請問有冇N1D1(PM)同學仔

媽珠

Hi! loloyen,

呢幾日周圍去, 都冇咩時間響屋企. 不過阿女啲功課做淨新年嗰本. 如果佢坐定定. 半個鐘實做完. 返而佢而家晚晚返屋企時都要問我明天去邊 . 要我諗定第二日嘅節目.....

祝你們一家人恭喜發財, 開開心心, 身體健康  ( Miss Lam 教嘅) 心想事成, 萬事如意!

原帖由 loloyen 於 11-1-30 00:11 發表
hi!媽珠
我阿仔個兔仔錢箱係藍色,阿仔都有叫我比$佢入,不過我諗住遲啲新年個啲利是當佢面幫佢拆再教佢入,等佢知道要用自己既利是錢學習儲錢,阿仔係學校都係買番自己棵花,見佢用剩$3,個張$3比佢入咗兔仔,當係錢先:hap ...

loloyen

HI!媽珠
阿仔都已經做晒啲功課啦!現在每日都要練琴同學睇譜,佢都幾辛苦,我都要一齊學埋,玩下手我都可以去考琴試,下星期一就要返學啦,天氣又冇啦啦變涷,早又唔涷,返學先嚟涷 ,激死!希望涷埋今次唔好再涷啦!
MISS LAM教阿仔講係(恭喜發財!身體健康!)冇咗開開心心既? 年三十我同阿仔去咗行花市,佢就開心,又買波波又買吹氣玩具,我同C6就輪流做苦力 ,太多人一定要抱住佢大少爺,唔係實唔見咗佢 !

媽珠

Hi! loloyen,

而家做人阿媽真唔易. 仲要做埋書童......
我唔係好怕凍, 反而我怕轉天氣個段時間, 因為阿女會響呢段時間好易病 .....
尋日 Miss Lam 病咗冇返, 希望佢快啲好返啦!!
放假放得太耐, 呢幾日有小小扭計 唔肯返學

原帖由 loloyen 於 11-2-10 00:01 發表
HI!媽珠
阿仔都已經做晒啲功課啦!現在每日都要練琴同學睇譜,佢都幾辛苦,我都要一齊學埋,玩下手我都可以去考琴試,下星期一就要返學啦,天氣又冇啦啦變涷,早又唔涷,返學先嚟涷 ,激死!希望涷埋今次唔好再涷 ...

loloyen

HI!媽珠
今日阿仔有小小咳同鼻水,我冇比佢返學,唔想令佢更嚴重星期五返唔到生日會,明天應該可以,今日MISS LAM打嚟,我先知MISS LAM昨天冇返學,佢話有啲暈同頭痛,今日冇事有返啦 !不過到阿仔  ,我都暈,你女女應該冇病,如果有事今日都出事,希望天氣唔好再涷,昨日放學阿仔返到屋企我都知出事,因為佢不停打噴嚏,OH!!唔好再病啦!你女女過多1日就好LIKE返學架啦,因為星期五生日會有佢份,希望你女女玩得開心!又大一歲,祝曦彤身體健康,學業進步,乖乖地!

媽珠

Hi! loloyen,

阿女呢幾日起身都有幾聲咳, 我同佢預備咗口罩響書包, 叫佢如果返學咳就要即刻帶口罩. 因為佢有時咳會唔記得用手遮住個口.
阿女返學時啲情緒真係唔係好穩定, 好似尋晚食完飯, 佢同我講話想喊 , 我比佢 , 跟住再問佢為咩? 佢話今日要做 drawing, 怕唔識做 所以好驚. 我 估應該係有兩次(以我所知) 佢上drawing 堂掛住望人冇聽Miss Lam 指示所以做錯小小step 既關係..... 希望今日返學唔好喊啦!
明天要同Miss Lam 傾下, 阿女返學好似好多固慮. 我知佢哋實有辦法嘅.

