有無14網區的媽咪入來分享下

tunafish

大致上我都定左個次序 , 大家不防比d意見丫 ...   
甲部 : 1 ) 瑪利曼
2 ) 聖公會聖雅各小學 (遲d好似全日制)
3 ) 寶血小學
乙部 : 1 ) 香港嘉諾撒學校 (唔知係咪都會轉全日呢)
2 ) 滬江小學 (我見佢課外活動好似有管弦樂團

有專家話甲部可選跨區, 第2,3志願, 最好唔填, (因佔10%機會),除非 2,3志願係黎好鍾意, 否則會影響乙部第一志願的排序.

emiluihk

tunafish ,

      多謝你既提點,但我唔係好明 , 佢唔係抽晒甲部先抽
乙部既咩 咁10%又係咩意思呀
可唔可以再解說多一次      

                                          問題多多的emiluihk

tunafish

跨網只有10%機會, 因該區要預留90%比同區學生抽,如果你第一志願跨網抽到, 你係好lucky(我指係多人爭既小學),基本上到你二,三志願的小學,其他人已放左係第一位志願, 如果係地抽左, 你機會是很徽,(除非二,三位的小學不太受歡迎.)
不過世事無絕對,可能你係最好運果個呢!

電腦好似係先抽甲部, 如第二,三沒有填上, 就會馬上處理乙部的第一位.(當然都要看隋機號碼先後.)

emiluihk

tunafish ,

    咁嗰個隨機號碼我地知唔知架    好緊張喔

anna_gigi

甲部 : 1 ) 瑪利曼幾好,但好多人爭
2 ) 聖公會聖雅各小學 (遲d好似全日制)唔係太清楚
3 ) 寶血小學好多師姊揀呢間,應該幾好
乙部 : 1 ) 香港嘉諾撒學校 (唔知係咪都會轉全日呢)係出年轉全日,有親戚個女讀緊
2 ) 滬江小學 (我見佢課外活動好似有管弦樂團)我朋友個仔讀緊,佢個大女係處畢業,幾出名
3 ) 北角官立小學 (遲d轉埋全日制,唔知係咪多
間小學呢,又唔知而家上午校好d,定下午校
好d  ) 係今年9月轉全日制,所以你唔使揀上午校好d,定下午校

4 ) 北角衛理小學 課程開頭幾淺,屬活動左教學,有同事個仔係處讀,不過現在仍然上,下午班只得兩班
5 ) 北角循道學校呢間講左啦
6 ) 聖公會聖米迦勒小學,都幾傳統,我侄仔係處讀

*以下幾間都唔聽你地提及過,都唔知佢地乜東東*
7 ) 太古小學好多人認為呢間唔係太好,但好似現在改革緊,有好多功課同好多測試評估,好多師姐係處讀,讀到名列前茅
8 ) 建造商會學校以前話幾好,而家唔知
9 ) 佛教中華康山學校好多人以為佛教學校程度差,但其實幾好,但聲名不大,少人提起,我先生果邊侄仔侄女係處讀
10 ) 北角街坊會陳維周夫人紀念學校呢間為左吸引多d人讀,特別招攬將軍澳居民仔仔女女來讀,可知有幾好

emiluihk

anna_gigi,


       我真係好鍾意你,好鬼詳盡,不過我而家出去食飯先,等陣番嚟再傾過

anna_gigi

emiluihk
如果你想考直資首先要清楚考邊間,就要打聽幾時派申請表,到時多數要預約面試問小朋友少許問題
有d打茅招明明已被直資取錄左,但又有份參加大抽獎,比較邊間好,打定後備
東區直資小學以下呢幾間
蘇浙小學,港大同學會小學,漢華小學

ckckcktina

anna_gigi,

我同emiluihk一樣都好鬼死鍾意你架, 好詳盡啊...

emiluihk,

我o地個first都係一樣喎. tunafish好似又係一樣喎.. 咁埋機會好細...  

jj825fung

emiluihk,

我對甲部份無乜意見。乙部份有些少補充：

3 ) 北角官立小學 (遲d轉埋全日制,唔知係咪多
間小學呢,又唔知而家上午校好d,定下午校
好d ) 係今年9月轉全日制,所以你唔使揀上午校好d,定下午校正確是明年6月先可以轉全日。上午校留在原址，而下午校會搬去雲景道。
4 ) 北角衛理小學 課程開頭幾淺,屬活動左教學,有同事個仔係處讀,不過現在仍然上,下午班只得兩班由校長、老師以至校工都非常友善又有愛心，對學生非常照顧，學生讀得好開心，有朋友個仔係處讀。

