2005年出世或~宏福幼稚園媽咪~~~入黎一齊傾計丫。

rplyan

唔好唔開心啦, 男人係o甘啦永遠煩個係亞媽, 重好似吃力不討好o甘, 第日佢見到學校情, 我諗佢會改觀, 唔好激親自已身體要緊, 加油啊!

原文章由 dordor1207 於 08-7-18 17:51 發表
又會咁o岩既我都係頸椎發炎, 我而家先知..hehe.. 食左西藥做緊 physio 都算叫做好o的.. 我份工都係勁忙.. 做左 一年多o的.. 從來都未試過咁忙咁勤力...

我初時都唔知自己係發炎, 係覺得成日都好似感冒呀, 有少少慶 ...

希望05

dorddor1207

唔好唔開心啦~遲下等小朋友返左學之後,佢地見到小朋友的進步便知今天決定是沒有錯的.

我問左校車的溫叔叔喇,佢都唔識人有由沙田出來青衣的直駁或轉駁校車.佢話幼稚園d小朋友比較細,所以未聽過有咁細的轉駛校車.可能d媬姆車怕危險.

626mama

我想要A+的買一送一卷丫,謝謝你.但你可否郵寄給我呢?

希望05

rplyan

我星期六接孝孝放學的時候,問左d老師幾時先知分班的情況.佢地答因很多家長都撰左去宏福校舍升讀k1,所以今年青怡依邊得番一班k1,只會細分A及B組.但基本上是一起上堂的.即係說孝孝同旻旻會係同一班啦~因為佢地得番一班K1.

dordor1207

咁死囉.. 如果真係麻煩搵唔到轉車..唉.. 咁唔知個姐姐幾個鐘放佢去邊到玩好..激死我啦...........

ElainAiolia

Dear all mami,
子聰張畢業相，都算OK，唔知你o地果D靚唔靚呢 ？

激死我呀 ，我見咁耐都無收到有關搭校車o既o野，o米星期三晚寫手冊問學校，尋日晏晝，Miss Wai打電話比我問我：『乜子聰原來要搭校車o羊 ，之前有無填到需要校車資料。』我話：『有，但我見咁耐又到學期尾，好似無乜聲氣o米寫手冊問o下o羅。』原來學校一早比晒校車資料回條比家長填，於是Miss Wai即刻幫我搞，但暫時未知得唔得，要等遲D司機叔叔比電話我先confirm到 ，大約暑假期間先有消息。

早排帶o左子聰去睇功夫熊貓，比我預期好好多，雖然都有D驚，但起碼唔使提早離開先 (因為聰爸帶o左D零食比子聰)。嘻，嘻 。

子聰今日第一日返暑期班 (協康會)，點知返學前我打電話返屋企，佢同我講話好頭痛 、又好唔舒服、好想嘔 、仲好以有D發燒、返唔到學呀。我再問印印，子聰係o米有D發燒？印印話無發燒，只係佢唔想返學o者，子聰係咁話要返Miss Bonnie度。點知放學時，印印再問佢開唔開心、使唔使返Miss Bonnie度？佢話好開心、唔使返Miss Bonnie度la，你話D小朋友幾咁快適應到呢！

ElainAiolia

626mama,
校車個溫叔叔OK嗎？因我遲D會同佢聯絡有關校車會否到我屋企樓下上落，係呢，你填o左校車回條未呀？

rplyan,
嘩，疲勞過度頸椎發炎o米好嚴重 ，會唔會好長手尾及容易番發o架？咁你真係要好好休息同小心身體 。

原來你有諗過生多一個小朋友，我想生，反而聰爸唔應承，佢話唔想分薄o左子聰D福利o咼，真係比佢激C 。

dordor1207,
小朋友去得太遠返學梗係擔心 ，問題係你覺得直唔直，好似我咁，我從來無諗過去九龍塘讀書，因我覺得長途跋涉會令到個小朋友好攰，但我都有同子聰報九龍塘D幼稚園 interview，當見識o下 。但如果間學校好，個小朋友又讀得開心 ，遠D都直o既。可能將來個仔o既feedback好的話，屋企人讚你有遠見、揀間好學校，到時就乜都抵番。唔好唔開心，我o地支持你，得閒上o黎傾o下 ，而家首要解決係校車問題，呢樣o野我幫你唔到，真係唔好意思 。

dordor1207

我又唔太擔心去咁遠返學會有咩事.. 我對校車司機叔叔係好有信心既..我都唔知點算好... 唉... 頭痛死人.. 膊頭又痛..頭又痛..想死..

