有關和小兒在學習和打機及電子媒體使用上的時間爭議

MrBeast

stanleypyk 發表於 20-8-25 18:34
未讀完書就無計, 已完成學業和加上退休便可重新安排日後的生活！

我明退休是個convenient 時機，可以避免difficult conversation.
我記得之前網友們都反對你供阿仔讀asso degree, 先比佢出來做野，真浪子回頭才再進修都未遲，希望你可以從經驗得到啟發

stanleypyk

已踏入9月新學年也開始了, 阿仔最後一個暑假也過去了, 正常的返學就返學, 返工就返工, 但他仍依然故我, 他現在主要在美國市場炒期權, 真是一個大賭場, 因為美股一路上升, 但他看外圍疫情仍然嚴重, 一路沽空, 除了政府派的一萬還在, 其餘差不多蝕晒, 但昨天突然美股大跌, 但他太早平倉, 本來可賺到一年的生活費, 但最後只賺數仟元, 所以捉到鹿脫不了角又感到痛心, 但另一方面以小搏大令他覺得機會處處, 更加不願工作。
剛和他又討論9月還不找工作的問題, 他還大條道理說我叫他工作已是舊思維, 他說認識的同學個個都是在家hea住讀書, 就算工作都是做份hea工, 只是賺自己的生活費, 咁我問他是否即是啃老, 他說現時年青的個個都是, 就算他將來有子女都不介意, 我當然說未發生當然任他怎說也可以。接著我又問他怎看親情, 他說對親人沒有什麼感覺, 就算父母只是較親蜜的朋友, 咁我問他是否沒有父母的恩情關係, 咁我可以當他是租劏房的房客可收房租, 他說已付電費, 我說那有這麼廉宜的租金, 接著就支吾以對, 所以對他也沒什麼留戀, 就當為朋友吧!

MrBeast

stanleypyk 發表於 20-9-5 23:17
已踏入9月新學年也開始了, 阿仔最後一個暑假也過去了, 正常的返學就返學, 返工就返工, 但他仍依然故我, 他 ...

put aside 其他問題，青春期和子女相處就是要當朋友咁

Jane1983

stanleypyk 發表於 20-9-5 23:17
已踏入9月新學年也開始了, 阿仔最後一個暑假也過去了, 正常的返學就返學, 返工就返工, 但他仍依然故我, 他 ...

朋友！邊個朋友你會比佢住宿、供書教學、照顧三餐和四季衣裳？

日日耍嘴皮子，工又唔去搵。而家講到明，啃老係新時尚，睇你點拆招。

stanleypyk

Jane1983 發表於 20-9-6 12:29
朋友！邊個朋友你會比佢住宿、供書教學、照顧三餐和四季衣裳？

日日耍嘴皮子，工又唔去搵。而家講到明， ...

年底或明年初回國內退休後, 大家環境也變了, 一切要重頭開始, 到時什麼都約法三章, 新習慣取代舊習慣。另外問過我身邊的人, 常說20歲心智還未成熟, 應一直留在身邊, 但身邊人不知, 這六年會聽父母說的真不多, 否則就不會食煙飲酒, 早前曾經好似戒除的煙癮又死灰復燃, 雖然食得不多, 但始終心癮難除, 不自愛的人是沒法徹底改過。我又想知父母愛護子女, 明知子女想啃老, 如果比你們做父母會點處置呢?

MrBeast

千金難買少年窮

Jane1983

回覆 stanleypyk 的帖子

每個家庭dynamic唔同，佢食硬你多年，而家擺明車馬工都唔搵。旁人講點做，亦唔係你可以依樣葫蘆。
佢一個月炒賣搵到幾多？搵唔搵到1、2萬？搵唔到的話，有咩資格講打工無用？根本無錢交租食飯。

講咩20幾歲人心智唔成熟，要留係身邊！進呢d言比你聽的，麻煩出錢幫手養佢過世。做人自力更生係rule number one，其他咩都係廢話。

洋蔥頭媽咪

stanleypyk 發表於 20-9-5 23:17
已踏入9月新學年也開始了, 阿仔最後一個暑假也過去了, 正常的返學就返學, 返工就返工, 但他仍依然故我, 他 ...

佢只係懶找藉口逃避不想工作，誰說個個年青人都 hea 讀書同啃老？ 佢認識嘅個個都係咁Hea 還是佢自己以為係，至少我認識嘅年青人都唔係咁。我兩個仔都好勤力讀書都為了自己將來，認識有家人供讀書嘅年青人都唔會 hea 讀，如果不思進取一心諗住將來啃老真係一腳伸佢出街食自己好過。佢講得啱年青人肯學肯做的確機會處處，但並非唔願意腳踏實地只靠賭博同運氣，浪費自己青春同時間

洋蔥頭媽咪

MrBeast 發表於 20-9-6 15:06
千金難買少年窮

好同意，所以話，無論怎樣富有都好，也要訓練孩子有不足感覺，讓他們明白要爭取才可以擁有，否則响物質太富裕社會，孩子都唔會懂得珍惜。

stanleypyk

洋蔥頭媽咪 發表於 20-9-6 18:07
佢只係懶找藉口逃避不想工作，誰說個個年青人都 hea 讀書同啃老？ 佢認識嘅個個都係咁Hea 還是佢自己以為 ...

