啓思小學附屬幼稚園(牛津道)

IRON

hi ballballmama,

^^

前一年我仔同爹地玩又差少少, 又係跌波, 哈哈哈, 上年我落場輸左成條街, 今年爹地要返工, 我都唔玩啦.

hi wawa,

呢句野不嬲都話要標點符號架~~
求學? 不! 是求分數.

尋日中默返黎錯2個字, 我都......"盡", 原來係一畫, 唔係書頭; 份內事, 原來係"分"內事.

唉~~我以前中文拎A, 而家怕且都係唔合格.


hi shirley,

我無去聽呢.

我諗去邊樹都要串字認字寫字, 唔test又點知識幾多, 唔通IB曉飛咩, d家長都會質疑教左咩啦. 不過, 我諗我地係少少異類, 係大氣層中(阿媽同仔)尚有喘息既空間.

wawa

其實IB        課程寫字會更加多, 因為做Project 全文字的, 又要做presentation. 如果英文唔好都有困難, 可能唔扣錯字分, 但係內容要自己唸的. 不過就無咁多背, 默 測咁多. 唔會一試定生死.

同埋間學校要玩呈分試,我唸點會唔嚴格. 點同人揮band 1 中學呀.

shirleylee_0514

hi~ Iron,

無錯~去到邊都要咁樣....你咁多年都無變, 講野好搞笑....<<大氣層中(阿媽同仔)尚有喘息既空間>> , 可能我初初覺得讀直資,私校or 行IB既會無咁辛苦...原來都差唔多...好小小啦~~

shirleylee_0514

HI WAWA,

其實一試定生死, 都有好有唔好既....如DICT, TEST都計分就日日都係長期作戰狀態咁...但一試定生死...都係C左就無得返生....

shirleylee_0514

請問各位靚媽...當年仔囡讀CPSK時K1-K3有無額外出去學野呀??

wawa

我仔間學校係無test 的, 但成日都要默字記字, 無乜平時分, 都係4次評估. 就係一試定生死.  就唔計project 分. 真係有好有唔好.  

我仔係k2-k3 只學畫畫和音樂班. 無同佢上其他學術科, 差不多到一年級同佢上kumon 返上半年停咗, 佢話唔鍾意重重覆覆咁做數, 好死板.

shirleylee_0514

咁其實你2位公主同王子讀cpsk畢業, 但到左讀小學應付得到嗎? 請問覺得有咩不足呀? 覺得應該係k2-k3時加強d咩...令到讀小學無咁困難呢?

wawa

其實係幼稚園o個3年應該係要愉快學習, 培養閱讀習慣是最重要, 讀書寫字到小學上學期都是適應期, 老師都會體諒, 只是我仔的學校中文程度比較深和嚴格,所以會辛苦, 英數沒問題.

啟幼其實都培養到我仔的思考能力, 如果幼稚園都係填鴨咁塞, 佢而家的創意和藝術天份唔會咁高. 上個月先知佢全班得佢一個識摺紙鶴. 仲教其他同學摺.  而家學緊素描將來想做designer. 讀書寫字重要,但培養小朋友其他興趣更加重要.

shirleylee_0514

明白 ! 多謝你既提醒同回覆 !

不過我姪女係讀YORK主流班今年畢業的, YORK都出名教既野都唔係淺(仲有默書考試), 係YORK都有唔錯既成績, 英文劍橋仲考到14盾, 但今年去到小一, 都算一間唔錯既政府學校, 係分班試入到A班....但就好慘...多功課, 默書, 評估, 測驗, 考試...日日都好似打仗咁...成績麻麻...中文/常識都係得七十幾分...反而英文就全級第一, 平均分就八十幾, 班考19, (大約三十幾人一班), 全級都係考六十幾....讀YORK出黎既小朋友...入到小一都係死證....中文唔識, 唔識解題....但我又好鐘意CPSK, 我都會決定讀...但小學就唔會喇...自知自己讀唔起...太貴了...會讀返津校...不過知道CPSK唔會太主張寫字/又無DICT/TEST/EXAM....英文有PHONICS我都有信心, 無咩問題, 但我最怕就係中文唔掂, 中文唔掂會令到中文,常識,數學都連帶會差....所以就係幼稚園既時間去幫阿囡..點樣先唔洗係小一咁辛苦??請問阿仔最終係咪去左聖方濟各英文小學? 聽聞有10樣功課...我姨生女都有考...初初係WAITING, 31/8打黎問有無興趣讀呀....

