自己算是中產, 都送小朋友去讀學卷幼稚園, 因為:

Vanadium

回覆 Monstereasy 的帖子

據我所知，大部份私小42人一班，師生比例極高，單向填鴨式教育反而仲主導，相比現時津小大都20多人一班，私小活動教學空間更細。

當然有私校都做到小班活動教學，但學費就要比42人大班既貴一大截，講到底無任何政府資助，羊毛出自羊身上。

其實全世界大部份發達地方，有創意及科技工業、帶領世界既，全部都由小到大母語教學。香港人崇尚英語，我都係香港人當然明白，但自小就要用英語學習，學習上由腦部思維發展變成主要去理解多種語言，因多層語言障礙令純對事物之貫通明白難左唔少。

呢個討論有人話6歲前學語言係重要時刻，但會唔會同樣6歲前係思維啟發、腦筋轉動既重要時刻呢?

我感覺一個年青人個腦唔識轉彎，要令佢識轉彎係相當困難，難到佢一世可能個腦都好似實左咁。但一個年青人唔識英文，又的的確確去外國幾年，可以英文好流利。究竟小朋友咩訓練先最重要，我又覺得值得再思，至少香港人講藝術講創作講科技，落後過唔少母語教學國家。

都係果句: 有得必有失。用外語用普通話學習，會識多少少語言，但學習過程中失去左D咩呢? 應該值得諗諗。

popcorncat

Vanadium 發表於 16-12-13 20:32
有人談論過，香港學生讀書，由幼稚園開始谷，不斷谷到小學中學，結果比你谷到佢入大學，係大學就反過黎完全 ...

香港人就係咁現實, 或者好聽啲講, 好務實, 入大學, 最好讀專科做專業人士, 攞個牌出去搵真銀, 邊有興趣同你讀 postgraduate, 唔洗結婚買樓生仔?

老實講, 而家香港地想生活得好, 最正路就係入大學讀專科, 做專業人士*加*搵埋做專業人士的另一半

專業人士X2, 恭喜! 可以做中產了!

popcorncat

U1pea 發表於 16-12-13 20:35
樓主你係咪住Kennedy town? 咁離地既？
聽你所講要住得起8，900呎樓，又真係要千幾萬。之但係按而家樓市政 ...

想提出幾點

如果已婚有小朋友, 月入十二萬一般唔洗交廿萬稅
買樓無話一買就買千幾萬, 通常買細再換大, 樓價升亦可以對沖到一部分, 呢幾年細價樓仲跑贏大市
高薪厚職亦要審慎理財在可能買樓

Monstereasy

原帖由 Vanadium 於 16-12-13 發表
本帖最後由 Vanadium 於 16-12-13 23:17 編輯

回覆 Monstereasy 的帖子

其實好多直私做到2x人小班教學，甚至小班加雙班主任，少功課多重思考，如真道，陳守仁，福小，港同，王錦輝，LMC, CKY, 啟思，啟基……等未能盡錄(請參考小一入學資料)，做到活動教學，重思考少抄寫，學生壓力少享受學習。但呢類學校要通過面試先能有機會入讀，同時要負出學費。
其實好茅盾，想升小壓力少，有選擇權。先在幼稚園時期有相當水平。但現實如此，亦非短期可解決既問題。
雙語學習並非香港獨有，當然以母語教學有其好處，但政府推行多年只見學生成績中英都退步，更甚者英文水平不達標去外國升讀亦有困難，令對英中更加渴求而催谷得更瘋狂。當然亦有水平高既中中，但確實不多，而且大學亦為英語教學，英文地位在香港確實重要。
始終香港係一個國際城市，英文差難發展，中文程度亦難追上國内水平。要為小朋友將來選擇合適教育模式不容易。

私幼有其存在價值，既使學費高家長亦願意負出並非出於虛榮而係可以提供合適該家庭學習模式。有部份私幼提供雙班主任，一中一英，主題學習，學校資源多教學時教具亦多，做到遊戲學習，好活動亦好有趣，中文英文同步發展，同時學校為家長預備有教育意義玩具。對雙職家長好有幫助。

Monstereasy

原帖由 Vanadium 於 16-12-13 發表
本帖最後由 Vanadium 於 16-12-13 23:17 編輯

回覆 Monstereasy 的帖子

而且令人腦不懂轉彎並不是來自語言學習，反而來自學習模式。語境充足浸淫式學習外語比起硬記容易，正正就是你所形容在外國生活幾年學得流利英語道理一樣。
反而欠缺語境單靠死背去學習語言，形易令人失去學習動機。
雙語甚至三語教學幼稚園已非新鮮事，事實亦証明此批學生可以雙語同時平衡發展，所謂見人講人話，見鬼講鬼話。當然如果語言發展遲緩就應以母語學習，但一般小朋友能輕鬆應用。
學習critical  thinking，訓練思考多角度去學習，呢d正正係部份直私學校推行緊既學習模式。當然亦有人認為傳統單向教育成本效益較高，因為傳統可以教得快，短時間教大量知識，而活動教學一個題目，又討論又research又實驗，一定教得慢，而且當中知識有時會out of syllabus. 以考試為本就未必合適。

Chan343

Vanadium 發表於 16-12-13 23:11
回覆 Monstereasy 的帖子

據我所知，大部份私小42人一班，師生比例極高，單向填鴨式教育反而仲主導，相比 ...