我都有諗過生第二個小朋友..本想 3 年抱 2 既..我識 2 個 mami 同我一日生第一胎小朋友既, 佢地都生左第二個啦..哈哈.. 又有幾個 05 年做了 mami 既..都陀緊第二胎!!! but 我重未解決到同 c6 既相處問題.. 同埋工作重係幾忙.. 我本身好鍾意熱鬧既.. 但係我而家好多野都未 settle down.. 如果再過多一年我唔生既, 就決定唔生第二個小朋友架啦.. 年紀大, 我又唔想 2個小朋友年紀相隔太耐.. 好麻煩...

校車, 校車.. 到底我幾時先可以解決問題.. if 唔得既.. 有無咩好提議, 安排個姐姐係青衣每日都渡過 3 小時呢.真係煩死我啦...........

rplyan

好o野, 佢地可以做同學仔啦

原文章由 希望05 於 08-7-21 11:54 發表
rplyan

我星期六接孝孝放學的時候,問左d老師幾時先知分班的情況.佢地答因很多家長都撰左去宏福校舍升讀k1,所以今年青怡依邊得番一班k1,只會細分A及B組.但基本上是一起上堂的.即係說孝孝同旻旻會係同一班啦~因為佢地 ...

rplyan

All mami,

我好大頭蝦呀, 今日學校暑期班第一天, 賓賓帶旻旻返校跟住打電話給我話學校冇人, 聯絡學校才知係宏福花園o個邊上課, 令到她們周圍跑, 真慚愧 重差o的令旻旻喊, 因從冇對她解釋過, 只向她說回校上summer course, 幸好當她放學後好開心才令我釋懷.


Dordor1207,

校車問題我幫唔到你, sorry啊, 因我住青衣.  不如叫姐姐出荃灣楊屋街市買, 好似有o的浪費車錢o可, 唔好等我再諗諗......


ElainAiolia,

我又係試o下帶旻旻看[功夫熊貓], 佢係好開心但包pop corn功不可抹, 其實我都想問o下隻熊貓唔係佢老豆(即鴨/鵝)親生嘛, 好彩旻旻冇問我, 否則口啞啞.
我早預計生2個, 因我怕生1個自己對佢壓力&期望過大, 另外我老爺, 老公&旻旻同一生肖, 所以想生多1個同我生肖一樣, 好無聊
o可.



唔得啦各位, i want to sleep

希望05

rplyan

其實我都以為暑期班是在青怡上的 .好彩宏福花園同青怡都近.

我幫孝孝報左畫畫班,星期六上課在青怡廣場的木人巷教育中心.$320(4堂,每堂1.5小時).現正在物色英文班,希望搵到一d星期六下午3點鐘後上堂的班啦~

原文章由 rplyan 於 08-7-22 00:21 發表
All mami,

我好大頭蝦呀, 今日學校暑期班第一天, 賓賓帶旻旻返校跟住打電話給我話學校冇人, 聯絡學校才知係宏福花園o個邊上課, 令到她們周圍跑, 真慚愧 重差o的令旻旻喊, 因從冇對她解釋 ...

希望05

ElainAiolia

孝孝的班相影得都ｏｋ．佢好正經咁坐定定望住個鏡頭．雖然無咩笑容，但係我覺得好滿意喇．佢地成班同學都好可愛．

校車方便你唔駛太擔心．我昨天致電問溫叔叔，佢都說未安排到上下車時間，遲ｄ會打電話通知我．我收到消息再同你講，大家夾下丫．咁樣可以避免佢地漏單．

經過大半年的相處，我覺得溫叔叔及保母姨姨是可靠及有愛心的人．所以子聰應該會好快適應到．孝孝有時都會提起”溫叔叔帶我睇龜丫．”之類．．等．．．．的事，我知道孝孝都好鐘意佢地．每早上校車孝孝都會大大聲咁叫”姨姨早晨，溫叔叔早晨”好開心咁上左校車走喇．

原文章由 ElainAiolia 於 08-7-21 22:39 發表
Dear all mami,
子聰張畢業相，都算OK，唔知你o地果D靚唔靚呢 ？

激死我呀 ，我見咁耐都無收到有關搭校車o既o野，o米星期三晚寫手冊問學校，尋日晏晝，Miss Wai打電話比我問我：『乜子聰原來要搭校車o羊:surprise ...

dordor1207

你地就好啦... 我都好想快o的解決校車問題...............唉~~~~~~~~~ help~~~~~~~~~~~~

希望05

dordor1207

唔好唔開心,我依幾日都留意有沒有其他辦法.可能好快會有辦法架喇.現在最緊要係保持心境開朗,唔好整壞身體.

原文章由 dordor1207 於 08-7-22 11:46 發表
你地就好啦... 我都好想快o的解決校車問題...............唉~~~~~~~~~ help~~~~~~~~~~~~

snoopyhk

Rplyan,

我囝囝都有報了暑期班, 不過我有個問題想問旻旻件橙polo shirt係什麼size?

