番禺會所華仁小學

麟媽媽

標點符號好似扣2分喎....

sweetsweetmom 寫道:
both.
每個錯字扣5分, 標點符號扣1分。

easiness

sweetsweetmom,

咁你個仔都已經好好啦! 我驚阿仔都唔知有無90分呀! 教佢串字, 呢頭講完O個頭唔記得! 但是又唔可以成日話佢, 我驚話到佢失晒魂呀!


麟媽媽,

有無聽過校際音樂節, 唔知學校有無攪, 聽講好似十月中截止!

wlk168win

睇完你地話咩扣幾多分咩又扣幾多分...我個仔可能...都唔知得番幾多分啦.

ms99

麟媽媽：

徵文比賽主題為「我敬愛的老師」；我哋啲小一生邊識咁多字，我記得星期一交咗張填色咭，主題都係敬師日，我見其中有一個獎係學生參與最多的學校獎，華仁得4班，同其他8班比都唔夠flight，祗在參與吧。

我個仔淨係識話體育老師好攪笑，好鍾意上佢堂。尋日老師病假都不知幾擔心。原來亞仔似我細個寧願係體育堂跑到周身汗，都唔鐘意坐定定上堂喎。

你哋啲仔仔多唔多講學校嘢呢?  有趣事分享嗎? 大家開心

ms99

sweetsweetmom：

唔駛緊張嘞! 亞仔星期二第一次默英文，星期二返學前仲係得9成，我都無期望了，我擔心佢唔識聽老師讀字嗻,咁點識串都無用啦。 好彩! 咁都過骨。 老師會係黑板寫標點符號架，唔怕寫錯。
亞仔聽日默中文，我未同佢溫過，因為佢話識，我都信佢架。因為佢啲中文我會放心啲，今晚先同佢默吓啦。

ms99

好正呀! 原來真係嘜都寫手冊架，幾斯文喎! 好過其他學校啲老師規定要打電話比家長(幾乎每日一電)，太直接嘞! 你知有時聽電話周圍環境影響，未必即刻有良好反應，有啲嘢出咗口收唔番嘛。但寫手冊就仲可以有時間了解事情同作出合理回應，唔重要事，都係間接啲好。  愚見一側，唔駛認真。

ms99

easiness ：

有次上網見到啲家長推介一本英文字典，叫做"小魔捧彩色英漢字典" (類似啦)，本字典特色係每字都有彩色圖畫作註解，真係好似睇梗漫畫咁得意。我買咗後，亞仔都有睇過吓，當然無日日睇啦。但裡面不是太多生字 (相比正式厚字典來說)，但啟發小朋友自己查字典就好好嘞! 因為佢哋一定睇得明。 坊間書店賣 $48 (公價)，但教協賣 $36，都值得試吓的。 其實我自己都鍾意睇，實在好cute!

不過要用真正字典，又要啱小學生的，我去問吓人先，有料再匯報。

睡公主

噚晚差點俾個仔激死，我一直都訓練緊佢自己做番自己啲嘢，平時又唔見佢做到咁足，噚晚咪有份通告講去旅行既，佢居然自己搞點，當然係亂咁嚟，佢居然响一個裝銀仔個盒裏面取15元（呢啲銀仔平時係用教佢計錢），可能佢唔知啲信封放喺邊，所以就自製，佢將一張A4紙對摺包住啲錢同通告，然後用膠紙封口，重放埋落功課袋，等我檢查時才發覺有好奇怪的紙張呢？打開一睇，即刻激到彈起，嗰張通告我仲未簽名架，跟住咪要我執手尾。  

sweetsweetmom

其實我不知道學校的計分制度, 我只係用我自己的標準而已。

麟媽媽

我都未教亞仔查字典bor...
只因查左佢都未必識個中文解釋，哈哈！
我屋企得本厚””dup dup”既Oxford英漢字典，
有無D係比小學生用既呢？

麟媽媽

講起旅行，亞仔都不知幾咁多意見！
又話唔想係上面個公園，
又話下面個好玩D，又有小食亭。
我叫佢拎埋個足球去玩，
佢又話嗰度無龍門！
真係把鬼火！咁我叫佢唔好去喇！
佢話唔好，話︰「足球就足球喇！」
你話而家D細路攪咩咁多要求？！

睡公主

麟媽媽：

如果我冇記錯，喺今年張書單好似三年級要買字典，你或者可以買番嗰本，咁到時唔駛買過。

easiness

各位我剛才係其他topic見到有BK媽咪推介呢本字典, 佢話好適合初初學查字典既小朋友用!

Longman New Junior English-Chinese Dictionary
朗文初階英漢雙解辭典

係三聯/中華書局有85折 HK$96.00

睡公主

點解呢間學校咁得意？去旅行好似去參觀咁，去完旅行返嚟仲邊有心機上堂，真奇怪！

請問麟媽媽去旅行嗰日仲有乜嘢要留意？駛唔駛俾定啲錢或八逹通佢？乜可以帶其他嘢去玩？有冇低線架？我驚佢會喺學校都攞出嚟玩。

麟媽媽

你地一年班記緊，佢地係唔可以帶錢或八達通的。
舊年有個同學仔帶左八達通，
跟住不停”dud”汽水比人，
“dud”到無晒錢，家長回校投訴！
最終知道結局嗎？
是帶左八達通的同學仔被罰留堂，
只因係唔可以帶，佢自己已犯規在先！

講開旅行，我唔肯定可唔可以拎野去玩tim...
舊年我有上去睇佢，見到有人玩波，
但好似是家長帶上去的。
嗰D膠飛機仔同降落傘就一定得，
波都係問吓先….

happy5

大家好!

好高興見到華仁家長討論區

   特別多謝麟媽媽的資料提供,很有用
我仔仔今年讀者1B1.有否同班同學家長?

我多數星期六會接仔仔放學,但就碰不到同班家長啦,真有點失望,希望在此碰到啦!!

麟媽媽

happy5,

Welcome Welcome!
你仔仔咪同亞「睡公子」一班囉！

睡公主

happy 5：

你好，好歡迎你加入呢個大家庭，我就係你所揾的1B1家長？（其實我都揾緊），我估我個仔已識得你個仔因為大少話佢巳經記得晒全班同學啲名同號數。

我個仔係搭校車架，所以我冇上過學校接佢。

ms99

睡公主：

我好鍾意你個仔呀! 佢咁有創意，又想自己做，咪笑佢兩句就算啦。 相信佢好期望去旅行喎。

我個仔都好鍾意收埋啲垃圾自己玩，佢好細個已經鍾意用鉸剪同膠紙自創玩具玩 ，因為佢間幼稚園成日教小朋友癈物利用的。

你哋會唔會效法麟媽媽去旅行地點"裝"亞仔呀?
我都覺得幾有趣，但要遮遮掩掩先至得，我驚亞仔比其他小朋友笑，老師又唔知鍾唔鍾意?? 學校旅行請唔請家長義工架，我想名正言順去玩喎。  

ms99

歡迎! 歡迎!   

happy 5：你要多多出手支持吓嘞!

睡公主：恭喜你配對成功了。大家分享時更有共鳴呢。