原帖由 loloyen 於 11-2-17 00:03 發表
HI!媽珠
今日阿仔有小小咳同鼻水,我冇比佢返學,唔想令佢更嚴重星期五返唔到生日會,明天應該可以,今日MISS LAM打嚟,我先知MISS LAM昨天冇返學,佢話有啲暈同頭痛,今日冇事有返啦 !不過到阿仔  ,我都暈 ...

loloyen

HI!媽珠
今日阿仔返咗學啦,冇乜咳同鼻水,明天佢會好開心 !
你之前都有講過你女女情緒唔多穩定,你有冇問過女女點解,係未女女自己太介意自己做錯事,你有冇笑住同佢解釋件事,我諗你都有做,可能都要比心機去攪好你女女既心理問題先,唔好咁唔開心,都係個句慢慢嚟!阿仔之前成日被MISS LAM話食茶點唔乖,現在已經好好,MISS LAM冇投訴 ,一來我有成日同佢講乜都要食,如果唔係唔會高,唔高就去唔到冒險樂園坐彈彈車,不停灌輸, ,我知道MISS LAM都有係學校同佢講要食嘢,其實家校合作,小朋友好快可以改善!大家要努力!

媽珠

Hi! loloyen,

你仔仔冇事就好啦! 你就唔駛噉辛苦啦!
阿女今日心情勁靚, 自己動手食lunch. 今早一起身仲同我講掛住 Miss Lam (但兩日前又話怕  Miss Lam 打小朋友--我相信佢 發夢見到). 希望佢日日都掛學校就好啦!
頭先做速遞員送蛋糕去學校, 因為屋企附近啲麵包店嘅蛋糕好娘, 所以我去咗花墟訂立體蛋糕. 去到學校學校播放緊好輕快嘅 birthday song. 連我聽到都好開心

原帖由 loloyen 於 11-2-18 00:08 發表
HI!媽珠
今日阿仔返咗學啦,冇乜咳同鼻水,明天佢會好開心 !
你之前都有講過你女女情緒唔多穩定,你有冇問過女女點解,係未女女自己太介意自己做錯事,你有冇笑住同佢解釋件事,我諗你都有做,可能都要比心機去攪好 ...

loloyen

hi!媽珠
我都話你女女今日會開心架啦 !因為今日有份生日,今日我冇去接阿仔放學,你有冇去?你有冇同miss lam傾下,希望可以快啲改善下情緒問題! 阿仔今日放學返嚟都係咁唱happy birthday to my dear friends,應該今日大家都玩得好開心 !阿仔話你女女個蛋糕有花花,請問係唔係,都唔知佢有冇亂講!thx!

媽珠

Hi! loloyen,

星期日阿女都有小小扭計話星期一唔返學, 我好直接同佢話唔返學就weekend 媽媽唔同你去街玩. 之後佢就成日問我幾時唔駛返約克英文幼稚園, 我答佢讀完 N1, L2, U3 之後就要讀小學. 佢竟然唔要讀L2. 要升U3 . 因為佢 L2 冇 friend U3 先有車友, 所以響佢 concept 入面冇 L2 呢樣嘢!  又話U3一家要讀U3XX 班, Miss xx 嗰班, 我只好慢慢解釋比佢知, 要讀完L2先讀U3, 升邊班由學校安排. 唔係自己簡. 尋晚又問小一點解唔讀約克 讀要去第二度讀?? ???? 讀完小學又點?? 媽媽而家有冇返學??

我而家終於知道有人話小朋友大啲就要買套"十萬個為什麼" 等佢哋自己睇嘅原因. 不過阿女問我噉多嘢都好過佢扭計對住我 .

