanting2000

helenting,

我想問吓學校係唔係會將學生排名次, 全班和全級咁排, 定還是係頭個十名先知呀？

helenting

ngyanting~
其實我都唔知架, 當然希望唔好排啦, 無咁hurt丫麻...

cslam

係會排架，不過成績表只係出到自己班o既名次，全級o既就要睇個班主任講唔講，如果佢無主動向你講，你可以自己問，得個知字都好呀。而家小一至小二排名都唔係問題，但係小三就要小心啦，因為小三排名會影響小四能否入精英班，所以最重要係要知全級排第幾。
我記得舊年派成績表o個一日，學校攪左個公益金義賣日同埋才藝義演為公益，好熱鬧，不過有無心情睇就要睇個小朋友o既成績啦，有d家長仲講明，如果考得好就可以買多d，唔好就無。

ngyanting2000

cslam,

請問係今次測驗會唔會排名次, 如果有排名次, 想問吓點先知自己個小朋友考第幾呀(如個有係要自己問班主任定班主任自己講)? 定還是等上學期考試完先排位? THANKS.

cslam

ngyanting2000,

測驗無排名o架，我都唔知要點先可以知道，我淨係知考試係有姐。聽d家長講，以前係3測3考試，後來家長要求先改2測2考，不過曾經經歷過3測3考同2測2考o既家長就話3測3考好d，因為成日keep住考試，小朋友本身都醒d。不過我慶幸而家係2測2考，如果唔係我一定發顛。
呀，係呀，如果派試卷時，每科頭10個高分o既都會有「學業獎」獎勵貼紙，你可以睇你個小朋友有無咪知道佢d成績去到邊度囉。
不過有好多小朋友係初初返學都未完全適應，跟住就測驗，所以小一今次測驗未必會反映到其他同學o既質數。

ngyanting2000

cslam,

清楚啦, 唔該晒.

helenting

cslam~
真係好清楚呀~~
唔該晒~~

YUNG媽

helenting, ngyanting2000,

最緊要keep住佢肯學肯讀肯溫, 成績唔會太差既.  我地要係測考之前做功夫, 咁先至幫到佢地.  到左出成績時已成定局, 你嬲你質問佢你逼迫佢, 佢會好驚同埋覺得自己好無用.

如果是測考技術上的問題, 應該可以調校既.  如果今次衰粗心大意, 寫句甩甩漏漏, 就提佢下次要多加小心, 唔好重覆犯錯; 如果衰寫生字詞語, 下次就重點操練, 必有改善.

我覺得佢的成績某程度上係反映到我疏忽的事情.  我忘記除左溫習外, 測考重要有d技巧要留意無提佢.  早前小測, 我完全無想起要提佢有時間翻閱試卷, 不然大意的地方可能會少d; 又無提佢重組句子要數齊d字, 如果唔係又可能錯少d; 更加無想到常識要用短句作答, 否則亦多加練習. 畢竟距離自己讀書考試的年代太久遠了.  但經過測驗, 下次考試會做得好d架啦, 包括我自己.

多利是

yung媽

agree     經阿女今次英文小測超低分5合格後, 要係咁短時間內同佢大執大溫跟本無可能, 唯有係測驗前教佢一d techniques, & 溫返之前份測驗卷, 教返佢錯既地方, 等佢5好重覆錯...今次測驗總算叫做未一把汗    & 一年級生初期的確係無咁適應, 5好睇分數&名次睇得咁重要; 到下學期就會好d架啦~

YUNG媽 寫道:
helenting, ngyanting2000,

最緊要keep住佢肯學肯讀肯溫, 成績唔會太差既.  我地要係測考之前做功夫, 咁先至幫到佢地.  到左出成績時已成定局, 你嬲你質問佢你逼迫佢, 佢會好驚同埋覺得自己好無用.

如果是測考技術上的問題, 應該可以調校既.  如果今次衰粗心大意, 寫句甩甩漏漏, 就提佢下次要多加小心, 唔好重覆犯錯; 如果衰寫生字詞語, 下次就重點操練, 必有改善.

