名校拍教師造型照塑造形象

dad999

無錯, 你係唔會係理度

心汶媽媽

希望英華家長唔好只係講：影ｄ靚posters有咩問題，我地自己睇之嗎，關你地咩事．．．等等



我地只係

SandyKL

G-Ma,

我覺得英華好唔好唔係今次事件要討論既議題，唔重要。

「我實在不明白為什麼反而校長會覺得學校要與補習社看齊, 要用如此方法推介老師, 推介學校, 是否有點自降身價? 這樣做法又可以帶到甚麼訊息給學生? 學校也可以像補習社? 專業就是要著行政人員服飾? 儀容最重要, 記得每天要襯衫? 一話要一再強調每個老師都是 200% devotion?」

如果真如報導般，有英華家長去投訴報料，我相信正正就係你理一點，佢地認為林校長將英華「自降身價」。

儀容又確係重要喎，難怪曾生呼籲要便服上班，於是出面有大公司職員紛紛著拖鞋、衣著非常隨便番工，前果輪先有報導僱主不滿，驚影響公司形象。社會上，真係著重外表衣著架，諗起「女王的教室」，阿久津老師添!

嘩眾取寵--心美、小儀係電台舉辦果個「最想非禮女藝人」都係想嘩眾取寵，當年劉德華係電視表演時，講左句「杏加橙」，都係嘩眾取寵。結果有目共睹。

心汶媽媽

儀容又確係重要喎，難怪曾生呼籲要便服上班，於是出面有大公司職員紛紛著拖鞋、衣著非常隨便番工，前果輪先有報導僱主不滿，驚影響公司形象。社會上，真係著重外表衣著架，諗起「女王的教室」，阿久津老師添!



   我都同意社會上，真係著重外表衣著〔商業社會會係〕，但學校係學習既地方，如果用商業手法去包裝重要係津貼學校既話我就唔認同啦

SandyKL

答案，仲諗緊，點解到今日為止，詹瑞文仲未俾人投訴，我冇預期佢講咁多粗口。

你覺得我有需要搵人認同咩??你有你意見，我有我思想，只想參考多d人既諗法，唔鍾意俾主觀想法去控制自己。

[quote]
dad999 寫道:
無錯, 你係唔會係理度

G-Ma

SandyKL,

點解你咁鍾意將老師校長同d藝人比較?

曾生呼籲既係"smart casual", 無叫人著拖鞋返工.

我覺得老師只要穿著整齊已經夠.  正所謂"腹有詩書氣自華", 如果連校長都唔認同呢個道理, 點樣教好學生呢, 我們既下一代係咪只會著重外表不理內函?

SandyKL

G-Ma,

我唔係鍾意，只係

BKU

SandyKL 寫道:
BKU,

「校長形像比你破壞哂啦！」---太睇得起我勒。   

真係會架！
今次事件，再加上你對她的描述，令人看見一個思慮不夠慎密，價值觀念有問題同埋自把自為不聽人意見的校長。

你一再提起協恩，更令人看到協恩成功未必完全靠佢，可能因為女校，可能因為地區，可能學校其他職工，加加埋埋先有咁的成績。講到底，如果一間學校淨係靠個校長，係好危險的事。

其實只要講一句”我鍾意額！”無人可以話得你，有咁的校長，竟然又有咁支持的家長，真係最佳組合，無人能及。問題係舉哂佐證數據比喻想叫人信服呢樣係好野，就真係貽笑大方啦。

心汶媽媽

我理解係著重內涵既同時都需要著重外表，雖然真係唔好，先見蘿衣後敬人，係冇包裝之下，幾多有料之人遭埋沒，但香港社會就係咁現實


***又唔一定既，商業社會包裝係需要，但洗唔洗連小學老師都要包裝成咁，重要強調呢樣強調果樣呢，有料既話洗咩驚

BKU

bk2005 寫道:
老師要著靚ｄ就大壓力?

