九龍禮賢幼稚園K3家長請進！

penpen

[size=medium]各位靚媽,
唔該幫幫忙! CLICK HERE 若果覺得值得既! 請投我妹豬7號一票啦~  謝謝!!

Anita_Lee

hi 朱古力

唔好講話你個仔會含飯, 我個仔四歲, 都會有時係o甘, 有時又離位la, 有時又要帶埋玩具食飯la, 要人喂la, 真係層出不窮, 但係自從上次去完生日會, 老師唱"不再做bb" 之後我個仔又好d wor, 佢一做得唔好, 我就叫佢唔好學小翠兒呀, 佢離座, 我就同佢講天父望住你架, 你要乖呀, o甘佢就話係咪"天父爸爸"呀? 我話係呀, 天父鐘意好孩子架, 佢就自動走番埋個位, 最近兩日重肯自己食飯, 希望你慢慢o黎唔好鬧個仔la!!

penpen

littleeva,
我以前都試過煮阿囡鍾意食既野俾佢食架! 初時果半會食得好好, 但後來唔知佢飽定係咬到咀仔倦, 結果都係一啖唔知含幾耐架! :cry: 好彩家陣好好多喇!

Anita_Lee,
真係唔係咁大件事, 差d 俾妳嚇親! 投唔投入妳睇番佢返屋企有冇提番學校既事就知架喇~    
朗讀圖書我真係冇經驗, 但我指既備課意思係響朗讀圖書給小朋友聽之前要睇下本書先, 以免讀到"甩甩咳咳", 咁未冇咁吸引囉! 係主任同園長講架!! 仲有要留意下d台灣文有時尾果度有d音例如 '耶'之類, 可以自己改番做適合既音, 例如 "了", 又或者可以唔讀咁囉!  讀到適當既地方可以問下佢一些有關的問題, 從中便可以知道他明不明白了! 仲有要注意環境，要舒適及盡量不要被另一些事物騷擾到，例如電視電話之類!  大家一齊加油!

朱古力

多謝晒你地既安慰，今朝見到囝囝上車個樣好傷心，個心好痛，所以一路番公司都忍唔住喊，好似好殘忍對佢，老公叫我慢慢黎，唔好太急．我現在無事喇！但好掛住囝囝，等陣佢放學我第一時間打比佢．

penpen,我投左喇，你囡囡好可愛呀！我叫Ｄ朋友都投佢一票喇！

Anita_Lee

會員先可以投票, o甘填form 做會員la, 但係又話我個id no. 唔valid wor. 點解呢??

penpen

朱古力,
唔洗客氣啦~ 我哋要互相打氣呀!  
多謝妳咁讚我妹豬同埋投佢一票!! 妳仲要叫埋d朋友投佢一票, 多多多謝呀!  因為我想要果個學習禮盒送俾佢呀!

Anita_Lee,
好似唔洗會員先投得架! 投票只需click張相下面既 投他一票 然後會彈個box出黎要妳入個名同埋email架咋!!    多謝先!  

Anita_Lee

o甘就奇怪la, 我試左幾次都係o甘wor, 我都係click 入去話我投票, 跟住打名同e-mail address, 之後彈左個box出o黎話要先做會員wor, 有無其他人係好似我o甘呀??   

penpen

bosze,
我問阿囡知唔知邊個係浩然, 佢話左個全名,係唔係姓趙/邵呀??


Anita_Lee,
咁算啦~ 妳有心ok喇~ thx!!  

Anita_Lee

投左la, 做左會員先投到呀!! 唔係難o既!! 做左會員可能有d著數呢!!

朱古力

bosze,
我都要學你時常提醒自己,囝囝只不過三歲,唔好太過責怪佢,可能我地在職既壓力真係太大,不知覺地又發左脾氣.

littleeva

PENPEN

我都投左您囡囡. 講真就算唔係識您, 我都會投您囡一票. 因為她真係好可愛.

後先放學仔仔phone我話　ｘｘｘ　（同學）比粒傘厘仔佢食．咁佢話好想食．　我就話請姐姐幫您開．　點知仔仔話我識開嫁啦，　ｘｘｘ　（同學）教左我用口撕開佢．　

呵呵．細路仔真係大得快．．．．

　

12312

我想同囝囝報明年k1, & 住將軍澳, 想問校車幾錢, & 幾點上車呀?

penpen

Anita_Lee,
好多謝妳咁神聖既一票呀! 有d媽咪話阿囡個樣同細個一樣喎! 俾多張相妳睇下丫CLICK HERE

朱古力, bosze,
唔好話你哋返工丫~ 就算我做家主既有時都好炆架! 因為我要揍兩個嘛~ 老公+阿囡  

bosze,
多謝妳神聖既一票!
我都估唔到阿囡會記得你囝囝架! 我尋日睇到你既message之後即刻問佢邊個係浩然, 佢就即刻成個名講左出黎喇~ 佢其實仲要係好清楚咁講啱咗個姓架! 係我估唔到佢講得咁清楚所以先咁問你姐!! 不過其實佢識都唔奇, 老師都會講同學名嘛~ 仲會分組玩上堂玩遊戲! 唔一定祇係同自己組既同學仔架! 我覺得幾好, 等佢哋唔會困住響某一個圈子度嘛! 真係好似我哋大人既社會呀!