我覺得佢的成績某程度上係反映到我疏忽的事情.  我忘記除左溫習外, 測考重要有d技巧要留意無提佢.  早前小測, 我完全無想起要提佢有時間翻閱試卷, 不然大意的地方可能會少d; 又無提佢重組句子要數齊d字, 如果唔係又可能錯少d; 更加無想到常識要用短句作答, 否則亦多加練習. 畢竟距離自己讀書考試的年代太久遠了.  但經過測驗, 下次考試會做得好d架啦, 包括我自己.

ngyanting2000

yung媽,

謝謝你的意見, 經過今次的測驗, 大人同小朋友都吸取多D經驗, 做測驗卷真係要有技巧和要小心翻閱試卷. 其實我囝囝係平時都肯學肯讀肯溫習, 無奈地粗心大意就是他的弱點, 越容易就越易錯，反而越難個Ｄ就做得比較好，我要好好幫助囝囝係這方面改善一吓，係未測驗前，我以為英文係最難的一科，但誰不知中文同常識先係最難，無論點都好，我會好好改善自己，幫助囝囝一起進步，大家努力，加油．     

cslam

多利是,
你上次問我英文可以點教佢地，我諗要平日多d同佢地講英文，一發覺錯左就要改正佢地。
我以前個工人英文好好，我要佢一聽到我兩個細路一有講錯o既就要立即指正佢地，而且仲要 full sentance ，如果佢地唔講就可以唔答佢地，迫佢地講，我個女d英文就係o個時學返o黎。不過而家o里個工人英文好唔掂，我仲擔心會教壞佢地添。
上個星期六，我見到你個女返學校上興趣班，問佢點解一個人，佢指一下後面，我見到一個頭髮發白o既婆婆，我就問佢：「你係婆婆定女麻女麻呀？」點知佢話：「我係工人。」我即刻想搵窿捐。

YUNG媽

測驗完, 可以鬆一鬆啦 .

Leolonglongma

ngyanting2000/Gordon7e,

儘管我們知道"求學不是求分數", 但在這個教育制度下, 幾乎成敗得失全繫於分數上!  我在另一個topic 上亦被其他家長當頭捧喝! 警醒我們不要集中在小朋友默書/測驗上的錯, 而是要欣賞他們的對.  猶記得我們小一/二時, 只要肯背誦課文, 基本是輕易的可拿到100分; 反觀現在的小朋友, 單是數學一科; 堂上/回家/額外補充, 最少4-5本練習; 其他科目, 紛紛套上甚麼全方位(根本已達濫用的程度), 然後練習一大堆, 他們的功課不單只量多, 而且程度亦頗艱深.  不是一個6歲的小朋友應該應付得來的.  我的囝囝推理能力算是不俗的小朋友; 但已經讓自己教得一頭煙, 真難想像其他推理技巧尚未成熟之小朋友家長, 要怎樣嘔心瀝血才可讓小孩明白那些艱深的課本內容/閱讀理解.

神經質的家長(像我), 已在擔心小朋友因鬆懈而無法考取達標成績(但事實上, 我真的不知道甚麼成績才達標?  90?/100??  ) 今早他考中文, 無論手上工作有多急, 有多忙, 我仍是控制不了自己, 不停的看錶, 心裡暗忖: 題目明白嗎? 曉答嗎? 有留意我囑咐要小心的地方嗎?  連串問題彷彿自己跟他一齊在考試一樣.  回心一想, 現在才一年班, 甚麼時候才捱至6年班, 但總是控制不了自己去擔心.  偶然會懷疑自己已有"精神病".  甚麼時候家長才可擺脫教育制度下的枷鎖, 讓小朋友真正可以愉快的學習??  上BK, 除了可舒一口氣外, 更重要的是有你們這些家長, 警醒自己及可以讓自己平衡一下, 唔好咁顛 ! 多謝你們!

