有關和小兒在學習和打機及電子媒體使用上的時間爭議

stanleypyk

stanleypyk 發表於 20-9-23 13:00
多謝各位的關心, 其實阿仔不是十惡不赦的人, 只是對現今社會憤世嫉俗, 對家長反叛不聽勸告, 沾染不少壞習慣 ...

其實阿仔說打工沒用只是一個借口, 雖然時勢唔好是事實, 但我覺得是他有口吃的習慣有關, 雖然這大半年在家中多了傾談略有改善, 但聽他和舊同學打機傾談時口吃情況仍然嚴重, 所以失去踏出社會的信心, 不想與人相處, 好在前年已要求他出外兼職, 雖然不用很多說話的技巧, 始終不像一些禁閉在家足不出戶的隱閉青年那麼嚴重。其實早兩年已不斷勸他去參加一些口才改善班, 費用由父母付, 但始終不領情及逃避現實, 錯過了改善的機會, 現在我準備退休離去, 若日後他想改善便要靠自己, 又是另一次忠言逆耳。

stanleypyk

想知大家的子女享受了免費的中小學教育後, 讀上去如大學、副學士、文憑和證書等等, 一些學費可以由學生grant loan, 如果你們做父母會由子女申請自己償還, 還是由父母全數支付學費, 按道理你們覺得應該由誰付呢?

Yanamami

stanleypyk 發表於 20-9-25 15:26
想知大家的子女享受了免費的中小學教育後, 讀上去如大學、副學士、文憑和證書等等, 一些學費可以由學生gran ...

我两个女由幼稚園、小学都係私校，大女中学津校，細女直資，到大女出国，我亦儲定一筆学費生活費，反而大女自己去申請student loan, 亦有打工賺曰常开銷，我供住宿｡佢仲有－年先畢業，同我表示想讀埋master, 我話反正本來儲左筆錢俾你讀degree, 你又攞左grant, 咪用原本呢筆錢讀｡我本身觉得供讀个degree都好合理，除非家長負擔唔起，又或者仔女本身根本無心向學，咁又另計。

Jane1983

stanleypyk 發表於 20-9-25 15:26
想知大家的子女享受了免費的中小學教育後, 讀上去如大學、副學士、文憑和證書等等, 一些學費可以由學生gran ...

供仔女讀書，最緊要佢真係有興趣讀，讀的嘢係幫到佢未來發展，唔係為了延後出來搵嘢做。至於邊個比錢，反而無所謂。

但你個仔的case，佢之前學都唔願返，書都唔願溫。唔一定值得再進修，係都做一兩年嘢先。

Yanamami

Jane1983 發表於 20-9-25 15:57
供仔女讀書，最緊要佢真係有興趣讀，讀的嘢係買到佢未來發展，唔係為了延後出來搵嘢做。至於邊個比錢，反 ...

同意｡唔同人有唔同做法｡肯用心讀肯用心学同借keep住以讀書為借口唔工作係完全两回事，不可同日而喻｡

stanleypyk

咁你地的子女對父母供書教學有無感恩, 我個仔的睇法是法例規定, 是父母的責任, 也不會感恩!

Yanamami

stanleypyk 發表於 20-9-25 16:04
咁你地的子女對父母供書教學有無感恩, 我個仔的睇法是法例規定, 是父母的責任, 也不會感恩! ...

唉……你越问咪盞越伤心？我女甚至对公公婆婆都感恩~都記得你之前问过呢个問題了……

Jane1983

回覆 stanleypyk 的帖子

當然感恩。
你無謂諗咁多。你而家的目標係引導佢搵工，自力更生，佢行到出社會，搵到自己的天地，望番轉頭，會知父母恩。你一路庇蔭佢，佢無所事事，反而時間多多，怨天怨地怨父母。

Jane1983

回覆 Yanamami 的帖子

係呀，漫無目的的進修，根本係簁錢簁時間。
由細到大，大家講清楚。無心學，唔enjoy，課外活動、興趣班全部cut，唔好浪費大家時間。

stanleypyk

Jane1983 發表於 20-9-25 16:48
回覆 Yanamami 的帖子

係呀，漫無目的的進修，根本係簁錢簁時間。

好在他也講明無興趣讀下去, 但又不願出去工作面對社會, 只能改變環境才有機會改變, 現在只能等通關才可安排退休的事宜。

洋蔥頭媽咪

stanleypyk 發表於 20-9-25 15:26
想知大家的子女享受了免費的中小學教育後, 讀上去如大學、副學士、文憑和證書等等, 一些學費可以由學生gran ...