我上星期有同 Miss Lam 講過阿女嘅問題. 我相信阿女而家回復正常, 無曬"放假後群症" 啦!! 今朝阿女問我知唔知佢仲驚唔驚 Miss Lam, 我實答唔驚啦!! 佢好開心噉話我答中, 但佢怕 Miss Lam 今日會病咗 返唔到. 因為尋日佢哋成班一齊大叫令到 Miss Lam 頭暈暈
阿女個蛋糕係一個立體 4 字, 上面有好多立體"粉紅+ 紫色" 玫瑰, 你仔仔都有留意到呀! 不過阿女嗰日太開心啦! 問佢咩都唔知, 淨係知自己食返自己個黑森林蛋糕, 個蛋糕好好味, 入面又有啲好好味嘅啫喱. 個蛋糕牌Miss Lam 話只可以睇唔可以食. 但你仔仔記得唱歌 to my dear friends, 佢又 咗啦!


quote]原帖由 loloyen 於 11-2-18 23:52 發表
hi!媽珠
我都話你女女今日會開心架啦 !因為今日有份生日,今日我冇去接阿仔放學,你有冇去?你有冇同miss lam傾下,希望可以快啲改善下情緒問題! 阿仔今日放學返嚟都係咁唱happy birthday to my dear fri ... [/quote]

loloyen

HI!媽珠
你女女冇晒啲"放假後群症"你就放心啦!希望大家一齊努力 ,今日阿仔話係學校乖,MISS LAM比OREO佢食,都唔知真定假 ,不過我知佢食茶點係乖咗好多,現在阿仔回來都要求食下飽飽,蛋糕咁,可能係學校食過覺得好食,唔使只係食餅乾咁齋 !昨日下午3點幾學校打嚟,心諗唔係阿仔出事嗎?校務處個姐姐同我講,阿仔剛係出面玩既時候跌咗落地,佢冇喊,我問有冇流血,佢哋話冇,只有膝頭位小小紅,我問佢阿仔行唔行到,佢哋話行到,老師已經幫阿仔擦消毒藥膏,好彩唔係咁傷,我幾驚大件事,因為學校打嚟所以以為好大件事通知我,赫得我,放學接阿仔時見到褲膝頭位就污穢小小,不過皮膚都冇見紅,問佢又話冇痛,一場虛驚 !可能學校打比我通知阿仔有咁既事發生,怕如果冇通知我,而我放學又見到阿仔又紅咗受傷,我會打番學校煩,都好既,學校算有交帶,好似話星期五派成績表,唔知阿仔考成點呢?好鬼期待,因為呢次係阿仔人生第一個考試,你係未咁諗呀?THX!

媽珠

Hi! loloyen,

你仔仔肯食多元化嘅嘢就好啦 ! 可以吸收多元化嘅維他命.

你仔仔跌親但冇事就好啦! 我最怕小朋友跌親, 由其事夏天, 因為膝頭實跌損流血, 眼見真係仲痛過自己跌到.

阿女講咗兩日話明天Miss Lam 會教佢哋種花, 佢不知幾  , 佢話 Miss Lam 同Mr. Win 分別都講過點種花.

星期五有成績表. 我都好緊張呀!!
頭先阿女放學唔肯上校車, 學校有打比我, 但我聽唔到. 今日我早咗一個站接阿女, 見到佢個怕醜仔同學佢竟然主動話我知. 原來阿女想我接佢放學然後帶佢去 Element 玩. 真係比佢

loloyen

hi!媽珠
你女女係未學完溜冰啦,你唔幫佢繼續學,見佢今日星期三都記得等你,佢應該想去,係嗎? !我之前都聽過阿仔話種花,不過今日佢冇同我講,好彩有你女女通知我,等我知道多啲學校既事,thx!"十萬個為什麼"我都會考慮買,等阿仔好似你女女咁變咗錄音機先,我等緊 !星期五你去唔去接放學呀?我未知道(考慮中) ,你女女有冇講"班長"會係邊個當選,我阿仔一定冇份,佢都未攪掂自己又點去幫人 !

媽珠

Hi! loloyen,

過年前完咗個course, 冇再同佢續啦! 因為佢有幾堂都 , 仲要 足大半堂, 好 . 其實佢唔係特別好想去溜冰, 佢只係想我同佢出街玩. 有幾次我比兩個choice 佢, 佢都冇簡溜冰. 有時同佢去溜冰, 佢聊唔到人同佢玩佢就冇心機玩半個鐘就走, 平時有人同佢玩佢個幾鐘都唔肯走. 不過我同佢講得好清楚, weekend 先去街玩.