ngyanting2000

Leolonglongma,

你囝囝今日開始小考啦, 唔好咁緊張, 盡量放鬆d(不過講就真係容易,但要做就幾難 ）, 我好明白你的心情, 我都係一個比較神經質的人,你所講的情況，都有發生過係我身上，不過唔係人人都會明白，好似囝囝星期一中文測驗，我俾囝囝激到死死吓（不過我老公就覺得他已經考得唔錯，叫我唔好俾咁大壓力自己和囝囝，放鬆ｄ），不過好在有你哋咁多位家長幫忙，令我放鬆一吓自己的情緒，唔駛屈住係個心裏，ｅ＋最擔心係今日的常識測驗，唔知會唔會好似上次咁難，不過囝囝好有信心同我講話一定好過上次，叫我唔好擔心． : 一連四日測驗終於完畢，今晚我同囝囝去咗冒ｘ樂園玩，當係獎勵囝囝今次盡力應付測驗的禮物．

Leolonglongma

ngyanting2000,

我已經儘量叫自己放鬆, 這個星期本應放工第一時間回來和他溫書, 但因公司趕著做budget review, 遲遲走不得. 明早要考他最弱的英文, 但7:00pm 人仍在公司, 心很著急.  致電回家; 聽到老公接電話(平常這時候他人應在大陸), 以為有救, 誰知他說正準備出外陪客, 要很晚才回家, 猜他明天一早又再上大陸, 始終都無法假手於人!   不管工作了, 把所有report 印出來, 帶回家, 先替他溫習完再算.  草草吃過飯後, 已是8:15pm, 沒多少時間溫書.  誰曉得前天和他溫了一整晚的"單數"轉"眾數"6大守則, 全部退還給我. 心火又再上升!
罵了數句, 覺得不是辦法, 趕緊收拾心情, 再用英文字咭幫他溫一次, 這次竟然很順利, 很快便說"明白". 之前教的3次原來全是白費的 , 浪費了好幾個晚上呢!   剩下的真是草草掠過便算了, 因為已經過了他要睡覺的時間.  working mom 就有這些無奈, 所以我說自他升小學後, 不想工作的心態越來越強.

唔敢奢求他英文會有90-100分, 只希望不會70分以下便好了.  今天就聽他說, 他的好朋友中文考試"零"分, 因為他偷看其他小朋友(學校已安排他們單行分開坐).  覺得那小朋友很可憐, 其實可能他根本未明白甚麼是考試, 家人又未必兼顧到向他解釋考試守則, 為何老師不可網開一面, 警告過後, 讓他坐在最前的側邊位再做呢?

我都有想在考試過後可以帶他到那裡玩, 但仍未定案, 因為仍記掛著還有2科未考呢!

多利是

cslam

thanks for sharing..      

囡囡英文其實已比前進步不小, 起碼5似小一時同佢溫書, 完全一篇空白    

我唸真係要靠我地平時提點佢, 教佢一d小 techniques, 對佢會好有幫助, 佢今次測英文都起碼比小測進步了很多..我都真係叫做抺一把汗    

比你笑c我, 又會以為我工人係婆婆或 grandma 既     不過佢真係做左 grandma 架啦, 佢孫仔都2歲啦~

cslam 寫道:
多利是,
你上次問我英文可以點教佢地，我諗要平日多d同佢地講英文，一發覺錯左就要改正佢地。
我以前個工人英文好好，我要佢一聽到我兩個細路一有講錯o既就要立即指正佢地，而且仲要 full sentance ，如果佢地唔講就可以唔答佢地，迫佢地講，我個女d英文就係o個時學返o黎。不過而家o里個工人英文好唔掂，我仲擔心會教壞佢地添。
上個星期六，我見到你個女返學校上興趣班，問佢點解一個人，佢指一下後面，我見到一個頭髮發白o既婆婆，我就問佢：「你係婆婆定女麻女麻呀？」點知佢話：「我係工人。」我即刻想搵窿捐。

ngyanting2000

Helen　＆　Yung媽，

請問下次英文默書係唔係10/11/2006呀？

YUNG媽

對.

helenting

ngyanting~
係呀~