子女的期望 vs 父母的期望

little_yolky

wan_sosin 發表於 17-3-23 10:51
剛剛先留意到你講check功課，幫唔幫小朋友check功課，有時要睇埋小朋友性格來決定，功課責任當然一定是小 ...

呢樣嘢又正正發生响我兩個身上, 雖然具體情況有D唔同。
阿大呢, 因為可能係細B既關係, 佢幼稚園時, 數口一向唔掂。小一小二同一個老師, 佢真係每況愈下, 次次得7X分, 教極都唔明, 我真係十分氣結, 以為佢係咁, 無得救(因為的而且確有D人數學真係差D)。點知小三換咗個科主任教數, 第一次測驗已經由7X一躍升到9X, 我真係眼都突埋。後來, 佢先話科主任教得好明好清楚, 之前小一二個老師, 講佢唔明就索性俾個答案佢。



到阿妹呢, 佢性格大家都知啦, 但我都唔會日日check佢功課, 只會間中心情好抽查一下。佢會俾我發現為求快手做完, 會亂做一通。俾我加密巡查之後, 情況好咗好多了。至於阿妹D老師就好D, 無咁求其, 佢又醒D, 所以情況仍可接受, 係佢懶D啫。但情況都慢慢改善中。

little_yolky

IloveJJ 發表於 17-3-23 11:26
本帖最後由 IloveJJ 於 17-3-23 11:26 編輯

我諗如果我仔讀你女間學校，我同佢都會死咗响度。乜都要計 ...

都唔係既, 乜嘢都係習慣就得, 安慰下自己, 衰咗一次都仲有下次補救囉。

前兩日又抄penmanship, 10隻生字每隻抄4次, 爸爸話佢起字頭都起咗一萬年。我返到去, set部手機timer, 20分鐘, 佢拿拿臨係咁寫, 我一邊警告佢唔好寫到鬼畫符, 要計書法分。最後佢寫完仲未响鐘, check下仲有1分42秒剩, 佢好proud好開心, 笑到卡卡聲。呢隻嘢真係, 乜都要玩, 就係唔可以老老實實做功課。

wan_sosin

IloveJJ 發表於 17-3-23 11:23
對呀！尤其是那些大意和求其既細路，我大仔就常常係咁。所以，佢做功課，我可以唔對，但佢派返嚟既功課， ...

我同你方法大致相同。我同仔解釋，平時功課唔細心做，好難去到考試突然識細心，慢慢一次做啱佢，比求其做完，要改完又改的效率更高。但現在佢還未做到，又要花好些時間去令佢認真去做。
希望最遲小四會有進步

wan_sosin

little_yolky 發表於 17-3-23 11:56
都唔係既, 乜嘢都係習慣就得, 安慰下自己, 衰咗一次都仲有下次補救囉。

前兩日又抄penmanship, 10隻生字每 ...

細妹完全做得到，唔好比佢再洒你同爸爸！
精到成精嘅小朋友。

shadeslayer

IloveJJ 發表於 17-3-23 11:26
本帖最後由 IloveJJ 於 17-3-23 11:26 編輯

我諗如果我仔讀你女間學校，我同佢都會死咗响度。乜都要計 ...

小學唔係己經轉左ABCD同不排名好耐咩?

呀女好多年前小學睇住佢由分數轉ABCD, 同不排名。

little_yolky

shadeslayer 發表於 17-3-23 13:12
小學唔係己經轉左ABCD同不排名好耐咩?

呀女好多年前小學睇住佢由分數轉ABCD, 同不排名。

我寧願佢清清楚楚講幾多分, 最好每科有埋排名, 不過我哋無咋, 自己清楚個數據, 好過俾學校耍你。不過, 五年級開始都係ABC了。

wan_sosin

shadeslayer 發表於 17-3-23 13:12
小學唔係己經轉左ABCD同不排名好耐咩?

呀女好多年前小學睇住佢由分數轉ABCD, 同不排名。

不是的，我仔學校都係科科排名，全級就70名以上有名次

wan_sosin

IloveJJ 發表於 17-3-23 12:56
哎呀，你講既對白，直頭同我一模一樣呀！
不過個衰仔，响屋企要俾我睇就寫好好，測驗又繼續亂嚟，結果又係 ...

你仔還好，我嗰個都未太認真做功課，到考試更唔洗講，照抄都抄錯嗰種

wan_sosin

IloveJJ 發表於 17-3-23 13:57
哈哈哈！估唔到我仔咁都算「還好」!真係唔好俾佢知。啲仔真係激死人!

一山還有一出矮，我仔睇題目，睇前唔睇後，加當減，乘當除，每次測考温習，花唔少時間是逐種題目去提佢小心注意的地方，如何劃記號幫自己睇清楚等等的技考

wan_sosin

wan_sosin 發表於 17-3-23 14:05
一山還有一出矮，我仔睇題目，睇前唔睇後，加當減，乘當除，每次測考温習，花唔少時間是逐種題目去提佢小 ...

greentea000
加時都無用，我仔心急，好多時做卷佢有時間剩，我反而要提佢做慢些少，唔好急，對佢嚟講，實夠時間，有次個監考呀sir發夢，比少成10分鐘時間，佢都剛好做得完份卷。佢唔識慢嘅人，而家出街，話我行得慢，我話係你太快，佢堅持話佢已經用最慢速度，我仔惟一慢嘅事情係食野，我話，如果你個口似你對腳咁快就好了。

shadeslayer

IloveJJ 發表於 17-3-23 13:16
梗係唔係啦！一間間啫，王家爸爸個仔嗰間，每科有排名架!
不過，我鐘意有排名既，如果唔係好難知自己個分 ...

差半分排名可能差好遠。係退步, 定夜訓左D, 定緊張在, 定支筆寫得唔順呢?

呢D壓力好無謂。

shadeslayer

little_yolky 發表於 17-3-23 13:37
我寧願佢清清楚楚講幾多分, 最好每科有埋排名, 不過我哋無咋, 自己清楚個數據, 好過俾學校耍你。不過, 五年 ...

轉ABcD, 不排名, 就係怕有些家長作無謂比較, 或者反應過敏。

wan_sosin

shadeslayer 發表於 17-3-23 14:25
轉ABcD, 不排名, 就係怕有些家長作無謂比較, 或者反應過敏。

不排名壓力細D,但到升中就難肯定banding. 家長會想選擇打有把握嘅仗，知道形勢