如果果個人唔擅長呢方面就真係有壓力架。唔係點解忙碌的ＩＴ人個個都咁casual。

我有小朋友過左小學階段，據觀察所得，著到成身名牌Ｄ阿太好巴之閉，著到行政lookＤ後生女好cool，著到好樸素果Ｄ真係會出心對細路多Ｄ。

一個人邊有咁多心思先得架，老師已經夠多野搞，唔好再加啦，整齊咪得囉，如果佢鍾意著得靚Ｄ佢的事，唔駛鼓吹啦。

BKU

SandyKL 寫道:
有人批評香港既教育死板，但唔死板又真係好易撞板架喎，有冇同感?

無見過好的創意會撞板喎，執得得好唔好係一回事，個idea唔會比人抦。

每年都看到果Ｄ得獎教師用好多創意方法教學，大家都好讚賞架。

mothershares

SandyKL,

我完全明白你的論點,本人試用另一角度去解釋,大家討論一下，唔好勞氣．

詹生的表演只要在某一場合，喜歡他的人比錢入場，佢可以盡情發揮．觀眾亦拍爛手掌．但佢一定唔可以將此節目搬上電視�電台，原因不用解釋（你明啦），如果佢咁不智，將會功敗垂成．這是他選擇以舞台劇表達的智慧．

好像森美小儀事件，如果他們的言論是在一個人talk show內說出來，根本不會攪到咁大件事．

又如英華事件，校長的創舉其實是學校內政，欣賞她的家長學生會向佢致敬，不喜歡的會向佢反映，甚至投訴，但佢真不應該找來各大傳媒宣傳一番，高調出位，將事情演變成社會話題．咁就唔好怪校外人對佢指指點點．

呢件事反對聲音何其多，反映出一些什麼訉息，就由大家理性分析．而校長，佢係有智慧既人，佢自會作出反思．今後對英華來說是件好事，唔係壞事黎嫁．

SandyKL

明白既。不過林校長咁做又唔似係驚人話老師冇料喎，相反，我覺得佢似乎係想話俾同學及家長知--包裝唔重要，任何老師都可以包裝到好似出面私人補習社既老師一樣，所以洗嘜係出面另外俾錢補習

SandyKL

有咩創意教學方法係得獎架?好少留意理一方面。

BKU 寫道:
[quote]
SandyKL 寫道:
有人批評香港既教育死板，但唔死板又真係好易撞板架喎，有冇同感?

無見過好的創意會撞板喎，執得得好唔好係一回事，個idea唔會比人

SandyKL

mothershares,

到理刻為止，我一d勞氣既感覺都冇，不斷袋緊錢。   

我成日聽人講話「男人之虎」好好睇，但就完全唔知去到咁盡。如果佢冇出光碟(不肯定)，我相信係其中一個原因。奇怪既係演出咁多場，竟然冇人去投訴，睇黎詹瑞文及佢幕後班底識得摸香港人既口味及底線，不過，我真係好驚奇，觀眾竟然可以咁受落。你咁解釋我都明明地。

林校長被講成明星校長，如果佢唔出位，就冇理個名銜，世事往往就係咁。不過，我硬係覺得以佢為人，唔會覺得自己有不對。

cptkt

SandyKL

唔好理佢地啦! 思想各有不同, 有理都說不清.  我們英華家長清楚咪得囉, 況且校長在暑假時的家長會都很清楚講明用意. 錢, 政府都是每年一筆過津貼, 學校自負盈虧, 虧損都是英華(包括家長)的事, 政府又唔係包x, 何況某報已出了更正啟事.  外人,懶理他們. 最緊要的是仔仔喜愛學校, 喜歡上學. 而學校又能盡力教導.

另外, 我覺得同一教學理念的團隊(包括老師和家長等)精神是很重要, 如果唔係, 點解天主教和聖公會要就校本條例同政府打官司. 所以, 在選校的時候(老師或家長), 最好找間相同教學理念的學校, 否則只會誤人子弟(老師), 禍及子女(家長).  而現時若已入職或子女已入讀,快些離開, 大家開心.

