小六呈分試分享區

洋蔥頭媽咪

原帖由 alhy.love 於 15-11-11 發表
你個仔起碼識諗吖，我個仔仲未知驚

的確要讚下我仔，由小三起自我放手以來，佢成績一年比一年進步，佢嘅努力亦有回報，呈一考得好好，中/英/數/常 全 A，響媽媽我嘅心目中已經好感恩，但仔仔就覺得自己好一般，可能佢身邊的確有唔少同學品學兼優，所以佢評自己一個字... (差 ) ....唉…
我其實都沒留意仔仔原來好大壓力，佢明顯自信心不太足夠，已經開解佢唔駛太擔心，捱過呈二機乎大局已定，應該會好好多。

brother4

朋友金句:盡人事，聽天命

alhy.love

今日仔考完中文，話好深，心情跌落谷底

brother4

中文真是好深,朋友(成人)試做TSA中文都有錯,可想現中文考試不容易

洋蔥頭媽咪

原帖由 IloveJJ 於 15-11-12 發表
嘩，你仔好叻，小三可以放手。你放手既意思係功課、默書、測驗、考試，全部佢自己做?自己溫?如佢做錯呢？你 ...

因為我要返工，功課Kg已經自己做，小二起半放手，默書佢自己溫，自己抄生字，我抽默，考試就影定啲ws佢自己做，train 下佢，小三起全放，測考都自己攪，唔識先問，但有專科補習。比啲信心小朋友，其實○K啦，通常小三左右放最好，衰左仲有得追，不過家長都要背後幫佢，鼓勵多啲，初頭都要訓練下EQ，家長要沈得住氣先得 。

aeiou_drm

洋蔥頭媽咪 發表於 15-11-12 09:36
的確要讚下我仔，由小三起自我放手以來，佢成績一年比一年進步，佢嘅努力亦有回報，呈一考得好好，中/英/數 ...

成績好好啊！  可能你仔仔 humble。
如果2次呈分計埋 keep 到 band 1 成績， 就真是大局已定， 之後幾個月可以過得輕鬆D。  

aeiou_drm

alhy.love 發表於 15-11-12 12:07
今日仔考完中文，話好深，心情跌落谷底

都考完呢科， 不要擔心太多， 可能其它同學也覺得深， 出來的成績大家都差不多。  我反而覺得出得淺才不好， 因爲男仔多數做卷不小心，careless mistakes 扣分仲慘！
加油， 還有幾科努力！

metrochung

原帖由 洋蔥頭媽咪 於 15-11-12 發表
因為我要返工，功課Kg已經自己做，小二起半放手，默書佢自己溫，自己抄生字，我抽默，考試就影定啲ws佢自己 ...

你同仔仔都咁叻，4A已經好難，你仲要係放手，勁啊

洋蔥頭媽咪

原帖由 aeiou_drm 於 15-11-12 發表
成績好好啊！  可能你仔仔 humble。
如果2次呈分計埋 keep 到 band 1 成績， 就真是大局已定， 之後幾個月 ...

係，我昨日都有同佢分析，呈一考得好，呈二失少少手應該都跌唔出B1掛，除非佢科科都唔合格啦，攪到佢仲笑添
因為學校都有講呈分一定會有一次出深卷，用黎分同學間實力，我仔有時又比較粗心，所以佢都好擔心，同學仔競爭又大，佢怕自己一失手派唔倒好學校，對一個11歲小朋友黎講其實都幾大壓力。

洋蔥頭媽咪

原帖由 metrochung 於 15-11-12 發表
你同仔仔都咁叻，4A已經好難，你仲要係放手，勁啊

呢兩年已經放手，不過小五呈一我都有幫佢手溫，始終升中呈分緊要啲。
我覺得讀書係要靠自己，家長亦要適量放手，越早培養好態度，對孩子越有利，因升上中學後家長想跟都未必跟得到，如不及早養成自學習慣，升中後一但家長跟唔倒就會失控。

洋蔥頭媽咪

原帖由 alhy.love 於 15-11-12 發表
今日仔考完中文，話好深，心情跌落谷底

卷深要睇大圍考成點，一齊跌都冇咁驚

kittylam

原帖由 洋蔥頭媽咪 於 15-11-12 發表
呢兩年已經放手，不過小五呈一我都有幫佢手溫，始終升中呈分緊要啲。
我覺得讀書係要靠自己，家長亦要適量 ...

我因為學歷低，被逼一早放手，我兩個仔功課唔識我同佢一齊上網查答案，讚成及早放手對小朋友好。今次係好重要既呈分試，我好想幫下手，但無能為力只可以祈禱。羨慕你仔既懂事，懂事先會有壓力，壓力未必係壞事，可以係動力。

洋蔥頭媽咪

原帖由 kittylam 於 15-11-12 發表
我因為學歷低，被逼一早放手，我兩個仔功課唔識我同佢一齊上網查答案，讚成及早放手對小朋友好。今次係好重 ...

妳仔仔都叻，大仔又響最top中學，妳都唔駛太擔心啦。我仔考試有啲我都幫唔倒佢，好似佢啲科學我都唔多掂，佢都要靠自己。

做父母嘅養兒一百歲，長憂九十九，最緊要佢地生生性性，健健康康，唔好學壞，已經好感恩。
大家一齊加油

kittylam

原帖由 洋蔥頭媽咪 於 15-11-12 發表
妳仔仔都叻，大仔又響最top中學，妳都唔駛太擔心啦。我仔考試有啲我都幫唔倒佢，好似佢啲科學我都唔多掂， ...

我都要讚下大仔，上中學後適應得好好，考了第一次試，全級10名內，完全靠自己，我安樂晒！我呢區最衰係band1
位嚴重不足，競爭好大，我真係好擔心好擔心個細仔，要等考完派咗成績先會放心。

Charlotte_mom

原帖由 alhy.love 於 15-11-12 發表
今日仔考完中文，話好深，心情跌落谷底

其實唔關事，爭排名都無同自己學校爭啫，出得深人人都覺得難呀

Charlotte_mom

我仔都係今日考中文，中作係佢死穴。今日考完鬆左一口氣（暫時），聽日英作

kittylam

原帖由 Charlotte_mom 於 15-11-12 發表
我仔都係今日考中文，中作係佢死穴。今日考完鬆左一口氣（暫時），聽日英作



  ...

明天會更好…

aeiou_drm

原帖由 Charlotte_mom 於 15-11-12 發表
我仔都係今日考中文，中作係佢死穴。今日考完鬆左一口氣（暫時），聽日英作



  ...

加油!

esmehouse

中文只會越來越深，冇計鬼叫 DSE 中文試差，攪到間間小學越教越深，我小朋友嘅中文已經比前兩年又教深左。