[ 本帖最後由 shirleylee_0514 於 11-12-15 14:50 編輯 ]

wawa

其實讀書唔一定要爭第一, 要享受學習過程. 理解能力同寫字多默字多係兩樣野,通常初小都是記背認字會比較多, 到高小理解能力會佔優. 所以好多到高小, 記性好的學生仲可KEEP 住默書背書科目高, 數學會DROP返, 因為要解題, 其實都好睇自己小朋友係那項強, 不可以跟風, 因為每個小朋友都是獨特的個體,不是一樣的.

shirleylee_0514

岩既...."睇自己小朋友係那項強, 不可以跟風, 因為每個小朋友都是獨特的個體,不是一樣的."

可能我對cpsk實在唔係真係好了解, 而bk上講又唔太多....所以有點擔心...不過我好相信cpsk絕對係一間好開心既學校...同埋佢既show & talk必定訓練到膽量...因我囡實在太怕羞同細膽 ~~

IRON

wawa, 妳講野好似我地校長呢.......每個小朋友都係獨一無二既.......哈哈哈, 唔識妳仲以為真係校長湣左落黎.

shriley, 我仔k1-k3都係玩玩玩, 畫畫, 棒球, 唱遊, 郊遊.......一有幾日假就去旅行, 入小學前既相多到不得了, 妳都要好好enjoy哦.

shirleylee_0514

我知呀~~花左幾日時間睇哂你地既post, 發覺你地一有幾有假就一定去旅行...不論長線或短線...或者約出黎見下面....仲互相關心...真係開心...無錯...我都知一上小學都好忙...所以我都好好享受我未來呢幾年既生活..到左小學要係長期作戰狀態...

wawa

Iron

而家的壓力不是來自學校,係家長自己要求. 怕自己子女學比人少.

你就好啦返埋今日亞仔就放假, 不過我都一樣開心, 亞仔今日考完試啦, 佢可以做佢鍾意的事和執行李lu.

IRON

hi shirley,

妳都好有能耐, 睇晒咁多post!

我真係咁搞笑咩.......哈哈哈, 因為我自己讀書都係一般貨色, 好努力都係得7字頭, 係中文幾好啦, 我d家姐阿哥係資優(果個時代應唔知), 唔駛讀都年年考一二, 所以我好明白我仔點解普普通通, 因阿媽都係平凡人, 平凡人係樂天d架. ^^


hi wawa,

我地都係執行李中, 下星期一同99一齊去長隆玩幾日.

而家我仔每日放學後如有腳都會去隔離個球場踢下波打下籃球, 佢大部份同學仔一放學就去補習, 話時話, 有時我都會諗人地行快咁多, 我地係咪慢左好多?? 壓力真係源自家長.

wawa

回復 IRON 的帖子

iron

名列前茅叫"績優", 資優不一定名列前茅啊!

wawa

轉了新版好唔慣.

shirleylee_0514

回復 IRON 的帖子

hah~~我係係公司得閒d姐~~

我希望了解多d關於cpsk既野....都有d幫助既...而得知你咁搞笑 haha~~

不過好佩服你...唔洗用工人....真係superwomen...

有時平平凡凡...咪仲更加好 !!

IRON

hi wawa,

haha........妳都有金句出呢~~

hi shirley,

屋企細嘛, 請個工人仲煩呢, 阿仔3歲前係迫於無奈請架, 一入幼稚園已唔駛啦. 唔用仲好呀, 而家阿仔已識煮面, 煎餐肉腸仔, 焗面包, 洗米煮飯.......係全程自己黎架; 有時仲幫我批蘿白, 切野; 我分好衫佢入機, 洗完拎出黎幫手晒, 如果有工人, 邊駛/識做呢d呀.

IRON

hi wawa,

haha........妳都有金句出呢~~

hi shirley,

屋企細嘛, 請個工人仲煩呢, 阿仔3歲前係迫於無奈請架, 一入幼稚園已唔駛啦. 唔用仲好呀, 而家阿仔已識煮面, 煎餐肉腸仔, 焗面包, 洗米煮飯.......係全程自己黎架; 有時仲幫我批蘿白, 切野; 我分好衫佢入機, 洗完拎出黎幫手晒, 如果有工人, 邊駛/識做呢d呀.