星期五我都會去接佢, 等阿女開心下. 又可以同Miss Lam 傾下. 不過而家放學唔比響playground 玩, 全部要即刻走. 我上星期遲到5分鐘, 阿女同啲未走嘅小朋友出曬課室外面等家長, 因姐姐要清潔. 噉都好, 學校注意衛生, 係好事 .

班長由 Minnie 同馬x恩(上次birthday party 要同阿女一齊吹 candle 嗰個女仔)做, 其實阿女好想做, 之前有叫佢自己同Miss Lam 自薦, 佢又唔怕醜, 而家我只有安慰佢話佢喊得太多, 所以做唔到住, 因班長要幫老師手做嘢. 唔喊同好乖先會可以做. 你仔仔唔一定做唔到班長, 好似以前讀書噉有啲老師會啲乖嘅做, 有啲要無記性嘅做, 有啲要跳皮嘅做, 最緊要睇下選班長係咩 purpose.

阿女話而家上 Mr. Win 堂要去red door 房, 入面有鼓.....

上星期同Miss Lam傾完，　阿女呢個星期都好開心 . 今朝仲有個秘密同我講, 佢話 Miss Lam 話佢兩個係好朋友, 但唔可以 比其他小朋友知, 如果唔係其他小朋友會唔開心. 只可以講比爸爸媽媽知. 阿女話Miss Lam 係佢好朋友所以佢好開心.

loloyen

hi!媽珠
你女女心情好番晒就 ,我諗miss lam會唔會同每個同學仔都係咁有"秘密"呢 ,今日我問阿仔係學校學乜,佢話種花,問佢種乜花又唔知,問佢種花有乜,佢只係講水同泥土 ,班長我都有問過佢係邊個,阿仔答我係林x恩,可能阿仔聽錯,應該係馬X恩,被佢激死,明天我好大機會去唔到接放學,因為下午可能有人嚟整廁所水製,睇環境啦!你女女都係比較鍾意有人陪,你有冇考慮生多個細妹或細佬陪下佢 !阿仔現在學琴好好,老師都讚佢快上手,下星期會調班,同之前已經學咗3個月既同學一齊上,時間重晏多小小,我唔使咁早起身 ,我睇阿仔都幾LIKE琴,因為每晚叫佢佢都會自動自覺冇玩嘢練琴,又肯學寫五線譜音符,現在可以用右手彈到"MARY HAD A LITTIE LAMB",算係咁,希望阿仔努力!你都係!好緊張明天成績表 !

loloyen

HI!媽珠
恭喜你女女考第3名,我諗你好安慰同勁 !

媽珠

Hi! loloyen,

首先要恭喜你, 我知你而家一定好開心. 我見到 memo有你仔仔個名, 我都"登" 你開心.

Miss Lam 有講過佢哋種咩花. 因為阿女有同我提過.

我以前聽過啲朋友講, 小朋友除咗響屋企練真琴, 亦都可以叫佢哋出街時一坐低(坐車/食飯) 都練下彈空氣. 噉樣都可以令手指靈活啲.

原帖由 loloyen 於 11-2-25 00:33 發表
hi!媽珠
你女女心情好番晒就 ,我諗miss lam會唔會同每個同學仔都係咁有"秘密"呢 ,今日我問阿仔係學校學乜,佢話種花,問佢種乜花又唔知,問佢種花有乜,佢只係講水同泥土 ,班長我都有問過佢係邊個, ...

媽珠

Hi! loloyen,

我都好安慰 同開心. 因為佢阿媽我都未試過考第三!!

不過我知 Miss Lam 冇同佢哋提過. 因為阿女自己都唔知.

