啓思小學附屬幼稚園(牛津道)

shirleylee_0514

回復 IRON 的帖子

絕對同意....咁你仔仔都好叻呀...識做...不過識做同肯做都係2件事....識做仲會肯做喎..你仔仔真乖呀~~雖然我係full time mama, 屋企有工人+麻麻睇住...我都train我囡....依家2歲半未夠....都識著衫褲鞋物...可能佢性格黎啦~~媽咪我自己得喇...有時我自己換衫....佢都話媽咪我幫你呀...我唔想我囡有公主病...更加我唔會做直升機家長....見得太多人太保護真係反而害左小朋友, 但無奈家長自己又太緊張...

今日冬至呀........今晚開始好凍喇.....TAKE CARE !!!

IRON

hi shirley,

妳女都好叻呢, 咁讀邊間幼稚園都無問題啦, 之前呢樹有d講得果3歲人仔要求得d咩, 真係要睇下妳d留言嘞,

hi all,

12月29日bbq, 約5時開始, 可3時玩球類, 九龍灣消防會(麗晶花園對面), 有車位(先到先得), 約$200/大人, 小朋友免費, 有興趣可call我, LA會到.

祝大家聖誕快樂!

shirleylee_0514

hi Iron,

我囡係自理方面係好小小姐, 唔係叻....係迫出來的....但係學術上就真係麻麻地...家陣教d顏色...都教極都唔識...問佢咩色...佢答顏色囉...媽咪

有個客戶比我2009-2010 既K1 每週評估我睇....之後我就比左我姑姐(以前教St. Cat.)..結論係英文d生字都好深...反而中文就好淺....姑姐教K 既中文同英文...佢話中文係難學過英文....想問下你....你囝囝上小一既小時係咪中文都係弱D呀?

IRON

回復 shirleylee_0514 的帖子

hi shirley,

小一, 二時又唔覺中文差喎, 因為我係全程跟到足, 科科都有9字頭, 不過真係英文叻過中文, 唔知係咪我都著重英文多d; 到小三時我就開始放手佢自己黎, 咁就見中文差d啦, 大測失過手, 好彩考試又拉返.

我地學校雖然似外國模式, 但都係未離框框, 考試中作俾4張圖, 又彧者俾個題目去作一百幾十字又如何, 我見我姐個女(係N.Y.)小學時係有個主題, 不限字數, 之後俾時間佢地去圖書館, 返屋企做, 我見佢好有心機/興趣, 仲要打好印好, 成本書咁厚去交, 咁先叫讀書嘛.

今日一家去睇早場"作死不離三兄弟", 真係好有感觸!

shirleylee_0514

hi Iron,

咁你仔仔都唔錯呀~~科科有9字頭~~

成本書咁厚...真好野! 咁都頂得住 !!

呢套戲,雖然我無睇...但係某講座...聽到校長大概講左內容...都推介叫去睇...
但原來仲未落畫既~~

IRON

回復 shirleylee_0514 的帖子

hi Shirley,

9字頭係小一,二既事, 小三後好似個市咁, 見過6,7啦, 自己黎嘛, 唯有一次又一次檢討總結( 錯d 係大意果d先瀲氣!), 當然我要求唔高, 普遍7,8字頭我就當過關啦, 大家壓力都無咁重, 偶然見到9咪當派息囉~~

套戲好似做緊早場喳, 快手啦.

shirleylee_0514

haha~~ Iron, 你真係個人好樂天....不過都好好...大家都唔洗咁大壓力 !

我都係等租dvd....日日放工都係返歸....無時間..放假同阿囡去街街....

IRON

hi shirley,

妳唔係full time 媽咪咩??.......我有無睇錯

尋日我地bbq, 當然係講仔女讀書啦, 有各名校家長(幼稚園時係啓幼, 之後去各大名校), 發覺都係我們啓小最輕鬆, 不過調返轉黎諗, 係咪我地學少人地好多?! 呢d就係家長既煩惱, 先要調節自己心理, 至可以少d壓力. 我又覺得, 我仔係果d揸多佢兩野, 都係升果幾分既人, 倒不如用果d時間, 去游下水打下波, 哎, 最不上進係阿媽呢~~

IRON

祝各位新年快樂! 身體健康! 大家小朋友醒目聽話!

前晚事頭要返工, 得我同阿仔等到12點倒數, 佢好傻更更咁真係對住流星雨許願.

不過, 佢都幾勤力, 尋日逐個長輩打去講新年快樂, 身體健康.

shirleylee_0514

Iron, Tks !!!!! 都係是一樣呀~~

hehe~~你無睇錯....係我想講...我唔係full time mama ! sorry~~給你誤會 !

你講得岩....有時都係要阿Q精神去諗.......永遠都有人叻過自己既仔女.....同樣永遠都有自己既仔女叻過別人的 ! 所以最緊要自知自己既小朋友性格~~唔係你唔上進....係有時D阿媽迫得太緊姐...做阿媽既最想都係小朋友身體健康...開開心心.....

你仔好乖,好孝順 ~~ 呢D野真係係由屋企培養的~~所以依家阿囡係好反叛...有時都比佢激到頭暈 !!!

IRON

hi Shirley,

今日有個媽咪新加入早餐行列, 佢小朋友岩岩插班小三, 食完佢話去睇樓, 哈哈, 我仲以為係bk既媽咪, 因見有個topic講搬近學校.

可能阿仔細時睇住我打電話, 而家佢見打風落雨, 都會打去麻麻婆婆舅母.......問候, 語氣仲好似我, 哈哈哈!

hi wawa,

返來未呀?

hi LA, kayiu & 各位, do do do testing~~~~~

LA

回復 IRON 的帖子

Happy New Year to all of u!
IRON, kayiu 話星期四食早餐，你得唔得？

IRON

hi LA,

事頭係度, 正常應該得! 除非99追魂call.

IRON

hi ballballmama,

頭先阿仔俾手冊我簽名, 順便俾本大簿我睇, 上有什麼"功課優異獎"同校長貼紙, 佢話係校長親自簡既喎, 每班得3個, 真唔真?? 因為佢d字好唔見得人, 真係唔係好信, 嘿~~平時佢係自己上網搵料自己做, 我間中見到都無眼睇(d字), 諗住功課算吧啦等佢俾老師炸型.

BallBallMaMa

係呀! 校長會收功課睇架

IRON

hi all,

今日超凍, 大家小心身體!

今晚阿仔要游水, 擔心中~~

shirleylee_0514

IRON 發表於 12-1-4 13:45
hi all,

今日超凍, 大家小心身體!

游開水應該唔會怕凍既.....室外 ? 暖水?

IRON

hi ballballmama,

我諗又係豬肉獎.

hi shirley,

戶外暖水(28度), 係驚上水果下, 衝入去沖涼........買左上水褸又唔著.

IRON

hi LA/kayiu,

早餐如何?? 今日我家99又玩換工人.

BallBallMaMa

回復 IRON 的帖子

IRON,

咁又唔好咁講,係鼓勵黎架