優才書院０７年小一家長會

軍魁星

印第安公主, 你而家俾緊幾錢?

印第安公主

2號車所有九龍站係$900，不過我安慰自己係當坐的士，因為係尾站嗎．    

1號車同樣係經藍田去MK,只要$7XX . 所以有2號車同樣住藍田的家長會覺得好唔抵. 每個月要比多百幾蚊.

今朝我自己送小公主落去搭車,(我個印印次次都爭住拎鎖匙開關門)我上到屋企發現個印印無閂門.     你話我點比得佢帶小公主返學呢?  

軍魁星 寫道:
印第安公主, 你而家俾緊幾錢?

軍魁星

咁即是 07-08 個價同 06-07 一樣, 無減到bor.

07-08 多一倍人座, 應該有減價空間.

淡然

dabby:

多謝資料!

公主:

我同妳想法一樣,當搭的士囉...
今朝想過,其實就算唔俾囡囡搭,要姐姐湊,咁姐姐咪一樣要俾車錢,加埋囡囡, 都唔平得去邊,仲要諗下由地鐵站過去日曬雨淋,我都想囡囡舒服d! 再其次,點都唔放心要姐姐湊佢返屋企....落樓下接一接上樓都還ok,去到咁遠,放心唔落.

妳個姐姐咁粗心,要叫佢小心d門戶呀!

其實我都寧願俾貴d, 唔駛小朋友晨咁早起身遊車河,如果要佢坐好耐,我就寧願自己帶,但係咁條數又係番度.  

軍魁星

me lo, if I am lucky, my daughter will also be one, and we will move to Kwung Tong.

淡然

還未買校服

請問校服襯黑皮鞋還是白皮鞋?

數天前已傳真校車,要求加站,不知是否能配合到,因為囡囡上下車地點不同,早上由家裡出發,放學要到祖父母家....

懷著期待的心情,希望校車配合得到.

上學坐不坐校車反而不重要,我可以帶囡囡回校才上班,時間地點都很配合,反而放學比較重要 不過可能要等到八月尾才有定案. 唯有平常心,校車配合不到唯有叫姐姐接.

軍魁星

淡然 寫道:
還未買校服

請問校服襯黑皮鞋還是白皮鞋?

校服襯黑皮鞋, 運動服趁白波鞋.

淡然

軍魁星 寫道:
校服襯黑皮鞋, 運動服趁白波鞋.

唔該晒

afsl

各位優才的家長及準家長，

很久沒有上來BK了，見這裡那麽熱鬧，忍不住也加入聊聊。

十分欣賞優才的細心，能為準小一生一早作出準備，令這群小羊及早適應陌生環境，也令像我這樣的新小一父母放心。

這連串活動，有一些與現幼稚園活動撞期，囝囝多選擇優才，可見優才對囝囝的吸引力！開學後，希望他真的很快適應新生活。

現在有時他會對我說，不捨得現在的老師及同學，問我是否一定要離開幼稚園，我只能告訴他，他長大了，必須離開升上新學校。

你們的小朋友又如何呢？

AFSL

淡然

囡囡也捨不得幼稚園,但是她更期待進入優才,我也解釋不了為何,可是她很喜歡旺角校舍....不知是否那草地如此吸引,每次囡囡到了那草地也愛玩個夠

已經跟囡囡解釋了進入小學後便甚少機會和幼稚園的好同學見面,可是進了小學,一定會認識新同學,有新的朋友,她接受了這個解釋,可能還未明白離愁是什麼一回事.

淡然

今日替囡囡買了書包了,一家都感到喜氣洋洋,彷彿快要開學了 這個星期六有小一預備班,期待著....

軍魁星

小一預備班? 係咪要訂書同校服?

AAma

各位優才家長,

你們好. 我好想囡囡08入讀優才,希望有機會成為你們小朋友的學妹.
我想問問大家interview時, 家長是單獨見校長or一班家長一齊見的呢?
另外, 個profile跟application form一起交 or interview時交給校長,那個做法較好呢?  

淡然

軍魁星 寫道:
小一預備班? 係咪要訂書同校服?

我個女係後備取錄,所以其他人應該一早搞掂晒啦...
書好似我老公註冊果日俾左錢,但校服要自己去太子買囉...

淡然

AAma 寫道:
各位優才家長,

你們好. 我好想囡囡08入讀優才,希望有機會成為你們小朋友的學妹.
我想問問大家interview時, 家長是單獨見校長or一班家長一齊見的呢?
另外, 個profile跟application form一起交 or interview時交給校長,那個做法較好呢?  

我都希望多個bk家長可以一齊做優才家長 :

interview時係小朋友同家長分開in, 而家長又唔會一班一齊in,係逐個in(咁當然父母係一齊in咁解啦)   唔係由校長in,係由老師in.

profile要連application form一齊交,interview當日唔怕煩又帶多一份去,我地都係咁,連second in都帶,雖然話學校已經有,帶埋都冇輸蝕,touchwood萬一當日學校搵唔到你個profile(雖然機會好微), 你都有一個即時補上.

second in果次我地係見校長,當時校長手頭冇profile係度,我地又即刻俾佢睇下. 最後ok左.

等你好消息

AAma

淡然,

多謝你.
我今早寄出了, 希望8月可以同你報喜.

題外話, 我有睇開你"心聲"的forum, 我對佛學有興趣,但只有小量的認識, 我好喜歡你們的分享.   

淡然

AAma 寫道:
淡然,

多謝你.
我今早寄出了, 希望8月可以同你報喜.

題外話, 我有睇開你"心聲"的forum, 我對佛學有興趣,但只有小量的認識, 我好喜歡你們的分享.   

我都係認識好少咋! 但係聽下佛理,心境真係平和好多,我做人太執著,自己都辛苦.曾經因為工作上既人事關係好辛苦好唔開心,由佛理中學習,去尋找平靜心境,真係好有幫助. 雖然我學得慢,都覺得自己都好似一個錢箱,慢慢將寶貴既佛理儲起來 對做人真係好有幫助. 希望有機會大家多d交流下,從生活中中學佛先係最好,唔係要避世隱居先係學佛

情常在

我又有問題想問、點解現在己有家長知道面試日期？我由第一場簡介會攞申請表的第二天己寄出、但現在都未有通知面試、想知點解現在會有家長可以面試呢？