聖道迦南交流區

Keithmama

原帖由 燁燁媽 於 13-02-05 發表
讀此校學校名牌效應大嗎？ 你們給兒女幾錢零用？ 放學回家是自行嗎？還是父母接？



  ...

名牌應該冇份，就我自己黎講，我屋企樓下有小巴去學校，吾洗轉車，我個仔就自己撘車（S1），成架車八成都係STCC同附近啲學生，我自己就逢星期四上課外活動先揸車接送(因要帶樂器，費事佢論論盡盡)，其他亦有家長揸車接送，但吾多（我唸多數中學生都吾鐘意父母接送）
零用方面真係好睇個人，我就連車錢返學日三十元(撘車十四至十八元日)，放假就冇，但假期D車錢同買嘢佢自己比，就算跟我地出街佢都要自付，我話$30/日係包括尼D支出，學校有小賣步，不過佢好少幫襯，因為佢話老師成日遲放小息，最多都係久不久食串燒賣

SPJB

Keithmama 發表於 13-2-5 12:11
名牌應該冇份，就我自己黎講，我屋企樓下有小巴去學校，吾洗轉車，我個仔就自己撘車（S1），成架車 ...

各位前輩家長,

好似好少聽你地提起學校統測/考試等事情, 可否分享一下呢?
我聽聞S1無論咩學校都有好多小朋友唔合格/好底分, 迦南係咪都有呢個情況呢?
如果唔合格係咪要補考呢? 主科補考後唔合格係咪要留班架!
我見今期東周有介紹學校, 校長話學校唔會要成績較差的學生留班/退學, 而係會鼓勵佢地集中加強在有把握的學科上.
學校真的做到這點嗎? 有足夠支援成績較差的學生嗎?

謝謝!

Keithmama

原帖由 SPJB 於 13-02-07 發表
各位前輩家長,

好似好少聽你地提起學校統測/考試等事情, 可否分享一下呢?

因只讀咗半年，成績吾係好清楚，我問過仔仔，剛完的期考個別科目都多人吾合格(佢就好彩剩係中文會話嗰part衰咗，因短講離題），好似中文有成三丶四成人肥佬。
我見上年補考名單真係好多人，不過好多人都只係個別科目要補考，我個仔個班都有兩個留班生，仔仔話佢哋有D科目都勁，入到班裏頭嘅 Top 10

tungwai

回復 燁燁媽 的帖子


我覺得名牌效應不大, 我每日給$15 女兒零用錢 (不計飯錢及車錢), 返學, 放學是女兒自己坐巴士的

Macusmama

我想請問你們係邊度補習呢?謝謝你.

tungwai

我個女暫時只一星期補一堂英文，在太子

bo_chi

想請教一下有冇JM知道升中一嘅暑假銜接課程到底係幾時開始？8月份嗎？因為想7月中去個short trip~
唔該哂！

燁燁媽

原帖由 bo_chi 於 13-02-19 發表
想請教一下有冇JM知道升中一嘅暑假銜接課程到底係幾時開始？8月份嗎？因為想7月中去個short trip~
唔該哂！ ...

7月中至8月頭有2星期的英文新生營！

bo_chi

原帖由 燁燁媽 於 13-02-20 發表
7月中至8月頭有2星期的英文新生營！

唔該哂！咁8月份呢？使唔使返？

Macusmama

係咪星期一去到星期五,正常上堂的?

tungwai

回復 Macusmama 的帖子

Macusmama

因點評覆唔到, 我寫那註冊日期已是上年的, 小女已返緊中一了

燁燁媽

回復 燁燁媽 的帖子

咁又唔知喎~唔知暑假既夏日營洗唔洗比錢...?

Keithmama

上年就要$800，返十幾日，七月尾至八月頭，半日，星期一至五，有D各科嘅preparatory class呀，讀書及學習技巧呀，認識下老師同其他中一生（但未必同班嘅），都幾好㗎，起碼預早認識咗學校，吾洗等九月開學先傻下傻下咁

燁燁媽

Same here!
今日為仔仔去了交留位費

燁燁媽

今日我去交費時, 學校應該是家長日...見有老師係門口招呼學生家長..
順便同老師傾左幾句,
學生每星期有周會2天...星期一用中文, 星期五用英文~ 星期三唔知咩電視台...是英文...

燁燁媽

想請教一下前輩，升中一後，有咩英文科要注意？
除了英數，還有邊科英文是需要預備呢？

judymychiu

請問各位, 小女明年就讀..家住寶琳 , 怎樣返學?

Siumingmama

好似寶琳有小巴經學校架

Siumingmama

91M回校响德望落車，行小徑回校.放學回程由滙基前面巴士站有91M

Keithmama

原帖由 Siumingmama 於 13-03-09 發表
91M回校响德望落車，行小徑回校.放學回程由滙基前面巴士站有91M

我住寶林附近，返學撘12號小巴（或12A特別車，成車都係附近三、四間中學學生，），吾會撘巴士（慢同落車後要行），落車吾洗點行，放學就撘91M巴士，或12號小巴，視乎有邊架