原帖由 loloyen 於 11-2-26 01:58 發表
HI!媽珠
恭喜你女女考第3名,我諗你好安慰同勁 !

loloyen

HI!媽珠
我有小小開心到訓唔到,阿仔由一個好唔合群唔食茶點唔聽老師指令,現在可以改到攞獎,我真係好安慰!今晚MISS LAM都有打比我,原因今日阿仔係學校有些唔正常,所以打嚟問下阿仔有冇事,因為昨晚阿仔臨訓覺既時候左眼開始有小小分泌,我成晚幫佢抺,佢又唔鍾意人哋攪佢隻眼,成晚都訓唔好,下午校務處打比我,問阿仔係未唔舒服,因為老師見佢好想爬係張枱到,所以MISS LAM打比我,我都同MISS LAM解釋咗係我衰,攪到佢唔夠訓 ,MISS LAM同我講都有叫同學仔返屋企同家長講下成績表,不過我知MISS LAM應該冇同有獎個啲提過,我接到阿仔後睇完成績表都未見到獎既通告,我問阿仔你有冇獎,佢話冇,即係MISS LAM冇講過,你女女好勁,我阿仔衰中文既語言只攞B,都話阿仔成日唔知講乜,幾時先等到好似你女女錄音機咁 ,阿仔都有時好似你提議咁彈空氣,沖涼會,食飯會,臨訓係床都會彈,我諗佢真係幾喜歡彈琴 !MISS LAM講今日上音樂堂叫咗阿仔出去彈琴,因MISS LAM知道阿仔學緊琴,MISS LAM讚佢啲指法好好,問我佢係未好喜歡彈琴,我話係,希望阿仔繼續努力,成績又好彈琴都好健康都好,都要努力,你都加油!
請問你下星期五你張咭寫幾點出席?THX!
好快有觀課日,好期待!

loloyen

唔記得同你講,我之前考試應承咗阿仔,如果有獎就會獎佢去DISNEYLAND訓一晚玩兩日,今日同佢講完佢有獎,佢之後不停提去DISNEYLAND,夜晚同佢落街去百佳買嘢,佢出門口前又講DISNEYLAND,以為可以即刻去,被佢激死,現在好煩邊個星期五或六去,因為星期六佢要學琴,要學到3月26先完,但跟住個星期六學校又要去旅行,跟住C6要去上海做嘢可能要2,3個月先返香港,如果唔早啲同阿仔去咗,我怕佢以為我騙佢,重會日日不停咁提要去,唔知點做好 !

媽珠

Hi! loloyen,

其實我嗰晚都有開心到瞓唔到. 不竟見到小朋友開始成長而且有成績仲有獎攞一定更加安慰. 我知學校係唔想打擊小朋友嘅自信心所以唔同佢哋提成績, 但又想鼓勵一啲表演突出嘅小朋友所以有獎比佢哋. 以我所知名次唔係個個有.
你仔仔隻眼有無睇醫生呀! 我相信係有小小污糟嘢入眼, 滴眼葯水應該冇事.
其實我個女有時講嘢啲音都唔準, 我會教佢講正音. 之前有同佢讀唐詩, 等佢正音同學背書.
你仔仔開始有自己嘅興趣 都好啦 !

我張 invitation  card 係 11:15 到, 11:30 開始. 我估可能全部N1 一齊攪. 唔知多唔多人去 ? 公公, 婆婆同麻麻都想去睇下.

3月25日係教師發展日(friday) , 你睇下你哋有冇時間去 Disneyland. 你同你仔仔講 disneyland 要book 先可以去住o架! 因為好多乖嘅小朋友要想去同 MICKEY 玩.

原帖由 loloyen 於 11-2-26 03:01 發表
HI!媽珠
我有小小開心到訓唔到,阿仔由一個好唔合群唔食茶點唔聽老師指令,現在可以改到攞獎,我真係好安慰!今晚MISS LAM都有打比我,原因今日阿仔係學校有些唔正常,所以打嚟問下阿仔有冇事,因為昨晚阿仔臨訓覺既時候左 ...