SandyKL : 我個仔同你個仔在二年級可能是同一班(class teacher 是 Mr. Chan. 另外, 宜家好少見你在上ying wa 個邊.

hohoho2003

各位家長：早在9月5日明報教得樂版早巳報導，林校長早巳指出海報用意，名師並不一定在補習社，學校一樣有教得好的名師，當然學校論點值得支特！校長的手法也有創意，並不是個社會教師尊嚴問題，更非所有人提出的世風日下！當然有人提出有理、中肯的問題。當應接受改進，但如有不知名人等(未來可能李兆強家長)，不斷提出交代本校財政支出，如恥遠房街坊，奇奇怪怪！以反對為反對！何人何事當以講事實、擺道理為先！

SandyKL

BKU,

如果掌舵人唔重要，咁董生唔洗俾人怨到落台。

你思維比較狹窄及主觀，不過難以怪你，你又唔認識我。我份人比較隨心，亦喜歡多角度思考，遇到咁

SandyKL

cptkt,

我份人長氣，又喜歡吹水，唔怕人反對，最怕人唔明我講咩，所以咪傾落去囉。

係呀!揀選一所一條龍學校，但本身又唔認同學校教學理念及施政方針，我覺得心中會充滿矛盾，家長、小朋友及學校三方面都辛苦。

佢兩個應該係同學。 唔見左個題目，唔知去左邊，又搵唔番，初時以為俾人移除左，好耐之後發覺唔係，但見好多新人，所以唔入去傾囉，我鍾意理度傾下，果度又睇下，都冇咩所謂既，隨緣啦!

琴晚開會唔知講咩呢?有機會要捉番其他人問下先。  
  

clwt

Prada ， 據 說 是 名 牌 中 的 名 牌 ， 只 要 穿 上 一 身 名 牌 ， 任 何 人 也 可 以 搖 身 一 變 ， 成 為 上 等 人 ， 聲 價 十 倍 。 書 老 師 ， 又 稱 「 人 之 患 」 ， 是 春 風 化 雨 的 傳 統 職 業 ， 但 在 現 實 的 香 港 ， 他 們 卻 是 活 在 育 牢 籠 內 的 學 技 工 ， 地 位 更 在 近 年 急 速 下 滑 ， 難 怪 需 要 名 牌 的 包 裝 ， 才 能 站 穩 陣 腳 。

自 從 出 現 了 「 補 習 天 王 」 和 「 補 習 天 后 」 ， 師 行 業 驟 然 熱 鬧 起 來 。 形 象 包 裝 ， 市 場 推 廣 ， 頓 然 亦 成 為 了 其 中 一 種 作 育 英 才 的 手 法 。 今 天 的 老 師 ， 不 再 單 純 傳 授 學 問 ， 還 要 賣 弄 色 相 ， 討 好 受 眾 ， 吸 引 顧 客 。 枯 燥 的 知 識 學 問 ， 在 市 場 上 逐 漸 失 去 商 業 價 值 ， 不 耍 點 手 段 ， 又 如 何 在 此 花 花 世 界 佔 一 席 位 ？


以 外 形 吸 引 學 生
有 名 校 校 長 獨 具 慧 眼 ， 大 力 推 行 師 形 象 大 變 身 ， 她 對 傳 媒 表 示 ： 「 近 年 好 多 人 認 為 補 習 社 天 王 有 型 ， 賣 廣 告 就 可 以 吸 引 學 生 ， 但 我 覺 得 學 校 的 師 都 可 以 行 政 Look 、 靚 仔 靚 女 形 象 吸 引 學 生 及 家 長 ， 一 樣 可 提 升 學 生 專 注 力 及 集 中 力 ！ 」 她 這 一 番 言 論 真 叫 我 大 開 眼 界 ， 漂 亮 的 形 象 固 然 可 以 提 升 專 注 力 及 集 中 力 ， 但 這 樣 的 專 注 ， 究 竟 是 放 在 甚 麼 地 方 呢 ？ 是 服 飾 ？ 是 包 裝 ？ 是 外 形 ？ 還 是 虛 偽 ？

進 入 學 校 讀 書 ， 接 受 育 ， 除 了 學 之 外 ， 還 要 懂 得 問 。 學 而 不 思 則 罔 ， 思 而 不 學 則 怠 ， 現 代 的 孩 子 一 定 比 上 一 代 更 加 醒 目 ， 因 為 他 們 吸 收 知 識 的 途 徑 多 不 勝 數 。 學 校 不 過 是 其 中 一 個 單 調 沉 悶 的 道 場 ， 外 面 的 世 界 多 姿 多 釆 ， 漂 亮 吸 引 ， 聰 明 的 校 長 ， 以 為 套 用 色 彩 艷 麗 的 包 裝 ， 就 可 以 把 學 生 留 在 校 園 ， 「 專 注 」 地 學 習 。


