2010~2011 小一家長請進!

小鄧

上次家長學堂英文科主任話下星期五開始:

10月15日星期五開始的第一個小息, 會有NET teacher 在圖書館story telling time, 雖然小息時間好短, 但累積就會好多, 我地應該好好利用, 叫小朋友去聽下, 我相信多些人參與, NET teacher會更加落力。

我唔知係逢星期五定係每日都有, 有待小朋友話個答案俾我知啦。

aquarius828

各位早晨丫!

小鄧:
你就好啦, 個老闆咁好人, 真係"狠"c人丫!

我仔成日話好想去圖書館, 但成日話去完廁所+食少少嘢就無哂d時間, 所以成日都無上到; 我叫佢用一個小息去完廁所就上去啦, 但由於佢又為食而又同想同d同學仔一齊傾下計, 所以講到最尾都係無上, 比佢激c我琴日已經話咗比佢聽, 星期五有個老師係圖書館講故事, 叫佢去聽架啦, 希望佢會上啦!

我仔前兩日同我講, 有同學仔請佢食嘢, 我話咩嚟架, 佢話百力滋, 跟住又有同學仔請咗d咩曲型餅比佢食, 於是我仔又請返d梳打餅比佢食, d同學仔問佢點解d梳打餅無味既; 我一邊聽一邊好開心, 覺得d小朋友好可愛, 好真, 原來仔仔都有friend了... (不過, 我另一邊就提佢唔好成日食人地d嘢 , 佢竟然答我: 知啦!)

原帖由 小鄧 於 10-10-12 17:15 發表
上次家長學堂英文科主任話下星期五開始:

10月15日星期五開始的第一個小息, 會有NET teacher 在圖書館story telling time, 雖然小息時間好短, 但累積就會好多, 我地應該好好利用, 叫小朋友去聽下, 我相信多些人參與, ...

小鄧

仔仔上完第一次圖書館課已經話好想快d有smart card, 可以去圖書館借書。 佢話佢地好辛苦, 因為課室在1樓, 圖書館在好高層, 佢地要行好多層先到, 去完洗手間就冇時間。仲有係太遲上去會好多人, 排得隊借書就打鐘, 所以我仔仔話佢一小息就快快的跑上去, 即刻找書, 再快d排隊先借到, 佢講既時候繪形繪聲, 講到好似打仗咁, 好好笑。佢就話留返第二個小息先去厠所同埋食野傾下偈, 但有時放學就見到圖書, 又見到食物盒有野食囉。

loveAM

阿仔就成日借一大堆圖書返來，搞到個書包好似石頭咁重，好熱衷借書，希望佢唔會三分鍾熱度LA!

小鄧

我估佢地覺得借書好好玩, 所以成日去玩囉。

明天晚上6:30pm有冇人會出席家教會大會?

aquarius828

各位早晨丫!

我今早再提一提咗仔仔記住要上圖書館, 比d支持老師嘛

我已填咗通告唔出席, 你地會去嗎?

原帖由 小鄧 於 10-10-14 17:19 發表
我估佢地覺得借書好好玩, 所以成日去玩囉。

明天晚上6:30pm有冇人會出席家教會大會?

aquarius828

我今朝由8點幾至e家都上唔到循道個網, 你地上唔上到呢?

小鄧

網頁係上唔到呀, 應該出左問題, 俾d時間佢地攪攪, 相信下午可以再試。

今朝問仔仔會唔會去圖書館聽故事, 佢話唔得閒, 因為第一個小息要去交表, 佢好想買前2日派的數學電腦遊戲, 要指定第一個小息去交。

另外, 仔仔仲話聽故事是要報名? 佢又話唔知點報名? 相信即係佢冇報名, 我叫佢去find out 一下。

今晚6:30pm開始大會及講座, 我地會返去, 順便接仔仔放學, 佢都好想聽下講有關新學校的事, 希望佢可以坐定定到尾啦, 佢成日問我要坐幾耐, 幾點先走得, 哈哈!

小鄧

請注意, 請注意:

仔仔下1A23號, 唔小心取了28號同學仔中文工作紙改正功課, 小朋友已改正, 星期一仔仔會帶返來給你, 不好意思。

請問ECLASS寫的數學工12及數學工作紙是否同一樣?因我找不到第二樣?

magiccandy

我也找不到數學的網上練習，但見deadline是昨天，即已過期，又顯示未繳交，怎麼辦?

小鄧

經過了解, 估計手冊寫的工作紙即係網上練習, 我地做左, (在課室地帶 - 練習測試 - 數學 - 補充練習 - 內有顕示一份功課"一年級數學科進階網上練習（一）" 第一題3和4是..)仔仔帶我去的, 做完選了呈交, 但結果都係顕示未交功課, 請你試試選儲存, save as desktop, 之後在手冊未交巧課欄click click, 會show到有一欄上載...)請upload 之前save左的file, 我試完就冇再顕示未交。

好複雜呀!在冇辦法中的辦法啦, 又唔知係咪交老師想要的東西, 叫做交左囉...好無奈呀!冇諗過星期五晚係deadline囉!昨晚有事, 冇睇過功課, 諗住2日假期慢慢做囉!

