剛１歲證實發展遲緩（6歲放棄主流，入讀體障）

methy

回復 cecilau 的帖子

多謝你既建議，我跟住都努力上網搵ｄ自制訓練小肌／大肌玩具，屋企ｄ玩具阿仔都玩到唔玩。

１．麵粉playdough　真係好正．阿仔自創好多野，又會講好多野：呢個係蛋糕．切”蛋糕”前唱生日歌。
　　不過佢手婉都未得，拎刀都係拎唔正，切唔到．要再練多ｄ至得。
２．紙箱：　更加多野玩．大小肌一齊玩住練

methy

E位終於出哂全部治療時間表喇：

1.PST：一星期一次個別堂．每次一小時
2.PST小組：兩星期一堂小組訓練，每次一小時，不過係安排係上午．要同幼兒園請假
3,PT:一個月３堂個別堂，每次一小時
4.OT:一個月１堂個別堂，每次一小時
5ST:一個月１堂個別堂，每次一小時
6.ST小組:一個月1堂小組訓練，每次一小時

暫時都ｍｅｅｔ到阿仔既需要．．阿仔大肌未得．PT最重要，難得個PT一星期３日先係中心，都比到３堂阿仔．真係好開心。

methy

E位家訪了～

中心三個職員：主任,OT&PST一齊上黎做左家訪．主要係了解下阿仔係屋企既情況，父母平日既管教，傾下計．問下我對阿仔接受緊訓練既期望，大家夾下。
佢地分別都將半年既訓練目標講解一次，我亦都提出希望得到既訓練次數＆頻率。

家居佈置方面．我估我已經將屋企整到好配合阿仔情況，佢地都無咩特別意見比我。

SHAN313

努力!加油

methy

阿仔明天3歲生日喇，我幾日前都坐完月，接佢放學時，驚訝佢呢幾個月進步左好多，包括離開校門，一支箭咁行，雖然行得唔穩，易跌，但我覺得好安慰，另外睇到佢叫同學仔個名，人地又回應，老師話佢叻左，證明佢好適應學校生活 。

nicolelaulau

真係替你高興~每次見到你既留言都會令到我充滿希望同曙光，我會繼續加油努力

djlove

你小兒講句子叻唔叻？

methy

回復 djlove 的帖子

比同齡慢左d。
不過都可以用簡短句子同我對答:

我:你今日想食咩茶點?
仔:蛋糕
我:請你講全句...(我提示)唔該媽媽
仔:唔該..媽媽..我想食蛋糕(提高半個key)

我就會拎蛋糕比佢食。


佢近期講得最多既句子.例如:

1.你食左飯未呀!! (太概係因為管理員日日都問佢)
2.妹妹去左邊到呀? (妹妹一直都係床仔到.佢成日都問)
3.媽媽..我幫手換電呀 .(妹妹床頭有床飾.要經常換電.我地比佢參與.佢好期限每次幫手)
4.媽媽,我返黎喇...(daddy同佢去完街入屋第一句)

djlove

回復 methy 的帖子

你仔仔都多句子呀，我B都剛三歲只回答食唔食，要唔要，問佢叫乜名，幾歳住邊識答

methy

都急唔黎，開始時都係單字，慢慢加長上去咁講、的確9月讀N班後講野進步好多，唱學校教既歌，開頭斷開哂咁唱，唔知佢唱咩，慢慢可以唱一整句。

Hopesforlife

看了大家的留言幾天，得到了很多資料。見到大家都積極協助自己的小朋友，我知道要堅強面對。囝囝6個月還未會翻身又坐不到，而且手未試過攞柬西，心裏都懷疑有問題。經轉介，遲些會見腦科，在網上看到才知道須面對很多問題。心情當然不好受，但看了你們的資料已立刻排期及開始私人PT。希望大家都努力！

methy

早發現，早介入，接受治療同訓練，好快會追返，但過程的確唔易，每次覆診都要面對自己小朋友有未達標既地方既現實，或醫生發現新既情況，再安排抽血，接受檢驗等。個個星期常規活動就係去做治療，放假親子活動就去另類治療，推拿，針灸。
過程最開心係有突破既進步，第一次申手抓野，第一次由瞓轉坐，第一次由蹲下再起身，都足以令我開心一整晚。

加油呀，媽媽：）

Hopesforlife

謝謝你的鼓勵，見到你的小朋友一直進步亦替你高興。看見你說要做推拿針灸，又見到有說做顱底骨治療是否成效很好？又可以在哪裡找到這些治療呢？

methy

不經不覺已經2年了，阿仔的確日日進步，間中停滯不前都有d氣餒，不過呢個係過程，當佢做到正常小朋友都做到既野事，就覺得之前做咁多野係無白費。
我稍後PM d治療師資料比你

波蘿包1

出世到而家都未到最低個條線
我仔都係得個廿二，三磅到 食極都無肉
真係成條柴 就係想搵下有冇其他方法幫下個仔

波蘿包1

Send錯左post

Hopesforlife

回復 methy 的帖子

謝謝你！剛開始了第一次PT，那治療師都細心，在她引導下，阿囝都做到啲動作。不過返屋企自己做都有d唔記得。下次要專心d記。亦已排期其他機構，不過要等幾個月，所以自己學住先啦！我都知緊唔嚟，自己要學有耐性d！

kennyrita

methy 發表於 13-1-18 14:06
不經不覺已經2年了，阿仔的確日日進步，間中停滯不前都有d氣餒，不過呢個係過程，當佢做到正常小朋友都做到 ...

HI, 你係 step, 協康定其他中心做治療??? 可否send d資料比我, thx

methy

阿仔3歲,返E位返得好開心，上兩星期物理治療師既阿HEAD黎左中心睇cases，問阿仔有無照腦(MRI),因為佢既診斷一直都係delay.而佢地既治療計劃都係針對呢樣野，我問佢覺得我阿仔似咩,佢話阿仔似"腦痳痺"(CP),佢話大肌差已經似係。我又"回帶"一次話無人講過佢似CP,我亦唔想佢食任何藥物,唔想比藥物影響佢。

一星期後，覆診兒科,,阿仔行比醫生睇,醫生話佢行得肉酸。問醫生阿仔有無可能係CP,佢諗諗下又覺得似..就安排快期照MRI。阿仔一直進步中,我其實唔想再做咩檢查，最後都係要照腦 +抽血。如果照左係CP,協康既PT話會改治療計劃,對症下藥。

阿女2個月大了..阿仔已經過了呷醋期，學校老師都話佢情緒好番哂。阿仔一直都好明白多左個妹，間中會做d naughty 野令我發嬲，不過同佢傾完.佢又唔會再做，話比佢知我都係咁惜佢。
我都盡量出席阿仔E位既訓練,等佢知道我唔會因為妹妹出世而忽略佢。

methy

阿仔無論係私人定政府訓練，我都會要求用手機拍片，等返屋企可以睇返。有d治療師好好，會重複一次重點比我拍片，返屋仁睇返就易recall返d技巧。