一人一信致教育局局長, 嚴厲打擊用非自住地址申請大抽獎

simpson.chan

Onetwofree 發表於 18-12-15 01:22
回覆 simpson.chan 的帖子

確有同感。他自以爲有邏輯有根據，滿口謬論，連最基本的是同非都未懂分辨，我地 ...

千萬不要順他邏輯去想，否則「女仔著短裙被非禮」而投訴希望加強執法，只不過是「少數人為個人利益自私的行為」，無咩作用，重點是如何引導色狼不再成為色狼。 你班短裙女仔咪投訴囉，我放長雙眼睇捉到幾多個色狼。

講得出咁既邏輯其實真係要俾個「服」佢，人不要面，天下無敵～

Vanadium

Soundervolt 發表於 18-12-15 00:34
本帖最後由 Soundervolt 於 18-12-15 00:40 編輯

幾歲人仔，如果唔係先天缺陷，其實能力唔會有好大分別 ...

我係講緊任何學校都有60%學位出黎interview，唔係講60%學校可interview。

我之前講既著眼著唔係成績，而係咁每間學校先有動力建立特色，如一間音樂學校，或甚至純happy school，經interview收生，保證學校信念得到支持，運作順暢。

學校建立唔到特色只能講成績競爭，就係現今情況。

現部份學校Interview係揀家庭唔係小朋友，即同信念之家庭，雖好講成績學校未必咁做，但放寬自行收生，亦會多左有心既教育工作者，為唔想細細個追趕成績既家庭做一間好學校。

Vanadium

simpson.chan 發表於 18-12-15 02:23
千萬不要順他邏輯去想，否則「女仔著短裙被非禮」而投訴希望加強執法，只不過是「少數人為個人利益自私的 ...

1+1=2，你經常強調簡單邏輯或道理，但可惜世界並唔係你講到咁簡單，好多時1+1唔係等於2。

話著短裙應被非禮係你講唔係我講，我對你三番四次用呢個描述極反感，請你尊重女性，亦唔好屈人。

無論短裙被非禮，又或逃稅之比喻，都不能準確類比越區抽獎之情況，你分唔到係你正常，只可講一年幾10單逃稅或非禮被送上法庭及判罪，但越區抽獎過去從未有被檢控，你睇唔到當中分別，唔明點解越區抽獎不被檢控，都要學接受事實。

Soundervolt

Vanadium 發表於 18-12-15 09:12
我係講緊任何學校都有60%學位出黎interview，唔係講60%學校可interview。

我之前講既著眼著唔係成績，而 ...

我之前已經講過多遍，「超前教育」係考核幾歳小朋友制度嘅原凶～我唔會再喺呢個論點不斷輪迴陳述～

「每間學校先有動力建立特色，如一間音樂學校，或甚至純happy school」，學校喺應該建立本身特色去吸引學生報讀，家長會用腳去對學校投票，而唔係倒行逆施。我區（或其他區）都有唔少近年新辦嘅派位津校辦得到有聲有色，已經成為區內家長首選嘅幾間學校。有心有力嘅辦學機構同教育人仕係應該專業同有教無類。若果想揀學生唻教，可以辦自負盈虧嘅私立學校。

我再重申最後一次，幾歲人仔大部份只係性格同家庭背景嘅分別，但interview只會製造超前教育嘅惡性競爭！

您嘅論點已經多次重覆，如果冇新論點，我唔會作循環輪迴式無限回覆討論～

simpson.chan

Vanadium 發表於 18-12-15 09:28
1+1=2，你經常強調簡單邏輯或道理，但可惜世界並唔係你講到咁簡單，好多時1+1唔係等於2。

話著短裙應被非 ...

一堆歪理，又扣帽子，貼切的比喻又話無關。 一次又一次重覆已被回應既討論 ，你自便，繼續騎劫，反正我不會再就你討論正當回應，見你不停耍無賴，才覺悟有些人要這樣才可「擦存在感」，真可悲。

simpson.chan

Soundervolt 發表於 18-12-15 10:17
我之前已經講過多遍，「超前教育」係考核幾歳小朋友制度嘅原凶～我唔會再喺呢個論點不斷輪迴唔陳述～

「每 ...

「您嘅論點已經多次重覆，如果冇新論點，我唔會作循環輪迴式無限回覆討論～」

exactly!!

simpson.chan

Soundervolt 發表於 18-12-15 10:17
我之前已經講過多遍，「超前教育」係考核幾歳小朋友制度嘅原凶～我唔會再喺呢個論點不斷輪迴唔陳述～
「每 ...

一般常人會想到全面小一interview, 雖然公平上爭議應最少，但就係全民上戰場，原本不想過早催谷的家長也要被迫應戰。 而有interview自然要分高低，如何分高低便衍生不同類型如cert/ 面試班等，像現在發生既情況， 但規模澎漲10倍。

唔好好凖備，連happy school也入不了，其實係現在發生緊既事。 每年家長/ 小朋友承受面試既壓力係ek根本唔難睇到。

之前已跟某會員解釋討論過，不過到現在仍以為全民面試結果係想happy school既家長必然找到happy school，而無任何代價。

Vanadium

Soundervolt 發表於 18-12-15 10:17
我之前已經講過多遍，「超前教育」係考核幾歳小朋友制度嘅原凶～我唔會再喺呢個論點不斷輪迴唔陳述～
「每 ...

