時光倒流回到初小時

上等人

原帖由 DD仔 於 12-03-02 發表
沉迷 - 我相信是指爱看书，但忽略了学业的要求。虽然看书可以帮助阅读理解和写作，但要在学业上进步，还是 ...

正是我要面對的問題! 小孩正如你所說的情況一樣。請教有什麼邊法改善態度, 唔小心, 唔認真等問題!

DD仔

回覆 上等人 的帖子

最有效的方法，是投入时间，伴在他旁，细心指点；可以尝试大家一起比赛做同一份练习（你可让他多些时间），比较赛果，讨论得失，研究改善之处。

上等人

嘗試一起做閱讀理解, 明白多了! 但依賴亦多了， 遲下再算! 希望對他的不小心有幫助, 但態度問題仍有待改善! 謝謝!

小時了了

阿女依家小六，仲有大約3個幾月就完成小學階段。

如果回到從前初小時，我最近會係度諗我係阿女小學階段只著重學術，我卻無好好教阿女煮野食及做家務，而做家務呢一項技能（責任）我無好好要求阿女，依家阿女大喇，依家我才責罵又或者睇唔順眼阿女只識坐係度指使他人去幫佢做野，真係好後悔阿女仲細時無教好佢，依家先至教有傷和氣，事倍功半！

如果回到初小時，我希望我能堅持多一點，堅持阿女繼續學畫畫（阿女由幼稚園至小三學畫畫，小四開始自己看重學術野而放棄阿女學畫畫）希望阿女可以以畫畫成為佢興趣及減壓方法，又可以用畫畫來訓練她多點耐性。

retriever

Rainy 發表於 12-2-21 13:01
若果可以時光倒流, 回到初小時, 你們會為你的小朋友如何鋪排?

回到初小，會唔會一開始唔舖排仲好？

happynewyear16

hp001 發表於 16-7-1 17:32
同意! 有d龍校, 學習氣氛好差, 連家長都係, 成日請假去旅行, hea到好似有d唔尊重學校嘅學習咁。 12年後點考 ...

例如邊間呀？

1998Ruby1998

回覆 happynewyear16 的帖子

我知道我小學係咁。
因為 7 年前開始一條龍，所以 d 人都鬆懈左好多。我同師妹補習英文，佢畀份成績表我，又畀考試卷我睇，程度相似。佢考全級頭 5，班第一名，總分 90 分。以前五年班呢個分數，大概排全級 10-20，唔會入到 10 名內，我 84分就已經 60-80 名，畀班主任投訴成績唔好。佢讀菁英班，而我係菁英班白老鼠實驗果屆。佢話畀我聽，有好多同學成日請假去旅行，因為就算六年班留班，下一年一定要畀你升原校。另一個小朋友讀二年班普通話班，總分 85 分，但係排全班 15 名，以前 90 分排全班 20 名。

不過出現左一個情況，中學好容易讀唔上。中學課程唔會降低程度，但係如果你小學 hea 讀，除非你突然開竅，否則中學真係會好難捱。我其中一個老師話一條龍之後，整體成績差左少少。

haihaimom

Rainy 發表於 12-2-21 13:01
若果可以時光倒流, 回到初小時, 你們會為你的小朋友如何鋪排?

依然會㨂讀緊既龍校，亦興幸自己選擇正確。學習其實不單是一個分數，過程非常重要，學校能夠給予空間讓學生慢慢進步，學會學習，這點是我最欣賞的。

bobbob

1998Ruby1998 發表於 17-4-18 09:34
回覆 happynewyear16 的帖子

我知道我小學係咁。

呢個係我對龍校猶疑嘅原因，除非提早出國留學，否則響香港讀大學始終要考公開試同其他人爭，不過我識好多阿媽仍然對龍校一條心，覺得起碼上中學唔使同人爭，但無諗過hea慣咗好難返轉頭。

asweetmom

retriever 發表於 17-4-17 21:00
回到初小，會唔會一開始唔舖排仲好？

呢個可能性極低，稍微有責任感父母都會有計劃。

hkpapa852

retriever 發表於 17-4-17 21:00
回到初小，會唔會一開始唔舖排仲好？

其實, 不如回到從前, 唔好生.... 或者一早移民離開

asweetmom

hkpapa852 發表於 17-4-18 17:09
其實, 不如回到從前, 唔好生.... 或者一早移民離開

有呢個智慧的不會上來討論

retriever

asweetmom 發表於 17-4-18 16:40
呢個可能性極低，稍微有責任感父母都會有計劃。

可能唔點舖排先係有責任表現。

asweetmom

retriever 發表於 17-4-18 18:17
可能唔點舖排先係有責任表現。

咁我認同自生自滅係最天然教育方式

retriever

asweetmom 發表於 17-4-18 18:38
咁我認同自生自滅係最天然教育方式

道家叫呢D 做 “無為而治”， 呵呵

retriever

hkpapa852 發表於 17-4-18 17:09
其實, 不如回到從前, 唔好生.... 或者一早移民離開

你意思係唔舖排等於對子女不負責任嗎？

asweetmom

retriever 發表於 17-4-18 19:44
道家叫呢D 做 “無為而治”， 呵呵

叫甚麼，或者如何做，都無所謂。後果自負就是了。

3hearts

hkpapa852 發表於 17-4-18 17:09
其實, 不如回到從前, 唔好生.... 或者一早移民離開

都係㗎！只好寄望後者。因前者已成事實

noel2010

以前會差小小分數或比賽輸了，很著緊及不甘心。原來這些回憶及實物一點不實在。

不過體會只要出自名校，冇人理考第一或考第尾，外人一樣看得起。

回想起來，父母子女有個健康快樂童年還重要。

tracy1972

我有三兒子分別是11,8,3,如回到初小,我想我會
1,多運動,大兒子不愛運動,老二老三愛,因我多隌他們運動,當時老大我要WORK没時間,之後轉FTM
2,做家事---有工人但要他們會自己做家事
3,多寫文章.
4,表達能力
覺得做得好的
1,閱讀習慣
2,友愛兄弟
3,參加朗誦,學習上台機會