事原:我一收到電話 (16/7)第一時間去宏福取衫, 點知得S及XL, 又話件衫會縮水, 當然要XL,但係超大, 當時我以為係得兩個Size, 個個都大大件就唔怕, 點知星期六有朋友話比我聽, 佢最初係一件L, 但之後換咗M, 佢係在青怡報名的, 我聽到就覺得好大問題, 要求換size, 當然已經太遲啦, 所以星期一我冇穿橙色衫。

你地覺得如果我繼續唔穿件衫上課會否太過啦?
(因他們曾經同我朋友講件衫係送比你地的, 好似覺得我地冇比錢買。)

626mama

dordor1207

原來咁多人都有頸椎發炎，大家真係要小心D，
我地又要反工，又要睇主頭家小朋友，
真係唔易做。妳公司咁忙嫁，都幾好生
意喎，加人工老細真係要識做。

妳有咩唔開心上來同我地講，其實我地
立場都差唔多。我地忙唔得上什麼忙，
起碼講左開心D，唔洗放係心度。

我地都係想幫小朋友搵好學校，我老公
都唔係好理，我問佢有冇意見，佢都好
小出聲，我都想佢同我一齊搵下學校，
...真係想下好喇。校車度仲未問到，
真係煩D，真係搵唔到，都有個工人姐姐，
到時咪叫工人姐姐湊小朋友反學，
跟住叫佢去涌美買埋餸(好平)，跟住
再去湊小朋友放學回家。咁都叫有後著。

626mama

rplyan

係呀，真係好有同感~永遠煩嗰個係亞媽~


希望05

有要A+的買一送一卷，妳PM個地址我，
我今日寄比妳丫。唔洗多謝，我都唔洗錢。

妳地好啦，搵到同班同學喇，唔知EalinAiolia
囝囝會唔會同軒軒一班呢。

dordor1207

好多謝你地幾位靚 mami 既支持呀... 唉.. 我決定呢間學校既時候..我 c 6 就係話是但啦. 你鍾意啦..而家就怨我好送到個仔咁遠返學.. 因為煩 c 我...

我有時間一定會上來.. 我平時都係靠 msn 同o的朋友分享自己既唔開心..唔係我癲左都似...

我諗以後都係要姐姐湊佢返學架啦.. but 要諗下比o的咩野佢做囉.. 係街幾個鐘佢都好慘..我又驚佢學壞..我又唔識青衣呢o的既路.. 我好日都唔會入來既..

我上次 missing 左個 k1 家長會..係中環出發坐 bus (比同事老點).. 去到都完啦.. 我一落車係咁行..撞下撞下就到啦..then 交完 form 諗住坐 49 x 返沙田.. 我足足行左一個鐘頭都唔知係邊到搵到架車..愈行愈累..問人又話唔到比我聽..係度行來行去.. 最終行去唔知咩街市坐 VAN 仔返沙田再轉 VAN 返廣源...唉... 我真係對O個邊既路真係白痴到暈..O的站頭係附近都唔知..激 C 我

希望05

626mama

我pm左個地址給你,謝謝.

dordor1207

青怡花園附近有圖書館,你可以教姐姐去看看書,打發時間.

ElainAiolia

626mama,
我幫子聰揀學校，聰爸都無幫手，不過，我揾晒D資料後，會比佢睇同講解o下 ，再話佢知我比較上會仲意邊間多D，睇o下佢有無心水 ，不過佢都係無居多，但首要讀得開心及輕鬆，因上o左小學後仲有好長日子要讀書，所以幼稚園佢會著緊以上2個因素 。

我都好想子聰同到軒軒一班呀 。

dordor1207,
我贊成希望05咁講，如果真係無校車，o米叫你個工人去圖書館度坐o下，大約10:30左右係青衣街市or涌美度買埋餸先去接小朋友放學，才搭車返屋企o羅。

哎喲，上次個家長會你因為同事老點搞到miss o左，仲要行到C C o下 ，真慘。下次學校再有乜function地點你唔識去，即管係呢度講出o黎 ，我o地盡量解答，唔會老點你 。

ElainAiolia

rplyan / 希望05,
恭喜晒 ，旻旻同孝孝又可以再做同學la。唔知子聰同軒軒有無緣同一班呢 ？

rplyan,
哎喲，好彩2間學校都算近，如果唔係就趕餐C。好彩旻旻都好開心，你可以放心 。

套戲無講到亞寶 (即熊貓) 係o米佢老豆親生o咼，所以我答唔到你 。

咁你快D生多一個陪旻旻，唔使佢咁悶 。

希望05,
唔該晒你，收到温叔叔電話再話比我知 ，Thx！

希望子聰搭校車好似孝孝咁定咁開心la 。