大學其實好多人都係自己借 loan 畢業還，父母供書教學責任已完，當然家庭付擔得起都可以幫佢比，大前提係用心讀而非  hea 讀。

我大仔升大學時爸爸有想過叫佢借，我仔有講過叫我借比佢，我知佢好比心機讀，而且佢一心想儲錢出國讀 master ，我唔想佢一畢業就一身債，所以大學都係我供佢。细仔都好想出國讀書，而且佢成績好好，所以佢自己有想過行獎學金條路，佢好比心機讀書，所以最终我應該都會供佢嘅。

至於樓主仔情況，我覺得佢根本冇心讀志在 hea ，所以唔值得再供佢，佢亦唔懂得珍惜，就由得佢出社會大學磨練下，將來知道自己不足就自然會去讀。

洋蔥頭媽咪

stanleypyk 發表於 20-9-25 16:04
咁你地的子女對父母供書教學有無感恩, 我個仔的睇法是法例規定, 是父母的責任, 也不會感恩! ...

仲有，法例規定免費教育只去到中六，中學畢業已經18歲已是成年人，父母責任已完，再想讀書就應該自己比，父母幫你比只係愛惜你唔想你負債，但並非有責任亦绝非老馮。

我仔都知道比錢讀書係佢自己負責，如果覺得老馮態度我一定唔會供佢。

little_yolky

stanleypyk 發表於 20-9-25 16:04
咁你地的子女對父母供書教學有無感恩, 我個仔的睇法是法例規定, 是父母的責任, 也不會感恩! ...

你問佢邊條法例規定！我同我個女講，養你其實唔駛乜錢，只要餓你唔死就得，法例無規定一日要俾你食三餐！其他所有嘢都係我額外俾既。

MrBeast

stanleypyk 發表於 20-9-25 16:04
咁你地的子女對父母供書教學有無感恩, 我個仔的睇法是法例規定, 是父母的責任, 也不會感恩! ...

咁你都反pok 唔到佢注定成世比佢食住

MrBeast

little_yolky 發表於 20-9-26 00:47
你問佢邊條法例規定！我同我個女講，養你其實唔駛乜錢，只要餓你唔死就得，法例無規定一日要俾你食三餐！ ...

相信三餐都是expect 左，不過就冇話大魚大肉，ham魚青菜都得

MrBeast

Yanamami 發表於 20-9-25 16:15
唉……你越问咪盞越伤心？我女甚至对公公婆婆都感恩~都記得你之前问过呢个問題了…… ...

so 永康？
樓主唔認老都唔得，開始內循環

Jane1983

stanleypyk 發表於 20-9-25 20:34
好在他也講明無興趣讀下去, 但又不願出去工作面對社會, 只能改變環境才有機會改變, 現在只能等通關才可安排 ...

環境改變，心態和想法都有機會改變。反而困係屋企打機，日日對住四幅牆，就真係死局。

little_yolky

MrBeast 發表於 20-9-26 10:38
相信三餐都是expect 左，不過就冇話大魚大肉，ham魚青菜都得

我都唔係日日有三餐俾佢哋，其實餓佢哋唔死，無營養不良就得。呢個世界上唔係人人都一日三餐。

Jane1983

little_yolky 發表於 20-9-26 15:27
我都唔係日日有三餐俾佢哋，其實餓佢哋唔死，無營養不良就得。呢個世界上唔係人人都一日三餐。
...

唔係日日有三餐   ，你唔係無錢，亦唔係無工人照顧，何解？

little_yolky

Jane1983 發表於 20-9-26 16:44
唔係日日有三餐   ，你唔係無錢，亦唔係無工人照顧，何解？

放假遲起身，工人放假，咪食Brunch囉洗少次碗呀嘛


其實之前有個工人，我同C6兩年都係食兩餐，因為實在太難食了，所以skip咗晚餐。