點解呢個世界上可以有咁無品既小朋友

Yanamami

little_yolky 發表於 17-7-3 09:45
真係的........要喝住佢叫佢瞓覺唔好再做練習的...................

佢咁勤力都係咁既水平, 所以, C6話就 ...

唔知你記唔記得我講过細女考呈二前後有段日子病，唔係普通感冒，去见医生都四次，未確疹係乜前惊到鼻哥窿無肉……心入边講，考边间都唔重要，俾番健康我个女就夠｡
有d野真係失去先知重要｡你女肯自动自觉勤勤力力又乖，其餘既就上天自有安排，个心focus係佢禁乖禁生性上，要做既只係全力以赴，無怨無悔就夠｡

shadeslayer

IloveJJ 發表於 17-7-3 10:50
我係想話你聽，津校多功課係有其需要，當然多亦有一定程度，不應影響正常需要啦！你唔發覺好多話少功課既 ...

你形容的是現狀。 我咪就覺得現狀唔好囉。

Yanamami

little_yolky 發表於 17-7-3 09:55
雖然小朋友有良好學習態度同自發性, 點解越臨近呈分, 我好似個心越忐忑不安咁既? 完全無好爽un un腳既感覺, ...

想好爽地un un腳有何难？家長要調節自己心态啊~我女升中入大塘，我無暑假就俾去補定英数、無预习中－課本……話晒小学都头幾名，入到大塘自然無哂影｡呢个时间大人細路若內心唔夠强壯就会癫~不过我地好爽un un腳，因為我地set reasonable target, 中一唔理乜分乜排名，只求適應新环境、新社交圈、新学习模式……佢自己慢慢摸……只因数係特別特别差，我唔想佢堆積上去一路差先开始人生第－次補习~一年下來我喜见佢末期試比中期試有大進步，我知我地上岸了，佢应該已摸到路点温习同答卷了~所以想un un腳唔难，如果阿女有自發性同良好学习态度，只要你俾时间佢就自然ok. 如果我仲留恋佢小学往績，成曰focus係分数同排名，我諗我会曰曰發惡夢~

Jane1983

同意樓上講，如果有親戚咁老土，竟然當住你女面話佢的學校唔好，你唔好忍住唔出聲。有d人就係唔使比面的。

你揀得一間唔近兼要交學費的學校比兩個寶貝，一定係有經過深思熟慮，咁你可以簡單講吓，塞住人地把嘴。

October.

judy 發表於 17-7-3 10:56
阿仔本英文書係用來擺嘅，最多係默書嗰陣會讀一讀。

數學削減咗啲課程，一定淺咗。

中文就真係又長又悶。

你仔係私／直資強校嘅嘛，可以將英文書當擺設，其它占大多數嘅官津校唔可以咁做。

是的，小學數程度唔算深，以我仔無特別數感、普通人一個來講，佢都話小學數未試過唔識，高小測考都係錯小小唔小心。

小學中文，我不嬲覺得都幾不合時宜，尤其考試模式、題型。

little_yolky

Yanamami 發表於 17-7-3 11:35
想好爽地un un腳有何难？家長要調節自己心态啊~我女升中入大塘，我無暑假就俾去補定英数、無预习中－課本… ...

剛剛一分鐘佢派咗成績表了, 咪話佢今次中文聆聽唔合格, 俾我省到立立靚。我同C6仲諗住佢點樣突破就低...........點知, 世事如棋, 今次居然級14, 有史以嚟最好排名, 終於可以入到學校升中派位安全線了...........最神奇係..............體育居然90分...............見佢之前係咁响屋企練前滾翻同後滾翻。

佢真係史上最強。

Jane1983

回覆 little_yolky 的帖子

天道酬勤，呢樣我最信。

little_yolky

Jane1983 發表於 17-7-3 11:58
回覆 little_yolky 的帖子

天道酬勤，呢樣我最信。

我成世人都未試過體育攞A。

little_yolky

October. 發表於 17-7-3 11:45
你仔係私／直資強校嘅嘛，可以將英文書當擺設，其它占大多數嘅官津校唔可以咁做。

是的，小學數程度唔算深 ...

重組句子最氣頂, 有時真係有兩個答案都可以, 但就只有一個model answer。

MrBeast

IloveJJ 發表於 17-7-3 11:14
你點跳船?去讀國際學校嗎？

之前由happy kg 跳去傳統小學，間kg也是間十分好的kg，但attention 總是在sc n kv

little_yolky

IloveJJ 發表於 17-7-3 11:17
親戚飯局，唔駛咁謙，咪直接講你覺得佢哋間學校有咩好?讀佢哋話嗰啲名校有咩唔好囉！小朋友咁大個，佢都要 ...

我同C6不嬲都好低調既。不過, 個親戚都抵死, 現眼報。咪上次話阿女攞咗傑出學生奬, 俾佢係咁揶揄。今年, 到佢個女攞到XX區傑出學生優異奬, 咁都其實好叻女了。佢即刻同62吹, 點知62話：咁又點呀。佢激到死死下, 同99講話62好鬼無禮貌。62一句神回完勝, 真係心都涼埋。我同99笑到卡卡聲。

bobbob

little_yolky 發表於 17-7-3 09:35
家長如果唔追名氣, 就會俾人話無前途, 壓力都唔細架。其實唔只之前講既細路, 我親戚飯局都聽唔少, 不過未至 ...

你女嗰間都叫有人識呀，我講咗啲親戚都唔識，所以之後有人問起都話響邊區返學就算

MrBeast

Jane1983 發表於 17-7-3 11:40
同意樓上講，如果有親戚咁老土，竟然當住你女面話佢的學校唔好，你唔好忍住唔出聲。有d人就係唔使比面的。
...

要spin 個得體又唔比人覺得sour grape 的聲，實在唔易，若長輩偏心踏多兩腳，更難 ，唯有keep ur head down ，得閒睇下勵志劇勉勵下

little_yolky

bobbob 發表於 17-7-3 12:10
你女嗰間都叫有人識呀，我講咗啲親戚都唔識，所以之後有人問起都話響邊區返學就算
...

........都唔係既.........10次總有4次坐的士只講校名, 的士司機會車咗去培正既...............

October.

little_yolky 發表於 17-7-3 11:45
剛剛一分鐘佢派咗成績表了, 咪話佢今次中文聆聽唔合格, 俾我省到立立靚。我同C6仲諗住佢點樣突破就低...... ...

強校級14＋校外奬，成績表好靚

中文聆聽唔合格, 可能唔少人唔合格，唔影嚮排名，多數係學校出題問題。