荃灣浸信會幼稚園家長-chat room, 入來傾傾吧.

必必

maku,

通告有講, 只要出示手冊.....

必必

今日阿仔的功課只有一個印, 之前都有三個印, 唔知係唔係油錯ball ball.

黃老師只是今年才轉做班主任, 之前一直都係教k2英文. 佢個樣係嚴些, 龍老師就好笑容.

唔知老師係唔係日日都有貼紙送俾小朋友呢? 今日問阿囝, 好辛苦佢至肯話俾我聽佢有幾多個貼紙.  

010

各位早！

必必，

其實有幾多個印印都無所謂啦，唔好太在意，唔係小朋友會有壓力嫁！
但我仔昨日做的功課”７”，真係幾肉酸   
不過算啦我只係要求佢專心做，姿勢正確便算

我都有問仔仔有幾個貼紙，佢話原本有十個，而家換左新一張花花紙所以得返一個喎！

昨晚放工收到龍老師電話，佢話同我傾下仔仔係學校生活喎！你地有無呢？

christina

010:我都不太留意佢做功課有多少個stamp, 有時有三個, 有時得1個. 我唔知佢地個定義是什麼?? 我會留意佢寫的姿勢及筆劃多d

我昨日都無收到電話, 講真, 我都想了解吓女女在學校的情況, 但我又唔想打電話問(無乜野好問), 我想如果佢有野找我的話, 必會找我, 可能親子旅行有時間的話, 我會問問她.(把握時機).

yanyanmama

Christina, 010 & 必必: 我地都係2-3個印, 我都問佢有幾多貼紙, 一時話七張, 一時話十張, 都唔知邊句先係, 又見佢張貼紙係名牌到, 真攪笑, 我都無收過龍老師電話, 010, 有麥內容?

Christina: 尋日好笑, 囡囡無la la 同我講龍老師讚lai 朗峰, 佢好勇敢, 抽血都無哭

各位: 茶聚距離現在重有一段時間, 大家留意下再傾

christina

必必:今天興趣class, 是否不用帶任何野.

010

christina
嘻嘻，我都估到係我先收到龍老師個電話嫁啦，雖然當時佢話係會同每個家長都傾下計

主要係因為Wed個日茶點食提子包，咁我知仔仔唔中意食，咪提下佢，佢知到便話想自己帶餅餅，（因以前佢K1都係咁）所以我咪比佢帶，咁便收到龍老師個電話

呢次都係我唔好 ，我咪話知錯 以後唔會law！嘻嘻

你地個個”行為良好”所以咪無收電話law

必必

christina,

英文班唔駛帶野.

各位:

做功課有幾多個印印對小朋友來說是一個獎勵, 要寫得好才有3個印印. 所以每次當我見到阿囝的字寫得太肉酸, 要佢寫過, 而佢好唔願意, 我就同佢講, 寫得肉酸就無3個印印, 阿囝就會好樂意改過.

必必

010,

我收龍老師電話早過你, 你都係因為囝囝擇飲摘食, 我係因為阿仔發脾氣..... 唔通真係囝難教些...

必必

jacjacchow,

首任校長移民加拿大, 次任校長在任一年, 跟住去了升學, 分校校長兼任正校校長一年, 現任校長剛到任.

christina

010/必必/yanyanmama:我女在茶點方面, 都有d唔like d野食:例如"揶子味食物", "士多啤梨蛋糕"等, 所以我成日問佢點解唔嘗試食, 佢話我知好難食, 但我就無比食物給她, 因為我告訴她唔食會肚餓, 要回家婆婆先可以比野佢食.

今日個唔知學校會否攪"萬聖節"主題呢, 新校長會否攪攪新意思???

yanyanmama

茶點我無所謂, 亦即學校所講多嘗試, 因為我囡囡唔鍾意食燒賣, 但係學校見到小朋友食, 佢都會食, 我個人認為唔保護得咁多,最緊要清潔， 因為小學時, 唔同唔食飯盒? 亦唔多想太偏食！

010

必必
其實我明白你都係話想佢地做好ｄ．
係咪仔真係難教ｄ？我仔其實做功課應都算ｏｋ快，但真係唔係好正經．每次寫字時都係成日要我提－隻手要放好係枱，條腰要直，唔好寫寫下做另一樣野．但有時又ｏｋ．
我要返工，每晚一放工未食飯便要先同隻仔做功課！而家還算簡單，將來唔知會點！

必必

我都好少望張餐單, 所以我都唔知阿仔食什麼, 係屋企已經樣樣都唔食, 係學校就要佢唔食就無得食, 等老師話下佢都好.

記得阿女係幼稚園時, 係屋企就唔肯食飯, 食好耐都未食完, 我投訴俾老師聽話佢唔食野. 點知老師話佢係學校食茶點食得好快, 仲要添. 可能人多爭會好味些.  

010

我仔又係食得好慢個隻，我昨日都順便問埋佢係學校點，因有時佢ｄ食物都無食晒（放返係個盒度）．問佢便答掛住傾計所以食唔晒喎！咁我問老師－佢係咪食野成日傾計，老師又話佢唔會阻止佢地因食茶點時間係輕鬆時間喎！反正唔會餓親

yanyanmama

絕對同意必必講法

提一提，　你地有冇去健康院約時間做age 四視力普查

必必

yanyanmama,

但係我記得阿仔3歲幾時去健康院做過, 跟住話唔駛再返去. 係唔係你講那些?

PUKU

大家好

唔好意思，想請問浸幼只收10個月學費，咁暑假是否放足兩個月 tks