31 網 - 循道學校

JJ1122

Elim2002,
St. Mary一條龍, 基本上你keep到佢成績中中地都可以留低上中學.  佢中學名氣大, 入U率高.  個人覺得辛唔辛苦睇你點讀.  你要佢top就一定辛苦架啦.  中中地的話就應該間間都差唔多.  所以係應該一搏既.
油天呢..我睇唔到女仔讀佢會有咩特別好處.  最後可能殊途同歸都係入番循道中學.  因為油尖旺講緊可選擇既英中越黎越少.  喜歡讀佢既都係因為名氣.  但係相對地小五, 小六要付出既相對辛苦.  如果讀循道, 你覺得小朋友谷得既, 你小五小六出到力咪一樣可以同讀油天咁搏出面D學校囉.  搏唔到, 但係成績又唔係最差的話, 循中基本上必收.  咁點解我要考慮油天呢?  個人意見.  

Elim2002

JJ1122,
多謝妳意見,咁妳個小朋友現在讀緊幾年級呀?上午班定係下午班,同埋功課會唔會好多呀?

JJ1122

Elim2002,
小二下晝班.  因為我在職, 又唔想佢番補習班.  加上我住得遠.  功課平均6樣啦.  平均呀下..有時10樣都見過.  

君媽

Elim2002
我對過循小和st.mary小一和小二的paper，個人覺得循小數學和常識深d，英文st.mary深d，st.mary有英文常識，循小中文用普通話教，所以各有所長。

Elim2002

多謝各位寶貴意見!!
另外我想問下學校將會於2010年轉全日制,咁到時究竟是小學還是係中學會搬去新校舍呀?而新校舍會係邊區呢?

ElizabethLAI

ElizabethLAI

Elim2002 寫道:
多謝各位寶貴意見!!
另外我想問下學校將會於2010年轉全日制,咁到時究竟是小學還是係中學會搬去新校舍呀?而新校舍會係邊區呢?

今之我得閒,等我答你啦!
係小學搬,地點係衛理道君頤峰側,QE後門對面,仍屬油尖旺區.

ManU

油天呢..我睇唔到女仔讀佢會有咩特別好處.  最後可能殊途同歸都係入番循道中學.  因為油尖旺講緊可選擇既英中越黎越少.  喜歡讀佢既都係因為名氣.  但係相對地小五, 小六要付出既相對辛苦.  如果讀循道, 你覺得小朋友谷得既, 你小五小六出到力咪一樣可以同讀油天咁搏出面D學校囉.  搏唔到, 但係成績又唔係最差的話, 循中基本上必收.  咁點解我要考慮油天呢?  個人意見.  [/quote]

Total agree. My son will study P1 am in the comming September. My daugther will also study two years later.  
請多多指教!

mayc

各位:
很高興有這麼多上午班的同學仔!
昨天下午去了註冊,也是第一次上循小,我仲帶埋個女去睇下添!
請問小朋友返學時是否要行上斜路?
校車是否上到門口落車?
我家坐的士去都係$20,但校車油尖旺區要$500,都幾貴! :cry: 唔知點樣可以知上落車的時間呢?
我大仔學校由我家坐的士去$25,校車都係$380,唔知有無平D的保姆車呢?

天仙局

謝謝你呀, JJ1122!

好難得你堅持唔去補習, 我都好贊成自己教 (直至課程深到我教唔到, 先去補習)
我都係一個在職+OT媽媽, 返到屋企最早都成8pm, 我都擔心無乜時間教!
食完飯,check得功課, 對得手冊, 執得書包....已經無時間同佢傾o下計, 玩一陣

呢個係咪普遍HK在職媽媽o既苦況呢? 你地仔女平均去到幾年級先要補習呀?

天仙局

我琴日註冊後, 去o左衛理道實地考察 (真係曬到死!)

我發覺:
1) 無乜車到果頭, 只有巴士2C(尖咀至又一城)&103(對面海), 80M小巴(佐敦南京街至君頤峰)

2) 荒原一百里都無食店, 超市, 便利店....

3) 唔知邊度將會用作新校舍,
a) QE荒廢的員工宿舍
b) 香港攬球總會
因a & b都係君頤峰前,菲律賓會側, both 都有跡象做工程
如果淨係a 就好細, 如果係b 都可以,  如果a+b 就正喇!

Elim2002

Hello,天仙局,
我住係油麻地,可以回答妳 (1)(2)的問題既,希望可幫到妳啦!
1)係彌敦道*逸東酒店*隔離有個巴士站,大部份巴士去尖沙咀,佐敦道都會在這裡停站,妳可以試下搵下妳屋企附近有冇去此兩個地方的巴士呀,而且距離學校都算近!
2)至於食店係加士居道對面既西貢街會有一間小食店,有車仔麵,魚旦,雞旦仔等等...的小食,隔離重有間涼茶鋪,而係永安百貨後面差不多成條街都係食肆,所以妳唔需要擔心冇野食.而且重有便利店架!

君媽

Mayc:
如果搭校車，會到學校門口，若在下雨天，老師更會在門口和車之間擔遮，請放心。平時放學，老師亦會送學生上車。
車費方面，已經比去年平了差不多$100。如果搭保母車便沒有以上優惠。
校車是今年才新簽約的，所以上下車時間和行車路線都不清楚。我個人相信舊保母車會與新校車搶客，所以你可以在放學時間去現在泊保母車的地方問一問。

天仙局

Elim2002 .....謝謝你呀!
可能言語(文字)上有D誤會, 我係指新o既校舍附近無乜配套設施

哈哈, 我都係住o係油麻地, 唔通我地係街坊
你係咪都可以行路返學呀!

天仙局

Elim2002 .....謝謝你呀!
可能言語(文字)上有D誤會, 我係指新o既校舍附近無乜配套設施

哈哈, 我都係住o係油麻地, 唔通我地係街坊
你係咪都可以行路返學呀!

君媽

天仙局:
我已經是全職媽媽了，但教女教到我好激氣。女兒在小一開始便上普通話和英文班了。

天仙局

我都好明白教小朋友真係用好多心機, 時間, 忍耐......
"全職媽媽"係一份好辛苦又偉大o既職業!  加油呀君媽!

你指<普通話和英文班>係咪即係補習班呀?  一班人上堂定單對單呀?
係咪全部小一開始, 中文科已經要用全普通話授課?

JJ1122

天仙局,
新校舍都真係其實好踢腳下. 應該係個兩棟荒廢ing既buildings.   
我唔想轉全日制架..嗚嗚嗚..轉左全日對我dd要番工+OT媽媽真係煩.
家陣下晝班佢11點訓又得.  訓到夠先起身又得.  我8點鐘番到屋企跟完功課都仲可以玩下.
以後就無d枝歌仔啦.  到時就真係可能要補習.

mayc,
坐的士都唔化算呀.  

天仙局

Elim2002

Hello 天先局,
其實我女女要出年至升小一, 所以有排都未輪到我,不過我打算幫佢報*循小一下午校*,因為我覺得妳地每位媽咪都好好人,好肯熱心幫我解決問題,好開心認識妳地!! 我住係油麻地駿發花園,所以學校距離我屋企都算近架!而且我同妳一樣都係日頭返工,要到夜晚至可以陪小朋友,重有就係我個女好鬼夜睡覺架,就算熄曬d燈唔理佢,佢都可以係床到成個幾鐘都未睡,但第二朝又唔願起身,真頭痛!!唔知道妳地有冇我這些煩惱呢?