最壞打算, 又欠交囉!哈哈!仲有一次機會先罰企...!

有冇 人知道正確呈交方法, 幫幫忙, thx!

magiccandy

謝謝小鄧的指示，但我都是做不到，又欠交吧!其實已經日日仔細幫個女檢查功課，有份改正功課，她根本沒錯，又有帶，但她會在交功課時找不出來，被記欠交，真勞氣!

還有，notebook, workbook, listening book, penmanship及GE簿要日日帶嗎?她的書包已經很重，手冊沒有寫要帶notebook，又被記欠帶，十分無奈!

loveAM

我地都係呀! 英NOTE BOOK阿仔有講要做,但我見手冊及網上都冇寫,諗住唔係第日交,跟住返來老師寫欠,雖則唔係寫係欠交欄,但都係我大意,下次應該信阿仔,搞到手冊俾老師寫野,唉!

數工,我LOAD唔到落來,我COPY & PASTE 係WORD FILE,跟住再UPLOAD先交到,仲之就想辦法交左,唔知係埋咁,但阿仔話係學校已經做左,而UPLOAD之後已冇顯示欠交.

magiccandy

loveAM:

謝謝你的指示，我都終於找到了並upload交了(雖然已過deadline)，另我可否與你和其他下1A家長(我只知有小鄧)你們交換聯絡電話，因我send不到pm，只可覆pm，麻煩你們，大家有問題都可以互相請教一下!

原帖由 loveAM 於 10-10-17 13:24 發表
我地都係呀! 英NOTE BOOK阿仔有講要做,但我見手冊及網上都冇寫,諗住唔係第日交,跟住返來老師寫欠,雖則唔係寫係欠交欄,但都係我大意,下次應該信阿仔,搞到手冊俾老師寫野,唉!

數工,我LOAD唔到落來,我COPY & PASTE 係W ...

loveAM

Dear Magic Candy,
Pls check PM.thanks.

aquarius828

c啦~~你地講緊乜嘢呢? 咁複雜嘅, 完全唔明添, 我地好似無咩網上功課喎, 日日都係跟住e-class+仔仔手冊寫果d嘢嚟做... 又無話欠交咩功課喎?!

係呢, 想問問你地, 咪有份咩低碳節能比賽要做嘅, 你地叫小朋友寫定係自己寫架?

你地發唔發覺最近d功課多咗幾多, 英文默書都幾深, 又就快要測驗, 有哂範圍, 好似殺到埋身咁啦

Piggycat

小鄧，謝謝你告知小兒中文工作紙身處何方~^.^~
近日D功課真係多到透唔到氣。至於那份英文Notebook，攪到我同亞仔D關係麻麻。果日功課已經唔算少，做完晒手冊果D佢仲話老師話要做Notebook，我上網check過無話要做，便說他一定是聽錯了，而且那天中文生字要寫8行，佢就只圈得5個返黎，甩甩漏漏咁，梗係唔多信佢啦，但係佢唔擺休，我便說「你要做，自己做吧!」跟住我沒有跟進佢呢份功課。點知果晚佢返黎話真係要交喎，我惟有即時同佢道歉啦，細路真係細路，佢話「唔緊要!」唉~我真係要反省，有時都真係要信亞仔，小學生了，比幼稚園的確是獨立了! 如果我當日下「禁做Notebook令」，佢一定會埋怨我!!!!

aquarius828

上星期五, 仔仔話佢有去到圖書館丫, 佢又無話要報名喎, 佢同佢另一個同學仔都有上, 算佢啦!

原帖由 小鄧 於 10-10-15 11:17 發表
網頁係上唔到呀, 應該出左問題, 俾d時間佢地攪攪, 相信下午可以再試。

今朝問仔仔會唔會去圖書館聽故事, 佢話唔得閒, 因為第一個小息要去交表, 佢好想買前2日派的數學電腦遊戲, 要指定第一個小息去交。

另外, 仔 ...

aquarius828

piggycat / loveAM,

係丫, 仔仔係幼稚園階段, 我都有試過唔信佢講嘢, 你知啦, 有時佢地講d嘢真係唔知真定假, 有時覺得信5成都比多佢 ; 但最後比我得出嘅結論係: 信咗先, 無壞, 特別係d關於學習上嘅嘢...

大家都開始比較緊張啦, 希望大家都彼此提醒, 小孩子要在愛裡成長, 多些耐性, 容忍, 佢地始終都係好細咋, 希望大家一齊努力啦! (不過有時我都會忍唔到, 真係火都嚟, 但好興嘅時候, 就提醒自己忍..忍..忍  )

小鄧

Magic candy,

Please check PM, 你send 唔到pm就好似我上次咁, aquaris828話過唔好用IE開, 要用Firefox開就可以pm呢, 你可以試試。