littleeva,
俾妳咁讚法真係飄飄然呀! 妳讚我個囡我,我仲仲開心過讚我呀!! thank you!  需然我沒有信仰, 但我都覺得阿囡係上天賜俾我既一份厚禮!  有時我都會擔心醫院忽然間會打黎話我個BB響出世果時同人調亂咗架!
囝囝咁快識自己開糖紙食糖,要收好d食物先~   我阿囡尋晚又係自己取左罐糖開黎食呀! 佢自己開左個罐, 激死! 佢d咳未清架!!  

Anita_Lee

PENPEN

真係wor, 你個女好似你post張ｂｂ相呀，眼仔大大，好可愛,好靚女呀, 其實我都好想有個女呀, 不過經濟唔好, 所以都係睇定d先la!!仲有睇相佬話我兩個都會係仔呀!!!! :evil:  :evil:

朱古力

星期一輪到囝囝分享，我教囝囝畫魚，同佢練習左一陣，昨晚收到老師既評語好開心，話囝囝畫魚畫得好靚（初初都有Ｄ膽心），小朋友和老師都覺得好開心，老師又話囝囝既分享好特別，可能囝囝好滿足喇，所以佢呢兩晚都跳上張梳化講：我叫陳塱生，我今年三歲，我今日畫魚．好攪笑．

penpen,
係呀！我都同你一樣要揍兩個囝囝（大仔係爸爸，細仔係囝囝）真係幾辛苦架．

littleeva

bosze

我肚果個係妹妹.  初時仔仔知道都會問好多野. 有時會表現得很開心. 有時又會話唔要妹妹. 我現在都比足心理準備仔仔. 不過聽好多過來人都話到BB 出生時. 大果個都會有X醋.  

其實到時生出來時, 都差不多相隔 4 年. 我都怕他們唔玩得埋. 只希望在人生裡仔仔有多一個手足. 學會付出和愛,關懷.

HEHE 您係唔係心思思想生呢 ? 係就快手啦...


加油努力.

penpen

Anita_Lee,
我老爺奶奶都唔知幾想我生多個呀! 好難喇~ 一來未負擔到, 二來家陣我已經揍得好辛苦架喇~ 好彩阿囡睡得多, 如果唔係我分分鐘虛脫呀!!  :cry:
睇相佬都話過我會有一囝一女, 但係相差唔超過兩年架喎! 仲話我個囡黐爸爸多d, 但係兩樣都唔係咁準咁! 但係佢講我之前d野又有d準喎!! 搞到我R晒頭!!

bosze,
我個囡都有提過安翹呀! 其實佢之前冇提過你囝囝架! 不過我尋日一問佢佢又記得喎! 呢條友仔d記性有時都幾好, 不過英文字母就唔記得清楚, 激死我!  
睇完朱古力free day既成果, 妳囝囝點呀??  

朱古力,
妳都係揍緊兩個, 真係好辛苦呀!   尤其我老公係勁懶勁冇手尾添~ 第三個?! 未搞!!  
我上次收到free day嚴老師寫果張紙我好感動添呀! 差d想搵個架相起去!!  

littleeva,
係呀! 大果個真係好易會呷醋架! 覺得俾人分薄咗嘛~ 到時你要多d留意囝囝唔好忽略咗佢呀! 需然我冇經驗!
仲有3個月妳就揍夠個好字喇~ 恭喜晒!!  

Anita_Lee

bosze & PENPEN

仲有樣野要考慮, 出年呀仔考小學LA, 我又唔想自己大住個肚去同佢考小學, 如果係男校, 生個女出O黎又難搞, 真係進退兩難, 自己又驚年紀開始唔細LA....係就快手LA, 真係爭扎左好耐都未有決定......你話死未?

假期呀仔行程都好密, 多數都係帶佢去學MUD 班MUD班學野, 公園, 參觀科學館呀, 探婆婆或爹爹, 我隔離屋都好多小朋友, 所以我個仔都經常同小朋友玩, 如果你想小朋友多d接觸小朋友呢, 你可以去附近d公園, 日日去, 就會結識好多小朋友架la!

gordon

禮賢家長:

想問吓讀完禮賢幼稚園, 係咪會直入禮賢小學??

Anita_Lee

littleeva

我都覺得我得一個仔, 佢d性格真係無兩個o既o甘懂得去share 同愛人, 唯有多d講有關o既故事la, 好似同佢洗腦o甘, 等佢識得同人相處la!!