但最近他也有一些改變, 就是肯每天如果不用兼職, 會有一餐飯肯洗碗, 但當然洗得不是太妥當, 又不肯洗完碗丟垃圾, 他說不算洗碗的工作, 也算在家中除了執碗入廚房外貢獻出一分力。因我在退休前要三個月通知, 我估在我有行動時他才會去找工作, 只不過他現在和時間競賽, 希望在我退休前賺到一筆到時真的不用打工可生活一段時間。

洋蔥頭媽咪

stanleypyk 發表於 20-9-7 21:09
但最近他也有一些改變, 就是肯每天如果不用兼職, 會有一餐飯肯洗碗, 但當然洗得不是太妥當, 又不肯洗完碗丟 ...

丢垃圾不算入洗碗工作，洗餐碗就算貢獻咗一分力？算把啦，佢將來自己住就冇得再計較，乜都要自己做就知道父母有多好。你對兒子已經冇乜要求，唯有守住底線一定要佢自食其力，揾錢養自己，呢個係人最基本應該做嘅嘢，千其唔好心軟。

akys

洋蔥頭媽咪 發表於 20-9-6 18:07
佢只係懶找藉口逃避不想工作，誰說個個年青人都 hea 讀書同啃老？ 佢認識嘅個個都係咁Hea 還是佢自己以為 ...

我阿仔一同我講別人點點點，我就會講『啲研究叫我們唔好用其他孩子比較，既然你提出，咁我就陪下你。同學仔A咁咁咁，同學仔B咁咁咁，親戚C咁咁咁，朋友D咁咁咁，對比佢哋你唔係好得喎。最重要一點，你有啲同學準備馬上出國，所以可以暫時放pei，你陪佢哋玩就死得。』

stanleypyk

這幾天和仔閒聊, 他說認識的同學多是hea讀, 就算升不到大學, 也隨便找一些銜接課程讀多幾年, 阿仔說他最不幸剛讀完書就要出來工作, 但他也看不起hea讀的同學, 也是浪費青春, 只是吃喝玩樂, 四處打卡, 但他自己已開始去投機賺錢, 比他們實際得多, 講得好似好有道理咁。我說人生的階段由讀書、工作至退休是恆久不變的, 那有人好似他咁讀完書就不工作好似退休咁, 但經過這大半年投資也不見得出色, 只是他想在我們退休前真是撈到一筆可遲些才工作。我問他在我退休後要他供養父母, 好似佢咁投機大上大落, 賺錢時比家用, 蝕錢時父母要倒貼照顧他, 聽到都心驚日後怎養老。我問他遲些要租房住, 唔通賺到錢才交租, 蝕錢租也無得交被人趕走, 他說建議業主將他看成一種投資, 日後賺大錢會有回報, 真是一派胡言, 現在想起他年紀小的時候, 沒什麼童真, 反而現在年紀大了, 說話好似說笑咁, 歪理多的是, 日後踏足社會又看他怎笑得出。

MrBeast

stanleypyk 發表於 20-9-15 21:47
這幾天和仔閒聊, 他說認識的同學多是hea讀, 就算升不到大學, 也隨便找一些銜接課程讀多幾年, 阿仔說他最不 ...

U should just play along.  賺就去半島住一頭半個月魚次lo飯，輸就訓天橋底執老麥食

洋蔥頭媽咪

stanleypyk 發表於 20-9-15 21:47
這幾天和仔閒聊, 他說認識的同學多是hea讀, 就算升不到大學, 也隨便找一些銜接課程讀多幾年, 阿仔說他最不 ...

杜指昨夜急跌9百點，你仔仔買跌應該又有收獲，不過呢啲係升跌正常現象，想靠佢發達就好難啦！20歲仔不務正業浪費人生真係好可惜  

須然話人生係班後生仔自己，但作為家長見倒佢哋放棄態度真係好感觸。我仔咪有個中學同學讀完 HD 之後一路冇揾嘢做，日日訓醒打機食飯，我仔讀完 HD 上大學明年都畢業，佢話頃開計班同學都叫過佢揾工佢都唔去，放棄態度好可惜。後生一代如果唔滿意現狀更加應該努力充實自己，想辦法改變揾出路才是，正如我仔已決心將來到外國發展，好過浪費青春。

gigayan

不如鼓勵阿仔識個女朋友，愛情嘅魔力好難估計，可能為咗個女仔肯腳踏實地；又或者等疫情好轉，鼓勵下佢去外國working holiday，總覺得佢需要一個階段或轉變令佢成長識諗...

Yanamami

gigayan 發表於 20-9-22 09:48
不如鼓勵阿仔識個女朋友，愛情嘅魔力好難估計，可能為咗個女仔肯腳踏實地；又或者等疫情好轉，鼓勵下佢去外 ...

呢个幾年前討論过了……真係唔好害左人家个女｡

Jane1983

Yanamami 發表於 20-9-22 09:53
呢个幾年前討論过了……真係唔好害左人家个女｡

x2。

ponnychan

Yanamami 發表於 20-9-22 09:53
呢个幾年前討論过了……真係唔好害左人家个女｡

X3

stanleypyk

洋蔥頭媽咪 發表於 20-9-22 07:55
杜指昨夜急跌9百點，你仔仔買跌應該又有收獲，不過呢啲係升跌正常現象，想靠佢發達就好難啦！20歲仔不務正 ...

就算有大上落, 掌握得唔好也無用, 前排有些斬獲近日又打回原因, 投機根本就如賭場, 就算佢點猜度, 也是時勝時輸, 至今不計政府派的一萬, 本金已無咗一半以上！但始終就算自己掌握不到, 佢見到本少利大的機會仍在, 仍不言放棄！