| 講下阿女英國工作現況比妳地聽, 初時入去係抱住一顆熱誠, 好期待, 好興奮, 之後做落就開始有不同問題出現, 係一個經歷, 係好既, 等佢知道幻想同現實. 佢返工係好遠, 先15 mins 巴士, 再1.5HR火車, 車費都貴, 時間同金錢都可解決, 另一問題出現, 火車成日遲到, 取消班次, 大雨停使, 而妳係無法即時知, 資訊即時查唔到, 要等公佈. 佢醫院個位置好似叫band 5 , 有2個助理協助佢, 佢見完病人, 會叫助理陪病人做下運動, 做下治療, 問題又出現, 助理唔多聽使, 做得耐有自己個人見解, 唔願意聽指示, 會同你拗, 初時會忍讓, 試左佢建議方案先, 但女覺得唔係最好. 每星期都開會, 講下case , 有咩要跟進. 佢有提出, 但無效果. 為有盡量協調, 到近排有個助理挑野嚟做, 另一個當然不滿就質問阿女, 傾完都解決唔到, 最後就佢跟一個OT處理左病人, 放工即走, 去到火車站喊住打比我, 好委屈. 冷靜後佢決定出email 比經理希望正視問題, 之後真係有處理到, 問題都有好轉. 尋日佢要同OT一齊上門探訪病人, 睇下家既設施適唔適合病人使用, 家人既太態係唔合作, 之後被投訴, 家人對佢地建議不滿, 佢覺得無耐, 但已經處之泰然. |
發表於 24-5-22 15:50