虛 偽 浮 誇 的 風 氣
這 校 長 原 來 對 衣 甚 有 研 究 ， 她 不 但 要 求 師 改 善 衣 ， 還 特 別 替 全 校 老 師 拍 攝 造 型 照 ， 張 貼 於 大 堂 和 電 梯 內 供 學 生 、 家 長 觀 看 。 我 不 知 道 這 間 學 校 的 老 師 有 多 欣 賞 這 位 追 得 上 潮 流 的 校 長 ， 但 如 果 這 次 形 象 大 革 新 真 能 如 她 所 願 ， 進 一 步 吸 引 學 生 ， 究 竟 是 喜 還 是 悲 ？ 包 裝 前 和 包 裝 後 的 老 師 ， 分 別 在 哪 ？ 除 了 服 飾 ， 老 師 還 有 甚 麼 吸 引 學 生 ？ 老 師 變 戲 子 ， 究 竟 是 育 界 的 光 彩 還 是 悲 哀 ？

自 從 看 見 市 面 上 到 處 都 充 斥 巨 幅 的 補 習 天 王 玉 照 之 後 ， 我 就 為 那 些 老 實 從 事 育 工 作 的 老 師 擔 憂 不 已 。 這 虛 偽 浮 誇 的 風 氣 ， 將 會 怎 樣 衝 擊 師 這 一 個 古 老 行 業 ？ 記 得 我 中 學 時 期 的 女 師 ， 全 部 都 要 穿 上 清 一 色 的 旗 袍 制 服 ， 同 學 們 便 嘲 笑 這 是 因 為 修 女 校 長 怕 比 較 ， 才 立 此 苛 例 。 後 來 ， 我 漸 漸 明 白 ， 制 服 其 實 更 能 表 現 專 業 形 象 和 紀 律 威 儀 ， 在 去 除 外 表 的 包 裝 之 後 ， 老 師 的 真 才 實 學 ， 就 成 為 我 們 對 老 師 評 價 的 唯 一 標 準 。 到 了 今 天 ， 我 仍 然 十 分 尊 重 曾 經 導 過 我 的 老 師 ， 因 為 他 們 令 我 信 服 的 就 只 有 學 識 ， 而 非 外 相 。


不 重 內 涵 的 世 代
在 時 裝 潮 流 上 ， 我 完 全 是 一 名 門 外 漢 。 有 說 聰 明 的 人 帶 領 潮 流 ， 愚 蠢 的 人 被 潮 流 牽 走 。 然 而 ， 在 現 今 只 重 包 裝 ， 不 重 內 涵 的 世 代 ， 潮 流 已 經 不 再 是 由 人 來 操 控 ， 而 是 反 過 來 指 揮 人 的 思 想 。 一 件 新 產 品 是 否 實 用 已 屬 次 要 ， 最 重 要 的 還 是 賣 點 ， 即 是 如 何 吸 引 別 人 掏 腰 包 買 下 來 的 點 子 。

求 學 ， 求 學 ， 學 問 本 來 是 要 主 動 去 追 求 的 ， 但 如 今 卻 變 成 一 種 交 易 ， 一 件 商 品 ， 還 要 參 與 市 場 的 競 爭 。 老 師 從 前 被 稱 為 「 人 之 患 」 ， 是 因 為 他 們 的 責 任 大 ， 影 響 遠 ， 要 求 高 ， 如 今 變 身 天 王 天 后 ， 難 免 要 裝 身 一 番 ， 才 能 推 出 市 場 。 所 謂 「 人 靠 衣 裝 ， 佛 要 金 裝 」 ， 連 宗 都 穿 Prada ， 老 師 一 身 名 牌 的 日 子 ， 還 會 遠 嗎 ？

蔡 淑 梅 醫 生

蘋果日報