見你誤會話60% 學校有得interview，又提到小朋友成績，我只係澄清論點，反正我根本反對用成績去睇小朋友，而係讓每個人發揮。

同樣，你著眼每個小朋友都一樣，但我著眼學校係咪全部都一樣，如果全港學校係一樣，我都話抽獎無問題，可能又係重覆之前論點。

莫講你，我都係抽獎既得利益，甚至報直私小都有利益，但制度唔好就唔好，香港小朋友或家長係壓力爆煲。

當全港學校有大部份學位自己行收生，係咪會增加催谷? 主觀覺得就無得講，都話幼稚園都已係咁，唔知催谷發生何處? 又或大學增加學位，反會增加升學催谷壓力? 其實我都唔敢百分百講會定唔會，只覺得有資料唔反映呢個係必然。

樓供應少，自然人搶住幾貴都買，當供應多，可能發展商倒轉要降低樓價求人去買。越多interview學位就越多人谷? 似乎要搞清楚本質。

Bighamster

其實，社會並不是非黑即白，天下不公事十之八九。涉及自身利益會出聲是人之常情，事不關己高高掛起亦不需要重重譴責，畢竟不是什麼人命關天大事。問我既話，我寧願政府用資源去查濫用公屋綜援，果啲先係民生。講到為子女做榜樣而出賣親友，恕我不敢苟同！

過路人無聊搭嘴，你們繼續同埋樓主唔好誤會，雖然我同你的觀點有距離，但我絕對無反對你一人一信，good luck to you！

Vanadium

現在幼稚園全部自己interview收生，真係極少聽家長投訴，或造成催谷，大部份會關心子女之家庭都可透過interview揀到心儀或可接受幼稚園，就算最後唔得既亦心甘命抵。

如果有日教育局又發神經，強制所有資助幼稚園抽籤入學，再分細區一定要讀附近幼稚園，但同時又容許私立幼稚園自行面試不分區收生.....

99.99%肯定，催谷立即發生，個個會因附近無心儀學校，或避抽獎既"寶校"，勁要保證小朋大入到私立幼稚園而大量催谷。而心儀學校係隔離村既家庭，又考唔到私幼既，又要搞搬屋或虛報........一片混亂。

然後，因有催谷，部份人話所以支持抽獎。

政府好心做壞事已好多次，抽獎可能先係「超前教育」原兇。

asukav6

Vanadium 發表於 18-12-15 12:07
現在幼稚園全部自己interview收生，真係極少聽家長投訴，或造成催谷，大部份會關心子女之家庭都可透過inter ...

同意！
以前我地果個年代，自行收生係學校面試，學校可以揀返岩佢地的學生，但而家連揀學生的權利都冇埋，15分好20分又好，又係抽，根本同大抽獎冇分別，跟住一堆學校去轉直資私立，Ｄ家長又一窩蜂咁追捧，結果迫Ｄ小朋友k1開始做功課k2開始默書外加無數“興趣班”，就係為左考個Ｄ私立直資，跟住連本身唔想谷仔女個班父母為左避免抽中寶校，焗住又谷仔女考定私立直資做backup，成個制度根本就係大抽獎最出事，最需要改革就係廢左個大抽獎！

simpson.chan

Bighamster 發表於 18-12-15 12:03
其實，社會並不是非黑即白，天下不公事十之八九。涉及自身利益會出聲是人之常情，事不關己高高掛起亦不需要 ...

我之前提過，其實用勸說而非出賣親友，在發生前試解決問題。 舉報是下下策，而樓主建議增加偷雞者既成本，主要是收阻嚇作用。 因此整個帖也沒提出過居民糾察等。

而去到證據確鑿，舉報與否視乎個人價值觀。 不舉報別人又可說什麼。
但v會員般的人要緊記今日講完「我當然唔會舉報」，再醜化被影響之人後，不要再說什麼高尚教育理念，因十分嘔心。

simpson.chan

asukav6 發表於 18-12-15 13:45
同意！
以前我地果個年代，自行收生係學校面試，學校可以揀返岩佢地的學生，但而家連揀學生的權利都冇埋， ...

以前交通不發達，而家元朗坐西鐵去尖東不過25分鐘。 以前資訊沒現在發達，住屯門就考屯門，那有想過考男拔。

但我理解你所指，亦在此帖很早時間已提出全部小一interview，因比較少公平上的爭議； 但當然不能忽視必然更多更早催谷小朋友既惡果。 不能為贊成，而說全民interview不會帶來競爭循環，妄顧事實。

asukav6

simpson.chan 發表於 18-12-15 13:55
本帖最後由 simpson.chan 於 18-12-15 13:56 編輯

以前交通不發達，而家元朗坐西鐵去尖東不過25分鐘。  ...

咸魚青菜各有所好，當然要考神校催谷係少不免，個Ｄ家長由頭到尾已經預左係谷，但並唔係個個都中意神校，有Ｄ家長只係想揾間開心學習但又唔太差的學校，透過面試正正可以將呢Ｄ學生同學校配對，大家各得其所，但而家因為呢個大抽獎，搞到全民催谷！

其實而家考幼稚園制度幾好，大部分家長都揾到合適小朋友的學校，點解唔可以套用係小學。

Soundervolt

asukav6 發表於 18-12-15 13:45
同意！
以前我地果個年代，自行收生係學校面試，學校可以揀返岩佢地的學生，但而家連揀學生的權利都冇埋， ...

呢個「超前教育」正正喺考學校搞出嚟！如果全部學校都係考，咁更加全民都會迫於無奈去參與呢個惡性競爭，冇資源去裝備嘅人機會只有愈來愈少。