番禺會所華仁小學

麟媽媽

我今年未必去了，
上次早上老公車我去，
我同老細講去開會，哈哈！
今年下晝返緊工好難走雞去…
我又唔知坐咩車去！？
嗰度好鬼”格zip”，好似無咩車到的。

講樣好笑野你地聽，
我地交左$15咪包埋食雪糕既。
我問個仔係旅行公園度食？
佢話唔係，舊年係返左學校之後，
大家係班房食雪糕！
旅行但返班房食…？？？
真攪鬼！

睡公主

我都唔知呢排係唔係好大壓力，個仔有小小唔對勁就好嬲，跟本就唔識得好似你哋咁一笑置之。好在不時有你哋提點，咁樣我至唔會咁易發神經。我都應該嘗試放鬆啲。

麟媽媽

睡公主,

我記得第一次亞仔比人寫手冊，
我諗我鬧佢鬧到隔離屋都聽到吖！
我老細直情話覺得亞仔在學比我既壓力大過佢比我！
呢一年裡面鬧又鬧過，但鬧完佢既成效唔大。
佢唔開心，喊吖…我火滾~~沒進展。
之後發現換個方式，多D鼓勵，出奇地大有進步。
大家放鬆D，明天會更好。

ms99

香港人，輕鬆啲啦!

睡公主：我都同你一樣，好易因仔仔啲小事唔開心，因為我覺得教咗咁耐，無理由錯完再錯。有時會唸：唔係佢錯，就梗係自己錯啦。我好多時都會忍唔住"呢"埋喊，好似好鬼委屈咁。前排仔仔唔做功課，時間又夜，又肚餓，我都忍唔住係亞仔面前.. 喊咗出嚟。亞仔都唔知點算，佢又谷住一(拋)眼淚，我心裡係咁叫自己冷靜啲架嘞，唔想影響佢情緒嘛。

人非草木，誰屬無情呢! 做人亞媽唔簡單，係香港做在職媽媽(兼有責任感的) 就更加、更加要加分。傻妹! 唔好唸到自己有好大責任，樣樣要揹上身啦。你只係張個無形嘅框框蓋住自己咋。 唔通仔女唔聽話就淨係亞媽出問題咩! 仔女由出世個日開始，已經係個獨立個體，我哋可以做就係在佢哋身邊輔助佢，你覺得佢唔叻咩? 但佢有好多叻嘢你有無睇度先?

Sorry，我又以為自己好醒

ms99

麟媽媽 ：

唔係嘛！　去旅行，係草地同班小朋友一齊食雪糕，一齊哈哈大笑先係人生樂事嘛。起碼食（論盡）啲，雪糕趺落地，隻腳踩落佢，又或睇啲蟻仔食雪糕，咁先至係同大自然結合嘛。

係班房食雪糕？？朿搏咗啲

easiness

又多左一位新成員呀! 歡迎! 歡迎!

happy 5:

要多o的上o黎分享o下教仔心得呀!


睡公主,

你仔仔都算係咁啦! 佢又識得自己"攪掂", 證明佢大個仔啦!


ms99,

唔好俾自己咁大壓力呀! 你仔仔都唔係有心, 我好認同麟媽媽既講法, 既然話完後都無乜大進步, 不如阿Q O的鼓勵佢地多O的啦!

easiness

去旅行O個日係咪咩都唔使帶架!

ms99

去旅行

學校會唔會再有詳情通告話我哋知架??

係咪上、下午分開去呢?

睡公主

ms99：

噚日張通告寫咗佢哋出發去旅行的時間，佢哋係上完第一課之後去，然後喺第七節返，所以要帶第一、第七同第八節書。但就冇講佢哋係咪要帶個大啲既食物袋、駛唔駛帶帽之類。

麟媽媽

你地睇我而家睇得開...
舊年我喊濕幾條手巾仔...   
個仔第一次測英文好低分，
明明溫晒佢都唔知攪咩....
好記得當晚打比我個好朋友，
佢個仔都係華仁4年班。
我一路講一路喊....
好似做左好多但一D都唔幫到個仔...
試題好簡單，例題︰What is your name?
答︰My name is Peter.
答案跟圖畫個名寫番，就係咁簡單！
但個仔可以只寫答案，所有What is your name?一律唔寫！
大佬，咁便無左10分8分！
我好嬲！唔係唔識做咩唔寫呢？
個仔眼定定...我可以點？！
咪唯有係錯誤中學習囉！
鬧到佢失晒暈都唔見得有改進...
但踏入下學期，佢又好左好多喎。
上左小二有更大進步。
有時我諗一開始係咪應該比佢讀遲一年，
做大仔同你地做同學對佢好D呢？
因為細仔真係pick up得慢D。
不過"sung"完便算，
講左舒左口氣人都開心D！

睡公主

各位我噚日喺本手冊度寫咗要求延長功課上網時限多一至兩個月，因為我個仔仲係未可以應付，希望學校真的可以理解和體諒。

我個仔又唔見咗一張英文Worksheet，依家至識驚（一味喊），真俾佢激死，等佢做第一個冇交功課的學生。

麟媽媽

睡公主,

係咪要貼落啡簿？
你不如打比同學睇下可唔可以fax比你。

ms99

哈! 哈!



睡公主：你個王子一定唔係小一第一個冇交功課的學生，我個仔已經不知多少次冇交功課。唔係無帶番屋企，就係帶咗番學校都唔識交俾老師，仲要hold咗啲功課兩日先至識交出去。 亞仔唔覺有問題，他只會怪老師無收功課的，激死!

我要寫手冊同老師單聲，然後教亞仔自己主動同老師講：對不起，我遲交。 試咗幾次了，tough wood 呢排稍有好轉。

ms99

我已反應延長上網睇功課服務，希望有好消息啦!

個旅行有啲似課外小息，係咪十年如一日都係咁架?? 好有特色喎! 咁即係話旅行都要揹個大書包返學啦。亞仔一定好唔明白，因為亞媽都唔明。

麟媽媽

無魂頭佢地個個都一樣！
頭先個仔呱呱叫話搵唔到本「識字練習」。
將成個書包反晒都無！
我話︰「好喇！無得交了！你自己同Miss Lam講呀！」
之後我睇佢本手冊，寫住︰
識字練習Ex.1 - 已交
死未？！交左喇！！你話佢係咪發緊夢？！

happy5

睡公主:

你有否搵清楚呀?呀仔其中一張worksheet便夾在家課冊內.要不要fax給你?要就要快啦!阿仔開始做功課啦!!

ms99

啲仔烏啄啄，亞媽變忟薑!

睡公主

麟媽媽：

我打電話問佢其中一個同學，原來之前已有幾個同學仔揾佢問同一樣嘢（唔同練習），個個大少都咁大頭蝦（可能佢哋諗住實有人幫佢），我終於攪掂，不過冇講佢知，等聽朝早至同佢講。

本來我仲係好嬲，但睇咗你個故事之後就笑咗出嚟，原來有句說話係好啱：笑一笑，世界更美妙！

睡公主

happy5：
謝謝你，頭先一味顧住打電話，唔記得可以揾你幫忙，不過你放心，我個大少咁醒目，一定大把機會煩住你。

睡公主

ms99 寫道:

啲仔烏啄啄，亞媽變忟薑!

全中！（苦笑）