Well said, we does not proud of our own language because we are so small country, not as other country who is big enough to influence other countries to speak their language

Chan343

wwchuifamily 發表於 16-12-13 16:57
其實個topic已經loop死咗.再問我哋除咗知樓主住三房一套、無樓收租之外,可能只會繼續自爆更多自己"只係"中 ...

Well said, Really feel annoying too, keep on mention 中產

wrsk12

popcorncat 發表於 16-12-13 23:36
想提出幾點

如果已婚有小朋友, 月入十二萬一般唔洗交廿萬稅

我只可以極度欣賞及超級讚揚樓主係中產、審慎理財、要交廿幾萬稅、仲要有車有工人、兼有一層千幾萬的樓！佩服得我冇話可說！

Yeahly_ly

dreamdream081 發表於 16-12-13 17:33
"與其浪費時間喺呢個post,不如去答吓其他家長關於學校嘅問題."

Agree really waste time on this post ~ 無可讀性！

Monstereasy

原帖由 Chan343 於 16-12-14 發表
Well said, we does not proud of our own language because we are so small country, not as other coun ...

我想法剛和你意見相反，一國下香港屬於中國，中國為大國，而中文國際地位亦一步步上升，當然所指中文溝通語言為普通話而非我們母語廣東話。
香港家長好多非常重視中文，但希望做到雙語甚至三語發展而非單單學習中文。

Chan343

Monstereasy 發表於 16-12-14 08:54
我想法剛和你意見相反，一國下香港屬於中國，中國為大國，而中文國際地位亦一步步上升，當然所指中文溝通語 ...

Yes China is now great enough so pth popular, but cantonese is not (our mother tongue), so our kids now push to learn pth eng but not to learn cantonese

SK921

QQfishs 發表於 16-12-9 22:50
係度吾需要禁老土講自己交幾錢稅呀馬....  我同樓主相反，我係N無人士，無車吾洗交稅無工人，但我會考最好 ...

我唔明點解要講自己交幾錢稅/住中產樓囉, 即係佢覺得依d先係重點

奇怪在, 既然覺得學術唔夠, 但自己又要求學術好, 要咁細個出去外補, 咁點解唔一開始揀一間學術好既學校, 唔知咩思維

bubuG

SK921 發表於 16-12-14 11:12
我唔明點解要講自己交幾錢稅/住中產樓囉, 即係佢覺得依d先係重點

奇怪在, 既然覺得學術唔夠, 但 ...

想攞政府福利，交咗二十幾萬稅，攞返張學卷唔好嘥。

SK921

bubuG 發表於 16-12-14 11:17
想攞政府福利，交咗二十幾萬稅，攞返張學卷唔好嘥。

為左唔蝕真係辛苦晒小朋友

kbi

popcorncat 發表於 16-12-13 23:20
香港人就係咁現實, 或者好聽啲講, 好務實, 入大學, 最好讀專科做專業人士, 攞個牌出去搵真銀, 邊有興趣同 ...

如果有得㨂，我真希望我囡大個唔係香港做專業人仕。醫生、律師、會計師係香港過既係非人生活，生命中只有工作。我自己原先都係專業人士，完全無時間陪伴女兒成長，痛定思痛，放棄了高薪厚職，做FTM。生命理應豐盛精彩。金錢買不了歡樂、買不了深厚的感情。

sauting0820

樓主咁勁都要係到講就知"有錢冇朋友"係點解LA, 如果係自己圈子吃得開我搵返自己LEVEL圈子既人請教LA~, 反駁佢既人就真係幫佢免費做RESEARCH LA~, 讓這沉底吧~

wellmax

原帖由 sauting0820 於 16-12-14 發表
樓主咁勁都要係到講就知"有錢冇朋友"係點解LA, 如果係自己圈子吃得開我搵返自己LEVEL圈子既人請教LA~, 反駁 ...

其實都啱！有時一個人點選擇，住咩樓，俾小朋友讀咩學校，揸咩車，會同你既朋輩相約！
樓主一開波，就覺得呢度好多無錢既人去硬要讀私幼，認為呢度的人階層唔及佢。咁如果係咁，何必唔同自己朋友分享，係要話呢度的窮jm 呢？
其實咁亦反映樓主冇相約既朋友同一理念，有錢都走去讀學卷，而要喺度講咁多。

popcorncat

kbi 發表於 16-12-14 11:35
如果有得㨂，我真希望我囡大個唔係香港做專業人仕。醫生、律師、會計師係香港過既係非人生活，生命中只有 ...

我又唔同意香港做專業人士就係過非人生活，後生事業初期(二十幾三十頭)可能會辛苦些，但 no pain, no gain，世上冇免費午餐，但當你考晒啲專業試，有返些經驗，你絕對有選擇，可以揀返較"hea"的工，收入亦唔太差，當然亦有人會選擇繼續搏殺搵大錢

當然，親子時間好難用錢來衡量，你選擇做 FTM 亦不是錯，但亦要記住，小朋友在較有錢的家庭成長，條路更易行(又會比人話我下下講錢，哈)

wellmax

係no pain , no gain 呀！
Hea 工就唔再係「專業」title ... 放棄了做head of Asia pacific , 去做個manager 仔，已downgrade 左好多。
的確，要保持「專業」title , 辛苦係必須的，無得hea... 身邊有醫生，I bank 朋友，無乜邊個可以Hea , 不過佢地係男人，當然要努力揾錢，老婆們都是ftm , 太太係ftm , 亦唔會令個家庭選擇少左，一樣兩個工人。所以，晤好輕易睇少人。