*以下幾間都唔聽你地提及過,都唔知佢地乜東東*
7 ) 太古小學好多人認為呢間唔係太好,但好似現在改革緊,有好多功課同好多測試評估,好多師姐係處讀,讀到名列前茅
新校舍環境好，成績平平，但有好多課外活動而且不需收費，我朋友個女由北官轉咗去讀

ckckcktina

jj825fung,

唔係好明喎, 北官要轉全日, 點解仲要上午響原地, 下午去雲景道啊? 唔係起緊新校舍咩?  

anna_gigi

jj825fung
北官我攪錯左,應該07年9月轉曬全日制

emiluihk

唔緊要,到時可能我地既小朋友做埋同學仲好,
家長大家有溝通,對小朋友都係一件好事  
期待呢一刻來臨

P.S. >> 頭先去左TST TOYRUS開倉,好多人
               但D野同係出邊買一樣價,得一、兩樣
                略為平D,如果你地去買野,記得係出邊
               格左價先

jj825fung

ckckcktina,

而家起緊嘅係多用途活動大樓，如圖書館、舞蹈室、音樂室等等......

anna_gigi

ckckcktina
新校舍係比上午校用,上,下校學生數量轉全日制無可能一齊同時有咁多課室用同一個校舍,所以會有一方羲生,因為政府無批到地方起多間,北官下午搬到雲景道22號既係瑪利曼小學前舊址,現在Marymount Primary School 都搬返去灣仔區12網

sisima

HI, 我個女現讀北角衛理P.2. 上,下午每級各有二班,(共四班)                               
暫時都唔會轉全日, P1 會較輕鬆, 有英文拼音學,                               
但今年P.2英文書轉左用 LONGMAN EXPRESS,(較深些)                               
係唔係活動式教學? 除了坐位擺設,是分組活動式坐外,                               
我想跟別的小學差不多. 同樣要守紀律, 轉堂時不可談話,                               
有班長會'扎'名. 我女讀得開心, 功課每天約4樣,                               
星期五會多些. 因六,日是假期.                               
每星期會有 英文SELF STUDY CARD做. 要學生自己                               
做的(最好不要家長教). 主要是溫習番以前學過的英文句子.                               
每個月要做一份英文 PROJECT, 是看完英文圖書,                               
自己描述角色, 內容, 感想,設計及想像.做一份PROJECT                               
我覺得很好. 另中文科會深些. 數學就一般.                               
                               
不過P.2 上學期開始, 多左好多評估,                               
成績表主要是計中評及總評的分數.每週有一次英默和一次中默,                               
所以都幾忙, 好彩功課唔係好多, 否則就無時間溫習.                               
                               
校長,老師和校工, 都好好. 校舍就細D, 不過有                               
圖書館可借書,OK啦!                                

ckckcktina

jj825fung, anna_gigi,

oh. i c i c, 唔該晒... thank you!!   

emiluihk

好厲害呀, anna_gigi,

       其實你係咪敎統局做架 咁清楚既。
不過講番先,咁佢搬左去雲景道仲係唔係14網呀
如果係又邊間好d呢? 北官丫定雲景道嗰間好d呢     

emiluihk

啊我又唔記得講番添
聖公會聖雅各小學係12net都幾出名喎
我睇番之前討論區d topic , 原來係03年敎署既
視學報告裡面點名稱讚既十幾間之一
because我個女講緊同一個機構既幼兒園,
所以聽講都唔錯,水平及派位都不遜於軒官

twinstar

Hi anna gigi

請問北角衛理小學如果課程淺, 怎銜接中學 ? 派位如何 ?  
香港嘉諾撒學校好不好 ?　課程深或淺　？　是傳統嗎　？

謝謝．

Twinstar      

emiluihk

hi sisima ,

       聽落好似都幾好喎 , 咁請問d小朋友乖唔乖,
即談吐斯唔斯文   小息時會唔會玩到動手動腳
併音班係英文堂時必修定係活外活動之一  
多唔多課外活動