06年9月入讀蘇淅幼稚園K1既家長, 入唻交流下啦!

joeytcy

話時話..依家睇緊肥田喜事幾得意喎.....

十月媽咪

我無追電視劇好耐喇!  

wewetwet

joeytcy,

你是否中秋節生日架?如果是就實在巧合了,我們可能是同一日生日的,10月6日是嗎?

Cankan,十月媽咪,

你們所說的地方好像好適合帶小朋友去玩,我都好想帶阿囝阿囡去呀,你們去完後可否給我一些Tips呀?!
記得我隻囡初初搭飛机個幾次,次次起飛完唔夠半個鐘,就不斷問我,落机未呀,落机未呀,所以好怕帶佢去太長机程的地方,但現在好彩已慣了!
各位媽咪,我明天飛星加坡呀,後日再傾!

joeytcy

我之前都完全無時間去睇電視....唔係要返學就要落留下開會(業主立案法團)....所以大部份睇都係錄ger...但依家又讀完書考晒試...委員又無做...所以未來呢幾個月非常之優閒....所以要玩玩玩<<<<

joeytcy

wetwetwet:

我唔係正日...係追月個日...即10月7號...不過同你相當接近.......hehhee   :    

joeytcy

甘如果d細佬踏機有耳水唔平行現象...甘點呀....上次我見有個細路又耳仔塞住...又眼痛....佢已經係甘飲水同埋練住個鼻架啦.....耳仔無事...但隻眼一路痛....我唸如果我個女遇到呢d情況甘點呢

CanKan

十月媽咪：

話時話，我上次去日本，團費加洗費夾埋好似少過兩萬元，我都冇禁多錢洗啦！

cankan

CanKan

十月媽咪：

可能中旅果 d 係團體票、或者係套票，所以平過我直接係動物園門口買。

cankan

joeytcy

唔係喎....有d人話到時係個度買平d喎...不過好似要一日去晒兩個地方.....

joeytcy

cankan
你去日本邊度呀...........好唔好玩呀..........

CanKan

joeytcy,

去左環球片場、豪斯登堡、火山、.......，冇去到東京，果陣亞女差唔多兩歲，係跟團去，早出晚歸，夜晚返到酒店同亞女沖完涼，照顧佢食埋奶，瞓覺之後，仲要洗奶樽，準備第二日既野，最早都成一點幾先瞓，第二朝亦要提早起身 (最晏7點鬆d就要起身)，同老公輪流去食早餐，最後先叫亞女起身，等佢可以瞓多陣，勁辛苦，去到好似第唔知第幾日，已經覺得自己就黎捱唔住；都唔知好彩定唔好彩，跟住日本打風，被迫係酒店留多一個上午，食完早餐一家三口返上酒店瞓返一覺，先至有得回一回氣。不過最慘係原先行程係搭遊船去環球片場果邊，因為打風既關係停航，要坐旅遊巴返轉頭，再加上因為打風有 d 公路未即時開返，足足坐左七八個鐘頭車，返到酒店已經晚上十一點幾。全靠打風可以有番 d 時間抖下，亦都因為打風而困左係加車度，所以都唔知多唔多謝個風好啦！

cankan

joeytcy

嘩...聽落好激......打風唔野少....好在有驚無險....

十月媽咪

唉, 呢兩日阿女唔舒服, 搞到我無晒心機添! 今朝仲要好似燒同唔燒之間, 都唔知今晚去唔去到跳舞添呀! 不過我諗就算去到跳, 都要畀佢帶定個口罩, 費事佢對住其他小朋友咳, 唔衛生嘛!

cankan,
原來你無去到東京呀, 咁應該唔會點瘋癲地買野既, 豪斯登堡聽講好靚的 (以前d同事去果度拍旅遊特輯, 返唻話好正), 我成日都想去, 不過一直都無去! 唉...我成日都係得個諗字, 唔知幾時至會實踐呢個飛行夢呢?    

十月媽咪

joeytcy,
耳水不平衡, 好辛苦的啊, 我試過一次, 又暈又嘔, 果陣讀緊中學咋, 幾驚以為自己會c呀! 真係諗番起都覺得自己傻傻地!    

CanKan

十月媽咪：

anson 返果隻係咪要大人陪架？我之前都睇過，不過係唔可以陪果隻，我諗住亞女都禁大個，唔陪都得啦！況且唔陪平好多喎！但每次我問佢去學琴好唔好，佢都話唔好，再加上柏斯係冇得試堂，而且一俾要俾成千銀，攪到我都唔敢同佢報住。但係我真係想俾佢試下，試過唔鍾意之後咪唔學囉！起碼都叫做試過。

cankan

CanKan

十月媽咪：

我都係禁話，放低個女去街街，如果去得太夜，唔單止掛住佢，若果佢再係電話度話掛住自己，直頭覺得好內疚，想即刻扑番屋企。所以點辛苦都好，去旅行我儘量都要同埋個女去。

cankan

CanKan

wewetwet：

我諗小朋友去到香江見倒 d 動物禁自由自在係度周圍行會好開心架。我覺得值得同小朋友去行下。

cankan

十月媽咪

cankan,
係呀, 係要大人陪架, 之前簡簡單單既呢, 就我陪, 而家開始越教越深呢, 就我佬陪, 因為我佬既音樂底子比我好, 佢一講就明, 但我就...嘿嘿...左耳入右耳出!

柏斯係無得試堂, 無得請假, 無得補堂架, 一畀就要畀晒上學期既費用, 如果無記錯, 係2880 (18堂), 下堂期都係呢個價錢&堂數! 所以淨係上晒上下學期, 已經係講緊五千幾蚊, 仲要買埋書&CD, 都差唔多六千蚊架! 好彩阿女都鍾意上既, 雖然上堂果陣好似遊緊魂咁, 但呢個係佢STYLE, 看似唔太專心, 但其實隻耳都聽左唔少的! 不過始終希望佢再大D可以專心D啦!

而家開始教五線譜, 佢唔專心, 我都唔知點幫佢呀!

完左呢個小小莫札特啟蒙班, 跟住再上就係親子班, 聽老師講, 親子班都係要一個家長陪上堂果喎! 咁你想幫KELLY報果個, 究竟係乜野班唻架? 係咪要四歲至可以上果D班唻架? 阿女而家上緊呢D, 兩歲半開始就上得架喇!

CanKan

wewetwet：

我諗小朋友去到香江見倒 d 動物禁自由自在係度周圍行會好開心架。我覺得值得同小朋友去行下。

cankan

十月媽咪

CANKAN,
我佬成日都話, 其實只要我肯丟低個女響阿媽度, 我地隨時都可以飛的, 但我就寧願選擇唔鬼飛, 都要陪住個女, 一係唔飛, 一飛就要帶埋佢飛, 否則就索性唔飛喇! 至多齊齊留響香港啫!

仲有仲有, 我有時會窒我佬的, 唔同佢飛就得, 唔同阿女飛就唔得, 激C佢!