請教閱讀派家長，小女中英作文差

little_yolky

Jane1983 發表於 19-1-4 10:04
我都係咁樣培養小朋友，「會當凌絕頂，一覽眾山少」，但事事追求做到第一人，其實唔容易。你亞大都級前十 ...

佢依家日日青春期病毒發作一兩次呀！上一句仲正正常常, 下一句可以突然火山爆發！

Elenalan

Olympian 發表於 19-1-4 10:31
問題就係，你叫小朋友背文，你點引導佢背得來成為創作的基礎，還是流要走精面攞高分。
...

你搞錯了，我冇叫小朋友背文。我係教我女朗讀，欣賞文章節律用字。佢喜歡文字，而唔係喜歡背文。

Olympian

猴子爸 發表於 19-1-4 10:32
佢背得來成為創作的基礎，還是流要走精面攞高分。 或两者皆是

你個人又幾老實喎

little_yolky

IloveJJ 發表於 19-1-4 10:16
你仍然講去另一邊。
要引經據典，就要自己已有呢方面既知識，無錯。
所以，我無反對睇書，亦無反對背誦詩 ...

我覺得係兩樣嘢嚟。
背既係古文, 我諗Minh都唔會叫阿仔模仿古文寫作, 因為太難了。
模仿既係好既文章, 係現代散文。例如結構好, 俢辭手法好等等。模仿既過程, 係學習佢既寫作手法。因為好似我哋小朋友睇書咁多, 咁濫, 佢寫作時响一片汪洋大海入面, 唔會知執D乜出嚟用, 所以, 就透過平時呢D練習, 去學習技巧, 變成自己既基礎進行寫作。依家學校既作文功課, 其實好相似, 佢哋教完某一課書, 就會响作文功課入面作。當然佢哋無叫小朋友照課文寫, 其實小朋友應該參考課文既結構寫作學習, 掌握會更好的。我睇唔到呢樣嘢點樣可以防礙創作。因為一個係技巧, 一個係創作, 兩樣嘢嚟。

little_yolky

IloveJJ 發表於 19-1-4 10:21
成功的我先知，失敗的又有誰在乎?
香港有幾多醫生，做緊研究既又有幾多?
...

成功係建基於失敗之上, 為什麼只在乎成功? 而且, 萬一無一係0.1%喎, 只香港都肯定唔止呢個數, 兩間E學院好多E生做緊研究的, 有大有小。就算家庭E生都好辛苦, 唔係讀完就算, 都成日去聽E學講座、雜誌update自己。其實就算唔係E學院入面既教授, 好多E生都有keep住做研究的, 係無E學院咁大型而已。

little_yolky

IloveJJ 發表於 19-1-4 11:06
本帖最後由 IloveJJ 於 19-1-4 11:07 編輯

一個人，如果做一啲創作性既事，例如:作文，唔係用自己想法 ...

因為鬼佬無幾千年既文字歷史囉。無可否應, 外國人其他科目既creativity係好好的, 但呢個帖係作文呀。如果模仿會局限創意, 咁自古至今, 咁多文人同藝術作品又點得嚟? 佢哋學習過程都好著重模仿的, 只係到達某個基礎後, 就創作了。唔係叫你去抄文呀, 係叫模仿呀, 模仿都要用腦架, 內容你都係要自己諗架, 只係你要去學習個技巧呀。

Elenalan

IloveJJ 發表於 19-1-4 11:15
我唔知邊個係鄭板橋，但如果佢係改既，我都唔覺得佢有創意。
我自己好識改野，响學校開會傾咩表演?咩攤位 ...

你唔知邊個係鄭板橋，咁你要了解左先可以喺呢個點上討論，因為我唔係講緊你諗嘅野啊。

little_yolky

IloveJJ 發表於 19-1-4 11:09
你又講咗去另一邊。
我而家講緊有創意既醫生係萬中無一，咁關醫生辛唔辛苦咩事?唔成功，又點証明佢真係有 ...

你話有研究既E生萬中無一丫嘛, 我咪話你聽唔係囉, 好多E生都做緊研究架。佢哋一D醫學上既小發現, 對其他人既大研究都可能有幫助架。而且, 唔可以話成敗既研究就唔重視, 好多研究都係建基於前人既失敗例子, 先可以再調整好自己個研究架。創新研究永遠都唔係自己一個人、一個團隊可以做出嚟。你講既創業就可以。

Jane1983

little_yolky 發表於 19-1-4 10:40
佢依家日日青春期病毒發作一兩次呀！上一句仲正正常常, 下一句可以突然火山爆發！ ...

青春期係咁樣，做亞媽要走位。佢都未上中學，嚴格來講未黎料。你已經咁 ，咁唔襟玩。要接受呢d係佢成長的一部份，只有大家感情好，你以後先可以做佢名燈。

我同我女係2018都有幾次搞到關係好緊張。睇番轉頭，係我唔化，可以做好d。

little_yolky

IloveJJ 發表於 19-1-4 11:19
你又有咩証明嗰啲文人同藝術品既創作人，係靠咁樣訓練而成呢？咪又係你想當然而已。
如果真係咁既訓練先可 ...

呢D唔係想當然喎, 好多記錄某時代藝術家生平、古代文人既書入面都有寫喎, 佢哋係會模仿名畫學習的, 佢哋臨摹, 係學習既一部份。你要知道, 呢個係學習既基礎而已, 能唔能夠成為大家, 可唔可以名留千古, 就要睇個人天賦同際遇了, 缺一不可, 唔好彩, 幾叻都可以餓死的。

little_yolky

IloveJJ 發表於 19-1-4 11:26
我唔係話「有研究既醫生」

因為响學術界, 所有研究都必須係創新, 唔係就無人同你發表了, 過唔到審查的。所以創意=研究。